Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БӨЛМӨ ГҮЛДӨРҮН ӨСТҮРҮҮ

№488 9-март - 15-март, 2012-ж.


Көзгө көрк, жан дүйнөгө ырахат, үй ичине таза аба тартуулап, табият менен бизди бириктирген бул – бөлмө гүлдөрү. Мына ушул бөлмө гүлдөрү тууралуу пайдалуу кеңештер...

КРАССУЛА (АКЧА ДАРАГЫ)
Мекени – Түштүк Африка, Мадагаскар. 300дөн ашуун түрү бар. Фен-шуйга ылайык, бул өсүмдүктү үйдүн түштүк-чыгышында кармоо керек. Белек кылууга болбойт дешет. Бул гүлдү сатуу жана сатып алуу жолу менен гана колдон колго өткөрүү керек. Мындай өсүмдүгү бар адам акчалуу жүрөт деген ишеним бар.
Отургузуу. Жалбырактуу бутагын сууга салып, тамыр алганча күтүү керек. Тамырлаган бутакчаны идишке (астыңкы жалбырагы топуракка тийбеши керек) отургузабыз.
Сугаруу. Кышкысын бир айда 1-2 ирет гана сугаруу жетиштүү, ал эми жайкы аптапта топурак кургап кеткенде сугарып туруу зарыл.
Эскертүү! Күндүн нуру көбүрөөк тийчү терезеге коюп багуу керек. Жайкысын балкондо багуу же терезени ачып, бөлмөнү тез-тез желдетип туруу абзел.

ЛИМОН
Мекени – Индиянын тоолуу аймактары жана Кытай. Түбөлүк жашыл дарак болуп эсептелген лимон цитрустар түркүмүнө кирет. Жакшы багылган бир чоң дарагынан 15-30 килограмм лимон алууга болот.
Отургузуу. Лимондун даяр көчөтүн сатып келип өстүрүүгө болот. Антпейм десеңиз, анда лимонду жеп бүткөн соң данегин топуракка көмүп коюңуз. Анан гүлдүн сабагы бир аз баш багары менен отургузуу зарыл. Дароо эле чоң идишке же кичирээк идишке атайын даярдалган ным топуракка салып өстүрсөңүз болот. Ал үчүн идиштин үчтөн эки бөлүгүн чым топурак, калганын кык, кесек кум жана бир аз жыгачтын күлүнүн аралашмасы менен толтуруу керек. Андан кийин үстүн клеёнка менен жаап, кээде гана суу куюп туруу керек. Өтө көп сугарып койсоңуз, чирип кетиши мүмкүн. Эки жалбырагы өсүп чыккандан кийин клеёнканы ачып, температурасы +18 +20 градустан төмөн эмес бөлмөдө багуу керек. Биринчи 2-3 айда эч кандай жер семирткичтердин кереги жок, андан кийинки убакта жумасына 1 жолу минералдык жер семирткичтерди берип турууга болот.
Сугаруу. Жумасына 1-2 жолу сууну көп куюп сугарып туруу керек. Жайкы мезгилде таза абада багуу туура.
Эскертүү! Күн нуру түз тийген жерге койбоңуз жана ордунан көп козгобоңуз.

ГИБИСКУС (КЫТАЙ РОЗАСЫ)
Мекени – Кытай, тропикалык Африка. Гүлүнүн диаметри 15 сантиметрге жетет. Бөлмөгө өзгөчө көрк жана жагымдуу маанай тартуулаганы үчүн бул гүлгө суроо-талап эң жогору.
Отургузуу. 2-3 жалбырагы бар бутагын курч бычак менен кесип, алып сууга салып тамырлатып алыңыз. Отургузулчу идиштин түбүнө ашыкча суулар кармалбай чыгып кетиши үчүн майда шагыл таштар салынат. Анын үстүнө кум, борпоң топурак менен кыктын аралашмасы салынат. Даяр болгон топуракка бутакчаны отургузуп, үстүн банка менен жаап бир же эки жума жылуу жерге кармоо керек.
Сугаруу. Жайкы жана жазгы мезгилдерде сууну көп куюп, арбыныраак сугарып туруу оң. Ал эми күз жана кыш мезгилдеринде жумасына бир ирет гана суу куюу жетиштүү. Эгер бөлмөдө температура +12 градустан төмөн болсо, сугарууну азайтуу зарыл.
Эскертүү! Жарык жана мээлүүн температурада багуу керек. Эгер күн нуру жетпеген жерде турса, гүлдөбөй коюшу толук мүмкүн.

БЕГОНИЯ
Мекени – Азиянын, Американын жана Африканын тропиктик, субтропиктик аймактары. Гаити аралынын губернатору, гүл сүйүүчү Мишель Бегондун атынан аталып калган. 1000ден ашуун түрү бар.
Отургузуу. Бегония гүлү өстүрүүдө кыйынчылыкты туудурбайт. Көчөт алыш үчүн үстүңкү жалбырагын түбүнөн кесип, дароо ным топуракка отургузуу керек. Болгону, жалбырак топуракка көмүлбөй турушу кажет.
Сугаруу. Бегония – нымдуулукту сүйгөн гүл. Бул гүл өсүп турган идиштин астына суу куюлган табакты коюу зарыл. Бирок идиштин түбү сууга тийбеши керек. Анткени бул гүл нымды абадан, анан тамыры аркылуу да алат. Мисалы, суу куюлган табакка майда таш салып, анын үстүнө гүл отургузулган идишти коюп коюңуз. Гүлгө бир айда 2-3 жолу гана суу куюу жетиштүү.
Эскертүү! Топурак нымдуу, бирок ылай болбошу керек.

ХОЙЯ (БӨЛМӨ ЛИАНАСЫ)Мекени – Полинезия, Австралиянын батыш жээктери. Бул тропикалык өсүмдүктүн илимий аталышы англиялык багбан Томас Хойдун урматына коюлган. Гүлдөө маалында айрым гүлдөрү 2-3 жумага чейин сабагында кармалат.
Отургузуу. Сабагынан кесип алып, сууга салып тамырлатып алабыз. Андан кийин кадимки топурак жана кыктын аралашмасына отургузуп, түбүнө суу куюп коюу керек.
Сугаруу. Жаз жана жай мезгилдеринде жумасына 3 жолу арбын суу менен сугаруу керектелет. Андан тышкары жалбырактарына суу сээп туруу да сунушталат. Ал эми кышкысын суу себүүнүн кереги жок жана жумасына 1 же 2 жолу гана сугаруу туура.
Эскертүү! Биринчи жылы гүл ачпайт. Эгер гүлдөө маалында ордунан козгосоңуз, гүл ачуусу токтоп калышы ыктымал.
Орхидея жана башка бөлмө гүлдөрүнө кийинки сандарыбызда кайрылабыз.

КЫЗЫКТУУ

Үйүңүздүн ичине гүл өстүрүүнүн алдында ал гүлдүн өзгөчөлүгүнө карата бөлмө тандап алганыңыз оң. Ар бир гүл өзгөчө температураны, жарыкты жана нымдуулукту талап кыларын эстен чыгарбаңыз.
Эл ичиндеги ишенимдерге таянсак, ар бир гүл өзүнчө касиетке ээ. Мисалы:
Герандын абага бөлүп чыгарган эфир майы стресске, нерв ооруларына, уйкусуздукка даба боло алат.
Крассула (акча дарагы) үйгө материалдык байлык алып келет.
Алоэ кырсыктан жана жаман көздөн сактайт.
Фикус адамдардын мамилесинде гармония жаратат. Дасторкондо береке болсун десеңиз, фикусту ашканага өстүргөнүңүз оң.
Фиалка оору-сыркоодон коргойт. Балдар бөлмөсүнө өстүрсөңүз, балаңыз тил алчаак жана токтоо болот.

ГҮЛДӨР ООРУБАШ ҮЧҮН...

  • Адаттагы биз өстүрүп келген бөлмө гүлдөрүнүн топурагына 1-2 айда бир ирет атайын минералдарды, азот жана башка жер семирткичтерди сээп туруу керек.
  • Кандайдыр бир ооруга чалдыккан гүлдүн топурагын алмаштыруу зарыл.
  • Эгер гүлдүн жалбырактарын ак же саргыч түстөгү ун сымал так басып баратса, 1 чай кашык соданы 100 миллиграмм сууга аралаштырып өсүмдүккө себүү керек. Бул процессти 10 күн кайталоо керек.
  • Өтө нымдуу жана ысык жерде өстүрбөгөнүңүз туура. Мындай учурда өсүмдүккө грибок оорусу жабышышы мүмкүн.
  • Эгер катуу жабыркаган гүл болсо жана жанындагы гүлдөргө оору жугуп жатканын байкасаңыз, ал гүлдү идиши менен ыргытып, жок кылууга туура келет.

Салтанат Мукасова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(3)
13.03.2012. 02:36 
Тайпасы:
Жаран
Комментарийлердин саны:
71
Катталган:
13-01-2011
Соӊку аракети:
03-09-2018 05:40
Жынысы:
Белгисиз
Калаасы:
Бишкек
0
Балалыгымда озумду гулдорго арнагам десем болот...Балконум толгон гул эле,38 гулум бар болчу.Гулдордун арасында жатып эс алчу элем.Бир жылы айылга 3 айга таенемдикине кетип,кайра келсем эч ким жакшы карабай гулдорум куурап калыптыр, тим эле жандандырууга болбойт эле. Баарын жулуп жерге комуп салып жаным тынган. Ошол окуядан бери эч гул остурбойм...
28.04.2012. 11:30 
Тайпасы:
Кыймылы жок
Комментарийлердин саны:
15
Катталган:
27-04-2012
Соӊку аракети:
04-10-2012 13:38
Жынысы:
Белгисиз
Калаасы:
Бишкек
0
Кенешишиздерге рахмат!!!
10.05.2015. 22:36 
Тайпасы:
Жаран
Комментарийлердин саны:
9
Катталган:
08-05-2015
Соӊку аракети:
18-07-2018 14:21
Жынысы:
Белгисиз
Калаасы:
Ош
0
Жакшы кенештер экен мен дагы гулго аябай кызыгам
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: