Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бишкек шаарынын мэри НАРИМАН ТҮЛЕЕВ: «Бир гана Кудайдан корком»

№332 13-19-март, 2009-ж.


Айткан сөзүнүн, убадасынын өтөсүнө чыгуу ар бир адамда эле жолуга берүүчү сапат эмес. Бул адам кичинекей кезинен дал ушул сапатты өзүнө адат кылып алган. Ал адатынан азыр да кайтпай келет. Анан да шаар башчысы болгондон бери таң алдында башкалааны кыдырып, көз салганды жактырат. Кеп ким тууралуу баратканын байкадыңызбы, окурман? Бүгүн биздин “Бейнеде” башкалаанын башчысы Нариман Түлеев конокто.

Балалыкка саякат

– Нариман, мырза. Сиздин кабине­ти­ңиз­ге кирген ар бир адам кайсы бир маселе менен келет. Аны чечип берүүңүздү өтүнөт. Ал эми бизге минтип таңдан кечке шаардын маселелери менен алек болгон инсандын балалыгы кызык болууда...
– Негизи, менин кичи мекеним Бишкек шаары. Бул калаада 1963-жылы жарыкка келгем. Ошондуктан болсо керек, борбор калаабызды абдан жакшы көрөм. Бирок Нарын шаарында өсүп чоңойдум. Үйбүлөдө 3 эркекпиз. Кыз жок болгондуктанбы, айтор, жаштайымдан эле үй оокаттарынын баарын жасаганга жатыккам. Байкелерим менен кезектешип үй жыйнап, пол жууп, тамактан өйдө жасачубуз. Ал кезде кир жуугуч машина деген жок болчу. Сууну бир топ алыстан ташып келип, кирди да апама жуудуртпай өзүбүз колго жуучубуз. Ал эми атам бизди өтө катуу кармачу. Эл дем алыш күндөрү эс алса, бизди керээли кечке иштетчү. Жумуш жок дегенде таптаза турган короону шыпыртып тазалатчу. Атамдын тарбия берүүдөгү өзгөчөлүгү ушунда болчу.
– Атаңыз тууралуу бир ооз сөз...
– Атамдын айтканынан кайтпаган, бизди жаштайыбыздан бери бетон куйгандан өйдө үйрөтүп жалкоолукту жактырбаган мүнөзү бар. Бирок азыр эмгекчил кылып тарбиялаганынын пайдасын гана көрүп жатам. Атам бир топ жашка барып калса да учурда абдан кирешелүү бизнес менен алек болуп жүрөт. Кол алдында бир жарым миң адам иштейт. Ал эми апам чыныгы байбичелик доорун сүрүүдө.
– Айтканыңызга караганда тентек балдардын катарына кирген эмес окшойсуз?
– Жок, кайдан? Атам канчалык катуу кармабасын, тентектик боюнча биринчи орунда болчумун. Үйдө жумушту кандай катырсам, мектепте тентектикти да ошондой катырчумун. Калп айтпасам, жумасына бир жолу ата-энеме мектептен чакыруу келчү. Атам жазалаганы менен мектептин босогосун аттаганда эле кайрадан унутуп койчумун. “Көнгөн адат калабы, уйга жүгөн салабы”дегендей кайра эле кыздардын чачын жулуп, мектептин терезелерин такалап, же дагы бир нерсе ойлоп тапчумун. Атам “мунун бир кулагынан кирип, бир кулагынан чыгып кетет” деп көп урушчу. Айрыкча орус адабияты сабагынан көп тентектик кылыптырмын. Дайым эле эжейдин отургучун суу кылып койчумун. Ошого карабай сабактарды абдан жакшы окучумун. Айрыкча география сабагын берилүү менен окур элем. Аттестатымда жаңылбасам эки эле “4” болсо керек.
– Анан тентекти­гиңизди качан кой­дуңуз?
– 9-класста окуп жүргөндө бир бакыраң көз кызды жактырып калгам. Ошондон кийин мүнөзүм, сүйлөгөнүм, керек болсо баскан-турганыма чейин өзгөрүлдү. Бирок биз бирге болгон жокпуз.

«Учурунда шыбакчы да болгом»

– Студенттик күндөрүңүз тууралуу эмне айтасыз?
– Мен политехникалык институтка тапшырып студент болгондон кийин өз алдынча жашоо башталды. Биринчи максатым эле окууну мыкты бүтүп алуу болчу. Жанталашып окуганым эле болбосо студенттик күндөр өзгөчө окуяларсыз, бир калыпта өтүп кетти. Кесибим боюнча инженер болгондуктан, алгач курулуш ишинде кара жумушчу болуп жүрдүм. Ал жерден кыш кынагандан тартып, шыбак шыбоого чейин үйрөнүп чыктым. Анан атам “комсомолдук иштер менен карьера жасай аласың” деп кулак-мээмди жеп жатып, партиялык иштер менен алек болуп калдым. Бирок 90-жылдары анын келечеги жок экенинен көзүм жетти да, эң биринчилерден болуп партиялык билетимди тапшырып салып кете бердим.

