Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КӨКТӨМДӨ СҮЙҮҮ КЕЛЕТ...

№488 9-март - 15-март, 2012-ж.


“Өлбөгөн кулга жаз келет” деп жайлоодон кыштоого, кыштоодон жайлоого малдын ыңгайына карап көчүп-конуп жашаган ата-бабаларыбыз айткан. Азыр заман башка. Азыр “жаз келди, сүйүүлөр башталат, сүйүүлөр ойгонот” дейбиз. Кыштын бүркөө кабак, боз-чаңгыл асманынан, ызгаардуу узун түндөрүнөн тажагандан улам го, көктөмдү зарыга күтөбүз. Ар жылы көктөмдөн бир кереметти, сүйүү, жылуу сезимдер, жаңыланууну күтөбүз. Эмне үчүн көктөмдөн? Сүйүүнү жайдан, күздөн, кыштан деле күтө бербейбизби? Дегеле, ушул “сүйүү” менен “жаз” түшүнүгү эмне үчүн чогуу жүрөт? Жооп издеп көрөлү...

АКЫНДАР ЫР, ЖИГИТТЕР КЫЗ МЕНЕН “ООРУГАН” ЖАЗ!
Сагындырган жаз да келди. Калың кийимдерди денеден силкип таштап, топурак жыттанган жылуу абанын илеби мээ сергитип, тулку-бой жазылып, айтор, түйшүктүн баарын кышка таштагансып жаз келгенде бир жеңилденип алмайыбыз бар. “Сүйүүлөр жазда башталат” деп жаштар жаңы сезим, жаңы таанышууларды күтүп, көпчүлүк акындарга дал ушул жазда эргүү келип, кайталангыс сүйүү саптарын чиймелегени да бекеринен эместир, замандаш. Акындар муну табият менен байланыштырып “жаз келип көөдөн туйлап”, “сезимдер толкуп” деген сыяктуу сөздөр менен түшүндүрүүгө өтөт. Демек, төрт мезгил менен адам жүрөгүнүн ортосунда сөзсүз байланыш бар деген ой келет. Жигиттердин болсо, тамашалуу жооптору даяр. “Кыздар кышы менен калың кийинишип, жаз келери менен фигуралары көрүнүп, анан сезимдер ойгонуп...” деп калышат. Илимде, медицинада да жаз менен жүрөктүн байланышы бар экендиги тууралуу маалыматтар бар...

ЖАЗ КЕЛДИ, ГОРМОН КӨБӨЙДҮ, ДЕМЕК, СҮЙҮШ КЕРЕКПИ?
Окумуштуулар жаз келгенде адамдын организминдеги мелатонин сыяктуу гормондордун көлөмү өсүп, табияттан ыроолонгон тукум улоо каалоосу күчөй турганын айтышат. Андыктан мырзалардын айымдарга, айымдардын мырзаларга тартылуусу күчөйт. Бул “жазда сүйүү башталат” түшүнүгүнүн бир чечмелениши.
Дагы бир аныктамада мындай түшүн­дүрүлөт. Кышында күн нурунун жетишсиздигинен улам адамдагы кубаныч жана бакытты пайда кылуучу эндорфин гормонунун саны азаят. Мындай абал “убактылуу депрессия” деп аталып, адамдын маанайы түшүп, мүнөзү өзгөрүп, пассивдүүлүк келип чыгат. Демек, жаз келип, күн ачылып, жер ойгонуп, көк чыккан маалда адам активдүү жашоого өтүп, айлана-чөйрөгө болгон кызыгуусу күчөйт. Ушундай жагдайлардан улам көктөмдө жүрөктөр сүйгүсү келип, бири-бирине тартыла баштаса керек...

СҮЙҮҮ МЕЗГИЛ ТАНДАБАЙТ
Илимий тыянактардан алыстап, сүйүүнү реалдуулукта карай турган болсок, анда бул керемет сезимди жазга байлоого болбойт. Чыныгы сезим каалаган маалында же буюрган күнү, кааласа кышта, кааласа күздө, кааласа күндүзү, кааласа түн ичинде келет эмеспи. Адамдын бактысы эч качан убакыт мыйзамы менен өлчөнбөйт. Жазбы, күзбү, эртеби же кечпи, бир күнү сүйөбүз жана сүйүктүү болобуз. Эң башкысы, ошол сүйүүнү сезип, баалай билүүдө...

Кырчындай мезгилинде күлө албаган,
Кыз жандоо эмне экенин биле албаган.
Чын айтам, бойдок туруп эркек эмес,
Кеминде кырк беш кызды сүйө албаган.

Алыстан салам айтып Сайраш калды,
Айта албай ак сүйүүсүн Жайнаш калды.
Оорутуп жаш жүрөгүн койдум эле,
Оо, Кудай, кантип кыям Майрашканды,- деп кайсы бир сүйүүнүн фанаты кагаз бетин чиймелеген экен. Биз ар бир аялзатынын сүйүктүү болуусуна тилектешпиз, бирок эч качан 45-си болуп эмес...
Сүйүүсүз кең ааламдын бир бурчу кемип калар. Ошол үчүн керемет сезимди даңазалаган ырлар жазылып, атактуу сүрөттөр жаралып, обондор жаңырып, махабат дастандары айтылып жүрөт да. Кыскасы, тирүүлүк сапары уланууда. Эң башкысы, жүрөктөр тандап сүйүп, колдор ишенимдүү кармашып, бекем болсун!


«Супердин» сурак бурчу

ЖҮРӨККӨ КАНЧА СҮЙҮҮ БАТАТ?



Акылбек Калилов, студент:
– Эгер чын сүйүү болсо, жүрөккө бирөө гана батат. Ошол сүйүү менен үй-бүлө курулуп, жашоо уланат. Ал эми жалган сүйүүнү каалашыңча батыра берсе болот. Убактылуу, баркы жок сезимдер болгон соң андай сүйүүлөр келет да, кетет.


Калбү Ибраимова, үй кожойкеси:
– Жүрөктө бир эле сүйүүгө орун болот, ал орунду татыктуу бирөө ээлейт. Бир убакта бир нече адамды бирдей сүйүү деген жомок. Башкаларын жакшы көрүшү мүмкүн, бирок сүйө албайт. Сүйүү канчалык таза, бекем болсо гана өмүр бою сакталып калат.



Алман Калмырзаев, студент:
– Бойдоктордун жүрөгүнө канча сүйүү болсо деле бата берет. Мисалы, жигиттер бир учурда 10 кыз менен мамиле курса деле болот. Анткени үйлөнгөнгө чейин кыздарды тандап көрүш керек да. Негизи эле эркектердин жүрөгүндө орун кенен.


Наргиза Дамил кызы, студент:
– Жашоодо ар кандай кырдаал болот. Бир жүрөккө эки же андан көп сүйүүнү батырган адамдарды көрүп эле жүрөбүз. Менимче, ыймандуу адам бир эле адамды сүйөт. Ал эми ата-эне, дос, Ата Мекен сыяктуу ыйык нерселерге болгон сүйүүгө ар дайым орун табылат.



Зайнидин Мамыров, дарыгер:
– Бир жүрөккө бир эле сүйүү батат да. Менде 10 жүрөк болсо, анда 10 кызды сүйсөм болмок. Жараткан ар бир адамга бирдей жүрөк берген соң сүйүүдө туруктуу болушубуз керек. Бир жүрөккө көп сүйүү батырам дегендер – өтө жаңылышкандар.


Айтолкун Кумарканова, студент:
– Көп эле сүйүү батат. Мисалы, менин жүрөгүмдө ата-эне, бир туугандарыма, досторума болгон сүйүү жашайт. Баарынан салмактуусу – ата-энеме арналган сүйүү. “Дүйнөдө бала менен эненин сүйүүсүндөй сүйүү жок” деп бекер айтылган эмес да.


Нургазы Шамырканов, куруучу:
– Мен сүйүүдө туруксуздарды жек көрөм! Сүйүү бир гана жолу келет. Бойдок кезде сүйүүгө кабылып, ошол айымды өмүрлүк жар кылып тандап аласың. Демек, жүрөгүңдүн ээси ошол адам. Бир жүрөккө эки сүйүү бир убакта батпайт.

Автандил Добулбеков
lira@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
15.03.2012. 04:38 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
eehh suiyuu suiyuu
05.09.2013. 02:44 
Тайпасы:
Кыймылы жок
Комментарийлердин саны:
51
Катталган:
16-06-2013
Соӊку аракети:
04-03-2014 10:04
Жынысы:
Белгисиз
Калаасы:
Кыргызстан
0
Султан люблю тебя От Нуну
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: