Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАЯМАН ЖӨНҮНДӨ БАЯН

№494 20-апрель- 26-апрель, 2012-ж.


Малик Осмонов, Баяман Эркинбаевдин машыктыруучусу: “МЕНИ АТА ДЕЧҮ”

Малик мырза учурда ЖКнын депутаты. “Менчелик Баяманды эч ким билбесе керек” деп маркум палван тууралуу эксклюзивдүү маегин баштады.
– Алгач кантип экөөңүздөрдүн таанышып калганыңызды айтып берсеңиз?
– Жаш кезимден самбо менен машыккан кишимин. Ортодо армияга кетип, ал жактан келерим менен тамак ичпей, залга шашыла жөнөдүм. Кесиптештер, достор менен учурашып, машыгып жаткан 7-8-класстын балдарын карап отурдум. Анын арасынан кара тору, сымбаттуу, көздөрү оттой жанып турган балага назарым түшүп калды. Япондордун кепкасын баса кийип алыптыр. Ошол Баяман экен.

– Сиз ага машыктыруучу болуп калдыңызбы?
– Ооба. Ал мени, мен аны тандап калдык. Өзүм күрөшчү болсом да, ушул баланы ээрчитким келди. Союз мезгилинде Борбор Азияда жайгашкан бардык өлкөлөрдө кыргыздын улуттук күрөшү атагына жетип турган учур. 20-30 миң элди чогулткан чоң күрөштөргө катыша баштадык. Баяманды Кыргызстан тааный электе Өзбекстан, Тажикстан анын күйөрманына айланды. 10-классты бүткөн курагында Баяман бүтүндөй Орто Азияга белгилүү палван болуп чыга келди. Аны жыга турганы да калбады.

– Устаты катары күрөшкө чыккан кезин көп эстесеңиз керек...
– Мен аны Курманбек баатырга көп окшотом. Ал 15 жашында калмактардын империясынын акыркы калдыктарын кууп чыккан. Күрөштө өзбеги, тажиги дебей «Баяман утса экен» деп тиленип отурушчу. Элди өзүнө тартуу үчүн сулуулук да керек экен. Көздөрү оттой жанган, моюну узун, арык, жылдыздуу, 70 килограмм салмагы бар Баяман 120-150 килограммдык дөөдөй, төөдөй болгон балбандарды жыгып койгондо күйөрмандары сүйүнгөнүнөн ыйлап жиберген учурларын да көргөнбүз.

– Мектепти аяктагандан кийин спортту уланттыбы?
– Оштогу Терешкова жатак окуу жайын бүтүргөндөн кийин Баяман «Бишкекте окуйм» деп калды. Мен макул болбой, аны Ташкенттеги токой чарбасына тапшыртып, өткөрдүм.
Өзү чал-кемпирдин уулу, апасы аны 47 жашында төрөсө, атасы ал кезде 60тын тегерегинде экен. Баяман чоңойгондо атасы 80ге барып калган аксакал эле. Орто оокаттуу, бир аты, бир ую бар болчу. Эжелери көп, эки агасы тең оорукчан эле.
Ташкентте окуп калганда Баямандын атагы ого бетер ашты. Өзбекстандын беш жолку чемпиону болуп, дзюдо менен самбо боюнча СССРдин спорт боюнча чебердигин толтурду.

– Союз кулаганда бүтүндөй постсоветтик мейкиндикте спорттун өкүлдөрү көбүнесе кримчөйрөгө аралашып кеткени белгилүү. Шакиртиңиз эмне менен алек болду?
– Замандын агымы менен ал да соодага өттү. Бат эле бай кишиге айланды. Эч ким анын колунан алууга жутунбай, баары карматып турчу. Даңкы да жардам берди окшойт. Өзү табиятынан жолдуу, акжолтой бала эле. Фергана өрөөнүндөгү кримдүйнөгө да белгилүү болчу. Криминалдар өзүнүн каршылаштарын өлтүрүп аты чыгат, Баяман мечит менен көпүрө салып атагы чыкты. Эч качан үстөмдүк кылчу эмес.
27 жашында депутаттыкка коюп, үч жолу эл өкүлү болду. Кийин үйлөнүп-жайланып, тойлорунда отурдук.
Баяман мен үчүн чоң илимдин ачылышы сыяктуу. Жалал-Абад, Ош, Баткен, бул жагы Өзбекстандын биз менен чектешкен облустарына чейин анын айтканы айткан болуп турган.

– 90-жылдагы Ош окуясында сиз Баяман менен чогуу жүрдүңүзбү?
– Ал кезде Баяман студент, Ташкенттен келди. Анда өзбектердин кыштактарына эл тааныган, башы көрүнгөн адамдар гана кирип калган. Өзбекстандан ырчы Шерали Жураевди чакыртып, калк жыш жайгашкан 20-30 жерде мал союп, эки улутту элдештирүү максатында чоң салтанаттарды уюштурду.

– Саясатка аралашып кеткенин кандай кабыл алдыңыз?
– Март революциясында Баямандын эмгеги зор. Аскар Акаев илим-билимдүү киши экенине, Баямандын үч жолу депутат болгонуна карабай аны бир да жолу кабыл алып, сүйлөшпөптүр. Ошон үчүн президентти жаман көрүп жүрчү. “Эгерде Акаев болбосо, сен Баяман болбойт элең. Ал тактан кетсе, тазалоону биринчи сенден башташат” деп айтып да жүрдүм. Мунун айынан кер-мур да болгонбуз. Баатыр киши өсө берди, аны тизгиндеп, түшүндүрүп туруу күндөн күнгө оорлой берди.
Айтканымдай эле болду. Бакиевдин бийлигинен куугунтук жеп, бийлик жан сакчыларынан бери тартып ала баштаганда гана мага келип, “сиз айткандай болду” деди. “Кудаяр хан деле үч жолу качкан, сен да качып кутул” десем, “Баяман качты” деген сөз менин өмүр баяныма жазылбашы керек. Өлсөм өлөм, бирок эч кайда кетпейм” деп койду.

– Он беш жашынан баштап билет экенсиз, байлык, бийликтен улам мүнөзү өзгөрдүбү?
– Жибектей созулган жигит деп айтпадымбы, той-топурларда тост беришсе, ичимден адашып же апкаарып кетпесе экен деп турчумун. Бара-бара Баяман миңдеген элди күлдүрүп, анча-мынча адамды сүрү менен алдастатып койгонго жетишти. Орусча сүйлөгөндө акценти байкалса да, жалтанбай, тартынбай, өткүр сүйлөп койчу. Арстан чалган нерсесин карабай алдыга кете берет эмеспи. Ал да кылган ишин оозанчу эмес, жеңишин айтсаң да, астейдил башын ийкегилеп тим болчу. Мактануу эмес, сөздүн ачыгы ушундай.

– Соңку жолу качан кезиктиңиз?
– Өлөрүнө бир ай калганда. Ошондо “президент Бакиев менен жакшысыңбы?” деп сурасам, “жакшымын, жакында эле алдына кирип чыккам” деди. Баатыр киши көп нерсени байкабайт. Мен дайыма “Бакиев менен бир жерденбиз” деп айтчумун. Бирок Баяман Бакиев тууралуу “президент ким болсо боло берсин, бирок бул киши эмес” деп көшөрүп туруп алган эле. Билгени бардыр, бирок мага ооз ачпады. Президенттикке чыкканда да Жаныш менен сүйлөшүп, ортого түшүп талапкерлигин мен алдырткам. Алдыргандан соң деле жандары тынчыбай, баары бир тынчытышты.
Бир күнү атып кетсе керек деп сезип эле жүрдүм. Анан кабар келип калды. Көпчүлүк сыяктуу мен да аны эч өлүмгө кыя албадым. Азыр деле “Баяман тирүү, Араб өлкөлөрүнүн биринде жашайт” деп жүрүшпөйбү... Өлтүргөндөр Баяманды эмес, кыргыз элинин келечегин жок кылышты.

– Жоготуу сизди канчалык майыштырды?
– Тапкан эмгегим бир күндө талкаланып, чачылып, күйүп кетти. Баяман деген дүйнөнүн ээси элем да. Мээнетимден айрылып отуруп калдым. Канча деген убакыт-саатым, күч-алым жумшалган болчу.
Ушул күнгө чейин эл арасынан ага түспөлдөш адамды издеп келем. Барган жерибиз майрамга айланып, колуна баласын кармап, «сиздей болсун, оозуна түкүрүп коюңуз» дегендер кезекке тизилишчү. Азыр түштүк аймагында миңдеген балдардын ысымы Баяман. Жаркылдап күлгөн бойдон түшүмө да кирип калат.
Даңктын жогу деле жакшы экен деп калдым. Аны менен чогуу жүргөн достору азыр аман-эсен, тирүү. Ооба, андай атактуулугу, акчасы, мансабы деле жок.

– Кайрадан шакирт алып, тарбиялагыңыз келеби?
– Кездештирбедим андайды. Анын үстүнө энергия да, каалоо да жок. Устатым деп катуу сыйлап турчу. Бир жерге барып, кайра чыгарыбызда чуркап барып бут
кийимимди мага каратып оңдоп койчу да, өзү мындай четке жылып күтүп турар эле. Ушул сапаты эле мен үчүн чоң баалуулук болуп берди.
Бизнесте шериктеш болбодум. Алам деген жеримди алып бермек. Мен өзүм каалабадым. «Депутат болосузбу?» деп жүрдү, ага да ынабадым. Ал кеткенден кийин депутат болуп келдим.

– Атасынан кем болбопсуз анда...
– Ооба, мени Баяман ата деп турчу. Жакшы күндөр өттү. «Кыргыздын улуттук күрөшүн ааламга таанытам, олимпиадалык оюндарга кошом» деген максат койду. Айтканы ишке ашып кетчү. Улуттук күрөштү өзбек, уйгур, тажик, казак, түркмөн, азербайжан, түрк, иран, татарлар күрөш дешет. Ушулардын бардыгы дүйнөгө алып чыгуу үчүн аракет кылышты, бирок Баяман бир жыл мурун аткарып койду. Англияга барып, каттоодон өткөрдү. Кыргызстанда дүйнөлүк чемпиондук өттү. 40тан ашуун мамлекет келди Ошко. Баяман тирүү болгондо олимпиадалык оюндардын катарына кирмек беле?

– Баяман мырзанын балдары менен катышып турасызбы?
– Ооба, алар Москвада окушат эмеспи. Келген сайын учурашып турушат. Айрыкча улуусу атасына окшош. Менин үч уулум спорттон алыс болуп калды.

– Кызыктуу маегиңиз үчүн чоң рахмат.
– «Жакшы өлсө күйүнбө, дагы жакшы төрөлөт. Жаман өлсө сүйүнбө, андан он эсе көп төрөлөт» деген сөз бар. Баяманды жүз жылда бир жаралчуларга кошом. Бирок баары бир ошондой адам туулат. Эсиме келгени, оюма түшкөнү ушул болду. Ал адам тууралуу айтчу сөздөр көп.

Алиярбек Абжалиев, Баяман Эркинбаевдин жакын досу: “ДОСУМ ТИРҮҮ ТУРГАНДА КЕЧЭЭКИ ОШ ОКУЯСЫ БОЛБОЙ КАЛАТ БЕЛЕ?”

“ИЧИНДЕ КИРИ ЖОК АДАМ БОЛЧУ”
– Баяман экөөбүз кичинебизден достоштук. Ош шаарындагы Терешкова атындагы жатак-мектебинен таанышып, достошуп, жатак-мектептин бир бөлмөсүндө жарым жылдан ашуун бирге жашадык. Кийин мен Бишкекке которулуп кетип, ортодо достугубуз калды. Ал окууну бүтүп Ташкентте, мен Бишкекте университетте окуп калдым. Студенттик жылдарда деле катышыбыз үзүлгөн жок. Кийин окууну бүтүп, үй-бүлө күтүп бала-чакалуу болуп калганда, өмүрүнүн акырына чейин мамилебиз уланды. Баяман кичинесинен эле тырышчаак, өзүнүн аракети менен окуп, эч кимге таянбай маселе чечкенди жактырчу. Эгерде “жакшы адам кандай болушу керек?” десе, мен коркпой эле Баяманды көрсөтүп “жакшы адам ушундай болушу керек” демекмин. Досумдун ашкере жаман сапатын көргөн жокмун. Ооба, ачуусу чукул болчу. Бирок бат ачууланганы менен, ичине кек сактачу эмес. Дардаңдаган, палван жигит эле. Аябай патриот, кыргыздын башынан өткөн оор күндөрдө эл ичинде жүрдү. Балким, Баяман тирүү болгондо 2010-жылы Ошто кайгылуу окуялар болбой калышы мүмкүн беле деп ойлой берем.

“БАЛДАРГА БАЙ МАМЛЕКЕТ КАЛСЫН”
– Депутат болуп турганда элге тегиз мамиле кылып, “кыргыз өлкөсү өсүп-өнүгүп, мага буюрбаса да, балдарыма, келечек урпактарга бай, дөөлөттүү мамлекетти калтырышым керек” деп көп айтар эле. Ошол ойлорун ишке ашырып келе жатканда жанагыдай күтүүсүз кырсыктан ажал таппадыбы. Кээ бир биздин “чоң” сөрөйлөр ушундай мыкты жигиттердин алдыга суурулуп чыгышын жактырбай, өзүнө атаандаш көрүп ушундай каргаша болду. Андан айрылганыма азыркыга чейин ичим ачышат.

“КЫРГЫЗ КҮРӨШҮН БИЙИККЕ КӨТӨРДҮ”
– Кыргыз күрөшүн даңазалап эл аралык деңгээлге алып чыгып, өлкө желегин бир топ желбиреткен ушул Баяман. Алдына койгон өтө чоң максаттары бар болчу досумдун. “Күрөштүн бул түрүн кийин олимпиадалык оюндардын катарына кошом” деген максатына жетпей калды.

“ЭКӨӨБҮЗ КӨП СӨГҮШЧҮБҮЗ”
– Чыныгы теңтуш жигиттерче экөөбүз көп сөгүшчү элек. Ал кол алдында иштегендерди да жинине тийгенде сөгүп-сөгүп алып, кайра эле жаркылдап күлүп мурунку калыбына түшөр эле. Таарынып, сүйлөбөй калмай деген адаттан алыс, дегеле бирөөгө жамандык каалабаган пенде эле.

“КАРА-СУУ” БАЗАРЫН ТАРТЫП АЛБАГАН”
– Оштогу “Кара-Суу” базары азыркыдай чоң базар болгон эмес. Аны азыркы абалына алып келген Баяман болгон. Айрымдар айтып чыккандай, ал базарды Баяман эч качан басып алган эмес, менин билишимче. Албетте, мен ал иштин майда-чүйдөсүнө чейин киришип аралашкан эмесмин. Базарга байланыштуу иштерди ал мыйзамдуу жол менен эле жасаган.

“КРИМИНАЛГА АРАЛАШКАН ЭМЕС”
– Бизде бир мыкты спортчу чыкса, элдин баары криминал экен деп ойлошот. Баяман дагы ошондой сынга кабылып калды деп ойлойм. Кээ бирөөлөрдүн арам ойлору менен гана “криминалга катышы бар” деген түшүнүк калыптанып калды окшойт. Ооба, Баяман көптөгөн балдарды спортко алып келип, тарбиялаган. Ал чын-чынында балдарды улуттук, эл аралык деңгээлге алып чыгам деген максатты көздөгөн. Криминалга эч качан аралашкан эмес.

“ОК АРКЫЛУУ ЭСКЕРТҮҮ АЛГАН”
– “Эл аябай кыйналды, кыргыздар, ушинтип кыйналып жүрө беребизби?” деп элдик бийликти орнотууну көп айтчу. Бийликке тайманбай каяша айтып, каршы болгону үчүн жанагыдай октон жаракат алып, мурду талкаланган. Бул бийлик тарабынан алдын ала эскертүү болгон экен, көрсө. Бийликтин куугунтугу күчөп, жигиттерин камап, чынында шаштысын кетирип турган убак эле. Ушул окуядан кийин атам экөөбүз Баямандын үйүнө бардык. Атам: “Балам, сен убактылуу чет жерге же бир башка жакка кетип калсаңчы. Убакыт өтөт, мезгил өзгөрөт. Ошондо кайра келерсиң”,- десе, Баяман: “Аяш ата, менин балдарымды “муунтуп” жатышат. Элдин жашоосун караңыз, ушинтип кыйналып турганда качып кетмек белем? Турам ушул жерде, колумдан келишинче күрөшөм”,- деп болбой койгон. Эгер өз жанын гана ойлогон адам болгондо чет өлкөгө чыгып кетмек.

“БИР ЖОЛУ...”
– Баяман тамеки тартып, арак иччү эмес. Бир жолу Түркиядан эс алып келип “досум, кел, чай ичип кет” деп чакырып калды. Бардым, ошол жактан арак ала келген экен, “кичине 50 граммдан ичели” деди. “Кел, ичсе ичели” деп чөйчөктөргө куюп, анан баарыбыз көтөрүп жибердик. Баяман айткандай, 50 грамм эмес, көп ичтик. Экөөбүз катуу тамашалашчубуз да, баягы кыргызда кымызды кыстап ичиргендей кылып мен да кыстап отуруп биз менен теңме-тең ичирип салдым. Анан түн бир убак болуп, кетейин десем “балдар жеткирип койсун” деп туруп алды. Болбой койсом “анда сени мен жеткирем” деп көшөрөт. Өзү бутуна тура албай жатса, мени кантип жеткирсин? Достукка бекем, ишенимдүү жигит болчу, аттиң!

Адилет, Баяман Эркинбаевдин уулу: “АТАМА ӨЗГӨЧӨ ЖАКЫН ЭЛЕМ”

– Раматылык Баяман мырза “Адилет уулум Олимпиаданын чемпиону болот” дечү экен. Ал үмүт акталабы?
– Кичинекей кезимден эле эркин күрөшкө катышып жүрдүм. Кийин атамдын көзү өтүп кетип, апам жалгыз калбадыбы. Бирок атамдын иштерин уланта турганымды айткым келет.
Өзүм учурда Орусиялык элдер достугу университетинин юридикалык бөлүмүндө окуйм.

– Москвада окуу менен катар күрөш боюнча мелдештерди өткөрөт экенсиң. Соңку турнир кандай болду?
– 25-мартта өткөрдүк. 800дөй киши, 200дөй спортчу катышты. Москвада жашоо оор эмеспи, кыргыздар бир күн баш бириктирип, күрөш оюну менен чер жазып алышты. Орусияда акча таап жүргөн балбандар да келишти. Биринчи турнир былтыркы жылы кышында болгон эле.

– Кадамжайга барганыңда аксакалдар сени атаңа окшоштуруп, бир сыйра жашып алышыптыр. Атанын жүгү сен үчүн оор сезилбейби?
– Мен бул тууралуу көп ойлоном. Үйдүн улуусумун, иним, карындашым бар. Буюрса, бардык оорчулуктан өтөбүз.

– Атаңа байланыштуу кайсы окуяларды көп эстейсиң?
– Мен атама өзгөчө жакын болдум. Таң эрте чогуу чуркап, кечинде залга барчубуз. Мектепте бир жолу терезенин айнегин сындырып алып, апамдын урушунан коркуп, атамды дарбазанын жанынан жумушунан келгенче күткөм, үйгө чогуу кирейин деп. Негизи эле тентектигимдин кесепетинен антип атамды карап отурмай көп болор эле. Анан атам келгенде апаман коркпой-этпей, ээн-эркин үйгө кирип кетер элем. Дагы үйдө экөөбүздүн кечке күрөшө бергенибизди көп эстейм.

Чолпон Султанбекова, Баяман Эркинбаевдин жубайы: “БАЯМАН ТУРГАНДА БИР ДА ДОБУШ АЛА АЛБАЙСЫҢ ДЕШИПТИР”

– Жолдошуңуз Баяман мырза саясатка аттанып киргенде кооптонуу болгон эмеспи?
– Легендарлуу парламенттин биринчи жаш депутаты болуп, 27 жашында шайланды. Мен деле жаш экем, азыр ойлосом. Саясат дүйнөсүнүн коркунучун билген эмеспиз. Кээ бирлер «өмүр бою депутат же министр болсом экен» деп алдыга максат коёт эмеспи. Ал “эмне кылам депутат болуп?” деди. Мен “депутат болосуң, галстук тагынасың” деп чыктым. Биринчи Сузак округунан, кийин Баткен, анан Кадамжайдан койду. Үчүнчү жолкусунда 96 пайыз менен өттү.
Акаев кетип, Бакиев бийликке келгенде эң башкы маселелерибиз чыкты. Бакиевдердин эң кыйын кыйтырлыгы – Баяманды жаман көргөн адамдарды чогултушуп, ошолорду пайдалангандыгы болду. «Кара-Суу» базарын басып алгандардын бирөөсү депутат, экинчиси түштүктө чоң чиновник болуп отурат. Ысымдарын атабай эле коёюн, бирок ошолор Баямандын башын жегендердин катарында.

– Март революциясы Баяман мырзанын тагдырында чечүүчү роль ойноп койгон экен...
– Ош облустук администрациясында аялдарды сабап башташканда гана чыдай албай калды. Карапайым элди бийлик токмоктогон күндөр күч алган эле. “Уруша турган болсоң, өзүңө күчү тең адамды таап тытыш” деп көп айткан Баяман революцияга аралашып кетти. Бакиевдер бул бийликке келбейт болчу. Баямандын күчү болбогондо революция да болбойт эле.

– Куугунтук башталганда көбү кач дептир. Сизчи?
– Ошондо Баяман Бишкекте, мен Ошто калдым. «Кара-Суу» базарыбызды алышты, Баяман «алсаңар алгыла» деди. Базар ушул күнгө дейре эч кимге буюрбады, өзү да кандуу. Таштак жерден чоң базарга айланткан элек. Эртеси «Алай» деген мейманканабызды келип аткылашты. Мен көгөрүп отуруп бербей койгом. Анан телевизордон “мочиловка” башталды. Үйгө милиция келип, тинтүү жүргүзүштү. Ич кийимимден өйдө казышкан. Актка «үй таза» деп жазышып, кеч курун «Баямандын үйүн тинтүү учурунда» деп туруп,
ШИИБдин бүт арсеналын көрсөтүп жатышпайбы. Кийин билгеним боюнча, Бакиевге “президент болуп келсең, Баяман турганда бир добуш да ала албайсың” дешиптир.
Мурдуна атышканда Баяманга “кет, жогол, көзүмө көрүнбө” дегенге чейин баргам. Менин аркам бар, ички туюмум күчтүү, көп иштерди алдын ала сезип турам. Түркия, Ирандагы достору чалышты, бирок кетпей койду. Азыркыга чейин ойлой берем, кетсе, балким, тирүү калмак беле? Өлүмдүн артынан арман болот экен. Чолпон өмүр бою арман кылып жүрсүн дедиби, кетпей койду. Каалаган нерсесин алса ала берсин, өзүн аман калтырышса болмок. Мүлктү дагы деле таап алат элек. Азыркыга чейин арман кылам.

Эльвира Караева,
Автандил Добулбеков
koom@super.kg


Баяман тирүү болсо, Ош окуясы болмок эмес... (1-бөлүк)

Баяман тирүү болсо, Ош окуясы болмок эмес... (2-бөлүк)

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  17 
Комментарийлер(75)
25.04.2012. 22:04 
Тайпасы:
Кыймылы жок
Комментарийлердин саны:
18
Катталган:
26-09-2011
Соӊку аракети:
22-10-2013 20:16
Жынысы:
Белгисиз
Калаасы:
Нягань
0
Сураныч Суперинфо Раатбек ,Рысбек жонундо да макала жазгылачы?
26.04.2012. 11:33 
Тайпасы:
Тартип бузгандар
Комментарийлердин саны:
47
Катталган:
17-11-2010
Соӊку аракети:
11-02-2014 11:16
Жынысы:
Белгисиз
Калаасы:
Ош
0
Баяман, Раатбек, Рысбек, Санжар кандай гана мыкты патриот жигиттер эле! Ээх!!! тагдырдын жазганы да эмне гана колубуздан келет эле !!!
Super TV
26.04.2012. 19:07 
Тайпасы:
Кыймылы жок
Комментарийлердин саны:
8
Катталган:
09-07-2011
Соӊку аракети:
30-07-2012 06:02
Жынысы:
Белгисиз
0
en tuuru Bayaman bolgondo osh okuyasi bolboyt ele, bul adam osh emes Kyrgyzstanybyzdy aldinki olkolorgo koshot ele, kaap ushunday baatiribizdi jok kilishti akmaktar.
Super TV
26.04.2012. 19:07 
Тайпасы:
Тартип бузгандар
Комментарийлердин саны:
24
Катталган:
23-02-2012
Соӊку аракети:
08-03-2018 17:47
Жынысы:
Белгисиз
Калаасы:
Германия, Гамбург
0
Malik Osmonov kaisy Partiadan deputat bolgon kishi ?
Super TV
27.04.2012. 03:35 
Тайпасы:
Кыймылы жок
Комментарийлердин саны:
8
Катталган:
05-04-2012
Соӊку аракети:
29-12-2012 03:13
Жынысы:
Белгисиз
Калаасы:
Токтогул
+1
Жаткан жериниз жайлуу болсун.Биз сизди унутпайбыз.
Super TV
27.04.2012. 11:12 
Тайпасы:
Жаран
Комментарийлердин саны:
30
Катталган:
31-01-2012
Соӊку аракети:
22-09-2018 22:52
Жынысы:
Белгисиз
Калаасы:
Бишкек
+1
Жаткан жери жайлуу болсун!Баяман элдин уулу!
Super TV
27.04.2012. 11:23 
Тайпасы:
Кыймылы жок
Комментарийлердин саны:
18
Катталган:
26-09-2011
Соӊку аракети:
22-10-2013 20:16
Жынысы:
Белгисиз
Калаасы:
Нягань
0
Баяман олгон эмес!!! Бул деле кандайдыр бир шантаж.Мен ишенбейм.эгер олгон болсо ишенгим да келбейт.
Super TV
27.04.2012. 11:31 
Тайпасы:
Кыймылы жок
Комментарийлердин саны:
18
Катталган:
26-09-2011
Соӊку аракети:
22-10-2013 20:16
Жынысы:
Белгисиз
Калаасы:
Нягань
+4
Супер инфо Баяман бар видео роликтерден да кошсонор болмок.Мунун бир эле мен эмес,башкалар да кааламак?
27.04.2012. 11:57 
Тайпасы:
Кыймылы жок
Комментарийлердин саны:
63
Катталган:
28-06-2010
Соӊку аракети:
27-04-2012 12:08
Жынысы:
Белгисиз
Калаасы:
РФ Тюмень Ялуторовск
0
М.Бакиев озунун созу отпогондорду ушинтип жок кылган. Атасы кан менен баштап кан менен кетти. Эх аттин арман! Рысбек,Баяман,Раатбек ушул сыяктуу Кыргызымдын патриот жигиттери арабызда жок экени бизге дагы арман!
Super TV
27.04.2012. 14:24 
Тайпасы:
Жаран
Комментарийлердин саны:
130
Катталган:
02-11-2011
Соӊку аракети:
05-03-2017 01:16
Жынысы:
Белгисиз
+1
баяман менен рысбек кыргыз деп куйушчу эле
27.04.2012. 18:26 
Тайпасы:
Кыймылы жок
Комментарийлердин саны:
0
Катталган:
10-12-2011
Соӊку аракети:
23-05-2013 23:50
Жынысы:
Белгисиз
Калаасы:
Ош
0
эх баяман бир келдин, кеттин, аттин сен болгондо кыргыз эли кучтуу,кайраттуу болот эле, бирок ишенбей кетем олгонуно,келет келет деп умут кылам, Ош баяман менен ош эле, бейиштен насип этсин Аллахым!
Super TV
27.04.2012. 20:39 
Тайпасы:
Кыймылы жок
Комментарийлердин саны:
0
Катталган:
30-10-2011
Соӊку аракети:
18-09-2015 22:13
Жынысы:
Белгисиз
0
NARYNGRAD Malik Osmonov "Respublika" partiasynan
Super TV
27.04.2012. 21:21 
Тайпасы:
Кыймылы жок
Комментарийлердин саны:
19
Катталган:
09-08-2011
Соӊку аракети:
25-10-2016 05:30
Жынысы:
Белгисиз
Калаасы:
New York
+2
Allah razi bolsun sizge Baiaman jatkan jeri jailuu bolsun!
27.04.2012. 21:37 
Тайпасы:
Кыймылы жок
Комментарийлердин саны:
22
Катталган:
24-01-2012
Соӊку аракети:
01-12-2013 18:05
Жынысы:
Белгисиз
0
Улутбек туптуура айтасын, азаматсын! Сага кошулам! Супер Инфо сураныч, Рысбек Акматбаев жонундо да жазып койгулачы!
Super TV
27.04.2012. 22:16 
Тайпасы:
Жаран
Комментарийлердин саны:
30
Катталган:
23-01-2012
Соӊку аракети:
24-09-2018 13:08
Жынысы:
Белгисиз
Калаасы:
Алмата
0
Жаткан жери жайлуу болсун,БАКИЕВДЕР канча деген адамдарды кырып кетти канкорлорду кудайым жазаласын
27.04.2012. 23:58 
Тайпасы:
Кыймылы жок
Комментарийлердин саны:
5
Катталган:
02-03-2012
Соӊку аракети:
30-08-2012 23:14
Жынысы:
Белгисиз
0
Жаткан жери жайлуу болсун
28.04.2012. 00:08 
Тайпасы:
Кыймылы жок
Комментарийлердин саны:
1
Катталган:
22-01-2012
Соӊку аракети:
10-11-2016 18:11
Жынысы:
Белгисиз
0
видеоуну кантип кочурсо болот?
Super TV
28.04.2012. 03:07 
Тайпасы:
Кыймылы жок
Комментарийлердин саны:
35
Катталган:
17-12-2011
Соӊку аракети:
20-11-2016 16:11
Жынысы:
Белгисиз
+1
Баяман агабыз болгондо чындыгында Ошто Кыргыз Озбек урушу болбойт эле. Себеби Баяман агабыз тируу маалында Туштуктогу Озбектер суйлой албачы эле. Баатыржан Кадыровко окшогон адамдар Баяман агабыз барында кысып эле журчу эле. Туштукто бузге Кыргыз элине Баяман агабыздын оордун басса турган баатыр керек. Баяман агабыздын олгонуно мен да ишенбейм. Бир кун келет туурандар ошондо кайра Баяман агабыз пайда болот.
Super TV
28.04.2012. 05:50 
Тайпасы:
Жаран
Комментарийлердин саны:
99
Катталган:
27-11-2011
Соӊку аракети:
19-04-2018 02:47
Жынысы:
Белгисиз
Калаасы:
KP
0
jatkan jeri jailuu bolsun allah yraazy bolsun. Bayaman agabyzdy men deputat bolup Jogorku keneshtin sesiyalarynda katuu syndardy achyk aitchy ele men abdan baalap jyrchym chyn ele aikol adam ele dep eskerem.
28.04.2012. 13:17 
Тайпасы:
Кыймылы жок
Комментарийлердин саны:
44
Катталган:
19-01-2012
Соӊку аракети:
09-05-2014 15:20
Жынысы:
Белгисиз
Калаасы:
Жалган дүйнө...
0
Супер инфо(кабарчылар Эльвира Караева, Автандил Добулбеков) сиздерге рахмат айткым келет, мыкты инсан туралуу макаланыздар аябай даана таасирлуу денгээлде жана кенен жазылгандыгы учун. Дайыма гезитибиздин беттерине кыргыздын чыгаан уулдарынын эмгектери жонундо жаза бергиле, даназалай бергиле..
28.04.2012. 17:00 
Тайпасы:
Кыймылы жок
Комментарийлердин саны:
3
Катталган:
18-04-2012
Соӊку аракети:
11-05-2012 18:13
Жынысы:
Белгисиз
Калаасы:
москва
0
баяман баартыр
29.04.2012. 14:41 
Тайпасы:
Кыймылы жок
Комментарийлердин саны:
243
Катталган:
16-08-2011
Соӊку аракети:
13-01-2015 19:08
Жынысы:
Белгисиз
0
уважал и буду уважать
29.04.2012. 14:48 
Тайпасы:
Жаран
Комментарийлердин саны:
289
Катталган:
20-03-2011
Соӊку аракети:
04-09-2018 16:43
Жынысы:
Белгисиз
Калаасы:
Кыялдарда жашайт...
0
эххх Баяман чынында оз элинин чыныгы патриот адамы эле...андай адам азыр Кыргызстанда жок!!!
Super TV
29.04.2012. 16:30 
Тайпасы:
Кыймылы жок
Комментарийлердин саны:
2
Катталган:
16-04-2012
Соӊку аракети:
30-11-2012 17:53
Жынысы:
Белгисиз
0
тура айтасын кошулам
29.04.2012. 17:46 
Тайпасы:
Кыймылы жок
Комментарийлердин саны:
27
Катталган:
10-04-2012
Соӊку аракети:
05-11-2015 07:40
Жынысы:
Белгисиз
0
Чынында эгер Баяман мырза тируу болгондо ушул июнь тополону болбосо керек эле аттин ажал экен
29.04.2012. 23:52 
Тайпасы:
Тартип бузгандар
Комментарийлердин саны:
32
Катталган:
02-07-2011
Соӊку аракети:
22-12-2012 09:03
Жынысы:
Белгисиз
Калаасы:
Эн ыйык жер....
0
Баяман аке чынында кучтуу кармады озбектерди. Кынк демек турсун башын оодо которуп карай алчу эмес,кана дагы чыкса акебизге окшоп. Куттуп жашайбыз да чыгып калаттыр дагы бир улуу инсан,акебизди тарткан бироо.
Super TV
04.05.2012. 13:01 
Тайпасы:
Жаран
Комментарийлердин саны:
98
Катталган:
25-05-2010
Соӊку аракети:
09-03-2017 13:33
Жынысы:
Белгисиз
Калаасы:
г. Бишкек
0
Эх, чыныгы Кыргыз жигити, чыныгы патриот, баатыр эле.
Бакиевдин Кыргыз элине кылган канча жамандыктарынын ичинен, ушул Баяман, Раатбек сыяктуу балдарын олтуруп кеткенин эч ким унутпайт болуш керек.
Super TV
05.05.2012. 23:10 
Тайпасы:
Тартип бузгандар
Комментарийлердин саны:
155
Катталган:
02-05-2012
Соӊку аракети:
13-02-2014 08:31
Жынысы:
Белгисиз
Калаасы:
Узген
+1
Эх Кыргыз деп журуп олуп кетти а Баяман байке болгондо ош окуясы болбойт болчу чынында озбектерди бой котортбойт болчу озунун айткан созу бар мен олгондон кийин баркымды билесинер дечу екен мына баркын билип олтурабыз эми жаткан жери жайлу болсун баласы ордун басса жакшы болмок
Super TV
29.07.2012. 17:44 
Тайпасы:
Кыймылы жок
Комментарийлердин саны:
8
Катталган:
25-07-2012
Соӊку аракети:
07-05-2014 21:09
Жынысы:
Белгисиз
Калаасы:
Убактылуу Орусияда.
+1
туура Байаман болгондо Ошто чындап уруш болбойт беле.
Super TV
29.07.2012. 18:36 
Тайпасы:
Жаран
Комментарийлердин саны:
3
Катталган:
16-06-2012
Соӊку аракети:
28-06-2018 03:32
Жынысы:
Белгисиз
+1
Кыргызстанда кооп патриотторду жок кылышты атап кетсем Баяман Рысбек Ратбек Кыргызстанга кереги тийген инсандар болчу.Буларды олтургон адамдар табылдыбы аны мен уккан жокмун Баяман тируу болсо ош жалалабад окуясы болбойт эле.Мен 100% кошулам!
1
2
3
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: