Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

НУРЖАМАЛ БАЙБОЛОВА: «Саясатка аралашканым үйбүлөмө, бизнеске зыянын тийгизди»

№330 27-февраль - 5-март, 2009-ж.


“Саясаттан катуу ирээнжидим”

Куттуу төрүбүзгө кош келипсиз, эже. Акыркы күндөрү коомчулукка көрүнбөй кеттиңиз, бул сиздин саясаттан биротоло кеткениңизби?
– Биротоло кеттим же кайрылып келем деп азыр так айта албайм. Саясаттан Кубат Калбекович экөөбүз ЖКга депутаттык шайлоолордон кийин кетпедикпи. Ошол учурда Кубат Калбековичти партиялык тизмеден чыгарыш үчүн чоң аткаминерлер миллиондогон долларларды сунуш кылып, соодалашкан. Катарлаш жакын жүргөн адамдар тагдыр чечилчү кыйчалыш учурларда сатып, же далыңдан бычак сайышы мүмкүн экен. “Саясаттан кетебиз” деген жарыяга эң негизги эле себеп ушул болду.
– Азыр эмне иш менен алексиз?
– Балдарымдын Алматыда жашап жаткандарына 4 жыл болду. Азыр Алматыда балдар, бул жакта бизнес болуп эки ортодо чапкылап эле жүрөм.
– Канча балаңыз бар?
– 2 уул, 4 кызым, 5 неберем бар.

“КГБда иштеп жүрүп таанышканбыз”

– Адатта “эки кочкордун башы бир казанда кайнабайт” деп койчу эле. Бир үйбүлөдө эки саясатчы артыкбаш кылбас бекен?
– Бул ак сөз. Бирок Кубат Калбекович экөөбүздүкү бир аз башкачараак го дейм. Биз, орусча айтканда соратниктербиз. Андыктан бир казанда кайнабайт эмес, тетирисинче бири-бирибизди колдоп, кемтигибизди толуктап турабыз.
– Эл Кубатбек мырза экөөңөрдү КГБда иштеп жүрүп таанышышкан экен деп айтышат...
– Ооба, экөөбүз КГБда иштеп жүргөндө таанышканбыз.
– Эркектерге го макул, бирок кыз болуп туруп сиз кандайча КГБда иштеп калдыңыз эле?
– Мен өзүм Университеттин инфагында, немис тилин окугам. Ал кезде КГБга студенттердин арасынан алдыңкыларын тандап, жети атасына жеткире изилдеп текшеришкенден кийин жумушка чакырышчу. Мен да окуп жүрөгүнүмдө бир келип, сүйлөшүп кетишкен. 1985-жылы КГБга жумушка чакырышты. Ал кезде мен 22 гана жашта элем. Ишке чыкканыма 2 күн болгондо тил кат жаздырууга кадрлар бөлүмүнө чакырышкан экен. Кубат байкеңерди ошол бөлүмгө баратып коридордон көргөм.

– Ошондо эле тааныштыңызбы?
– Оо, бир топтон кийин. Иштегениме 3 жыл болуп калганда таанышканбыз. Кийин 1990-жылы баш коштук. Бул экөөбүздүн тең экинчи турмушубуз болду. Жакшылап тааныша келгенде экөөбүздө көп окшоштуктар бар экенин билип таң калганбыз. Мен Москва районунан, ал эми Кубат байкеңер Аламүдүн районунан болот. Бирок экөөбүз тең Чоң-Арык айылынанбыз. Экөөбүз тең Школьная деген көчөдө жашайт экенбиз. Ошондон кийин күлүп айтып калчу элек, жанагы “Ирония судьбы” деген кино биз тууралуу тартылган деп.

“Карьера мени тандап келет”

– Жашооңузда карьера же үйбүлө деген тандоого такалган учур болду беле?
– Анчалык оор тандоого туш болгон деле эмес экенмин. КГБда кадимки эле жумуш. Кийин балдар менен үйдө отуруп калдым. Анан бизнес баштап, баш-отум менен бизнеске кирип кеттим. Депутаттык шайлоолордо Кубат Калбековичтин коомдук жардамчысы болуп жүрүп шаардык бийлик тарабынан жасалган көп мыйзам бузууларга, адилетсиздиктерге күбө болдум. Дал ушул нерсе саясатка, коомдук иштерге аралашуума түрткү болду. Азыр ойлоп көрсөм, мен карьераны тандабай эле карьера мени тандап келиптир.
– Саясатка аралашканыңызга өкүнбөйсүзбү?
– Эгер үйбүлөлүү аял катары алып карасам, өкүнөм. Анткени менин саясатка аралашканым үйбүлөгө да, бизнеске да бир топ зыян алып келди. Ал эми башкалаа үчүн депутаттар менен чогуу жасаган иштерибизди ойлосом ыраазы болуп кетем. Мен төрайым болуп турган эки жарым жыл ичинде башкалаада шаардык кеңеш толук кандуу иштеди, ага шаардыктардын баары эле күбө болду го.
–Кандайдыр коркутуп-үркүтүүлөр, же кысымга алуулар болдубу?
– Толгон токой текшерүүлөр табигый эле нерсе болуп калбадыбы. Жалаң коркутуп-үркүтүүлөрдүн айынан балдарым 4 жылдан бери Казакстанда жашап, окуп жатышат.Негизи, балдардын коопсуздугун ойлоп Алматыга жайгаштырдык. Нурсултан Назарбаевдин фондунун алдында уюшулган окутуу программасы боюнча өтө жакшы мектеп бар. Балдарым ошол мектепте окуп жатышат. Жалаң англис тилинде окушат. Бизде дагы ошондой мектептер ачылса жакшы болот эле.
– Жаңыдан баш кошкондорго кашык-вилка топтомун белекке бербейт дейт. Ушундай ырымдарга ишенесизби?
– Мен дегеле ырым-жырым­дарга ишенбеген адаммын. Кээде тууган-туушканга ит берип калсак ырымдап тыйын-тыпыр алганым эле болбосо, көрүнгөн ырымды жасай бербейм.

“Биринчи үйлүү болгонумда...”

– Батирде жашагансыздарбы? Качан үйлүү болдуңар эле?
– Батирден батирге көчүп жүргөн күндөрдү эстесем азыр да жүрөгүм зырылдап кетет. Кээде күлүп калам “Бишкекте мен жашабаган район деле калбаптыр” деп. Биринчи жолу үйлүү болгон күнүм азыркыга чейин эсимде. КГБдан бир бөлмөлүү үй “Восток-5” кичирайонунан берилген. Азыр айтам, 32-үй, 72-квартира болчу. Ал эмес телефон номуру да эсимде. Кубат Калбекович экөөбүз түтүн булаткандагы биринчи үйүбүз ошол болду.
– Конок тосконду жактырасызбы, же конокко баргандыбы?
– Чынын айтсам экөөнү тең жактырбайм. Бир жакка конокко барсак да бир аз олтуруп, анан балдарды көздөй жөнөп калабыз. Аш-тойду көңүлүм сүйбөйт.
– Мектепке балдардын ата-энелер чогулушуна ким барчу?
– Илгери көпчүлүк учурда мен барчумун. Анткени Кубат Калбекович коомдук иштер менен алек болчу. Азыр эми кимибиз Алматыда болуп калсак, ошонубуз бара беребиз.

“Балам жактырып турса кантем?”

– Уулдарыңыз улуту, дини буруу элден келинчек алам десе макул болосузбу?
– Билесизби, дал ушул нерсе азыр биздин башыбыздан өтүүдө. Мен өзүм интернационалистмин. Бирок турмуштан көптү көрсөң, ошол турмуштук тажрыйбаңа карап да көз карашың өзгөрөт экен. Башка улуттан аял алып, жакшынакай эле жашап жүрүп аягы келип кайра эле кыргыздын кызына үйлөнгөн көптөгөн эр-азаматтарыбызды көрдүм. Заманбап жашоо дегенибиз менен биздин элге гана тиешелүү мыйзамдар, салт-санаа деген бар. Жашоодо аны аттап өтө албайт экенбиз.

Улуу балам азыр 26 жашта. Ал дал ушул маселени чече албай жүрөт. “Жок, андайга үйлөнбөйсүң!” деп такыр эле каршы чыкпайм дечи. Балаңдын жүрөгү жактырып турса кантесиң. Ошентсе да көргөн, билгенимди айтып кеңеш берип, туура багытка салганга аракет кылам.
– Айтып отурсаңыз бактылуу бүлөнүн кожейкеси экенсиз. Ылайым ушул үйбүлө очогуңуз урабасын, эже. Ишиңизде ийгилик болсун!

Кыскасын айтканда...

  • Үйбүлөдө үч баланын экинчиси.
  • Туулган жылы – 1963-жыл, 25-май.
  • Бүлөсүндөгү сыйлуу тамак – куурулган балык.
  • Жолдошунун тоо ураса да былк дебеген токтоолугу, бир мүнөздүгү, эч качан көз карашын өзгөртпөгөндүгү жагат.
  • Кийимден классикалык жана спорттук стилдерди жактырат. Ошондой эле “Эскаданын” кийимдерин көп киет.
  • Жашылчалардан жасалчу шорпону катыра бышырат.
  • Отуруштарда такыр ырдабайт. Өзү үчүн да, жубайы үчүн да жолдошу ырдайт.
  • Рулга отурганына 16 жыл болду. Айдоочусуз жүрөт.

Шаиста Шатманова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: