Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЗАМАТ БАЙМАТОВ: «Жаңы сыноолорго даярмын!»

№332 13-19-март, 2009-ж.


Түркиядан учуп келген футболчубуз Азамат Байматов латвиялык “Вентспилс” командасына кошулгандыгы тууралуу кабарын билдирди. Эми минтип кыргыз футболуна таандык маанилүү футболдук трансфер ишке ашып, Азамат УЕФАнын ЧЛсында ойноо мүмкүнчүлүгүнө ээ болду. Кыргызстанда жеңүү керек болгон бардык сыйлыктарга ээ болуп, эми чет элдик футбол талааларын багынтууга бел байлаган коргоочубуз менен Латвияга учар алдында маек курууга жетиштик.

– Азамат, “Вентспилстин” курамына кошулгандыгың менен куттуктайбыз! Ушул сезон аралыгында сенин жашооңдо көп эле окуялар болгонунан кабарыбыз бар. Кандай сезимдер болуп жатат?
– Кандай десем, өзүмө абдан ыраазы болуп жатам. Анан дагы аябай чарчадым.
– Анда эмесе кеп башынан болсун. Маегибизди Казанга болгон сапарың тууралуу баштасак...
– Рахмат. Баарына белгилүү болгондой, “Рубиндин” кароосуна Мирлан Мурзаев экөөбүз чакырылганбыз. Анда казандыктардын экинчи курамына өтүү маселеси турган. Кыргызстандан барып, дароо эле Орусиянын чемпионунун негизги курамына кошулуунун өзү реалдуу эмес да. Мына жакында УЕФА улуттук чемпиондуктардын рейтингин жарыялады. Анда Орусиянын чемпиондугу атактуу күчтүү бешилтиктен кийинки 6-орунга көтөрүлүп алды. Андыктан мен өзүм да “Рубиндин” запастагы оюнчусу болгум келген жок. Такай оюн тажрыйбасына ээ болбосоң өспөйсүң да.
Бирок “Вентспилс” “Рубин” эмес да, туурабы?
– Ооба, буга кошулам. Бирок мен Кыргызстандын чемпиондугунун өкүлү үчүн мындай вариант идеалдуу эле болду деп ойлойм. Мен чоң командада запаста отургуча, дайыма ойноо мүмкүнчүлүгүнө ээ болуп турууну туура көрөм. “Вентспилсте” мындай мүмкүнчүлүк бар. Муну команданын жетекчилиги жана башкы машыктыруучусу менен сүйлөшүүлөрдөн кийин билдим.
– Негизи эле “Вентспилс” сени менен кантип байланышка чыгып калды?
– Шериктештик кубогунда алар менен болгон беттеште машыктыруучулары көз салып коюшкан экен. Натыйжада, агентим аркылуу байланышып, кароого чакырышты. Мындай мүмкүнчүлүк Түркияда машыгуу сбору учурунда ишке ашты. “Дордой” бул жакка кайтканда мен дагы 10 күн латвиялыктар менен машыгып жүрдүм.
– Анда жаңы командаң­дын курамында оюн өткөрүүгө да жетишиптирсиң да?
– Ооба, эки беттеш өткөрүүгө жетиштим. Алгач польшалык командага жеңилүүгө аргасыз болсок, орусиялык команда менен болгон оюнда тең чыгуу катталды. Биринчисинде майданда толугу менен ойносом, экинчи беттеште бир саат гана ойнодум. Айтор, машыктыруучулар ар тараптан сыноо мүмкүнчүлүгүнө ээ болушту.
– Анан сенин аларга жакканды­гыңды качан кабарлашты? Кайсы сапаттарың жагыптыр?
– Машыгуунун аякташына бир күн калганда командага жаккандыгымды агентимден уктум. Ал менден: “Өзүң эмнени каалап жатасың? Командада калууга макулсуңбу?- деп сурады. Анан команданын башкы машыктыруучусу Роман Григорчук менен сүйлөштүм. Ал менин оюндун жүрүшүн мыкты окуп билүү менен «экинчи кабатта» мыкты ойноо жөндөмүмдү жана жогорку ылдамдыгымды баса белгиледи.
–Ал эми жаңы командалаш­тарың кандай кабыл алышты?
– Биринчи жолу чогуу болгонумду эске алганда, абдан жакшы. Жылмаюулар, тамашалар жана суроолор менен кабыл алышты. Өз командамда болгондой эле сезим пайда болуп калды. Негизи эле “Вентспилс” көп улуттуу команда экенин билдим. Командада бразилиялык, африкалык жана башка коңшу өлкөлөрдүн өкүлдөрү чогулган. Мен 10-легионер болдум.
– Кайсы тилде сүйлөшүп жат­тың?
– Командада латыш, англис жана орус тилинде сүйлөшөт экен. Түркияда мейманканада камерундук Жан-Поль Ндеки менен 10 күн бир бөлмөдө жашадым. Аны менен англис тилинде сүйлөшүп жүрдүм. Өзүм ЖОЖго башында чет тил факультетине (англис) тапшыргандыктан, англисче эркин эле сүйлөйм. Андыктан тил жагынан кыйынчылык болбойт деп ойлойм.
– “Дордой-Динамо” менен кандай сезимдер менен коштошуп жатасың?
– Мен өз үйүмдү, өз командамды таштап кетип жатам. “Дордойдо” жакшы колдоого ээ болдум, көп нерсени үйрөндүм. Улуттук курама командага чейин өсүп жетилдим. Командалаштарым, жетекчилик ийгилик каалап узатышты. Жалпы командага, мени колдогондордун баарына ыраазычылыгымды билдирем.
– Улуттук курама команда демекчи, жакында Чакырык кубогунун алдында команда машыгуу сборуна чогулуп жатат. Келесиңби?
– Улуттук курама командабыздын башкы машыктыруучусу Анарбек Дардаңович менен сүйлөштүм. Албетте, келем. Эми андай маселелер жаңы командам менен макулдашуулардын негизинде чечилет. Мен, албетте, курама командага колдон келишинче учуп келип, ойноп берип турууга даяр­мын.
–Учурда эмне менен алексиң? Латвияга качан сапар тар­та­сың?
– Эң оболу виза жасатышым керек. Бул үчүн тиешелүү документтеримди бүтүрүп жана ата-энем менен коштошуп келүү үчүн Ошко учуп жатам. Көрсө, Бишкекте Латвиянын элчилиги ачыла элек экен, визаны Москвадан жасата турган болдум. Эмнеси болсо да 13-мартта командамдын катарында болуп калышым керек. Анткени жакында Латвиянын улуттук чемпиондугу башталат.
– Жеке жашооң кандай болот?
– Сүйлөшкөн кызым менен эми жайга чейин көрүшпөй турган болдум. Эмне кылабыз, телефон, интернет бар го.
– Анан дагы сурайын дегеним, эми сенин алдыңда жаңы командада өз ордуңду таап кетүү деген маселе турат...
– Ооба, өзүм ушундай жолду тандап алгандан кийин колдон келген күч-аракетимди жасайм. Атаандашууга чыдаш керек. Баарыбыздын эле эки бутубуз бар да. Мен ал жакта да өз ишимди так аткарсам, жогоруда аталгандар маселе жаратпайт деп ойлойм.
– “Вентспилстин” былтыр УЕФАнын Чемпиондор Лигасында дебют жасагандыгы маалым. Тайпалык этапка карай экинчи тандап алуу баскычынан өтпөй калган. Чемпиондор Лигасында ойногуң келип жатса керек?
– Албетте. Бул ар бир футболчунун кыялы десем жаңылышпайм. Буюрса жайында «Вентспилс» кайрадан Чемпиондор Лигасынын тайпалык баскычына кирүү үчүн таймашат. Максатым – команданын негизги курамына кошулуп, Чемпиондор Лигасында дебют жасоо.
– Ал жакта футболдон тышкаркы жашооң кандай болмокчу?
– Вентспилсте стадионго жакын жерде мейманканадан бөлмө менен камсыз кылышты. Азырынча мейманканада жашап турсам, анан көрөм да.
– Өзүң менен кошо эмнелерди алып бара жатасың?
– Биринчи кезекте зарыл болгон буюмдарымды, кийим-кечектеримди жана Кыргызстандын желегин алып алам. Кандай гана жеңишке жетишпейин, туубуз дайыма жанымда болот.
– Сага чоң ийгилик! Футболдук фортуна дайыма жылмайып турсун. А сен кыргыздын желегин көтөрүп, кыргыздын атын таанытып жүрө бер!

Азаматтын жаңы командасы тууралуу

“Вентспилс” – Латвиянын Вентспилс шаарынын футболдук командасы. 1997-жылы негизделген. 1999-жылы Интертото кубогунда, 2000-жылы УЕФАнын кубогунда (азыркы Европанын Лигасы) жана 2007-жылы УЕФАнын Чемпиондор Лигасында дебютун жасаган. Латвиянын 3 жолку (2006-2008) чемпиону, 4 жолку (2003-2005 жана 2007) кубогунун ээси. 2007-жылкы Шериктештик кубогунун финалчысы.

Базарбек Абдураимов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
14.09.2009. 20:02 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Атың да Азамат, Өзүн да Азамат экенсиң. Ийгилик сага.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: