Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КӨК БАСКАН ҮЙ – ДЕН СООЛУККА ЗЫЯН

№500 1-июнь-7-июнь, 2012-ж.


Нымдуу (саздак) аймакта жайгашкан үйлөрдүн “душманы” – көк басуу. Аталган маселе көбүнчө кышында, кээде нымдуулук жогору болсо, жайдын күнү да пайда болот. Көк баскан дубал үйдүн көрүнүшүн бузгандан тышкары жагымсыз жытты пайда кылып, адамдын ден соолугуна да олуттуу зыян келтирет. Андыктан көк баскан үйдү тазалоо жана анын алдын алуу боюнча кеп-кеңештерди сунуштайбыз.

КӨК КАЙДАН ПАЙДА БОЛОТ?
Саздак аймактарга салынган үйлөрдө нымдуулук жогору болгондуктан, көк басуу адатка айланган. Ал эми кургак аймактарда үй ичиндеги аба алмашуу бузулганда, пайдубал, дубал жана чатыр жаан-чачындын суусунан жакшы корголбогондуктан келип чыгат. Ошондой эле үй ичин желдетпей, дайыма тумчулап кармоо абанын жылып, бөлмө ичиндеги муздак бөлүктөрдө (пол, дубалдын бурчтары) буунун коюуланышына алып келет да, дубалдын жана шыптын бетинде суу тамчыларын пайда кылат. Муну менен дубалды, шыпты, полду жана бөлмө ичиндеги буюмдарды чиритип, керектен чыгара турган көк басууга жол ачылат.

КӨК БАСКАН ҮЙДҮ ТАЗАЛОО

Алгач жылчык-тешиктерди бүтөө керек

  • Алгач бөлмөнүн ичиндеги көк баскан бөлүктөр эмнеден улам болгонун аныктоо керек. Көктү пайда кылуучу сырткы таасирлер – дубалдагы, пайдубалдагы жаракалар жана чатырдагы тешиктер. Аталган бөлүктөрдүн кайсы биринде жарака пайда болсо, аны оңдоп-түзөө менен жоюу зарыл. Анткени жаандын суусу тешик, жаракалар аркылуу үйдүн ички дубалында нымдуулукту пайда кылып, көк басууга шарт түзөт.
  • Ал эми көп кабаттуу үйлөрдө аба алмашып туруучу түтүктөрдүн иштешин, ысык жана муздак суу келүүчү түтүктөрдүн, батареянын тешик эместигин текшерүү зарыл. Эгер кемчилик табылса, дароо бүтөө керек.
  • Терезенин дубал менен бириккен бөлүктөрүндөгү жылчыктар да көк басууга шарт түзөт. Буларды да бүтөө кажет.

Иштин негизги бөлүгү

  • Бөлмө ичиндеги көк баскан бөлүктөрдү шпатель менен таза кырып чыгуу керек. Эгер шыбак бошоп, үбөлөнүп жатса, ошол бөлүктүн шыбагын сыйруу талап кылынат.
  • Эми көк басууга каршы чыгарылган атайын каражатты суу аралаштырып чачып (1 литр атайын каражатка 1 литр суу), дубалды кургатуу зарыл. Кургагандан кийин щётка менен жакшылап тазалап, актап, сырдап, ал эми шыбагын сыйрыган болсоңуз, кайрадан шыбайсыз.
  • Атайын каражаттардын курамы химиялык жегич заттардан тургандыктан, колдонуудан мурда анын сыртындагы көрсөтмө менен толук таанышып чыгууну эсиңизден чыгарбаңыз. Мындай каражатты Бишкек шаарынын курулуш жана оңдоп-түзөө материалдарын сатуучу базар, дүкөндөрүнөн таба аласыз. Баасы анын өндүргөн өлкөсүнө жана сапатына жараша 1 литри 150 сомдон 350 сомго чейин. Мындан сырткары суу аралаштырылган, чачкычы бар 0,5 литр өлчөмүндөгү бөтөлкөдө даяр каражаттар да бар. Алардын баасы 150 сомдон. Көктүн калыңдыгына жараша 1 литр аралашма 2,5 чарчы метрден 10 чарчы метрге чейин жетет.
  • Кийинки кадам – бөлмөнүн ичин толук кургатуу. Кыштын күнү болсо, меш же кадимки электр жылыткычтары жарайт. Ал эми жайкысын эшик-терезени ачып желдетүү жетиштүү.
  • Жаңыдан көк басып келе жаткан бөлүктөрдү самындап жууп кетирүүгө болот.

ООРУЛАРДЫН БАШАТЫ

Көк басып кеткен үйдө жашоо адамдын ден соолугуна, өзгөчө иммунитети төмөн жаш балдар менен карыларга зыян алып келери аныкталган. Себеби анда уулуу споралар (козу карын, эңилчек, балыр өңдүү гүлсүз өсүмдүктөрдүн жана кээ бир клеткалуу жаныбарлардын өз алдынча тукумдоо кызматын аткаруучу бир клеткалык бөлүгү) абдан көп. Бир чарчы метр көк баскан аянттан бир күндө миллиарддаган споралар өнүп чыгып, абага да тарайт. Мындай бөлмөдө жашаган адамдын дем алуу органдарына уулуу споралар кирип, өнөкөт жөтөл ооруларын козгойт. Ошондой эле буттагы грибоктун өрчүшүнө, аллергия, бронхиалдык астманын козголушуна таасирин тийгизет жана баш ооруну пайда кылат. Мурун бат-бат бүтүп, суук күндөрү сасык тумоого тез чалдыгат.
Ал эми адамдын организми үчүн абанын нымдуулугу 40-60 пайыздын тегерегинде болушу шарт. Үйдөгү нымдуулуктун өлчөмүн билүү үчүн гигрометр аспабы колдонулат.

КӨК БАСУУНУН АЛДЫН АЛУУ

  • Дубалдагы шыбак канчалык калың болсо, ошончолук нымдуулуктун өтүшүнө жол бербейт.
  • Чатырдагы жаан суусун тоскучтарды дубалдан алысыраак орнотуу зарыл.
  • Пайдубалга жакын суу көлчүктөрүнүн пайда болушуна жол бербөө керек.
  • Кыштын күнү үйдүн температурасын өтө ысык кылбай, салкын кармоо талапка ылайык келет.
  • Ашканада тамак бышырууда буунун сыртка чыгуусун камсыз кылуу зарыл.
  • Жуунуучу бөлмөгө аба алмашуучу түтүк орнотуу керек. Ошондой эле жуунгандан кийин дайыма эшик-терезени ачып желдетүү керек.
  • Жуулган кирлерди бөлмөдө кургатпаңыз.
  • Гүлдөрдүн көптүгү да нымдуулукка алып келет.
  • Колдон келсе, жыгач терезелерди орнотуңуз. Пластиктен жасалган терезе аба өткөрбөй, нымдуулуктун деңгээлин жогорулатып жиберет.
  • Саздак аймакка салынган үйдү нымдуулуктан сактоо үчүн бакча тараптан арык казуу керек. Жер алдынан канча метрден кийин суу чыкса, арыктын тереңдиги ошого жараша болушу шарт. Мисалы, 1,5 метр тереңдиктен суу чыкса, тереңдиги 1,7 метр жана туурасы 0,6-0,8 метрге жетет. Бул ошол жер тилкесиндеги жер астындагы суулардын арыктын ичине топтолуп агып кетип, үйдүн алдын кургак кармоого мүмкүндүк берет.

Кубаныч Сыдыков
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(5)
04.06.2012. 11:47 
Тайпасы:
Кыймылы жок
Комментарийлердин саны:
140
Катталган:
16-05-2011
Соӊку аракети:
06-09-2016 10:59
Жынысы:
Белгисиз
Калаасы:
Бишкек
0
фуу
04.06.2012. 15:44 
Тайпасы:
Кыймылы жок
Комментарийлердин саны:
27
Катталган:
19-12-2011
Соӊку аракети:
03-01-2015 13:57
Жынысы:
Белгисиз
Калаасы:
Бишкек
+2
Чоон рахмат, аябай пайдалуу кенеш экен!!!
04.06.2012. 16:44 
Тайпасы:
Кыймылы жок
Комментарийлердин саны:
5
Катталган:
04-06-2012
Соӊку аракети:
09-11-2012 16:19
Жынысы:
Белгисиз
0
быйыл кыш суук болуп терезелерди ачпай койбодумбу! эми кухням когоруп турат.
09.06.2012. 01:18 
Тайпасы:
Жаран
Комментарийлердин саны:
39
Катталган:
06-05-2012
Соӊку аракети:
16-06-2018 06:33
Жынысы:
Белгисиз
Калаасы:
КОЧКОР
0
Рахмат.мен учун табылгыс кенеш
09.06.2012. 02:32 
Тайпасы:
Жаран
Комментарийлердин саны:
32
Катталган:
24-07-2011
Соӊку аракети:
05-08-2018 17:15
Жынысы:
Белгисиз
0
Asus84 тим эле орустарга окшоп жазыпсынго,же ошондой жиркеничтуу нерсебекен???фу со
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: