Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫРГЫЗДАРДЫН ТЕРС КӨРҮНҮШТӨРҮН ТАРТЫП СЫЙЛЫК АЛГАН ТАСМАЛАР

№501 8-июнь-14-июнь, 2012-ж.


Акыркы кездери улут кадырын тепсеген тасмалар жаралып жатканы өкүнүчтүү. Европанын темирден жасалган сыйлыгы менен жашыл кагазы үчүн кыргызды дүйнөгө маскара кылгандарга жол болсун дегиң келет. Кыргыздардын терс жактарын тартып, “реалдуу жашоо” деп актанган, анча-мынча болсо да жакшы, жетишкен жагын көргүсү же көрсөткүсү келбеген бир топ режиссёрлордун тасмаларын баамдап, сындан өткөрмөкчүбүз.

ТӨӨ ЧЕЧМЕЙ ОЮНУН АЗЫРКЫ ЗАМАНДЫН ЖАҢЫЛЫГЫ КЫЛГАН “СВЕТ АКЕ”
Элди “Маймыл”, “Бешкемпир” тасмалары менен таң калтырган айтылуу Актан Арым Кубаттын “Свет аке” тасмасына сын айткандар аз эмес. Фильмден эскилиги жеткен электр өткөргүчтөрдү бири-бирине туташтырып, жылаңач зымды эптештирип, электр эсептегичти артка айлантып, жупуну жашаган үй-бүлөлөргө свет уурдап берген Свет аке аттуу каарманды кезиктиребиз. Ал – айылдарда азыр сейрек кездешип бараткан, жан дүйнөсү баладай таза, башкаларга эт-бетинен кетип жардам берген карапайым киши. Бирок көбү анын дүйнөсүн түшүнбөй, Апенди катары кабыл алышат. Свет аке – электр жарыгын алып келген гана эмес, философиялык маанисинде да жарык алып келген киши. Анын “элге бекер жарык алып келсем...” деген максаты бар. Шамал менен электр энергиясын иштеп чыккан станцияны жасамакчы болуп жүрүп, аягында күйүп калат...
Бир телеканал "батыш талкууга алган" деп жарнама кылып жатып көрсөткөн “Свет акени” көргөн баткендик туугандардын нааразылык катын гезит бетибизге жарыялаганбыз. Бул тасмага жалаң эле баткендиктер эмес, бир топ кыргыздар капа. Чынында эле кытайлык инвесторлорго кыргыздын кыз куумай же көк бөрү эмес, унутулуп калган төө чечмей оюнун көрсөтүп жагынып, акчасы жок байкуш кемпирдин небересин жылаңачтаган айыл өкмөттүн кылыгын кандай түшүнсө болот?! Акча алуу үчүн айылдык карындашын энеден туума кылып кытайлык ишкер "аңгиге" салып берип, кыргыздарды өз кыздарын коргобогон намыссыз, акчанын кулу катары көрсөткөнүнө жиниң келет. Ооба, жашообузда мындай көрүнүштөр бар. Бирок аны лентага тартып алып желбиретип, батышка "мактанбай эле" койсок болмок.
Свет акени аялы дагарага салып, жан жерин сылагылап киринтип жатканы жана мас болуп алып досунан "жүрү, менин төрт кызым бар, аялымды эркек төрөтүп бер" деп суранышы такыр чектен чыгып кеткен. Шамалдан электр жарыгын алууну ойлоп тапкан Свет акенин оюна кантип эле душ жасап коюу келбесин?! Керек болсо азыр элеттиктер деле цивилизациянын андай жетишкендигин пайдаланып калышкан. Ушундай жапайычылыктарды тартпаса, сыйлык албай калышат сыягы...

КЫРГЫЗДАРДЫН БИРИМСИЗДИГИН АШКЕРЕЛЕГЕН “БЕЛГИСИЗ МАРШРУТ”
Бүтүндөй Кыргызстанды "бир автобуска батырган" Темир Бирназаровдун “Белгисиз маршрут” тасмасы орустардын “Ника” киносыйлыгына көрсөтүлүп, бир канча чет элдик сыйлыктарга татыган. Фильмде түрдүү коомдук турмуштагы көрүнүштөр калдыраган автобустун ичиндеги жүргүнчүлөр аркылуу көрсөтүлөт. Туман аралаган автобус – мамлекет, ал эми ичинде коомдун бардык мүчөсү – соодагер, чөнтөкчү, милиция кызматкери, молдо, баптист, коммунист, демократ, интеллигент, алкаш, сойку, рэпер, айтор, баары бар. Эч кимиси башкы ролдун каарманы эмес, баары бүгүнкү күндүн каармандары. Тасмадагы адамдардан ар бир жаран өзүн көрөт.
Рулдагы айдоочу мурунку жана кийинки бийлик башындагылардай болуп тумандуу жолдо адашып калып, нааразы болгон элдин жемесине чыдабай аларды талаага таштап качып кетет. Жүргүнчүлөр – бир пикирге келе албаган коммунист, демократ, молдо, баптист, бири-бири менен чукушуп жатып чыр ырбайт. Автобус ичиндеги жаңжалдар мурдагыдан курчуп, жүргүнчүлөр кудум азыркы саясий тополоңчулардай бири-биринин “быкыйын” чубап, абийирлерин айрандай төгүшөт. Ынтымагы ыдыраган жүргүнчүлөр ызылдашып жатканда автобус жарга барып такалат.
Тасма соңунда жарга такалган автобусту жүргүнчүлөрдүн акыркы үмүтү болгон Үмүт аттуу жигит куткарып, баары чогулуп автобусту түртүп чыгарышып, Келечек айылын көздөй сапар улашат.
Режиссёрдун кыргызды үмүттөндүргөнү жакшы, бирок ага чейинки тасманын жүрүшүндөгү окуяларда улутту алкаш, ууру, сойку,баптист же орустарды пир туткан коммунист кылып көрсөткөнү улуттун бетине көө сүйкөгөндөй болуп калбайбы? “Ансыз да элдин ынтымагы кетип, кокту-колот болуп бөлүнүп жаткан убакта бул тасма абалдан чыгууга салым кошо алабы?” деген суроо туулат. Балким, чет элдиктерге кыргыздардын дал ушундай жоруктары жагып, тасма алардын сыйлыгына татып жаткан болуп жүрбөсүн? Бул жерде кино улуттун идеологиясына кызмат кылбай эле, кыргызды мокочо көрсөткүсү келгендерге кызмат кылып жаткандай.

КЫРГЫЗ МЫРЗАЛАРЫН АРАКЕЧ КЫЛЫП КӨРСӨТКӨН “АЙЫЛ ӨКМӨТҮ”
Кинорежиссёр Эрнест Абдыжапаровдун “Айыл өкмөтү” аттуу көркөм фильми Марокконун Марракеш шаарында өткөн 5-эл аралык кинофестивалда баш байгени жеңип алган. Фильмде биз уялып намыстанчу көрүнүштөр түзүк эле. Тасманын затына эмес, сырттан келген наамына гана сүйүнүп, "сыйлык алып, бизди бүт дүйнөгө таанытып жатат!” деп төш каккандарын көрүп башыңды аргасыз чайкайсың.
Буга чейинки Актан Арым Кубаттын “Бешкемпиринде” ылайдан кыз жасап, анын үстүнө өпөңдөгөн бала же жогорудагы “Айыл өкмөтү” комедиясында кайненесинин сөзүн укпаган келинди баса жыгылган милиционердин жоруктары кандай максат менен тартылат деги? Бир бөтөлкө арак үчүн үйүндөгү казанын уурдап сатып, көрүнгөн күркөдөн карызга "жинди суу" сурап, алкымын тыя албаган аракечтер аркылуу режиссёр кыргыздын түркөйлүгүн, түгөнүп баратканын көзгө сайып көрсөткөн. Жаманды жаман дей берсең, ого бетер жаман болот. Кичине жакшыга жетелебейлиби, калкты?
Кошулабыз, ошондой болуп баратканбыз, чын эле. Бирок мактанчу, сыймыктанчу жайыбыз да бар. Ошолорду да тартып, башка элдерге көрсөтүүгө эмне үчүн болбосун?

МАКСАТЫ ЖОК “ЭЭНСИРЕГЕН ҮЙ”
Европада жаңы идея, жаңы табылга калбай, азыр биздин режиссёрлорго көз кычыштырган каражатты сунуп коюп, бизге окшогон улуттарды эле аңдып тургандай. Эмне кылмак эле анан, аларда көрө турган нерсе түгөндү, а биздеги кызыктардын чети оюла элек болсо. Жакында эле чыккан Нурбек Эгендин “Ээнсиреген үйү” Орусиянын атынан “Кинотавр” фестивалында көрсөтүлдү.
Тасма 19 жаштагы Асел аттуу кыздын аянычтуу жашоосун баяндайт. Кыскача айтканда, Асел энесиз өскөн, арактан көзү ачылбаган кишинин кызы. Эртеңи тууралуу ою жок, көкүрөгүндө кармап калар, байлап калар ыйык нерсеси жок, азыркынын тили менен аягы суюк кыз десе да жарашат. Айылда жигитинен боозуп, Султан деген наркобаронго турмушка чыгып, анын акчасын уурдап Москвага качып кеткен Асел ал жакта да жөн жүрбөй, көрүнгөн эркектин астында калат.
Эротикалык эпизоддор фильмде ачык эле көрсөтүлөт. Мындай эпизоддорду ачык-айкын көрсөтүүгө буга чейин бир да кыргыз режиссёру даабай келсе, Эген мырза бул жаатта төңкөрүш жасады. Мисалы, атасы эшиктин алдында сүрөт тартып отурса, Асел ошол эле жерде жыйылган чөптө жигити менен энеден туума болуп, онтогон кумарлуу үндөрү атасынын кулагына чейин угулуп турат. Аялуу жерин эптей албаган, билимге, жакшы жашоого умтула бербеген кызга кадимкидей ачууланасың, аяйсың.
Режиссёр кыргыздын турмуштан жолу болбогон айрым жеңил ойлуу кыздарынын образын Асел аркылуу кинодо чагылдырып берди, бирок бүт кыргыз элин жер каратты. Ошончолук эле чет өлкөдө жүргөн мигранттарга күйүп жатсак, жашоодон жаңылган жаштарга жол көрсөтүп, үлгү бере турган кино тартсак болбойбу? Учурда кинотеатрларда тынымсыз коюлуп жаткан бул киного жаштар дал ошол ачык тартылган эротикалык эпизоддор үчүн кызыгып барып жатышат. Кыскасы, Эгендин 600 миң еврого тарткан бул киносу кыргызга аброй алып келбеди.
"Бүткөн ишке сынчы көп" деген кеп бар. Алгылыктуу бир жумуш жасабай эле отуруп алып сындай бергендер көп. Бирок бул козголгон тема алардын катарына сыйбайт. Урматтуу кино жаратуучулар, оор турмуш, адамды жийиркенткен көрүнүштөр, аракечтик Кореяда жок дейсиздерби? Азыр жаштар түштүк кореялык кинолорду эмнеге баса калып көрүп жатышат? Балким, алар өз өлкөсүндөгү былыктарды, аракечтикти, сойкулукту эмес, ыйманды, улуу-кичүүнү сыйлоону, сүйүүнү, достукту туу тутууну айтып, тартып, көрсөтүп жатышканынан уламдыр?

Толик сынчы
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(22)
11.06.2012. 12:29 
Тайпасы:
Кыймылы жок
Комментарийлердин саны:
176
Катталган:
07-02-2011
Соӊку аракети:
10-01-2015 15:15
Жынысы:
Белгисиз
Калаасы:
Бишкек
0
Толик сынчы мен сизге толук кошулам, ээнсиреген уй жонундо жазгандарынызга. Эмне Кореяда баары укмуш дейсинерби? Бирок алар кинолорунда Кореяны укмуш кылып беришет, а биздечи, негизи бул режиссерго тушунуп болбойт экен. Ооба турмушта россияга кеткен же болбосо женил жашоо издегендер бар. БИРОК Аселдин денгээлине жеткен "МАНКУРТИЗМ" бизде жок! Башка улуттарга салыштырмалуу КЫРГЫЗ ЭЛИ меймандос, ак журок, ыймандуу, таза келебиз!
11.06.2012. 12:35 
Тайпасы:
Жаран
Комментарийлердин саны:
27
Катталган:
03-04-2012
Соӊку аракети:
17-09-2018 14:11
Жынысы:
Белгисиз
0
Мен бул макаланын авторуна 100 % кошулам,туура айтылган сын,
11.06.2012. 13:01 
Тайпасы:
Кыймылы жок
Комментарийлердин саны:
17
Катталган:
09-04-2012
Соӊку аракети:
02-02-2013 13:39
Жынысы:
Белгисиз
Калаасы:
Москва
+2
салам . эмнеге чындыкка тике карабай баарын жакшы кылып корсоткунор келет.? турмуштун ак, карасы, жакшы,жаманы дайым бирге журот. ошол кинону тартып койсо эле кыргыздар ошондой болуп калабы?бул биринчи маселе.Экинчиси биз качан эле цивилизованный болуп кеттик эле? Муну менен кыргыз элин жаман коргозуш эмес мумкун адамдык касиетти коргозуу деп эсептеймин. арабызда жок деп ким кепилдик бере алат. араккеч, сел саяк, шуркуя ж.б мумкун ушундай кинолорду коруп жигиттерде намыс,кыздарда абийир болор
11.06.2012. 17:30 
Тайпасы:
Кыймылы жок
Комментарийлердин саны:
176
Катталган:
07-02-2011
Соӊку аракети:
10-01-2015 15:15
Жынысы:
Белгисиз
Калаасы:
Бишкек
0
ouma, Далил учун айтып берейин. Менин атам Россиядан окуган, анын мугалими (ростовдук) келип турат. 2000-жылы келип кеткен. Анан былтыр 2011-жылы бизге келди. Бизге сотовый телефон ала келиптир. (нокиа 1100) Анан биз колдонуп жургон сенсордук телефонду коргозсок, тан калып атпайбы, жапайыларда колдонгонду билеби деп. Анан ал агайы айтат Кыргызстандан Россияга (Ростов-на-Донуга) келгенде баардык тааныштарым келип сурайт, сага тийген жокпу, алар жапайы каракчыларда деп дейт, бизге
11.06.2012. 17:34 
Тайпасы:
Кыймылы жок
Комментарийлердин саны:
176
Катталган:
07-02-2011
Соӊку аракети:
10-01-2015 15:15
Жынысы:
Белгисиз
Калаасы:
Бишкек
+1
ушундай шылдындын кереги барбы? Алар бизди кир кийинген, эч нерсени билбеген (эми кинолорубуздагыдай) туркой элестетишет экен. Бизде ушундай койгойлор бар деп эле башка улуттарга шылдын болуп алып чыга берелиби? Мисалы Эгендин киносунан эмне тарбия алдыныз??????
11.06.2012. 16:40 
Тайпасы:
Жаран
Комментарийлердин саны:
34
Катталган:
01-06-2011
Соӊку аракети:
16-05-2018 16:06
Жынысы:
Белгисиз
0
Cалам ouma кеп кыргыздар ушундай кино тартса эле кинодогудай болуп калабы эмес...муну коргон чет элдиктер "аа кыргыздар ушундай турбайбы" деп ойлоп калуу коркунучундабы дейм да...элестетиниз сиз чет олкого чыгып алар менен баарлашып калсаныз "Силер сарайга кирип дагарага киринесинербиби?" деп сурап жатса...
11.06.2012. 19:29 
Тайпасы:
Жаран
Комментарийлердин саны:
130
Катталган:
29-11-2010
Соӊку аракети:
19-09-2018 13:18
Жынысы:
Белгисиз
0
Luntik, Ооба киринем деп эле айтып журом, алар андан сени сыйлабай калышпайт. Копчулугуно сенин люксуз жашоон эмес , адамдык сапаттарын бийик. Канча жылдан бери батышта жашайм, бироо да устумдон ошол темада кулушкон жок.
11.06.2012. 19:20 
Тайпасы:
Жаран
Комментарийлердин саны:
130
Катталган:
29-11-2010
Соӊку аракети:
19-09-2018 13:18
Жынысы:
Белгисиз
0
Батышта деле оздорунун жаман жагын телевизорго чыгарып,корсотушот. Болгонду болгондой эле корсоткон жакшы да.
12.06.2012. 04:06 
Тайпасы:
Кыймылы жок
Комментарийлердин саны:
10
Катталган:
22-03-2011
Соӊку аракети:
28-05-2014 03:15
Жынысы:
Белгисиз
Калаасы:
Far Far Away
0
Мен макаланын максатын тушунгон жокмун. Жакшы кинолор сыяктуу эле жаман мааниси бар кинолор ар бир олкодо бар. Мен озум киноманмын. Ар бир калктын ар кандай киносу болот да. Мисал учун индустар биз кинодон коргондой кунуго ырдап бийлешет деп ойлоп атасынарбы? Белгисиз маршрут эн сапаттуу, мааниси терен кинолорго кирет. Тарбиялык мазмуну бар. Кыргызстанда ар бир жарандын эркин созго укуктуу бирок бул макалада жеке озунуздун оюнузду билдиргендей болуптур.
12.06.2012. 15:10 
Тайпасы:
Жаран
Комментарийлердин саны:
9
Катталган:
01-08-2011
Соӊку аракети:
19-09-2018 14:57
Жынысы:
Белгисиз
Калаасы:
Бишкек
0
менин эжелерим парижге барып окуп калышып кыргызстандыкпыз десе эч ким тааныбайт дейт, анан эжем Ч.Айтматов десе француздар ааа жамилябы деп кыргыздарды тааныган экен. Бизди башка олколор Айтматов сыяктуу улуу инсандар деп билишет. Эми бул кинодон кийин кыргыздарды жапайы деп эле ойлосо керек. Бул чисто коммерциялык багытта тартылган кино, акча топтош учун эле, ал эми тарбия ала турчу, же бир он жагы бар эч нерсе коро алган жокмун. кечиресиздер, бул менин жеке оюм.
12.06.2012. 22:32 
Тайпасы:
Жаран
Комментарийлердин саны:
72
Катталган:
10-09-2009
Соӊку аракети:
18-05-2018 01:25
Жынысы:
Белгисиз
0
Кинонун озунун тили болот, жогорудагы аты аталган тасмалар кино тилине жооп бере алат, анан киноискусствону билип билбей туруп эле сынчы боло бербегилечи, кинону дагы сындай турган кесип бар, кино сынчы (кино критик), сынайт десе эле мен сынчымын деп сынай берген туура эмес... Кыскача айтканда ар киминер о арабанарды тарткыла...
13.06.2012. 02:25 
Тайпасы:
Жаран
Комментарийлердин саны:
30
Катталган:
09-05-2012
Соӊку аракети:
17-08-2018 11:45
Жынысы:
Белгисиз
Калаасы:
кыргызстан
0
BEKTUR AZHO, Кино критик эмессинер деп эле бир жолу суйлоо укугунан да ажыратып койгула эми. Мен да тушунбоймун эмнеге эле ушул сыяктуу жапайы корунушторду камтыган кинолорун жарыялашат. Менин башка улуттардан досторум бар ошолор менден сураган "силер дом дегенди билбейсинер кинолордо корсотот го таардан жасалган уйчолорду ошолордо жашайсынарбы"_деп.
13.06.2012. 04:03 
Тайпасы:
Кыймылы жок
Комментарийлердин саны:
7
Катталган:
12-06-2012
Соӊку аракети:
27-06-2012 21:41
Жынысы:
Белгисиз
0
GUMU pikirine jana Tolik syn4y pikirine tooluk kowulam en tuura aitylgan syndar. Boz Kg elibiz ozubuzdu uwintip tarbi9lap tuura pikirlep anan da syndy tuura kabyl alyp ozubuzdu tarbi9lap kele4ektin jakwy joldoruna umtuluwubuz kerekpiz da
13.06.2012. 18:42 
Тайпасы:
Жаран
Комментарийлердин саны:
72
Катталган:
10-09-2009
Соӊку аракети:
18-05-2018 01:25
Жынысы:
Белгисиз
0
NUR.DIM ал режиссерлор дагы жыргаганынан тарткан жок да, алар эл ушул окуяны коруп ойлонсун, Кыргыздар акча учун баарына даяр болуп калды деген ойду бергисикелип жаткандыр, алар башка жол менен болбосо дагы экран аркылуу эл учун куйуп, элге тушундуруп жатышат
15.06.2012. 04:27 
Тайпасы:
Жаран
Комментарийлердин саны:
3
Катталган:
13-05-2012
Соӊку аракети:
27-09-2017 15:09
Жынысы:
Белгисиз
Калаасы:
ММосква
0
Туура,режиссёрлор жыргаганынан тарткан жок.Эптеп акча табуунун айласы же кыргыз эли учун намыстанбагандар.Чет жерлерде кыргыз кыздар(баары эмес,арасында женил ойлуулары)башка улуттун эркек соройлору менен жаман жолдо жургондору ачуу чындык.Аны да ишенбесенер мына,-дегенсип Асел менен далилдеп кино кылып корсотуп жатышат.мындай кинолор башка элде деле тартылып жатпайбы,-деп жаман жагына эмес жакшы жагына атаандашсак жакшы болот эле.Кыргыз эли эзелтен каада салтуу,ыймандуу эл болгон.Анан эле
15.06.2012. 04:49 
Тайпасы:
Жаран
Комментарийлердин саны:
3
Катталган:
13-05-2012
Соӊку аракети:
27-09-2017 15:09
Жынысы:
Белгисиз
Калаасы:
ММосква
0
кыргыздын жаман жактарын,тарбиялык мааниси жок кинолорду,эскилиги жетип шыбагы тушкон уйлорду тарта беришет.Айгул Шаршен кызынын тарбиялык мааниси жок китептери,куудулдардын сахнада колтугу согулгон жаман чапан,телпийген калпак кийип аткаргандары мени тойгозду.Ушулар кыргыздын жаман жактарын чукуп таап жазып,аткарышып кыйраттык деп маашырланышат го.Ушул кинолорду коруп отуруп жети омурум жерге кирип,зыбааным кайнайт
15.06.2012. 13:18 
Тайпасы:
Жаран
Комментарийлердин саны:
226
Катталган:
11-04-2012
Соӊку аракети:
19-09-2018 14:42
Жынысы:
Белгисиз
Калаасы:
тынчтык
0
Мен Толик сынчыга толук кошулам.Ошол Бешкемпир жаны чыкканда теледен реклама кылышып жаткан.Анан бул кинону корууго кызыкканмын.Озум жаны келинмин.Кайнагаларым менен чогуу коруп баштаганда эле жанагы ылайдан жасаган кызды жаш балдар баягындай этип калбаспы.Жер жарылып мен кирип кетпедим.Ошо да кинобу?
17.06.2012. 16:22 
Тайпасы:
Жаран
Комментарийлердин саны:
14
Катталган:
07-02-2009
Соӊку аракети:
08-02-2018 19:35
Жынысы:
Белгисиз
Калаасы:
Нарын,
0
Аракка берилген адамды арак менен даарыласан боло турган ишпи? же андан ары алып барып жок кылабы? Албетте аны менен даарылап алыстатуу мумкун эмес. Ошол сынары кыргыздын жаман жагын чукуп тартып алып ушундан улгу алышсын дегендердин акылы кыска ондуу. Кыргыздын онолуусун кааласанар эн биринчи озунор онолгула. Озунор онолсонор анан кылган ишинер да онолот. айыпты чукуй берсен эч качан тугонбойт.
18.06.2012. 19:53 
Тайпасы:
Кыймылы жок
Комментарийлердин саны:
42
Катталган:
05-02-2012
Соӊку аракети:
25-06-2012 21:46
Жынысы:
Белгисиз
Калаасы:
москва
0
oshol koreilerdin da shumduktuu kinoloru bar korgon emessiner da serialda bashka oku9lar a kino tarmaginda oigo kelbegen nerselerdi tartishat
28.07.2012. 15:46 
Тайпасы:
Кыймылы жок
Комментарийлердин саны:
4
Катталган:
28-07-2012
Соӊку аракети:
21-07-2013 09:58
Жынысы:
Белгисиз
0
Ар бир улуттун дуйного алып чыгаар жузу, сыймыгы болушу керек. а биз дуйного элине кайсы сыймыгыбызды коргозо алдык. киносынчыларга бир соз айткым келет,кинотасмаларда улуттун терс корунушун корсотуу менен анын адамдык эн асыл сапаттарына да басым жасаган корунушторду эмнеге коштурбайсынар.тасмаларда кыргыз инсанынын баардыгы кемпай корунуп тура берет.
17.09.2012. 02:11 
Тайпасы:
Жаран
Комментарийлердин саны:
100
Катталган:
24-07-2012
Соӊку аракети:
19-09-2018 01:58
Жынысы:
Белгисиз
Калаасы:
ош
0
КЫРГЫЗ киносун коргондон уяаласын.балдарын менен отурсан абийирин кетет.Кордолгон кыз арака берилген эркек чалжандаган абышка кемпир же эрин минип алып сабап аткан аяалдар.Ушу да турмушпу дейсин.АЯАЛэркектин ортосунда сый урмат жок.Соо кыз жокпу деп коркосун.Чын эле кыргыз эли ушундай калкпы деп ойлонуп да кетесин.Кыргыз элинде деле жакшы адамдар коп.БАКТЫЛУУ адамдарыбыз да жок эмес.Атактуу адамдар суйкайган сулу кыздарыбызчы эркектен кем калбай машина минип ата энесин багып окумуштуу маданият
17.09.2012. 02:25 
Тайпасы:
Жаран
Комментарийлердин саны:
100
Катталган:
24-07-2012
Соӊку аракети:
19-09-2018 01:58
Жынысы:
Белгисиз
Калаасы:
ош
0
туу корсон козун кубанат.Мен омурумдо эрин минип сабаган аяалды корбогом да укпагам.Аяалдарды каалаганынарча кордоп корсотосунор.Силерди да эне тороп остургон.Кыргыз элинин чыныгы азыркы жузун эмне учун бере албайсынар.Азыр копчулук элдер жетишкен.Озунордун денгелинерди кыргыз элине танулабагыла.Кыргыз эли бай маданиятуу мээрбан ак конул жайыл дарстокон которумчул калк
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: