Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бек Борбиевдин карындашы Назира БОРБИЕВА: «БЕК УПЧУНУ 6 ЖАШЫНДА ТАШТАГАН»

№329 20-26-февраль, 2009-ж.


«Мени «Алло, алло» деп ырдата албай айласы кеткен»
Биртууган Борбиевдер:

Бек Борбиев 39 жашта. 2 уул, 2 кыздын атасы.
Назира 38 жашта. 2 кыз, 1 уулдун энеси.
Жаныбек 34 жашта. 3 уулдун атасы.
Жылдызбек 31 жашта. 3 уул, 1 кыздын атасы.
Гүлбара 23 жашта. 1 уул, 1 кыздын энеси.

«Сүрөттөрдүн баарын чийгилеп салган»

– Бек кичине кезинен эле сүрөттү кыйын тартат. Мектептен мага керек болгон сүрөттөрдүн бардыгын тартып берчү. Ошондой күндөрдүн биринде “түшүм майрамы” болуп калды. Классташтарым: “Бек байкеңе сүрөт тарттырып кел”, - деп атайын түстүү карандаш, фломастер, альбом сатып келишип, мени үйгө жиберишти. Үйгө келип Бекке айтарым менен ал макул болуп, жашылча-жемиштерди тим эле сонун кылып тартып берди. Анан ойноп кеттик. Ойноп жүрүп бир нерсе талашып, экөөбүз чырдашып калдык. Жиним келген мен Бекти атама айтып катуу уруштурдум. Эртеси баягы альбомду алып кетейин десем эле ичиндеги сүрөттөрдүн баары чийилген. Ошондо байкеме таарынып, бакырып бир ыйлагам десең. Жини келип калган адамынан биртууган экенине карабай өч алмайынча, жаны тынбаган мүнөзү азыр деле бар.

«Үйгө момпосуй койбой жеп салчу»

– Бек бизге окшоп, эт, беш бармакка эмес, таттууга абдан жакын болчу. Апабыз момпосуйларды кайда катпасын, таап алып баарын жеп койчу. Сервантка атайын кулпу салдырып, ошол жакка таттууларын катып жүрчү. Сыртынан карасаң дайыма жабык турчу серванттан апам киши келгенде эле момпосуюн таппай кайсалап калчу. Эмнеге эле Бек жеп коёт деп, мен дагы апамдын катып койгон момпосуйларын издечүмүн. Бирок такыр тапчу эмесмин. Ошентип, Бек байкеңер “Буратино” деген сонун батончиктердин жаагын айрыган.

«Бекинип упчу соруп...»

–Чоңоюп калганына карабай элге көрүнбөй упчу соруп жүргөнүн билчүмүн. Эч ким жок жерге барып чөнтөгүнөн упчусун алып чыгып көзүн жумуп соруп-соруп алып, анан эчтеке билбеген киши болуп эл турган жерге келип калчу.
Кызыгы, анысын апамдар билчү эмес. Бир күнү апам жумуштан келсе, Бек бетине жука жоолук жаап алып уктап жатыптыр. Анан эле жоолуктун алдынан бир нерсе кыймылдап жатат дейт. Апам чоочуп кетип жоолукту ала салса, Бек упчу соруп уктап жаткан экен. Жоолук жамынып алсам эле көрүнбөй калат деп ойлогон окшойт да. Ошентип, Бек жашырынып соруп жүрүп, упчусун 6 жашка чыкканда араң таштаган.

«Эжейибиз эс-учун жоготкон»

– Биздин айыл чоң суунун жээгинде. Бек өзүнө кайырмак жасап алып, ошол суудан балык кармачу. Балык кармаганга керектүү көнөк баш, чегиртке, курт дегендердин баарын бизге тердирчү. Биз болсо кетем деп айткандан коркуп, айткан курттарын унчукпай терип берчүбүз.

Андан да ошол эле суудан суу жылан кармап алып, аны бөтөлкөгө салып дары жасайм деп көп убараланчу. Кызыгы, жыландан такыр коркчу эмес. Кандай көлөмдө болсо дагы кармай берчү. Бир жолу апам өзү менен чогуу иштеген Зейнеп эжей менен үй жактан өтүп калат. Аларды байкап турган Бек, жакын келгенде Зейнеп эжейге тирүү жыланды ыргытып жибериптир. Андайды көрбөгөн эжей ошол жерден эс-учун жоготуп жыгылып калыптыр. Жүрөгү оорулуу байкуш эжейибиз өлүмдөн аз эле жерден калган.

“Алло, алло” деп ырдата албай кыйналган»

– Бек 9-10-класс болуп калганда “Алло, алло” деген ыр жазып, ошону аккордеонго салып ырдай баштады. Ошондо “Алло” деген жерине кыздын үнү керек болуп, мени ырда деп кыйнап баштады. Мен “Алло” десем эле үнүм эркектердикиндей жоон чыгат. Анда Бек: “Кыздай болуп ичке үн менен ырдабайсыңбы!”- деп кайра-кайра баштан ары чаап калат. Же менин үнүм окшошсочу. Аягында мен да дулдуюп, унчукпай отуруп алдым. Анан инилеримди кыйнай баштады. “Үнүңөрдү чыйылдатып ырдагыла” деп. Ал байкуштар Бектен коркконунан чыйылдап: “Алло, алло” деп ырдап бергендери эсимде. Ошол кезде эле чыгармачылыкка абдан жакын болчу. Анын кызыгып жатканын көргөн атам ага “Малыш” деген аккордеон, анан андан чоңураагын, андан кийин баян сатып берген. Бирок атам Бектин эл алдына чыгып ырдаганын биринчи көргөндө “ырчы дагы кесиппи!” деп катуу жинденген. “Ырчы болуп кетпесин” деген кыязда өзү Бишкекке Бекти ээрчитип келип политехке тапшырткан. Бирок тагдырдын буйругу экен баары бир ырчы болуп алды.

“Бектин мүнөзүн “корс” дегендерге кошула албайм”

– Биртуугандар кичине кезинде кандай гана ынтымактуу болбосун, алар чоңоюп, өз-өзүнчө үйлөнүп, жайланган соң ар кимиси өз турмушу менен алек болуп кетери чындык. Учурда Бек байке менен мамилеңер кандай?
– Ал мектепти бүткөндөн кийин көп өтпөй армияга кетти. Анан мен да турмушка чыгып кеттим. Айтор, сиз айтып кеткендей жолдорубуз ар кайсы жакка кетти. Ошого карабай биртууган агам катары жөлөк-таяк болуп келатат. Азыр деле мамилебиз абдан жакшы. Андан тышкары, акчалай жардамын аябайт. Атайын белек алып келген күндөрү деле бар. Көбүнчө өзүң каалаганыңды сатып ал деп акча берет.
– Бир бергенде канча берет?
– 200 доллар, кээде 500 доллар деле берип коёт, маанайына жараша. Негизи эле Бектин колу ачык, март адам.
– Агаңыздын мамлекеттик кызматта иштегенин колдойсузбу же ырчы боюнча эле калса болмок деп ойлоп кетесизби?
– Бек кайсы иште болсо да, анын карындашы болгонум мен үчүн сыймык. Бирок ырчы болуп чыкканда абдан сүйүнгөнбүз. Ырчылык атак алып келет эмеспи. Ал эми мамлекеттик кызматта иштегени атамдарга жагат.
– Бек байкени көптөр мүнөзү “корс” деп калышат. Үйдөн биртуугандары менен кандай мамиледе?
– Бекти “корс” дегендерге таң кала берем. Жини келгенде ар бир адам эле терс мүнөзүн көргөзсө керек. Чогуу отурганда Бек абдан шайыр, тамашакөй. Ал деле кадимки адамдардай кээде көңүлү ачык, кээде чөгүңкү болот. Ошондуктан Бектин мүнөзүн “корс” дегендерге кошула албайм.

Дагы эле Бек жөнүндө

Экөөбүз 5-7 класс болуп калганда, үйдү экиге бөлүп алып жыйначубуз. Бек дайыма баттан жыйнап койчу. Көрсө, ал кийимдерди жүктүн артына тыгып салчу экен.

Бек экөөбүз удаа өскө­нүбүз менен кичине кезибизде көп деле урушуп-согушчу эмеспиз. Ал мени “арызкөй” деп жаман көрчү.

Бек чоң бөлмөгө бекинип алып, бирдемелерди жазып отура берчү. Эгер бирөө кирип калса, шак дептерлерин катып, эч кимге окутчу эмес. Көрсө, балдар үчүн жазылган кыскача аңгемелер, жомоктор экен.

Эң кичинекейибиз Гүлбара төрөлгөндө Бек инилерим менен тааныгандын да, тааныбагандын да үйүнө кирип, “сүйүнчү, биз карындаштуу болдук!” деп сүйүнчүлөшкөн.

Мен дискотекага кыздар менен барып калсам “бар кет!” деп эле кууй берчү. Же өзү деле кыйратып бийлечү эмес.

Үйгө биз тааныбаган киши келсе деле мен куурдак кууруп столго коюп, Бек гарнитурда турган ичимдиктен алып чыгып, айтор, экөөлөп коноктой баштачубуз.

Гүлмира Турманбетова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: