Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТКАРЫЛБАГАН АМАНАТ (сандан санга)

№493 13-апрель- 19-апрель, 2012-ж.


(Башы өткөн сандарыбызда)

Жаныбек ошол күнү сүйүктүү жарынын жанында көпкө отурду. “Сени айыктырып алам, мага ишен, сен бизге керексиң...” деген сөздөрүн миң кайталап отурду. Жаннат “мен айыгам” деп сөз бербесе да, өзүнүн ачык көңүлү менен күйөөсүнүн жүрөгүнө жылуулук тартуулап жатты.
Тумар эң татаал, жүрөктү өйүгөн ишке бет ала албай кыйналды аябай. Курбусунун тапшыруусу менен анын балдарына бала багуучу болуп барып, Жаныбектин жүрөгүн багынтуу керек. Чындыгында, жаш кезинен бери Жаныбекти жакшы көргөнү менен, ага мындай шартта турмушка чыгууну таптакыр каалаган жок. Кааламак тургай алдыдагы күндөрүн элестетип, өзүнөн өзү жийиркенип, мындай кадамга бут таштагандыгы үчүн өзүн-өзү жемелеп да турду. Бирок эми артка жол жок эле. Ансыз да жарым жан болуп жаткан курбусун өмүрүнүн акырында капа кылууга акысы жок. Тагдырдын мойнуна жүктөлгөн жүгүн көтөрүүгө бет алган Тумар Жаннаттын балдарына барып таанышууга бел байлады. Курбусунун балдары тууралуу айткандарын эске алып Саматка топ, Айжамалга машина белекке алып алды. Жолдо баратып Жаннатка телефон чалды.
– Алло, кандайсың?
– Жакшы, рахмат, өзүң көргөндөй эле жатам. Мени койчу, өзүң кандай? Эмне кылып жатасың?
– Жакшы. Мен кечээ өз иштеримди жай-жайына коюп бүттүм. Бүгүн...- деп сөзүнүн аягына чыга албай кекечтене түштү. Албетте, “сенин балдарыңа, күйөөңө баратам” деп кантип тарс эле айта салсын? Жаннат да Тумарды жарым сөздөн түшүндү.
– Жакшы болот. Азыр бош элесиңби?
– Ооба.
– Ырас болбодубу. Анда мындай кыл. Жаныбек азыр үйдө болчу. Сен түптүз үйгө бара бер. Мен аларга айтып коём, тосуп алышат.
– Жарайт.
Тумар курбусунун үйүн көздөй жол тартты. Жакындай бергенде жүрөгү алып учуп, колдорун майда калтырак басты. Бул үйгө Жаннат менен Жаныбек жаңы үйлөнгөн кезде бат-баттан келип турар эле. Кийинчерээк көр тириликтин айынан бир туугандай болгон курбулар бири-биринен алыстап, акыркы жылдары катташпай деле калышкан. Ал кезде бул заңгыраган үч кабаттуу үйдүн ордунда жепирейген эки бөлмөлүү там турчу. Эми минтип өзүнчө эле шаарга айланыптыр. Тээтиги короонун сыртындагы мөмөсү көз жоосун алып бышып турган эки түп өрүктү Жаныбек менен Жаннат отургузуп жатышканын Тумар өз көзү менен көргөн. Анда да ушинтип алыстан келатып, жаш жубайлардын жаш көчөт отургузуп жатышкандарын көрүп ичинен кубанган эле. Кубанычтанбы же кызганычтанбы, анда да ушинтип колдорун майда калтырак баскан. Канчалык сүрдөсө да билдирбегенге аракеттенип өзүн карманып, коңгуроону ишеничтүү басты. Көп күттүрбөй дарбазаны Жаныбек өзү ачты.
– Оо, Тумар. Келгениң жакшы болбодубу. Жүрү, үйгө кирели.
– Балдар кандай?
– Рахмат, жакшы. Самат сабакта, Айжамал болсо бир аз сыркоолоп калган экен, кечээтен бери үйдө.
– Ий, эмне болду?
– Кызамык болуп жатабыз.
– Жаман болгон экен. Дарыгерлерге бардыңарбы?
– Ооба, барып көрүнүп келдик. Баса, Жаннатка унчукпай эле кой. Ага айткан жокпуз, ансыз да өзү араң жатканда.
– Ий, айтпаган эле оң го.
– Бала бакчага жеткирип, кайра кечкисин алганга жетише албай бала багуучу алсам деп жүрөт элем. Эми минтип жумушка да чыга албай, кызым экөөбүз үйдө отуруп калдык.
Экөө ээрчишип үйгө кирип, Айжамалдын бөлмөсүнө бет алышты. Үйдүн ичи укмуш жасалгаланган, кымбат баалуу эмеректер менен толтурулуп, үстүңкү кабатка алып барчу тепкичтердин кооздугу көз жоосун алат. Ээрчише экинчи кабатка көтөрүлүп, Айжамал ойноп отурган бөлмөгө баш багышты.
– Кызым, конок келди,- деди атасы эркелете сүйлөп.
Айжамал бир бурчка машиналарды тизип алып ойноп отурган экен. Тиктеп эле туруп калды. “Кызым, эже менен учурашпайсыңбы?” дегенде гана акырын үн катып “саламатсызбы?” деп койду.
– Айжамал, келчи мага, экөөбүз таанышып алалы. Эч жериң ооруган жокпу?
Айжамал үн катпастан жөн гана башын чайкап койду. Жаныбек бул жерден сөзгө аралаша:
– Кечээ башталып, бир күндө эле ушинтип денесин толук каптап кетти. Андан мурунку күнү бир аз эти ысып чыккан. Дарыдан берип жаткырып койгом. Баары бир түнү менен кыңкыстап чыккан.
Болочокто эне-балага айланчу Тумар менен Айжамалдын таанышуусу мына ушундай маанайда башталды. Чай коюп, Жаныбек Тумарды ашканага чакырды. Экөө чай үстүндө турмуштун татаалдыгы, күтүлбөгөн кубанычтуу жана жагымсыз окуяларга бай болору туурасында сүйлөшүп отурушту. Баарынан жагымдуусу, студент күндөрдү эске салышты.
Тумар курбусунун үйүндө бир сааттай убакытка кармалды көрүнөт. Айжамал менен сүйлөшүп, аны менен жаш балача ойноп, экөө бат эле тил табышып кетти. Атасынын “жараларыңа дары сүйкөп берейин” дегенине көнбөй жаткан Айжамал Тумарга макул болуп, унчукпастан отуруп берди. Буга кубанган Жаныбек:
– Кызым, эже жакшы экен, ээ? Карачы, сага оюнчук алып келди. Анан да сени менен ойнойт экен,- деп калды.
Айжамал да башын ийкеп, Тумарды бир карап жылмайып койду. Ошентип, Тумар бүгүн да оор ойго чөгүп кетти. Бул жолу да түз эле үйүнө өтүп кете албай, Жаннатка кайрылды.
– Кандайсың, Жаннат?
– Жакшы, жатам. И-ий, айтчы анан. Үйгө барып келдиңби?
– Ооба, бардым.
– Эмне кылып жатышыптыр?
– Жаныбек менен Айжамал бар экен үйдө.
Жаннат чочуп кетти:
– А эмне, Айжамал бала бакчага барбаптырбы?
Ойлонбой сүйлөп алганын Тумар ошондо гана түшүндү. Айжамалдын ооруп жат­канын Жаннатка айтпайбыз деп сүйлөшүшпөдү беле. Эч сыр бербегенге аракеттене:
– Аа, бүгүн Жаныбек үйдө турбайбы. Анан “балдар менен чогуу болууну чечип, Айжамалды бала бакчадан алып калдым” дейт.
– Ошондой эле болсунчу. Негедир бүгүн Айжамал эсимден кетпей койду. “Бала бакчага барбаптыр” десең, бирдеме болгон экен деп чочуп кетпедимби.
Тумар курбусунун балдарына эртең да барарын айтып, үйүн көздөй бет алды. Жаннат Тумардын айткандарын көз алдына элестетип көпкө отурду. Канчалык баарын жөнгө салып кетүүнү кааласа да, оорулуу келиндин жүрөгүнө катуу тийди. Бир чети ичинен балдарын да, жолдошун да Тумардан кызганып турду. “Балдарды алып келбе, аларга мени көрсөтпө” деп Жаныбектен күн сайын өтүнөт. Бирок сагынычы күчөгөндөн күчөп барат. Аларды эстегенде баарын таштап үйүнө кетип калгысы келет. Анткен менен арга барбы, чыдаш керек.
Жаннат бул ирет кусалыгына чыдаган жок. Акырын ордунан туруп, чачын тарап, күзгүгө бир сыйра каранып алды да, үстүнө кийимдеринин бирин иле салып сыртты көздөй жөнөдү. Үйүнө барып балдарын кыса кучактап, алардын жытын искеп, маңдайынан сылап, аз да болсо сагынычын таратып келүүнү чечти. Дарыгерлердин бирине да айткан жок. Күчтүү дарыларды күнүнө бир нече ирет иче берип алы да калбаптыр, арыктаганында го кеп жок. Алсырап тургандыгын ордунан турганда эле сезген. “Канчалык кыйналбайын баары бир балдарыма жетем, жетпесем жолдо өлүп калармын, ага да макулмун. Ансыз да мага эми жашоо жок” деген бойдон сыртка чыкты. Кудай жалгап, дарыгер, медайым дегендердин эч кимиси байкаган жок. “Саматым менен Айжамалыма баратам” деген ойдон улам Жаннаттын көөдөнүндө кубаныч ойноп турду. Улам бир бутун шилтеген сайын алсырап отуруп, оорукананын короосунан чыга беришке жеткенде эле андан ары кете албасына көзү жетти. Болбой дагы да алдыга кадам шилтей берди. Акыры келин сулк жыгылды. Көзүнөн от чагылышып, жүрөгү булкуна согуп, дем жетишпей баратты. “Жардамга” деп кыйкыргысы келди. Бирок шыбыраган үнү өзүнө араң угулду. Аны эч ким уккан да жок.

(Уландысы кийинки сандарыбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(19)
16.04.2012. 10:22 
Тайпасы:
Жаран
Комментарийлердин саны:
24
Катталган:
19-01-2012
Соӊку аракети:
21-11-2018 18:23
Жынысы:
Белгисиз
Калаасы:
Жалалабад
0
мм.
16.04.2012. 13:20 
Тайпасы:
Кыймылы жок
Комментарийлердин саны:
18
Катталган:
11-03-2012
Соӊку аракети:
09-09-2013 16:23
Жынысы:
Белгисиз
0
munu ar bir sanin okugan sayin jurogun oruytko
16.04.2012. 13:26 
Тайпасы:
Жаран
Комментарийлердин саны:
12
Катталган:
16-04-2012
Соӊку аракети:
17-10-2018 22:40
Жынысы:
Белгисиз
0
не принимайте близко все к сердцу
16.04.2012. 14:37 
Тайпасы:
Кыймылы жок
Комментарийлердин саны:
4
Катталган:
15-11-2011
Соӊку аракети:
07-11-2014 16:20
Жынысы:
Белгисиз
0
Дарбазаны ачкан Жаныбек Тумарга -
"– Оо, Жаннат. Келгениң жакшы болбодубу. Жүрү, үйгө кирели" дегени ызыктуу экен ))
17.04.2012. 09:09 
Тайпасы:
Жаран
Комментарийлердин саны:
375
Катталган:
05-06-2007
Соӊку аракети:
21-11-2018 19:15
Жынысы:
Белгисиз
0
adelin_a, туура баамдаптырсыз. Катачылыкты оңдодук, рахмат сизге!
16.04.2012. 15:24 
Тайпасы:
Кыймылы жок
Комментарийлердин саны:
23
Катталган:
24-10-2011
Соӊку аракети:
15-03-2014 23:34
Жынысы:
Белгисиз
0
Adelim_a jon tursan kyzykttu kylyp jazgandyr da nesi bolso da bul kol cheber usta onorpoz jazuuchulardyn kylgany da je suiuuktuu gezitin katalygy
16.04.2012. 16:14 
Тайпасы:
Жаран
Комментарийлердин саны:
5
Катталган:
27-07-2011
Соӊку аракети:
15-11-2018 15:01
Жынысы:
Белгисиз
Калаасы:
Россия
0
– Оо, Жаннат. Келгениң жакшы болбодубу. Жүрү, үйгө кирели.
Дегени жакшы болду кичине ката кетип калыптыр дагы айжамалга топ сатып алып саматка машина сатып алса болмокко кичине ойлонбой жазып коюптур кыз баланы машина менен ойнотуп коюптур булда болсо кичине катачылык болуп саналат!!!
16.04.2012. 19:39 
Тайпасы:
Жаран
Комментарийлердин саны:
53
Катталган:
16-04-2010
Соӊку аракети:
21-11-2018 00:20
Жынысы:
Белгисиз
0
777bazamat, A mumkun kyzy mashina menen ojnogondu zhakshy korottur. Men dele kichine kezimde, kyz bolup alyp ele mashina, chuko ojnochumun.
17.04.2012. 09:07 
Тайпасы:
Жаран
Комментарийлердин саны:
12
Катталган:
20-06-2011
Соӊку аракети:
03-05-2017 17:36
Жынысы:
Белгисиз
Калаасы:
Бишкек
0
777bazamat, мындан мурунку санында балдардын апасы Жаннат Тумарга балдары жонундо айтып берип жатканда айтпады беле, кызым кызга окшоп куурчак менен ойнобойт негедир. Машина менен ойногонду жактырат деп. Бул каталык эмес го.
16.04.2012. 16:17 
Тайпасы:
Жаран
Комментарийлердин саны:
5
Катталган:
27-07-2011
Соӊку аракети:
15-11-2018 15:01
Жынысы:
Белгисиз
Калаасы:
Россия
0
A.Almaz сен тантыба кобуроок adelin_a тура айтат кимисинен ката кетседа тура жазышсында боло берет деп эле ката жаза беришпей.
16.04.2012. 23:43 
Тайпасы:
Кыймылы жок
Комментарийлердин саны:
8
Катталган:
13-03-2012
Соӊку аракети:
08-12-2012 17:21
Жынысы:
Белгисиз
0
курбусунун балдары жонундо айткандарын ойлоп Саматка топ,Айжамалга машина алып алды дебатпайбы демек апасы айткан кызына кандай белек жагаарын
17.04.2012. 01:36 
Тайпасы:
Кыймылы жок
Комментарийлердин саны:
17
Катталган:
06-02-2012
Соӊку аракети:
29-05-2015 11:18
Жынысы:
Белгисиз
0
жакшы чыгарма экен кызыгып окуйм
17.04.2012. 03:44 
Тайпасы:
Жаран
Комментарийлердин саны:
115
Катталган:
26-10-2011
Соӊку аракети:
23-09-2018 18:00
Жынысы:
Белгисиз
0
жанылбаган жаак болбойт.
17.04.2012. 09:24 
Тайпасы:
Жаран
Комментарийлердин саны:
102
Катталган:
08-04-2011
Соӊку аракети:
07-04-2017 23:34
Жынысы:
Белгисиз
Калаасы:
BISHKEK
0
wwwww, jooop jaksi ha ha ha
17.04.2012. 12:32 
Тайпасы:
Тартип бузгандар
Комментарийлердин саны:
18
Катталган:
17-02-2012
Соӊку аракети:
10-12-2012 17:43
Жынысы:
Белгисиз
Калаасы:
ош
0
Бутуп калдыго."эми бир жумалык реклама"
19.04.2012. 16:05 
Тайпасы:
Кыймылы жок
Комментарийлердин саны:
80
Катталган:
07-03-2012
Соӊку аракети:
14-03-2013 22:11
Жынысы:
Белгисиз
0
nege myncha kaigyluu
20.04.2012. 04:50 
Тайпасы:
Кыймылы жок
Комментарийлердин саны:
3
Катталган:
24-03-2012
Соӊку аракети:
27-07-2015 19:33
Жынысы:
Белгисиз
Калаасы:
Kara balta
0
эх дагы бир жума кутобузбу куто берип жинди болуп кетебизго
20.04.2012. 13:14 
Тайпасы:
Кыймылы жок
Комментарийлердин саны:
1
Катталган:
17-02-2012
Соӊку аракети:
20-10-2014 00:43
Жынысы:
Белгисиз
0
китеби барбы?
20.04.2012. 14:19 
Тайпасы:
Жаран
Комментарийлердин саны:
5
Катталган:
27-07-2011
Соӊку аракети:
15-11-2018 15:01
Жынысы:
Белгисиз
Калаасы:
Россия
0
бар китеби 500 сом турат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: