Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАКТУУЛУК АЛЫП КЕЛГЕН ЫРЛАР

№330 27-февраль - 5-март, 2009-ж.


Эмил Балтагулов,

«Ичпечи, апа!»

“Уялам элден, суранам сенден, ичпечи, апа!” деп сыздаган ыр элге сиңип, аны менен кошо колуна комуз кармаган Эмилди атактуулук ээрчиди. Ырдын сөзүн төкмө акын Жеңишбек Жумакадыр жазса, обону аткаруучуга таандык. Ыр 2006-жылы ырдалса, клиби 2007-жылы тартылган. Көчөдө арак ичип жүргөндөр да ырды укканда эстерине келишкен сыяктанышат. Ошондон улам тарбиялык маанисинин күчтүүлүгүн сезсек болот. Ыр Эмилдин турмушунан алынган эмес.

Токтобек Асаналиев,

«Боогачы»

2004-жылы Токтобек Асаналиев бул ырды ырдап чыкканда элге тез жугарын билген эмес. Атактуулук алып келген ырын аябай жакшы көргөндүктөн, уулунун атын да Боогачы койгон. Ал эми ырдын жаралыш таржымалы төмөндөгүчө: Айтылуу Ат-Башы жайлоосуна ырдын сөзүн жазган Акбар Рыскулов барып, кара көз сулууну жактырып калат. Ошондон улам Боогачы менен Үкөй аттуу уламыштын негизинде Акбар акындан ыр жаралган. Ал эми обону Калмурат Рыскуловго таандык.

Клара Алибекова,

«Кыргызымдын жигиттери»

Тургуналы Нурматовдун “Кыргызымдын жигиттерин” көркүнө чыгарып, ырга жаңы жашоо берген Клара бул ырды 5-класста окуп жатканда ырдап чыккан. Сахнага чыгары менен Жалал-Абаддын кичинекей жылдызы эл көзүнө илинип, бакчадагы кыргыз эмес, башка улуттун балдары да ушул ырды ырдап калганы эсиңизде болсо керек.

Артык, Сапар,

«Атага кат»

Уккан жандын муун-жүүнүн бошотуп жиберген “Атага кат” ыры 2006-жылы бир эмес, эки жигитти элге таанытты. Автору – Артык Саитов. Бул ырды ырдаганга чейин жигиттер кафеде иштеп жүрүшкөн. Кийин клиби чыгып, ал клип көпчүлүктүн көзүн кызарта ыйлатты. Учурда эки жигит эки жакты көздөй кетип, өз-өзүнчө ырдап жүрүшөт.

Бактыгүл
Бадыева, «Кайдасың?»

Суйкайган сулуу Бактыгүлдүн багын ачып, элге тааныткан ыр – “Кайдасың?”. Ырчы бул ырды күлгүн курагы 18 жашында сезимдери кытыгылап, жомоктогу сулуулардын сүйүүсүн көз алдына элестете ашканада олтуруп жазган экен. Ал гана эмес, ал ырга обон чыгарып, 19 жашында сахнага ырдап чыккан. “Кайдасың?” деп жүрүп атактуулук менен бирге Бактыгүл учурда өз сүйүүсүн тапканга да жетишти.

Айпери Кубик кызы,

«Сезим»

“Өткөөл куракта Айпери тим эле канаты болсо учуп кетчүдөй болуп, кеч болсо да уктабайт десең. Ошондой түндөрдүн биринде: “Ата, мага ыр жазып бериңиз, ырдайм”,- деп калды. Кызымдын ырдагысы келип жатканын көрүп, 2007-жылы ноябрь айында ырдын сөзүн жаздым. Обону Ильяз Абдыразаковго таандык. Айперим бул ырды 2008-жылы ырдап чыгып, эл көзүнө көрүнө түштү”,- дейт кызынын талантына ыраазы болгон Кубик Калыков.

Урмат Усенов,

«Жазгы жамгыр»

2002-жылы жаз айларынын бир күнүндө Урмат терезеден жааган жамгырды көрүп, колуна калем сабын кармап, көктөм менен кошо келген сүйүүсүн жамгырга салыштыра жазып салган. Арадан 3 жыл өткөн соң, тактап айтканда, 2005-жылдын хит ырларынын бирине айланган ыр Урматка атак алып келди. Ушул ырынын клиби аркылуу көптөгөн МАИчилер менен да сый мамиледе болуп калган.

Айгүл Чалова,

«Сүйүү арманы»

Уккан адамдын жүрөк кылдарын дирилдеткен сүйүү ырларынын арасындагы Айгүлдүн “Сүйүү арманы” ыры ырчыга атак алып келди. Бул ырды ырчы кыз өзгөчө сезимдерге маарып турганда жазган. “Балким, бул саптар кимдир бирөөнүкү болуп жүрбөсүн?..” деген бүдөмүк ойлорго чулганган ырчы көпкө чейин ырды элге жарыялабай жүрүп, өзүнүкү экендигине ишенген соң 2007-жылы сахнага ырдап чыккан.

Ибрагим Жунусов,

«Эламан»

Ким эле болбосун алыска чыкса апасын сагынат эмеспи. Мына ошол сыяктуу Ибрагим Жунусовдун 1979-жылы студент кезде жан дүйнөсүнөн жаңыра чыккан “Алтын апа” ыры - апасынын 50 жашына арнаган белеги. Андан да атактуулукка жеткирген “Эламанын” айтпасак болбос. 90-жылдары “Ошто өзбек-кыргыз урушу болот” деген ушак тараганда агайдын көкүрөк күчүгү Эламан төрөлөт. Анда Ибрагим агабыз “элим аман болсун” деген ниетте уулунун атын Эламан коюп, уулуна жашташ кылып “Эламан” ырын жараткан. 1992-жылы ырдалып чыккан ыр учурдагы депутатка атактуулук алып келген.

Ильяз Абдыразаков,

«Арманым»

Ильязды Ильяз кылган ыр – “Арманым”. Бул ыр боюнча ырчы өзү төмөндөгүлөргө токтолот: “Арманымдын” автору – Руслан Мамасадыков. Руслан агамдын сүйлөшкөн кызын ала качып кетип, арманда жүргөндө мен “ыр жазыңыз” деп жабышып калгам. Анан ошол ырга 2004-жылы өзүм аранжировка жасагам. Анан, албетте, обону Ильяз акаңа таандык. Бул ырдын клиби 2006-жылы тартылган”

Гүлжигит Сатибеков,

«Коштошуу»

“Айбийке, кой кайтарсак биз бирге…” деп ырдаган бул жигитти көпчүлүк “Коштошуу” ырынан кийин тааныды. Ырчынын айтуусунда, бул ырдын тарыхы узун. Ыр өтүкчү жигиттин тагдырына байланыштуу. Өтүкчү абдан сулуу жигит болот. Ошол жигитти туфлисин кактырганы келген бир байдын кызы жактырып калат. Жигитти көргүсү келген бийкеч анын иштеген жерине күн сайын келе берет. Бир күнү кыз туулган күнүнө жигитти чакырат. “Бара албайм” дегенине болбой алып кеткени келген кыз анын тизеден ылдый буту жок экенин көрүп, карабай басып кетет. Көрсө, жигит кыз келгенде дайыма алжапкыч тагынып отурчу экен. Ушул окуяны жүрөгүнө жакын алган ырчы 2007-жылы сөзүн жаратып, 2008-жылы ырдап, клип тарткан.

Сайкал Садыбакасова,

«Эстей жүр»

Легендарлуу “Кыз-Бурактын” кымча бел сулуу кыздарынын ырларынын ар бири элдин эсинде калат. Мына ошол топтун кенжеси, эркеси Сайкалды көпчүлүк “Эстей жүр” ырынан тааныды. Бул ырдын автору – бир кезде ушул топто ырдап кеткен Чынара Сеидбурханова аттуу таланттуу кыз. Бул ырды аткарып чыкканда Сайкал 2006-жылы 14 жашта эле. “Ырды жаздырып жатканда “эмнени жакшы көрөсүң, ошону элестетип ырда” десек, Сайкал “Сникерсти” жакшы көрөм” деп күлдүргөн. Өткөндө Сайкал “ий, апа, мен кичинемде жашыма туура келбеген эле ырды ырдап коюптурмун” деп күлүп коёт”,- дейт Гүлшайыр эже.

Бурул Исмаилова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: