ТООК ЭТИНЕН РУЛЕТ

Даамдуу тамакты баарыбыз жакшы көрөт эмеспизби. Кайталанма даамдардан тажаган болсоңуз, жөнөкөй азыктардан өзгөчө даамдуу тамак сунуштайбыз.

КЕРЕКТЕЛҮҮЧҮ АЗЫКТАР:

Тоок саны – 3 даана
Жумуртка – 1 даана
Болгар калемпири (кызыл) – 1 даана
Сыр – 50 грамм
Сарымсак – 1 баш
Жандоо (же спаржа) – табитке жараша
Бир аз май жана туз

Үч даана рулеттин ичине бирдей же түрдүү азыктарды салып бышырса да болот.

1. Алгач жумуртканы кызыган көмөчтанга кууруп алабыз (кааласаңыз жумуртканын ордуна калемпирди же жандоону кууруп пайдалансаңыз болот).
2. Андан соң болгар калемпирин бир аз кууруп, кабыгын сыйрып салуу керек.
3. Этти сөөгүнөн шылып алып, жанчып, жалпайтабыз.
4. Эттин үстүнө мурч, туз, майдалагычтан өткөрүлгөн сарымсак жана сыр себилет.
5. Эми эттин бетине куурулган жумуртканы салып, тыгыз ороо кажет (кааласаңыз этти 3 бөлүккө бөлүп, бир бөлүгүнүн ичине калемпирди, экинчи бөлүгүнө жандоону, үчүнчү бөлүгүнө жумуртканы оросоңуз болот).
6. Оролгон эттин сыртынан целлофан менен бир нече кат кылып ороп, эки четин бекем байлап коюңуз.
7. Сууга салып 30 мүнөт кайнаткан соң тоок этинен рулет даяр (же электр мешине 30 мүнөт коёсуз).

Мындай даамдуу тамак дасторконуңузду көркүнө чыгарып, жеген адамдын таңдайында даамы калары анык.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Gul90

2012-04-23 11:58:34

мммм ах курсак ачып атат тамактын турун жазгылачы сураныч бугун созсуз жазайм

Саби

2012-04-24 17:30:07

1 даана жумуртка 3 тоок санына салганга жетеби?Жакшы тушунбой калдым.

Комментарий калтыруу үчүн өз ысымыңыз менен кириңиз же каттоодон өтүңүз.

№ 494, 20-апрель- 26-апрель, 2012-ж.