Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“ГОРОД 312” ТОБУ

№197 11-17-август, 2006-ж.


«Күндүзгү Чабыт» киносундагы «Останусь» саундтрегинин жана «Вне зоны доступа» ырынын хитке айланышы менен «Город 312» тобу өзгөчө популярдуулукка жетише алды. Кыргызстандан чыгып учурда Москвада эмгектенип жатышкан бул топтун балдары мынчалык бийик деңгээлге жетиш үчүн жылдап эмгектенишип, көп кырларды ашып өтүш­көн­дүгүнөн көпчүлүк маалымдар эмес. Орус шоу-бизнесин багынтыш үчүн топтогу балдар өздөрү туулуп өскөн жерин, Бишкекти таштап кетүүгө аргасыз болушкан.

– Алгач топтун курамы менен тааныштырып өтсөңөр?
Ая: – Биздин топ беш кишиден турат. Эки кыз, үч бала. Алардын атын атап өтсөм, Маша, Дима, Леон, Сергей, анан мен Ая.
– Тобуңар кандайча түзүлгөн, ушул тууралуу сөз баштасаң?
Леон: – Биздин чыгармачылык жолубуз Кыргызстандан башталган. Ал жакта агам Дима экөөбүз «Аян» деген популярдуу топто ырдачубуз. Ал эми азыр гитарада ойногон кызыбыз Маша жана солисткабыз Ая биздин дос кыздарыбыз болчу. Ая менен реклама жаатында да иштешип жүрдүк. Андан тышкары Ая консерваториянын вокал бөлү­мүн бүтүргөн­дүктөн, ырдачу. Бир күнү кү­түлбөгөн эле жерден Дима экөөбүз Москвага кетүүнү чечтик. Ал эми топтогу балдар эмнегедир биз менен бирге кетүүдөн баш тартышкан. Эң кызыгы, биз менен Россияга балдар эмес, дос кыздарыбыздын кеткени болду.
– Кыздар, силер балдар менен кеткенден корккон жоксуңарбы?
Ая: – Негизи, биз көп нерсеге Кыргызстандан жетиштик десем болот. Бирок, ал жактан чоң аренага чыгуу кыйынга тураарын билсек да, балдар менен Москвага кетүүнү туура көрдүк. Маша биздин топко кошулганга че­йин профессионалдык бий менен алектенчү. Ошол учурда тобубуздагы гитарист жигит кетип калган. Аз убакыттын ичинде Маша гитарада ойногонду үйрөнүп, топтун гитаристи болуп калды. Машанын музыкалык билими жок болсо да, учурда өз ишин жогорку деңгээлде аткарат.
– Ая, сен Кыргызстанда сахнада Светлана Назаренко деген өз ысымың менен чыгып жүрчү элең. Ал эми Москвада эмне үчүн Ая болуп алдың?
– Ооба, кыргызстандыктар мени Светлана Назаренко деген өз ысымым менен таанышат. Ал эми Москвага келгенимде сахнага оригиналдуу псевдоним менен чыгууну чечтим. Ошентип, Ая деген псевдонимди тандап алдым.
– Дегеле кыргыз шоу-бизнеси менен орус шоу-бизнесинин айырмасын байкасаңар керек?
Ая: – Айырмачылык бар. Кыргызстанда шоу-бизнес дээрлик жок. Анан дагы концертке барганга көпчүлүктүн акчасы жок. Ал эми орус шоу-бизнесинде өнүгүү бар. Бирок, учурда өзүбүз иштешип жаткан компаниянын ишине нааразы болуп жатабыз. Иштешип жатканыбызга бир-эки ай болсо да, эч кандай жыйынтык көр­гөн жокпуз.
– Азыркы продюсериңер менен кандайча таанышып калгансыңар?
Дима: – Бизди фортуна колдоду десем болот. Топтун биринчи дискинин бет ачары болуп жатканда бо­лочок продюсерибиз кокусунан ал жерге барып калыптыр. Ырларыбызды уккандан кийин биздин үн режиссёрубузга барып, биз жөнүндө сураштырган экен. Сыягы, ырыбыз жаккан окшойт, өз жанынан 200 рублга биздин ырларыбыз жазылган дискти сатып алыптыр. Ал учурда Москвада кү­нүм­дүк тапкан акчабыз менен жашачубуз. Концерттерден, белгилүү топтордун ыр жаздыруучу студияларына барып аран­жировка жасай коюп же вокалдан сабак бере коюп акча таап дегендей. Кыскасы, музыкалык жөн­дөм­­дүүлү­гү­бүз­дүн аркасы менен жашап жүрдүк. Кан­­чалык кыйналсак да биз музыкага тиешеси жок иштерде иштеген жокпуз. Анткени, музыкадан алыстап кетсек, карьерабызга чекит коюлмак.
– Тобуңардын атына да көптөр таң берип келишет. «Город 312» деп атап алганыңардын себеби?
Леон: – Алгач биз топко «Добры Молодцы», «Эминем», «Город 312», «Роллинг Стоунз» деген аттарды тандаганбыз. Бирок, интернеттен «Город 312ден» башка биз тандаган аттар колдонулуп жүргөнүн билдик. Анан атыбызды «Город 312» деп коюуну чечтик. Анткени, биз баарыбыз Бишкектен таанышканбыз. Анын үстүнө Бишкектин коду – 312. Андан тышкары биздин Москвадагы биринчи квартирабыздын номери да 312 болчу. Ошентип, тобубузга оригиналдуу ат коюп алганбыз.
– Негизи, ар бир топтун иштөө келишиминде өзгөчө талаптар коюлат. Силердеги талап кандай?
Ая: – Биздин келишимдеги эң катуу коюлган талап болуп сахнага чыгаарда, дегеле жумуш учурунда спирт ичимдигин, баңги заттарды колдонбоо саналат. Баарыбыз муну колдойбуз.
– Өзүңөрдүн популярдуулугуңарды сезесиңерби?
Дима: – Бизди Россиянын ар бир атуулу тааныйт дегенден алыспыз. Жакында эле бизди алып кеткени келген айдоочу: «Мага «Город 312» деген заявканы бергенде бул кайсы шаар болду экен деп картаны карап жүрбөй­мүнбү. Көрсө, силердин тобуңар ушундай аталат тура» деп жатпайбы.
Ая: – Дагы бир окуяны эстеп кеттим. Бир жолу концертке ырдаганы бар­дык. Алпаруучу Николай Фоменко бизди тааныштыраардын ал­дын­да «Город 312» дебей эле «Город» же болбосо «312» деп эле коюп алышса болмок. Атын айтып тааныштырганча тилиң чарчайт экен» деп тамашалаган. Сахнага чыгууга бизге кезек келгенде «болгула фо­нограммаңарды даяр­дагыла» деп шаштырып жүрөт. Бизде фонограмма жок, жандуу үн менен ырдайбыз десек, таңгала карап калганы эсимде. Биз ырдап бүткөн­дөн ки­йин ушунчалык ыраазы болгонун айткан.
– Фонограммасы жок ырдагандан кыйналбайсыңарбы?
Ая: – Чынын айтсам, «живой» ырдаган абдан оор. Бул жагынан биз Валерия менен окшошпуз, дайыма фонограммасы жок ырдайбыз. Ушундан улам ар бир концерт бүткөндө адистерге көрүнүп турабыз.
– Учурдагы популярдуу «Күндүзгү чабыт» киносуна ырыңар кандайча тандалып калган?
Леон: – Ырыбыз кино тартыла электе жаралган. Үн жаздырган компания «ыры­ңарды кинону тар­тып жаткан режиссёрго сунуштап көрбөй­сүңөр­бү?» деп кеңеш айткан. Бирок, мүм­күн­чүлүгүбүз аз экенин да кошумчалаган. Анан да­гы ошончо ырдын ичинен биздин ырды тандап алат деп эч ким күткөн эмес. Ырыбыз тартылып жаткан киного ылайык келип, биздин ыр тандалып алынган.
– Орус шоу-бизнесинин жылдыздары силерди кандай кабыл алышты?
Ая: – Бактыбызга бир да жолу жаман сөз уккан жокпуз. Концерттерде болобу, артисттер чогулган кечелерде болобу мактоо сөздөрдү угуп келебиз. Өзгөчө Буйнов, Наталья Подольскаялар келип комплимент айткандары эсимде. Бул дагы биз үчүн ордубузду тапканга түрткү болду.
– Туулган жериңерди эстейсиңерби?
Леон: – Биздин мекенибизде токойлор, тоолор, суулар көп. Анын баарын сөз менен жеткире албайсың. Ал эми чиркей жокко эсе.
Ая: – А козу карындарында сөз жок. Баарын же­сең болот. Экологиясынын тазасын сураба. Жаратылышы абдан кооз.
– Ал жактагы жакындарыңар менен байланышып турасыңарбы?
– Албетте. Алар биздин жашообузда эмне болуп жатканы тууралуу кабардар болуп турушат. Биздин эң жакын адамдарыбыз ошол жакта да.
– Жеке жашооңор жө­нүн­дө айта кетсеңер?
Дима: – Менин сүйүктүү тү­гөйүм бар. Ал журналист, жазуучу. Ал биринчи жолку интервьюсун бизден алган. Ошентип, таанышып калганбыз. Экөө­бүз­дүн жылдыздарыбыз келишип, төрт ай мурун үйлөнгөнбүз.
– Ая, кыялыңдагы адамга жолуккансыңбы?
– Менин кыялымдагы адамым кол жеткис деп айтпайм. Мага сөзүнө бек турган, эрктүү, акылдуу мырзалар жа­гат.
– Маша, а сиз ханзаадаңызга жолуккансызбы?
– Менин сүйүктүү адамым бар. Ал мени бардык жактан канааттандырат. Кыскасы, ал менин идеалым.
– Концерт алдында толкундануу болобу?
Маша: – Болот. Мен көбүнчө техникалык маселелерден корком. Андан тышкары эл канча келет болду экен деп эле бушайман боло берем.
Ая: – Мен өзүмчө эле толкундана берем. Анан да концерт алдында топтогу балдар болуп бири-бирибиздин кө­ңү­лүбүздү тү­шүрбөйбүз деп убадалашып алабыз.
– Сергей, адис музыкант катары топтун музыкалык деңгээлине кандай баа берет элең?
– Топтогу ар бир солист­тин үнү өзүнчө оригиналдуу. Анан да балдар бири-бирине катуу талап коюшат. Музыкант катары ушул жагын жогору баалайм.
– Учурда Москвада катталгансыңарбы?
Дима: – Каттоо маселеси толук чечилип бүтө элек. Ушул боюнча метрого түш­көндө милиция кызматкерлери менен келишпестиктер болот. Өз­гөчө Аяны таанышып алалы деп кармашат.

«МК»гезитинен алып даярдаган Жаркынай Нусубалиева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: