Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ААЛАМДА 1 СААТКА СВЕТ ӨЧТҮ

№492 6-апрель- 12-апрель, 2012-ж.


Адамзат экологияны сактоо үчүн көптөгөн акцияларды уюштуруп келет. Мына ошондой акциялардын бири – "Жердин сааты" жөнүндө маалымат сунуштайбыз.

«ЖЕРДИН СААТЫ» – АДАМЗАТТЫН КЕЛЕЧЕГИ
«Жердин сааты» (англисче «Earth Hour») бул – планетабыздын чектелген электр булактарын үнөмдөө максатын көздөгөн Бүткүл дүйнөлүк «Жапайы жаратылыш» фондунун (WWF) жыл сайын өтүүчү глобалдык акциясы. Аны уюштуруучулар катардагы адамдардан тартып, уюм, мектеп, муниципалдык мекеме жана коммерциялык ишканаларга чейин жылына бир ирет, бир күнү 1 саатка жарыкты өчүрүүгө чакырат. Акцияны өткөрүү идеясы 2007-жылы Австралияда жаралып, алгачкысы Сиднейде өткөн. Австралиянын «Жапайы жаратылыш» фонду «Лео Барнетт» жарнама агенттиги жана «Сидней таңы» гезити менен биргеликте жайылтууну ийгиликтүү ишке ашырып, 2 жылда дүйнөдөгү эң ири окуялардын бирине айланган.
«Жердин сааты» – эркин акция. Ага каалоочулар гана катышып, март айынын акыркы ишембисинде белгиленген убакытта электр энергиясы 1 саатка өчүрүлөт. Уюштуруучулар бөлмөгө жарык берүүчү лампочкаларды, компьютерлерди, жарнамалык мүнөздөгү жарыктарды, стол лампаларын, сыналгыларды, керексиз электр приборлорун өчүрүүнү сунушташат. Коопсуздук үчүн төмөнкүлөрдү өчүрүүгө болбойт: көчөгө жарык берүүчү лампаларды, жол чырактарды, учактарга жол көрсөтүүчү жарыктыктарды, коргонуу максатында орнотулган жарыктыктарды жана лифтти.

ҮНӨМДӨБӨСӨК, ЖЕР БАГА АЛБАЙ КАЛАТ
Окумуштуулардын иликтөөсүндө, 1961-жылдан 2003-жылга чейин адамзаттын экосистемага тийгизген зыяны 1,5 эсеге көбөйгөн. Демек, мындай темп менен 2050-жылы Жер адамдарды электр энергиясы, суу, азык менен камсыз кыла албай калат. Мындай көйгөйдүн алдын алуу өзүбүздүн колубузда. Жарыкты 1 саатка өчүрүү менен электр ресурстарын үнөмдөсө болот. «Сергек жашоо үчүн» дегендей эле, жалпыбыздын үйүбүз – планетаны ойлоп, сергек планета үчүн да ар бирибиз кам көрүшүбүз керек.

РЕКОРД КОЮП, КОСМОСКО ЖЕТТИ
Акция жылдан-жылга кеңейип барат. 31-март, ишембиде адаттагыдай эле Австралиядан башталып, Сиднейдеги Опера театрынын жарыгы өчүрүлүшү менен акцияга старт берилди. Эстафетаны Малайзия улап, Куала-Лумпурдагы 88 кабаттуу атактуу мунара караңгылыкка чүмкүдү. Андан ары Пекиндеги «Куштун уясы» олимпиадалык стадиону менен Улуу Кытай дубалында да караңгылык өкүм сүрдү. Францияда Эйфель мунарасынан тышкары президент Саркозинин буйругу менен Елисей сарайында да жарык өчтү. Ушинтип отуруп акцияга жалпысынан дүйнөнүн 147 өлкөсүнүн жашоочулары катышты. Бул абсолюттук рекорд! Биринчи жолу акцияга катышкан өлкөлөр – Ливия, Алжир, Бутан жана Гвинея. Ошондой эле быйыл «Жердин саатына» космостогу Эл аралык космостук станциянын экипажы да кошулду. Голландиялык астронавт Андре Кейперс Жердин шаарлары биринин артынан экинчиси караңгылыкка сүңгүгөнүн космостон күзөтүп турду.

МЕДАЛДЫН ЭКИНЧИ ЖАГЫ
«Жердин саатын» сынга алгандар жок эмес. Акциянын каршылаштары «жарыкты 1 саатка өчүрүү электр энергиясын үнөмдөбөйт жана зыяндуу газдардын атмосферага чыгуусун токтотпойт» деп, аны маанисиз деп эсептешет. Буга жооп иретинде уюштуруучулар «акция эң оболу символикалык мааниге ээ. Чынында, 1 саатка электр жарыгын өчүрүү экологиялык кырдаалды жакшыртпайт. Акциянын максаты – Жердин жашоочуларына электр энергиясын үнөмдүү пайдалануу атмосферага чыгып жаткан зыяндуу газдардын көлөмүн азайтарын түшүндүрүү» деп белгилешет.

БИЗДЕ КҮНДӨ «ЖЕРДИН СААТЫБЫ»?
Бүткүл дүйнөлүк «Жапайы жаратылыш» фондунун өкүлчүлүгү дүйнөнүн 150 өлкөсүндө, анын ичинде бизде да иш алып барат. Аталган фонддун Кыргызстандагы өкүлчүлүгүнүн координатору Фарида Балбаковага кайрылганыбызда: «Кыргызстанда жарык өчүрүлүп, энергетикалык кризис болуп жаткандыгына байланыштуу «Жердин сааты» акциясына катышуу маселеси азырынча көтөрүлө элек. Убагы келгенде, албетте, катышабыз. Чынында, ансыз да бизде жарык өчүп, күндө эле «Жердин сааты» болуп жатпайбы»,- деп тамашалады.

P.S. Эмки «Жердин сааты» 2013-жылдын 30-мартында болорун эскертебиз. Жалпыбыздын үйүбүз болгон Жердин «ден соолугуна» кайдигер карабайлы.

Базарбек Абдураимов
koom@super.kg


«Супердин» сурак бурчу

Экологияны коргоо үчүн машинадан баш тартып, шайтан араба минет белеңиз?


Бакыт, шоумен:
– Негизи, өзүм авто сүйүүчүмүн. Сахна кийимдерим болбосо, шайтан араба менен эле жүрмөкмүн. Бир эмес, эки шайтан арабам бар. Азыр унаа айдагыча шайтан араба мине койгон жакшы. Анткени "пробка" деген бар. Шайтан араба менен 5 мүнөттө жетчү жерге машина менен бир жарым саатта жетесиң.



Мирбек, телеалпаруучу:
– Табият менен таттуу мамиледе болгон кыргыз эли үчүн ошондой нерсе керек. Бирок "а-бу" деген менен, биз унаадан баш тарта албайбыз. Анын үстүнө, шайтан араба бүгүнкү күндүн талабына жооп бербейт. Биз, өнүгүп кеткичекти, баш оорутпай автоунааларга куюлуп жаткан майдын сапатына карашыбыз керек.



Урмат, коопсуздук кызматкери:
– Өзүң кылып жаткан катачылыкты башкага кылба дей албайсың. Биз, мисалы, көнүп алдык, унаа менен жүргөнгө. Биздин ой жүгүртүүбүз да, түшүнүгүбүз да ошого бурулуп кетти. Унааны таштоо үчүн балдарыбызга ошондой тарбия беришибиз керек.


Байтемир, студент:
– Кыргызстанда автоунаа аябай көп. Мисалы, көп калкы бар Кытайда эл эле эмес, чиновниктер шайтан араба менен жүрүшөт. Биздин чоңдор чалкасынан кетет, теппейм деп. Биз унаасыз жашообузду элестете албай калдык. Колдойт элем, шайтан араба тээп калсак, унааны керек болгондо гана колдонуп.


Аскарбек, адвокат:
– Ошол күн кана? Биз го, карыдык, унаалардын саны минтип өсө берсе, силердин 50гө чыгарыңар күмөн. Шайтан араба эмес, керек болсо эшек араба менен жүрүшүбүз керек. Илгери ошентип эле жүрчүбүз. Престиж дегенди жыйыштырып, унааны алыска чыкканда гана колдонуш керек.



Анара, соодагер:
– Жок, теппейм. Жакында Түркияда болуп келдим. Ал жакта элдин көбү трамвай, метрону колдонушат. Бул элдин автоунаага болгон муктаждыгын азайтат. Бизде да ошондой система иштеп калса, эч кимдин унаа менен иши болмок эмес.


Эрнис, таксист:
– Жок, машинаны таштамак эмесмин. Шаарыбызда чет элдик унаалардын көбөйгөнү жакшы да. Бул маселени автоунааларды таштоо менен эмес, шаарды көрктөндүрүп, көбүрөөк бак тигүү менен чечсе болот.

Максат Кудайбердиев


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(12)
09.04.2012. 11:04 
Тайпасы:
Кыймылы жок
Комментарийлердин саны:
66
Катталган:
07-02-2011
Соӊку аракети:
10-01-2015 15:15
Жынысы:
Белгисиз
Калаасы:
Бишкек
0
Анда, биз рекорд койгон турбайбызбы? Бизде бир саат эмес, жумасына бир кун толугу менен, жана маал-маалы менен очуруп, бизди "кубандырып" турат...........
09.04.2012. 12:07 
Тайпасы:
Кыймылы жок
Комментарийлердин саны:
583
Катталган:
16-05-2011
Соӊку аракети:
06-09-2016 10:59
Жынысы:
Белгисиз
Калаасы:
Бишкек
0
1 кун эмес 1 жумалап очот ко даже айлап, жылдап бизге бул жанылык деле эмес :)))))))))))))(
09.04.2012. 12:41 
Тайпасы:
Жаран
Комментарийлердин саны:
193
Катталган:
05-10-2010
Соӊку аракети:
23-09-2018 00:39
Жынысы:
Белгисиз
0
aylanayın bizde toluk 1 ay öçöt
09.04.2012. 18:18 
Тайпасы:
Жаран
Комментарийлердин саны:
310
Катталган:
11-12-2010
Соӊку аракети:
21-09-2018 19:47
Жынысы:
Белгисиз
Калаасы:
Ош
0
Cyldyzka, каерде бир ай очот?кайсы айылда
09.04.2012. 14:28 
Тайпасы:
Тартип бузгандар
Комментарийлердин саны:
11
Катталган:
29-12-2011
Соӊку аракети:
06-07-2013 15:28
Жынысы:
Белгисиз
Калаасы:
москва
0
точно биз учун жанылык эмес
09.04.2012. 22:49 
Тайпасы:
Жаран
Комментарийлердин саны:
308
Катталган:
01-11-2009
Соӊку аракети:
18-02-2018 06:38
Жынысы:
Белгисиз
Калаасы:
England
0
mm maga da telefongo (stanbulda) sms keldi 1 saat ochurunuz dep j.b. aksiya bar dep,10-15 munot ochurup ele jandirip aldim:((
10.04.2012. 15:11 
Тайпасы:
Кыймылы жок
Комментарийлердин саны:
16
Катталган:
06-12-2011
Соӊку аракети:
01-02-2015 21:29
Жынысы:
Белгисиз
Калаасы:
москва
0
кудайдын берген куну очотко бизге жанлык эмес мындай нерселерди жазбай эле койсонор болмок
12.04.2012. 23:06 
Тайпасы:
Кыймылы жок
Комментарийлердин саны:
46
Катталган:
09-04-2011
Соӊку аракети:
05-12-2013 00:56
Жынысы:
Белгисиз
Калаасы:
Ош шаары
0
на дворе 21 кылым адамдар каяктагы эшек арабаны айтып атасынар? эми элестетип корсонор Бишкектин цетринде эшек арабалар мн жургонунду. это ведь столица а каяктагы жайлоо эмес.
13.04.2012. 05:11 
Тайпасы:
Тартип бузгандар
Комментарийлердин саны:
74
Катталган:
06-04-2012
Соӊку аракети:
16-10-2012 02:23
Жынысы:
Белгисиз
Калаасы:
Москва
0
ушул абалда жашоо улана берсе жайлоо эмес тоо таштака алант го кыргыстан.
13.04.2012. 22:55 
Тайпасы:
Кыймылы жок
Комментарийлердин саны:
11
Катталган:
11-03-2012
Соӊку аракети:
23-04-2012 18:56
Жынысы:
Белгисиз
0
ооо!биздин кыргызтанга бул акция 1саат убакытты 200 пайыз аткарышат.2050 жылы нефтинин баасы 300 сом болсо кайдагы турлуу кымбат машина.
12.05.2012. 00:25 
Тайпасы:
Кыймылы жок
Комментарийлердин саны:
32
Катталган:
24-05-2009
Соӊку аракети:
07-05-2016 00:07
Жынысы:
Белгисиз
0
Биз анда активный катышат экенбиз да жердин саатына Кун сайын тунку 12де оччу эле го азыр маал маалы менен очуруп турат))))))))0
29.07.2012. 15:31 
Тайпасы:
Кыймылы жок
Комментарийлердин саны:
36
Катталган:
15-07-2012
Соӊку аракети:
10-04-2013 15:44
Жынысы:
Белгисиз
0
бул корунуш биз учун эмес .ошол чон шаар мамлекеттер учун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: