Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КОМУЗ КЫЛДАРЫНДАГЫ ЖЕҢИШБЕК ШАМШИЕВ

№489 16-март - 22-март, 2012-ж.


Бир ирет Эл артисти Жолболду Алыбаев менен маектеш болгонумда агай “ыр дүйнөсүнө Рыспай аккордеонду алып кирип жаңычылдык баштаган” деп айткан эле. Анын сыңарындай, 60-жылдардын ыр ышкыбоздорунун эсинен комуз, аккордеондун коштоосунда обон созгон Жеңишбек Шамшиевдин ысымы али чыга элек.

АЛАЙКУУНУ ЫРГА БӨЛӨГӨН ОКУУЧУ
Жеңишбек Шамшиев Алайкуу өрөөнүндөгү Кызыл-Жар айылында 1945-жылы 8-мартта кызматкердин үй-бүлөсүндө төрөлгөн. Атасы башкарма болгонуна байланыштуу үйүнө ошол кездеги райондун биринчи катчысы Пельшин деген барып конуп калат. “Эртең менен менин колумду кысып, “майрамың менен, бүгүн Аялдардын эл аралык майрамы, өзүңдүн майрамыңда уул төрөпсүң” деген. Ошондон кийин гана 8-Март аялдардын майрамы экенин билгем. Ошол убакта бардык эл жеңиштин болушун тилеп, батыш жакты үмүттүү тиктеп турган мезгил эле. Ошондой тилек менен уулубузга Жеңишбек деген ысымды атасы койгон”,- деп каарманыбыздын апасынын айтканы бар.
Жеңишбек кенедейинен эле ырдаганга шыктуу болгон үчүн атасы комуз, балалайка, гармошка алып келип берчү экен. Мектепте окуп жүргөн кезинде “Алайкуум” деген ырын ырдаганда уккандар “Алайкууну биринчи ырдаган сен болдуң” деп аябай ыраазы болгон дешет. 1961-жылы орто мектепти бүтүп, Кыргыз мамлекеттик университетинин экономика факультетине тапшырат. Университетте окуганда да ал өздүк көркөм чыгармачылыгынан кол үзгөн эмес. Студенттик фестивалдарда, кароолордо экономика факультетин далай ирет мөрөйгө марыткан. Мындан тышкары оюн-зооктордун да көркүнө айланат. Жагымдуу ыр угууга ашыккан улан-кыздар айланчыктап анын жанында.
Ушундай көңүлдүү жагдай, анан да студенттик романтикалуу дүйнө ага сезим козгоп, чыгармачылык чабыттарга жетелеп кетет. Ал убакта Абдыкадыров, Тагаев, Жумалиев сыяктуу обончулар ыр дүйнөсүнө удаа келип, музыка майданын шаңга бөлөп турган. Мына ошол обончулар жапа тырмак аккордеондун коштоосуна өтүшсө, Жеңишбек агай улуттук аспапты – комузду шаңкылдата чертип, өзүнүн шаңдуу үнүнө жуурулуштура эфирде оболотконго өтөт.

ТАЛАНТ КЕСИПКЕ БАЙЛАНБАЙТ
Жеңишбек Шамшиевдин чыгармачылыгындагы бир калыптуулук анын мүнөзүнө кандайдыр бир деңгээлде байланышып кетет окшобойбу. “Токтоо, кайсы иште болбосун өзүн сабырдуу тутуп, шашпай, майын чыгара иштегенди жакшы көрөт” деп айтышат аны жакындан билгендер. Анын обондорунун элдик мүнөздө болушуна дагы бир жагдай себепкер сыяктуу. Маселен, башка обончулар нота билип, аккордеон ойноп, музыкага катыштыгы болсо, каарманыбыздын кесиби обончулук өнөргө ат чабым жакындабайт. Кесиби – экономист. Студент кезде алгачкы “Эсиңдеби?” деген ырын радиого барып угузганда баары ырдын жакшы жазылганына кубанып кол чаап жиберишет. “Арнадым көлдүн жээгинен”, ”Таарынба”, ”Эсиңдеби?”, ”Угузчу бир сөз”, “Сен дейм дайым”, “Сөз таппайм” деген обондору ошондо эле жазылып, Алтын фонддо калган.
1966-жылы университетти бүткөндөн кийин Алайкуу өрөөнүндөгү Сагындык атындагы совхоздо башкы экономист болуп эмгек жолун баштаган. Ал мезгил чыгармачылыгынын жарк этип жанган мезгили экен. Совхоздун комсомолдорун уюштуруп, өздүк көркөм чыгармачылык концертин ар бөлүмдөргө, башка совхоздорго тартуулашып, элдин сүймөнчүлүгүнө ээ болгонун журтташтары дале айтып жүрүшөт. Албетте, негизги ишинен тышкары убакта эки өнөрдүн башын кошуп, көкүрөк өйүгөн ойлорун эл менен бөлүшсө жаманбы? Дал ушунун өзү анын да, угармандын да турмушун алда канча мазмундуу, жагымдуу кылып жатпайбы. Чарба кызматында жүрсө да, өнөрүн таштабайт. Көрсө, ошол жагымдуу ыргактарды Жеңишбек ага элдин өзүнөн алат тура. Бөкөнбай Боркеевдин: “Бу чарбалык кесибиң чыгармачылык өнөрүңө тоскоол болбойбу?”- деген суроосуна ал: “Тескерисинче, элдик кайрыктарды дал ушул чарбалык кесиптин аркасы менен таап жатам”,- деп жооп берген.

«КОМУЗ СЕНСИЗ ЖЕТИМСИРЕП КАЛБАСЫН...»
Жеңишбек Шамшиев 1972-жылдан тартып бир топ райондук, мамлекеттик кызматтарда иштеген. 1975-жылы Москва шаарында өткөн эл чыгармачылыгынын фестивалында лауреат, ”Эл чыгармачылыгына сиңирген эмгеги үчүн” медаль жана бир нече I даражадагы дипломдордун ээси. “КРнын Эмгек сиңирген артисти” наамына 2003-жылы ээ болгон. 2011-жылы КРнын Ардак грамотасы менен сыйланган.
Улуу инсан Төлөмүш Океевдин Султан Раев менен болгон маегинде ”эгер сизди Робинзондой ээн аралга таштаса, кимдин чыгармасын алып кетет элеңиз?” деген суроосуна “Чыңгыз Айтматовдун”, “ал эми обондордончу?” десе, “Жеңишбек Шамшиевдин обонун алып кетер элем” дегени анын талантын жогору баалаганына күбө болот.
Жеңишбек аганын бир туугандары да таланттуу. Агалары Рашид, Насип, Годовой, эжелери Бүрава, Ирсалат комузду кол ойнотуп чертишет. Каарманыбыздын 6 баласы бар. Баары кесип ээлери, жогорку билимдүү. 17 неберенин сүйүктүү чоң атасы, таятасы. Жубайы Саипжамал – кесиби боюнча мугалим, Эл агартуунун мыктысы.
Жүрөктө калган жылдыз жөнүндө баяныбызды М.Каракозуевдин каарманыбызга арнаган ыры менен аяктайбыз.

Бул турмушуң – күрөш, таймаш, эр эңиш,
Буурул толкун, алпурушуп келесиз.
Коштоп сайрап үч кыл комуз муңканса,
Керемети обонуңдун ченегис!
Ала-Тоонун аскарында калкыган,
Атың Жеңиш, затың Жеңиш, теңегис!
Обон салса, үмүт отун жакчудай,
Тоо-суу коштоп, жаңырыктап капчыгай.
Кыргыз үнүң коштоосунда комуздун,
Коштойт шумкар, коштойт улар, чакчыгай.
Кайрыгыңа обонуңдун магдырайт,
Жерде арча, көктө сулуу Ай.
Эсен болуп, элге-жерге түгөйлөш,
Кылым менен, кыргыз менен өмүрлөш.
Ала-Тоонун ак калпактуу жылдызы,
Кыргызымда кылым жашап өнүп-өс!
Комуз сенсиз жетимсиреп калбасын,
Кайрыгыңда жашап турсун улуу көч!

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(15)
20.03.2012. 17:32 
Тайпасы:
Кыймылы жок
Комментарийлердин саны:
5
Катталган:
20-03-2012
Соӊку аракети:
22-02-2013 15:36
Жынысы:
Белгисиз
Калаасы:
ош
0
Супер-Инфо редакциясына, ошондой эле Бурул Исмаиловага Ж.Шамшиевдин балдарынын атынан чон ыразычылык айтабыз. Дайым алга журобериниздер, чыгармачылык ийгилик.
20.03.2012. 20:51 
Тайпасы:
Кыймылы жок
Комментарийлердин саны:
1
Катталган:
17-03-2012
Соӊку аракети:
24-04-2012 20:29
Жынысы:
Белгисиз
+1
Алай-Куунун онорлуу адамдарынын бири, очпос таланты менен сыйга арзыган Женишбек Шамшиев агага таазим, жана ушундай улуу адам жонундо жазган Бурул Исмаиловага чон ыраазычылык билдирем
21.03.2012. 11:21 
Тайпасы:
Кыймылы жок
Комментарийлердин саны:
167
Катталган:
22-05-2007
Соӊку аракети:
14-09-2015 15:00
Жынысы:
Белгисиз
Калаасы:
Москва
+1
Кандай гана ИНСАН, кандай гана ТАЛАНТ !!! Талыкпай эмгектенип, чыгармачылыкты да чогу алып кетиш ото эле кыйын. Уул-кыз, небере-чеберелериниздин СЫЙ урматын корунуз !!!
21.03.2012. 11:27 
Тайпасы:
Жаран
Комментарийлердин саны:
118
Катталган:
04-04-2010
Соӊку аракети:
04-01-2018 20:00
Жынысы:
Белгисиз
Калаасы:
Талас
-1
Жеңишбек Шамшиевди тааныбайт экем. Жээ атын чыгарыш учун жазып жаткан жоксунарбы? Эмне себептен жазып жатасынар?
24.03.2012. 21:47 
Тайпасы:
Кыймылы жок
Комментарийлердин саны:
5
Катталган:
20-03-2012
Соӊку аракети:
22-02-2013 15:36
Жынысы:
Белгисиз
Калаасы:
ош
0
Taalaibek, Ж.Шамшиевдин атын чыгарайын деген максат эмес, бул кишинин аты улуу муунга аябай белгилуу. Редакцияга рахмат Ж.Шамшиевди эстеп жазып жатканына, балким силерге окшогон жаш муунга тааныштыруу максат болушу мумкун.
21.03.2012. 17:01 
Тайпасы:
Жаран
Комментарийлердин саны:
10
Катталган:
10-02-2011
Соӊку аракети:
14-02-2017 22:46
Жынысы:
Белгисиз
Калаасы:
Бишкек
0
Таалайбек мезгилден артта калыпсын,ушундай белгилуу адамды билбесен.Менимче азыркы женил-желпи мааниси жок ырчыларды эле таанысан керек.Билбесен билип ал:бул адам кыргыз элине аттын кашкасындай белгилуу обончу.
22.03.2012. 13:21 
Тайпасы:
Жаран
Комментарийлердин саны:
52
Катталган:
25-03-2008
Соӊку аракети:
22-09-2018 00:38
Жынысы:
Белгисиз
Калаасы:
Бишкек
+2
Жеңишбек!
Сенин алгачкы жараткан обонуңду мен угуп жан дүйном ошондо бир эргиди эле. Анда биз жаш, таза, ар кыл ойлуу, бир үзүм нанды тең бөлүшүп, бир комнатада, студенттик турмушту өткргөн жан достордон элек. Сени алтымышынчы жылдардагы залкар обончу - композиторлор Рыспай Абдыкаддыров, Калыйбек Тагаев, Аксуубай Атабаевдардын катарындагы көч башындагы обончу - композитор катарында тааныйт элек.
22.03.2012. 14:31 
Тайпасы:
Жаран
Комментарийлердин саны:
52
Катталган:
25-03-2008
Соӊку аракети:
22-09-2018 00:38
Жынысы:
Белгисиз
Калаасы:
Бишкек
+2
Маданият тармагында иштесең,эмгиче эл артиси наамын алмаксың,бирок али да кеч эмес, эгер өкмөт башчылары сенин зор талантыңды баалашса. Сага ден-соолук, курсташ досуң, ардыгер-экономист Болотбек Искенов.
22.03.2012. 19:55 
Тайпасы:
Жаран
Комментарийлердин саны:
10
Катталган:
08-02-2012
Соӊку аракети:
22-09-2018 11:44
Жынысы:
Белгисиз
Калаасы:
Москва
0
Jeniwbek aga sizge uzun omur chyn den sooluk jana ech kachan jamandyk korboshunuzdu tilep koshunanyz Jyrgal
23.03.2012. 16:12 
Тайпасы:
Кыймылы жок
Комментарийлердин саны:
10
Катталган:
05-03-2012
Соӊку аракети:
30-03-2012 11:52
Жынысы:
Белгисиз
0
OY Taalaibek Zamandash.Seni bilgenin emes.Eldin bilgenin sura.Sen dagi koop nerseni bilbeyt ekensin.Bir kara okuu kim emne ekenin joon ele jazip uyat bolboy .
24.03.2012. 04:27 
Тайпасы:
Жаран
Комментарийлердин саны:
52
Катталган:
14-03-2012
Соӊку аракети:
27-03-2018 05:23
Жынысы:
Белгисиз
Калаасы:
нарын
0
Женишбек Ага ишинизге ийгилик каалайм сиздин эсиндеби деген ырынызды менин Атам абдан коп угат эле
24.03.2012. 21:43 
Тайпасы:
Кыймылы жок
Комментарийлердин саны:
5
Катталган:
20-03-2012
Соӊку аракети:
22-02-2013 15:36
Жынысы:
Белгисиз
Калаасы:
ош
0
Атам жонундо жылуу создорунуздорго чон РАХМАТ! Башка кесиптин ээси болсо дагы, обончулук онорун баалап элдик наам бергенине КЫРГЫЗ элине таазим кылабыз.
24.03.2012. 22:06 
Тайпасы:
Кыймылы жок
Комментарийлердин саны:
5
Катталган:
20-03-2012
Соӊку аракети:
22-02-2013 15:36
Жынысы:
Белгисиз
Калаасы:
ош
0
Көӊүлүмдө көп улуу ой толгонот,
Ката кетсем келем улам оӊдолоп
Өзү кана улуу болсо адамзат
Ошол кезде улуулукту ойлонот.
(Ж.Шамшиев)

Обон менен сөздөрүнүн айкалышып турганын, дирилдеген үнүн түшүнө билип уккан гана адам Жеӊишбек Шамшиевдин чыгармачылыгын баалайт. Бурул Исмаиловага чоӊ ыраазычылык билдиребиз.
05.12.2012. 00:04 
Тайпасы:
Кыймылы жок
Комментарийлердин саны:
48
Катталган:
02-07-2009
Соӊку аракети:
04-05-2014 17:07
Жынысы:
Белгисиз
15.01.2013. 17:35 
Тайпасы:
Кыймылы жок
Комментарийлердин саны:
3
Катталган:
12-04-2012
Соӊку аракети:
10-09-2014 17:08
Жынысы:
Белгисиз
0
Бул макаланы жазган сон Женишбек аганын группалаштары издеп келген эле. Окунучтуусу, улуу талант ушул макаладан сон 2-3 ай откон сон каза болуп калыптыр. Мен эми уктум. Бирок талантын баалагандардын эсинде экенинде шегим жок. Комуз сизсиз жетимсиреп калган тура :(
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: