БИР БҮРКҮМ КАБАРЛАР...

ЖАЛАЛ-АБАДДА 377 МУГАЛИМ ЖЕТИШПЕЙТ...

ТУРСУНБЕК АКУН депутат Анвар Артыков аны шизофреник деп атаганын билдирди. «Акыйкатчыны кемсинтүүгө эч кимдин укугу жок. Мен Артыковду мандатынан ажыратуу талабы менен кайрылам»,- деди Турсунбек мырза.
Талас районундагы аз камсыз болгон 20 үй-бүлөгө 100 КИЛОГРАММДАН бекер үрөндүк төө буурчак берилди.
Өкмөт башчы ӨМҮРБЕК БАБАНОВ 2012-жылдын 2-майынан 8-майына чейин кыска мөөнөттүү эмгек өргүүсүнө чыкты.
Бишкекте 2-майда саат 03:55те КРнын мамлекеттик резиденциясынын дубалын МЕРСЕДЕС-БЕНЦ C-500 үлгүсүндөгү унаа сүзүп, анын айдоочусу жана 2 жүргүнчүсү каза болушту.
БШК мөөнөтү аяктаган 5 айыл өкмөттүн башчыларын шайлоону 24-майга белгиледи. Алар: Аксы районундагы Үч-Коргон, Ак-Суу районундагы Октябрь, Түп районундагы Ысык-Көл, Кара-Буура районунун Маймак жана Манас районунун Покровка айылдары. “Жалал-Абад облусу боюнча мектептерде 377 МУГАЛИМ жетишпейт”,- дейт губернатордун орун басары Жумагүл Эгембердиева.
1-майда Нарындын Ат-Башы районунда белгилүү коомдук ишмер МУХТАРБЕК ӨМҮРАКУНОВДУН каза болгондугунун бир жылдыгына карата эскерүү иш-чарасы өттү.
Оңдоп-түзөө иштерине байланыштуу 14-майдан 14-июнга чейин Бишкек шаарында ЫСЫК СУУ БЕРҮҮ ТОКТОТУЛАТ.
Кыргызстанда кечинде жана түндө бүтүрүү кечелерин өткөрүүгө мектеп окуучуларына тыюу салынды. Билим берүү жана илим министри КАНАТ САДЫКОВ эгерде мектеп окуучулары мындай иш-чараларды өткөрсө, мектеп директорлору иштен алына турганын айтты.

Эльвира Караева,
Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

nuris89

2012-05-11 19:08:25

emne talastan bashka jakta jok beken jakir jashagandar.

nuris89

2012-05-11 19:09:21

tursunbek baikebiz sottoshup jurup oo duinogo kete beret go chirkin

uty

2012-05-14 01:43:22

nuris89, анын башка кылаарга иши жок болсо эмне кылсын байкуш...........

Комментарий калтыруу үчүн өз ысымыңыз менен кириңиз же каттоодон өтүңүз.

№ 496, 4-май-10-май, 2012-ж.