Канча жолу сахнадан кетем деп аракет кылганы менен, күйөрмандары кетирбей, кайра-кайра концерт берген Бек Борбиев учурда жаңы тасмага продюсерлик кылууда. “Мен сүйгөн карагаттан” соң токтоп калбай, “Периштелер ыйлабайт” аттуу тасманы тартуулайт экен. “Азырынча көп нерсеси белгисиз, кайсы актёрлор ойнойт, бул жагын караштырып жатабыз. Жакында фильмди тартып баштайбыз. Кино негизинен студенттердин турмушун таасын чагылдырат”,- дейт Берадор мырза.