Мына ушундай ураан менен жөө жүрүш акциясы өттү. Ал "Кыргызстан патриоттор уюму" коомдук бирикмеси, Жаштар иштери, эмгек жана жумуш менен камсыз кылуу министрлигинин колдоосу менен 2012-жылдын 25-февралында уюштурулду. Акцияга белгилүү саясатчылар, коомдук-маданий ишмерлер, эстрада ырчылары, ММК өкүлдөрү жана жаштар катышты.
Массалык чуркоо ордо калаанын Түштүк магистралында Манас көчөсүнүн кесилишинен баштап Абдрахманов көчөсүнө чейин созулуп, көңүлдүү өттү. Бул иш-чаранын негизги максаты – жаштарды чылым чегүүдөн, ичкилик ичүүдөн арылтуу, аларды дени сак жашоого чакыруу. Ден соолукка пайдалуу чуркоо белгилүү ырчылардын катышуусу жана концерттик программа менен аяктады.