БИР БҮРКҮМ КАБАРЛАР

1 МИЛЛИОН 368 БЮДЖЕТ КЫЗМАТКЕРИ БАР...

Учурда Кыргызстанда 21 мектептин директорлору жана мугалимдерине карата мыйзамсыз түрдө акча алуу боюнча кылмыш иши козголгондугу тууралуу башкы прокурордун биринчи орун басары Нурланбек Жээналиев билдирди.
3 жылдын аралыгында сатуудан алынуучу салыктын жоюлушу мүмкүн экенин Экономика жана монополияга каршы саясат министри Темир Сариев маалымдады.
“Түндүк электр” ААКсынын жогорку кызматты ээлеген кызматкери козголгон кылмыш иши боюнча иликтөөлөрдү токтотуу үчүн милиция кызматкерине 15 миң доллар пара берүү учурунда кармалды.
“Кыргызстан көп улуттуу өлкө болгондуктан, башка улуттун өкүлдөрүнүн кыргыз тилин үйрөнүшүнө мамлекеттен тышкары эл аралык уюмдар да колдоо көрсөтөт”,- дейт депутат Роза Акназарова.
Жогорку Кеңеш 2012-жылга карата бюджет долбоорун биринчи окууда кабыл алды. Ага ылайык, быйыл бюджет кирешеси
78 миллиард 964 миллион сом болсо, чыгаша
95 миллиард 380 миллион сом чегинде белгиленген. Бюджет тартыштыгы 16 миллиард 415 миллион сомго жетет.
“Депутаттар улам колдоп жатып Кыргызстанда 12,5 миллиард сомдук курулуш башталып, көбү акырына чыкпай калган. Ошондуктан быйыл бир да жаңы мектептин курулушу каралган жок”,- дейт Каржы министри Акылбек Жапаров.
Кыргызстанда 2 миллион адам эмгекке жарамдуу деп эсептелсе, анын 1 миллион 368и бюджет кызматкерлери экендигин Акылбек Жапаров билдирди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Taalaibek

2012-03-07 11:15:58

Биздин Талас облусу Бакай-Ата айылында дагы коррупция болуп жатат.Окмотто тизмеси жок "Охраник" тер элден акча алышып жатат, аны мугалимдер окуучулардан ата-эненерден ай сайын 15 сомдон алып келгиле деп айтат. Ар бир баладан 15 сомдон алышат. Ошого богот койуп берсениздер экен. Анысы аз келгенсип ремонтуна дагы 100сомдон жыл сайын алышат. Ал да аз болгонсуп ар бир майрамдарда мисалы:Алиппе майрамында, жаны жылда, мугалимдердин майрамында 8-мартта, ж/а башка майрамдарда ата-энелерден белек алышат

Комментарий калтыруу үчүн өз ысымыңыз менен кириңиз же каттоодон өтүңүз.

№ 487, 2-март - 8-март, 2012-ж.