«Балдарымдын уктап жатканын эле көрөм»

– Эми үйбүлөңүз тууралуу айта кетсеңиз...
– 5 балам бар. Кызым Кыргыз-Орус-Славян университетинде билим алып жатат. 1 уулум Англияда. Калгандары мектепте окушат.
Жумуш деп жүрүп балдарга тарбия берүүдөн алыстап кеткен жоксузбу?
– Чынында эле балдарды тарбиялоодо менен ролум азыраак. Жумуштан алар уктап калгандан кийин барам. Эртең менен болсо алар уйкуда жатканда чыгып кетем. Дем алыш күндөрү да жумуштар менен алек болгондугумдан, балдарды тарбиялоо негизинен апасынын моюнунда. Бирок алардын билим алуусуна көзөмөл салып турам.
– Абдан чарчаган кезде кандай эс алууну жактырасыз?
– Мен негизи, атайлап эс алып деле көрө элекмин. Жаңы жылдын астында 3 күнгө Дубайга барып келгеним эле болбосо... Жашоо деген мен үчүн кыймыл. Аман-эсен жүргөнүбүздө кыймылдай туралы. Ал эми тиги дүйнөдө каалаганча эс алабыз (күлүп).
– Спортко убакыт бөлөсүзбү?
– Спортко жашымдан кызыкчумун. Спорттун бир топ түрлөрү менен машыгам. Учурунда Кыргызстандын курама командасы менен жеңил атлетика боюнча Москвага чейин барып келгем. Футбол ойноп, лыжа тебүүнү да катырам. Акыркы кездерде убакыт боло калганда теннис ойночу болдум. Бир ай мурун муз тепкенге баргам. Бирок иш чачтан көп. Андыктан өзүмө абдан жаккан машыгууларга каалагандай убакыт бөлө албайм.
– Кайсы тамакты жасай аласыз?
– Көп эле тамакты жасаганды билем. Керек болсо камыр жууруп, кесме кескен да күндөрүм болгон. Тээ бала кезден баштап эле тамак жасачумун. Кээ бирлер атайын ашпозчудан үйрөнүп жасашса, мага ашкананын сырларын турмуш өзү үйрөткөн.
– Баш калаабызды өркүндөтүү боюнча кандай пландарыңыз бар?
– Мен бир нерсени жар салып айтып туруп, анан аткара албай калгандан абдан кооптоном. Жасаган ишимди да даңазалаганды жактырбайм. Мунун баарын эл айтышы керек. Элдин оозунан жакшы кеп угуп калсам, ушунчалык ырахат алам.
– Калаабызга метро курууга болобу?
– Чындыкты бетке айтыш керек, азырынча мындай курулушка биздин каражат жетпейт.
– Жакында сиз Бээжиндин мэрине өзгөчө белек бериптирсиз...
– Дайыма эле берилип жүргөн белектерден айырмалансын деп уютулган алтынга “Бишкек шаарына жубайың экөөңөр конок болуп кеткиле” деген чакырык жаздырып бердим. Бул белек өз каражатыма жасатылган. Мындай белекти дагы бир кишиге тартуу кылгам.
– Саясатты эмне деп түшү­нөсүз?
– Мен өзүм саясатчы болбосом да, караңгыдан жол тапкан, капилеттен сөз тапкан, сөзүнөн эмес, ишинен эл оозуна алынган саясатчыларга баа берем. “Саясатчымын” деп эле өзүнүн кызыкчылыгына багыт ала бергендер да арабызда аз эмес. Менимче, саясат бул – элге кызмат кылуу.
– Сизди мамлекеттик кызматкер эле эмес, ийгиликтүү ишкерлердин катарына да киргизип келишет. Ийгиликтин душманы деп эмнени айтар элеңиз?
– Эми аракет кылып иштесе, ишкердик деген баарынын эле колунан келет. Бир гана кудайдын ырыскысынан куру калбай эрте туруп иштөө керек. Ийгиликтин биринчи душманы деп мен “жалкоолукту” айтар элем.
– Сиз үчүн бай болуу коркунучтуубу?
– Албетте, коркунучтуу. Жалаң эле бизде эмес, дегеле бардык өлкөлөрдө канчалык бай болсоң ошончо кооптуу өмүр сүрөсүң.
– Акчага байланыштуу ырым-жырымдарды кармайсызбы?
– Мен бир гана Кудайга ишенем. Каалаган нерсемди жараткандан гана сурайм.

Кыска суроого кыска жооп

– Кандай адам менен тил табыша албайсыз?
– Калпычылар менен.
– Эмнеден коркосуз?
– Бир гана Кудайдан, анан өлүмдөн корком.
– Кандай музыкадан ырахат аласыз?
– Классикалык музыкадан.
– Ырдаганды билесизби?
– Билбейм. Бирок гимнди ырдай алам.
–Жактырган машинаңыз...
– Мерседес.
– Эл билбеген өнөрүңүз...
– Галстукту ар түрдүүчө байлай алам. Кээде ар кандай байлап отуруп, жаңы ыкмаларын да ойлоп таап жиберем.
– Жактырган жаныбарыңыз...
– Жылкы.

Бахияна Сатылганова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: