Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЗИНА ЭМЕС, ЗЫЙНАНЫН ТОРТТОРУ...

№333 20-26-март, 2009-ж.


Майрамдарда дасторкондун көркүн эмне ачат? Албетте, көбүрүп-жабырып атылган шампандар жана шилекейди агызган “Зинанын торттору”. Дал ушул таттууну ойлоп тапкан адам кадимки эле кыргыздын айымы Зыйна экенин билесизби?
Көпчүлүктүн жакшылыгына жарап жүргөн кардары көп бул компаниянын башкы директорунун орун басары Үсөн Мырзакулов бизге жолугууга келди. Жөпжөнөкөй бирок пайдалуу бизнес тууралуу идея кимдин оюна келгендиги жана учурда иштери кандай жүрүп жаткандыгы жөнүндө ой бөлүштү.

– Үсөн байке, саламатсызбы, иштериңиз кандай?
– Жакшы, рахмат.
– Маекти сиздердин компания торт жасоону эмнеден баштап, ушундай деңгээлге кантип жетти деген суроодон баштасак...
– Сиздерге түшүнүктүү болуш үчүн “Зина тортторунун” пайда болушун тээ алыстан баштайын. Апам мектептен соң борбордогу Медициналык орто окуу жайына тапшырат. Акыркы курсунда Токтогулга практикага барып атам экөө табышып калат. Атамдын кесиби болсо бухгалтер. Өмүр бою ушул кесипти аркалап жүрдү. Эс алууга чыкканына 2 жыл болду. Биз 5 биртууганбыз. Ата-энебиз убагында орус тилинен абдан кыйналышкан үчүн баарыбызды орус мектепке беришкен. Баарыбыз мектепти бүтүп борбордогу жогорку окуу жайларына тапшырганбыз. Ата-энебиз 1992-жылы Токтогулдан Бишкекке көчүп келишти. Апам иштейин десе иш жок. “Эмне иш кылса болот?” деп шаар аралап жүрүп, “Миң түркүн” соода борборунун алдында, Москва-Совет көчөлөрүнүн кесилишинде торт сатып жаткандарды көрөт. Ошондон улам апамда торт жасап сатуу идеясы пайда болот. Апам өзү үйдөн торт, таттуу токочторду көп жасачу. Ошентип, бул ишти апам өзү жалгыз баштаган. Күнүнө үйдөн 5-6 торт жасап Москва-Совет көчөлөрүнүн кесилишине алып чыгып сатчу. Анан биз апамдын ишин андан ары өркүндөтүп кетүүнү пландадык. Мен Политехникалык институттун технология бөлүмүн аяктагам. «Тортту кантип жасаса болот? Аны кантип даамдуу кылыш керек?» деген суроолорго жооп издедим. Бул суроолордун баарына жооп табылгандан кийин чакан бөлмөнү ижарага алып, мурдагыдай үй шартындагы эмес, кадимки кондитердик цехтердикиндей тортторду жасап сата баштадык. Күндөн-күнгө элдин суроо-талабы көбөйө берди. Ошентип, бизде жасалган торттун саны арбыды.
– Торт жасоо үчүн атайы техника керек эмеспи. Бул нерселерден кыйналган жоксуңарбы?
– Башында эч кандай техникасыз баарын колго жасачубуз. Болгону, даярдалган камырды бөлтөгү жок суюк кылуу үчүн чалгыч колдончубуз.
– Атайын адистерди жалдадыңарбы?
– Жаңыдан иш баштаганда апам өзү эле ар кимден сурап, жасоо ыкмаларын үйрөнчү. Андан кийин мен иш боюнча чет өлкөгө көп каттай баштадым. Ошондо ирандыктардын технологиясы жагып калды. Чынында алар тортту укмуш жасашат экен. Бизге торт жасоо ыкмаларын алардан сырткары орустар, америкалыктар, франциялыктар үйрөтүштү.
– “Зинанын торту” деп аталып калышы апаңыздын атынан улам болгон турбайбы? Көпчүлүк бул фирманы орустарга тиешелүү деп ойлошот...
– Жасаган тортторубуз өтүмдүү боло баштаганда тортко ат коюу керектигин түшүндүк. Баарыбыз бир ооздон апабыздын атынан “Зинанын торту” деп атайлы дедик. Апам деле каршы болгон жок. Ал кезде “биз жасаган тортту бүтүндөй мамлекет таанып калат” деген ой эч кимге келген эмес. “Эгер “Зинанын торту” ушундай деңгээлге жетерин билсем, мен деле атымды коштуруп коймок экемин” деп азыр атам күлүп калат. Азыр көпчүлүк “Зинанын торту” десе эле орус аял болуш керек деп ойлошот. Бирок андай эмес. Азыр апам 72 жашта. 2 келини, 3 күйөө баласы жана 11 небереси бар. Бизди үстүртөн карап турат. Бул компаниянын башкы директору улуу эжем. Анын орун басары мен.
– Алтынчы тортту кардарга бекер берүү, жумшак оюнчуктарды белекке берүү өңдүү акцияларды уюштурган элеңер. Сыягы биртуугандарыңар арасында пиарды жакшы өздөштүргөндөр да бар окшойт...
– Мындай жол менен кардарды тартууну чет өлкөдөн көрүп келдик. Чынын айтуу керек, дал ушул акциядан улам биз чоң ийгиликтерге жетиштик. Негизи, биздин мамлекеттеги тамак-аш боюнча иштегендердин баары башка улуттан. Көпчүлүгү уйгур же орус дегендей. Биз кыргыз элинен деле тамак-ашка басым жасап, бийик деңгээлге жеткире тургандар чыгарын далилдегибиз келет. Ошол үчүн бардык дараметибиз менен торттун сапатына, даамдуулугуна өзгөчө көңүл буруп келебиз. Торттон сырткары да таттуу токоч, вафли чыгарабыз. Алардын аталыштары нукура кыргыз тилинде. Мисалы, “Дасторкон”, “Той болсун”, “Шумкар”, “Жыргал” деген вафли, пирожныйларыбыз бар. Өзүбүз чыгарган ар бир тамак-аштын атын элибиздин каада-салттарына байланышкан сөздөр менен атоону максат кылганбыз.
– Кондитердик тамак-аштардан сырткары башка нерсе чыгаруу оюңарда барбы?
– 8-марттын алдында открытка чыгардык. Буга да кыргыз тили үчүн күйгөндүгүм түрткү болду. Карасам, открыткалардын баары эле орус тилинде. “Эмне үчүн кыргыз өз мекенинде жашап жатып, өзүнүн эне тилинде жазылган открытка таба албайт?” деген суроо мени бушайман кылды. Ошондон улам кыргызча жазылган открыткаларды чыгара баштадык.
– Ишканаңардын имараты, адистердин саны, торттордун даамдуулугу мурункуга караганда бир кыйла алдыга жылса керек...
– Албетте, өнүктү. Азыр биздин торт башкалаага, Чүй облусунун бардык жерине, Ысык-Көлгө тарайт. Кышында Ошко, Казакстанга да жөнөтөбүз. Фирмада иштеген адамдын саны да бир топ өскөн.
– Ал эми атаандаштыкка кантип туруштук берип жатасыңар?
– Өнүккөн мамлекеттер менен байланышып жаңы технологияларды, тышындагы коробкасы боюнча жаңы дизайндарды ойлоп таап жатабыз дегендей. Айтор, дайыма изденүүдөбүз.
– Эми сөздү өзүңүзгө бурсак. Ашканада кандай кожоюнсуз?
– Мен шишкебекти жакшы жасайм. Чет өлкөгө көп барам. Барганда эле биринчи алардын ашканасына көңүл бурам.
– Ишкер адамдын соодага болгон шыгы кичине кезинен эле байкалат. Сиз тортко чейин соода менен алектендиңиз беле?
– Студент кезимде базардан бир шымга 1 метр 20 сантиметрден кездеме алчумун. Азыр атын унутуп жатам, бир орус аялга “тигип бериңиз” деп таштачумун. Даяр болгон шымды алып келип студенттерге сатчумун. Ошондо бул иш жакшы пайда алып келерин туюп тигүүчүлүк, бычмачылык курстарга баргам. Андан сырткары базардан айымдардын 37-өлчөмүндөгү туфлисин алып үстүнө 50 сом кошуп эртеси сатчумун. 36, 38, 39-өлчөмдөгү бут кийимдерди алчу эмесмин. Анткени алар жакшы өтпөйт. Ал кезде алып саткандарды милиция кармап, камап койгонго чейин барчу. Туфли көтөрүп турганымды көрүп жаныма келген милицияга “муну сатпайм, алмаштырам” деп алдап кутулчумун.
– Үйдөн торт жасайсызбы? Конокко барганда кайсы түрүн көп алып барасыз?
– Үйдөн торт жасаганга убакыт жок. Өзүм көп да жебейм. Негизи, таттууга анча жокмун. Ал эми конокко барганда сөзсүз “Зинанын тортторун” алып барам.
– Тортко байланыштуу кызыктуу окуялар болсо эсиңизге түшүрсөңүз...
– Каталог боюнча заказ алып, айтылган убакытта жеткизип беребиз. Бир жолу 2 үйлөнүү тойдун чоң торту алмашып кеткен. Тортко “баланча менен баланча бактылуу болгула” деп жаздырышат эмеспи. Элестетсеңиз, тортту ачышса эле башка бирөөлөрдүн аттары жазылып жүрөт. Анан дароо эле бизге телефон чалышты. Ошентип 2 тортту кайрадан алмаштырганбыз. Дагы бир жолу торт саткан дүкөндө турсам бир адам келип “мага силердин торт абдан жагат. Бирок “Зина” деген коробкага салбай эле койгулачы. Мен азыр экинчи аялым менен жашайм. Биринчи аялымдын аты Зина эле” деген. Ошондо мен баш болуп башка коробка издеп аябай күл-ала болгонбуз.
– “Зина” компаниясынын жакынкы пландары кандай?
– Мактаныч менен эле айта кетсем болот. Биз торт жасоо боюнча айрым өлкөлөргө караганда бир топ алдыдабыз. Торттон сырткары элге керектүү көп нерсе чыгарабыз деген пландар бар. Бирок кризиске байланыштуу, ал пландар бир аз кечеңдечүдөй болуп турат.
– Кризис демекчи, бул нерсе силерге таасир берүүдөбү?
– Албетте, таасирин тийгизбей койгон жок. Кардарларыбыз 50 пайызга азайды. Бул аш-тойлордун азайгандыгынан болсо керек.
– Эгер “Ийгилик сыры” деген китеп жазсаңыз кириш сөзүнө эмне деп жазмаксыз?
– Иш баштаган адам өзүн-өзү алдабашы керек. Мисалы, бир нерсени жасай албай калып “тигил адам жардам бербей коюп, мен ушуга кабылдым” деген сыяктуу сооротуулардан, алдоолордон качышы керек. Кириш сөзгө мен ушуну баса белгилеп жазмакмын.
– Маегиңизге рахмат, ишиңизге ийгилик.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: