Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАСМИНДИН ЧЫРЫ КҮЧ АЛУУДА

№196 4-10-август, 2006-ж.


Жасминдин айтуусунда күйөө­сү аны документтерге кол кой деп башы-көзүнө ургулаган. Буга му­рун­ку жумада ОРТ каналынын көрүүчүлөрү “Доктор Курпатов” көрсөтүүсүнө Жасминдин телефон чалганын өз кулактары менен угуп күбө болушту. Анда ырчы кыз Жасмин болгон окуяны бүтүндөй башынан аяк айтып берип, доктордон психологиялык көмөк сурады.
Окуянын келип чыгуу тарыхына кайрылсак, ушул айдын башында ырчы кыз Москва шаарынын ооруканаларынын бирине катуу жаракат алып жеткирилген. Дарыгерлердин айтымында, ал баш сөөгүнөн жараат алып, мурду сынган. Андан сырткары ырчы кыз психологиялык шокко кабылган. Кийин ырчынын өз оозунан чыккан сөзүнө караганда, мындай жаракатка аны күйөөсү кабылтканы белгилүү болду.
Дарыгерлердин айтымында, азыр ырчы кыздын абалы бир топ жеңилдеп, өзүнө келип калган. Бирок, тилекке каршы, анын моралдык жактан көргөн азабы дале оор бойдон. Ошол себептенби же... айтор, ырчы кыз өлкөдөгү эң популярдуу болгон психотерапевт Андрей Курпатовго жардам сурап кайрылды. Доктор Курпатов өз ооруларын телефон аркылуу дарылабаса да, Жасмин үчүн телефон аркылуу жардам берүүгө аракеттенди.

«АБАЛЫМ БАРГАН САЙЫН НАЧАРЛАП БАРАТ...»
Жасмин.: – Мен жөн гана таарынган жокмун, бул таарыныч эмес, жок, менин аброюма катуу шек келтирилди,-дейт Жасмин. – Азыр менин өтө чоң маселелерим бар: биринчиси, келечегим кандай болот, менин күйөрмандарым, көрүүчүлөрүм эми мени кандай кабыл алат? Мен жөнүндө көргөн, уккандан кийин эми эмне деп ойлоп калышты экен, мен абдан уялып жатам... Мен эми эмне кылаарымды да билбейм.
Доктор Курпатов: – Азыр абалыңыз кандай?
Ж.: – Баары акырындап ордуна келе баштады. Ал эми ички абалымды сурасаңыз, барган сайын начарлап барат... Мен болгонун болгондой элге айтканым туурабы, туура эмес­пи, өзүм да биле бербейм. Мен эч качан өзүм жөнүндө болгон нерсени коомчулукка жарыя­лаган эмесмин.
Д.К.: – Жасмин, болору болду эми... бул факт. Азыр эң маанилүүсү – бул сиздин азыркы абалыңыз. Азыр сиз жашооңуздун башкалар ойлогондой бактылуу эмес экенин билип калышты деп бушайман болуп жатасыз.
Ж.: – Ооба, мен ар качан аны жашырууга аракеттенчү­мүн, оптимист болууга умтулчумун.

«МЕНИ АЛ КИШИ ГИПНОЗДОП АЛГАН»
Д.К.: – Баш кошууга никеңиздин туура экенине кө­зүңүз жетип бардыңыз бе­ле?
Ж.: – Мен анда өзүмдөн бир топ улуу, мага дүйнөнү белек кылууга да даяр болуп, мени сүйгөн адамдын пайда болгонун түшүндүм. Мен ошондон улам өзүмдү абдан бактылуумун деп ойлодум. Анан күйөөгө чыккан соң бир-эки жуманын ичинде мен элестеткен жомок да бүттү. Ал киши таптакыр башкача болуп өзгөрдү. Ал мен үчүн бардык нерсени өзү чече баштады. А мен болсо мага айткан нерселерди гана жасашым керек болду.
Д.К.: – Мисалы?
Ж.: – Мен ал айткан тамакты жеп, ал айткандай жатып-туруп, кийинишим керек болчу. Акыркы жылдары болсо, ал мага күнүмдүк эмне кыла тургандыгым жөнүндө план жаз деп кыйнады. Ушунчалык төмөндүккө чейин жетти. Бирок, мен бул нерсени норма катары эле эсептеп жүрдүм. Анткени, ал менден бир топ улуу, тажрыйбалуу, а мен болсо жаш, эч кандай тажрыйбам жок... Баары жакшы болот деп жүрө бердим.
Д.К.: – Ал кокусунан эле өзгөрүп кеткенде сиз коркпой коё албасаңыз керек?..
Ж.: – Мен дароо коркуп кеттим, бирок, ал туурасында ойлобогонго аракеттендим. Мен аны өзгөртөм деп ойлочумун.
Д.К.: – Сиз анын эмнесин өз­гөрт­күңүз келди?
Ж.: – Адилет болуп, өтө катуу болбоосун.
Д.К: – Кандай аракеттерди кылдыңыз?
Ж.: – Мен абдан ак көңүл, чынчыл болдум. Ал келгенде жайдары маанай менен тосуп алып, анын ишине маани берип, ишине да келип, кечки тамакка бирге барууга аракеттендим...
Д.К.: – Башкача айтканда, жакшы маанай түзгөнгө аракеттендиңиз?
Ж.: – Ооба. Бирок, ошентсе да мен ал кишиге өмүр бою гипноздолуп калгам.
Д.К.: – Мындан сиздин эки жашооңуз болгонун түшүнсө болот. Биринчиси, ага жаккандай Жасмин болуу, ошону менен бирге эле экинчи жагынан, кыйналып, азап че­гүү... Сиз үйбүлөңүздө ар качан роль ойногонго туура келдиби?
Ж.: – Ошондой..

«АГА ЖАСМИНДИН «ЖӨН ГАНА КҮЙӨӨСҮ» БОЛУУ ЖЕТИШСИЗ ЭЛЕ»
Ж.: – Ырчы болуу менин кыялым эле. Мен ар качан ырдап жүрчүмүн. Үйдөн да. Өзгөчө биздин досторубуз келгенде. Ошондо ага бирөө: “Сенин аялың таланттуу турбайбы!” деп айткан.
Д.К.: – Чынында эле сизди эмес, ушундай таланттуу аял таптың деп күйөөңүздү мактаган тура. Ошол себептен да ал дердейип калган го?
Ж.: – Ооба. Ошондон улам анын алдында максат пайда болду. Көрсө, бул киши шоу-бизнес дүйнөсүнө киргиси келип жүрүптүр. Бирок, кантип кирүү­нүн жолун таппай жүргөн экен. Ошентип, бул ишке экөөбүз тең кириштик. Ошондо мен жок дегенде бул жаатта өзүмдү эркин сезээримди түшүндүм.
Д.К.: – Мына ошондо өзүңүздү өзү­ңүз ачып, жашоонун жарык, кубанычтуу боло турган жагына үмүтүңүз пайда болгон тура?
Ж.: – Ооба.
Д.К.: – Ал үмүтүңүз эмне болду?
Ж.: – Жалган үмүт болуп чыкты. Мен аны дароо түшүндүм. Бүтпөгөн уруш-талаштар башталды. Ал мени уруп, тилдеди. Анын дайыма ар нерсеге өзүнүн ою бар болчу.
Д.К.: – Сиздин деле өзүңүздүн оюңуз болсо керек?
Ж.: – Мен унчукчу эмесмин.
Д.К.: – Сиз оюңузду айтчу эмессизби?
Ж.: – Укугум жок эле.
Д.К.: – Анткени, мунун баары эм­не менен бүтмөк...
Ж.: – Кейиштүү бүтмөк. Бир жолу мен ага муну ташта, болбосо барган сайын абдан агрессивдүү болуп баратасың дегем.
Д.К.: – Башкача айтканда, сиз ырчылыкты токтотоюн деп айттыңызбы?
Ж.: – Ооба. Мен үчүн биринчи орунда үйбүлөм, балам. Ал мага “Сен эмне, мен каражат коротуп, жасаган нерсени жаап салгың келип жатабы?” деди. Ошондо мен анын өзүн ким деп эсептеп алганын түшүндүм.
Д.К.: – Сиз анын ийгиликтеринин аспабы болгон турбайсызбы?
Ж.: – Ооба. Өзгөчө “Жасминдин күйөөсү” деген сөзгө көп терикчү.

«АЛ МАГА: «СЕН МЕНИН КУЛУМСУҢ» ДЕДИ»
Д.К.: – Ал сизди сахнада да көзөмөлдөп турчубу?:
Ж.: – Ооба, көзөмөлдөчү. Бирок, дал ошол мүнөттөрдө ал мага жакындай албасын билчү­мүн. Сахна – мен өзүм менен өзүм болчу жападан жалгыз жер болчу. Эгерде ага бирдеме жакпай калса, кесиптештеримдин алдында мени кемсинтип, урушчу. Бул эмне деген кыймыл, бутуңду туура эмес койдуң, туура эмес карап койдуң... Мен ал үчүн куурчак гана элем.
Д.К.: – Барган сайын бактылуу жашоо туурасында кыял өчүп бараттыбы?
Ж.: – Билесизби, эмне үчүн өчүп баратты? Анткени, мени менен иштеген адамдар аны менен күрөшүп отуруп чыдабагандан качып кетип жатты. Мен ошондо адамдардын да өзү­нүн пикири болоорун билдим. Демек, менин күйөөм дайым эле туура боло бербейт экен дедим.
Д.К.: – Сиз кимдир бирөө­лөр­дүн күйөөңүзгө жок деп, качып, же аны сындай аларын көрдүңүз. Баягы жашынып жүргөн Жасмин анын да өз көз карашы бар экенин, ойлогонго акылуу экенин түшүндүбү?
Ж.: – Мындай оор абалдан кантип кутуларымды билбейм.
Д.К. – Сиз бул акыркы жумада эмнелерди кылганыңызды түшү­нүшүңүз керек. Сиз бул жакка кантип келип калганыңызды айта аласызбы?
Ж.: – Анткени мен сабоого кабылдым.
Д.К.: – Эмне себептен?
Ж.: – Болгону “Мага кыйкырганыңды токтот” деген сөзүм үчүн. Ал мага: “Мен сени сатып алгам. Сен менин кулумсун. Ошондуктан, сени эмне кылсам өзүм билем” деп айтты.

«СЕМЕНДУЕВ МЕНИ БУРЧКА ТУРГУЗУП КОЙЧУ»
Ж.: – Биринчи жолу мен андан Италияда кетип калгам. Анда ал кимдир бирөөлөргө мени “тоюмда жөнөкөй эле көйнөк кийгем” деп айтыпсың деп дагы уруш чыгарып, мени бурчка тургузуп койду. Мен да коркконумдан турдум. Кыймылдагандан корктум, анткени, ал “кыймылдабай түз тур” деп буйрук берди. Мен коркуп тура бердим. Бир учурда мага “өзүң үчүн күрөш, сен күчтүү­сүң” деген ой келди. Барып, мен бурчта турбайм деп айт деп ичимден өзүмө айтып жаттым. Москвага келген соң кийимдеримди чогултуп, баламды алып агамдын үйүнө кетип калдым. Эки-үч күндөн кийин ал менден кечирим сурап, эч качан кайталанбасын айтты. Ыйлап, «мен сенсиз жашай албайм» деди... Ошондо балам: “Апа, сен атам менен жашабайсыңбы?”деп сураганына чыдабай, кайра макул болдум.
Д.К.: – Андан качан биротоло көңүлүңүз калды?
Ж.: – Мен Краснодарда концерт берип жүргөм. Ошондо ал мени абдан катуу сабап салды. Эч күнөөсүз жерден. Баарынан да коркунучтуусу, ал мени Москвадан толгон жансакчылары менен тосуп алды. Менин бардык жерим шишиген, мурдум сынган, көгала, бүт дене боюмда жарааттар. Эмне үчүн мындай тосуп алганын түшүнгөн жокмун. Бирок, ошондо бирдеме болорунан шекшидим. Жогору көтөрүлдүм. Ал мага чалып: “чай алып келейинби” деп сурады. Мен: “ооба, рахмат” дедим. Жарым сааттан кийин кирип: “Сени менен сүйлөшчү сөз бар” деди. Мен: “угуп жатам” дедим. Бир убакта чемодан-кейске окшогон чоң папканы алып келип, ичинен толтура кагаздарды алып чыгып, кол кой деди. А мен: “Бул эмне?” деп сурадым. “Ал сенин ишиң эмес, мен айтканды кыл, болбосо өкүнүп каласың.” Мен: ”Эмне үчүн мындай кылып жатасың? Мен келбедимби, мен үйдөмүн. Дагы эмне каалайсың менден?” “Жаса”. Мен: “Жок, мен жасабайм. Сен туура эмес кылып жатасың“ дедим. Ал мени желкеден кармап, отургучка отургузуп, столду жылдырып, башыма, желкеме ура баштады. Мен колум титиреп атып, көзүмдү жумган боюнча кол койдум. Анткени, мен анын айтканындай кылбасам, мени жок кыларын түшүндүм.
Бардык телефондорду чогултуп алып:”Сен эч нерсеге кол койбойм дебедиң беле? Мына, койбодуңбу?” деп шылдыңдап, жасаган ишине маашырланып чыгып кетти.
Бирок, ал менин сумкамда дагы бир телефон бар экенин көрбөй калыптыр. Мен таежеме мени дароо алып кеткиле деп sms кабар жөнөттүм. Агам милицияга тилкат жазып, келип мени алып кетишти. Ошентип, мен ушул жерге келип калдым.

«ЭГЕРДЕ БУЛ СӨЗҮБҮЗДҮ УКСА, КҮЙӨӨМ МЕНИ ӨЛТҮРҮП КОЙМОК»
Д.К.: – Жасмин, ажырашабыз деп ким чечим чыгарды эле?
Ж.: – Мен.
Д.К.: – Мен дал ушул нерсени – чечимди өзүңүз чыгарганыңызды түшүнүүңүздү өтүнөм. Көп жылдар бою чыдап, эки жашоону жашап, коркунучтан кыйналып, бирок бир мезгилде: “жок, мен мындан ары чыдай албайм, мен өзүм менен өзүм болгум келет” деген чечимге келгеңизди түшүнүүңүз зарыл.
Ж.: – Бирок, күйөрмандарыма мен эмне дейм?
Д.К.: – Көптөгөн жылдар бою сиз буларды сахнадан айтпоого аргасыз болгонсуз. Алдап деп айткым келген жок. Бирок, чынында болбогон жасалма образды тартууга аргасыз болуп келгенсиз. Башкача айтканда, төрт тарабы төп келишкен бактылуу кыздын образын чагылдырып келдиңиз. Азыр болсо чындыкты айта аласыз. Эмнеден уяласыз?
Ж.: – Сиздин оюңузча, мен эч нерсеге көңүл бурбай, өзүмө жаккан жумушумду аткара беришим керекпи?
Д.К.: – Эң негизгиси, чоң кубаныч сезимине батып, жеңилдеп, коркунучтардан тышкары болгонуңузду сезишиңиз керек. Анткени, сиз көптөгөн убакыт бою өз күйөө­ңүздөн коркуп жашап келгенсиз. Азыр эми сизди бирөөлөр туура эмес түшүнүп, жаман ойлоп калат деп жатасыз. Бул жөн гана коркоктукка көнүп калгандан. Азыр эң негизгиси жашоодон кубаныч жана эркиндикти сезе билүүңүз. Биз сиз менен жайбаракат сүйлөшө алабыз, сиз да бардык нерсени болгонун болгондой айта аласыз.
Ж.: – Ооба, бул бакыт...
Д.К.: – Сиз мурда ошенте алчусузбу?
Ж.: – Жок. Эч качан. Сиз менен сүйлөшкөнүмдү укса ал мени өлтүрүп салмак...

ЖАСМИНДИ ЭМИ ЭМНЕ КҮТӨТ?
Учурда укук коргоо органдары тарабынан Жасминдин күйөөсү Вячеслав Семендуевге кылмыш иши ачылганы тастыкталды. Бирок, бардыгынан да экөөнүн эки башка көрсөтмө бергени ишти татаалдантып жатат. Жасминдин айтуусунда аны чын эле күйөөсү сабап салган. Ал эми В.Семендуевдин айтымында бул провокация.
Жасминдин жанында жүргөн­дөрдүн айтымында, Семендуев аялы анын көзүнө чөп салганы үчүн мындай ишке барган. Алардын айтымында, Вячеслав дагестандык эрежени катуу сактаган күйөө болгондуктан, аялына балам бар деп айттырбай, сахнага чыкканда да ачык кийинбе деп көзөмөлдөп турчу экен. Ошондой эле ага атайын өзү ишенген жансакчы дайындаган. Жасмин дайыма ал жансакчынын көзөмө­лүндө болуп, ал менен күйөөсү­нөн да көп чогуу жүрүшчү экен. Бардык гастролдордо бирге болуп, жанынан карыш жылбаган бул жансакчыдан шектенгендер Семендуевге дароо көзүңө чөп салып жатат деп жеткирип, атайын аны аңдыш үчүн киши да жалдайт. Жас­мин­дин баскан-турганын көзөмөлгө алган тыңчы киши баарын сүрөткө тартып алып, күйөөсүнө далилдеп берет. Ошондон улам жини кашайган күйөө бардык болгон документтерди жыйнап, болгон мал-мүлкүн талашпасын деп аялына кол койдуруп алат. Ошентсе да Жасмин бир тыйынсыз калат деп айтууга болбойт. Анткени, ал күйөөсү менен ажырашса, анын өзүнүн да, күйөө­сү менен бирге ачкан да банктык эсептери бар экен. Андан сырткары Жасмин жеке ишкер катары катталып, күйөөсүнөн сырткары да киреше алып турат. Анын атына бир канча кымбат баадагы автомашина катталган. Демек, кантсе да өз ишин улантууга анын кудурети жетет болушу керек.
Кээ бирлери «Жасмин оңой эме-ес. Ал атайлап ушундай жаңжал чыгарды. Шоу-бизнес деген – бул чоң интрига» да дешет...
Айтор, «эл оозунда элек жок» дейт эмеспи. Вячеслав шектенген баягы жансакчы болсо жерге житип кеткендей жок, качып жүрөт имиш.
Албетте, кайсынысы чын, кайсынысы калп, ким билет?! Акыркы сөз албетте, укук коргоочуларда.

«КП»,
Даярдаган Карим Нур


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
17.11.2012. 00:41 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
супер фильм го документальный.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: