Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Съездбек Искеналиев: ДАЛЫМА КАМЧЫНЫН ИЗДЕРИ ТҮШҮП КАЛЫПТЫР

№198 18-24-агуст, 2006-ж.


– Съездбек, “Боз салкын” аттуу бул фильмге кандайча катышып калдың эле?
– Менин жаш кезимден эле киного тартылуу тилегим бар болчу. Бирок, бул оюм азыр ишке ашат деп түк ойлогон эмесмин. Бир күнү кафеде ырдап жаткан жериме Эрнест байке өзү атайын барыптыр. Көрсө, менин “Селкиге” тартылган клибимди көрүп калып, фильмдеги баш­кы ролго мени ылайык көрүптүр. Бул ролго бир жылдан бери ылайыктуу адам таба албай жүрүшкөн экен. Менден мурун бир баланы тартышса, фильмдеги каармандын мүнө­зүнө ал баланын мүнөзү окшошпой калыптыр. Ошентип, Эрнест байкенин чакыруусу менен эртеси фотопробага барып, андан кийин видеопробадан да өтүп кеттим. Кыскасы, көктөн издегеним жерден табылып, бул ролго күтүлбөгөн жерден тандалып калдым.

– Фильмде кандай каармандын образын жараттың?
– Мында мен Мурат деген жигиттин ролун аткардым. Мурат фильмде айылдагы абройлуу, жетишкен үйбү­лө­­нүн баласы болот. Ал фильм­­дин башында жеңил ойлуу, турмушка терең карабаган каарман катары сүрөт­төлөт. Фильмдин аягын­да кө­зү ачылып, баарын түшү­нөт. Кыскасы, фильмде Мураттын образы аркылуу сүйүү­нү, ар кандай карама-каршылыктарды бердим.

– Канткен менен сенин актёрлук билимиң жок эмеспи. Образ бере албай кыйналган учурларың болдубу?
– Профессионал режиссёр менен иштегеним үчүн­бү, көп кыйынчылыктар болгон жок. Анын үстүнө бизге Эрнест Абдыжапаров күн сайын актёрлук чеберчилик жөнүндө сабак өтүп жатты. Болгону башында жакшы көнө албай, бир аз уяңдык кылып койдум окшойт. Бирок, так ошол учурлар менин Асема деген сүй­гөн кызымдын ата-энесине барып таанышып, уяң жигиттин түрүн көрсөткөн эпизоддорго туш келип калды. Ошен­тип, башындагы уяңдыгымдын тескерисинче пайдасы тийди.

– Съёмка учурунда эсте калган кызыктуу окуялар болдубу?
– Сценарийдин акырында фильмдеги дагы бир баш каар­­ман Сагын экөөбүздүн ат үстүнөн мушташкан жерибиз бар эле. Ушул акыркы съёмка деп турганыбызда Сагындын чыканагы менин көзүмө катуу тийип, бир кө­зүм көгөрүп чыкты. Айыгат деген сайын тескерисинче күчөй берип съёмканы бир жумага токтотуп турууга аргасыз болдук. Акыры такыр эле көгөргөнү тарабай коюп, гриммдеп отуруп съёмканы уланттык. Ушул эле мушташкан жерибизде камчы менен чабышып жатып далыларыбызга кадимкидей камчынын издери түшүп калыптыр. Алгач ичибизден катуу сокку тийбей турган кийимдерди кийгенбиз. Тарта келгенде эле ал кийимдерибиз камерага түшүп калгандыктан, аларды чечип койгонго туура келди. Кийин бири-бирибизди канча жолу чапканыбызды ошол издерди санап билип жатпайлыбы.
Дагы бир жеринде Сагын мени катуу түртүп, мен эшикке жармашып калган эпизод тартылыш керек болчу. Ушул жерин окшоштура албай улам-улам кайталап жаттык. Съёмканы тамаша кылып карап отурган айылдын кемпир-кесектери менин улам эле эшикке бир тийгенимди көрүшүп мени аяп алышыптыр. “Ай, байкуш балам ай, болдучу, тартпай эле койгулачы?!” деп кээ бирлери кадимкидей ыйлап жүрүшөт. Баса, ал айылдын тургундары мени аябай жакшы көрү­шөт экен. Менин Съездбек атым өчүп эле “Жүрөккө жүрөк” аталып калыптырмын. «Жүрөккө жү­рөк» балам, келегой, муну ичип ал» деп би­ри максымын, экинчиси дагы бир нерсесин көтө­рүп эле келип калышат.
Съёмка учурундагы эсте калаарлык нерселердин да­гы бири – карышкырдын качып кеткени болду. Койлорго тий­ген карышкырды тартыш үчүн атайын зоопарктан карышкыр алып барышкан экен. Ал карышкырыбыз бир жолу тарткандан кийин жоголуп кетти. Кайда качып кеткени белгисиз. Түнү бою издеп, таппай коюшуптур.

– Фильмде атты чыныгы чабандестердей минип тартылганың бар экен. Ат мингенди башынан эле жакшы билчү белең?
– Кыргыздын ат мингенди билбеген баласы барбы? Мен бала кезимден жайлоодо ат минип чоңойбодумбу! Албетте, башында бир аз бош отуруп алып жаттым. Андан кийин көнүп кеттим. Ага кошумча бизге ат мингенди да үйрөткөндөр болду.

– Фильм кайсы жерде, канча убакыт тартылды?
– Фильмдин башындагы съёмка шаардан башталды. Көпчүлүк бөлүгү Көл калаасындагы Кажысай айылынан, андан тышкары Суусамырдын жайлоосунан тар­тылды. Майдын аягында кеткенбиз, ошол бойдон июл­дун ортосунда келдик. Фильмди декабрь айында кинотеатрлардан көрсө­түп, андан кийин эфирге беребиз деп жатышат. Ушул жерден айта кетчү дагы бир нерсе, фильм­деги “Боз салкын” аттуу ыр менин аткаруумда ырдалат.

– Эгер сыр болбосо ролуң үчүн канча гонорарга ээ болдуң?
– Бул нерсе албетте, сыр катары сакталмакчы. Ошентсе да алган гонорарыма нааразы болгон жокмун. А негизгиси, мен фильмге акча үчүн катышкан жокмун. Болгондо да “Боз салкындай” кыргыз фильмдери үчүн тикемден тик турууга даярмын.

– Сен киного тартылып жүргөн эки ай ичинде чыгармачылыгың өксүп калган жокпу?
– Жок, өксүгөн жок. “Кусалык”, жогоруда айтылып кеткен “Боз салкын” аттуу жаңы ырларым жаралды. Съёмка жүрүп жаткан аралык ичинде эле киного катышкан артисттер “Боз салкын-шоу” деген программа менен жакын айылдарга концерт коюп келүүгө жетиштик. Киного тартылуум тескерисинче, менин чыгармачылыгыма оң таасирин тийгизди дейт элем.

– Эми кино жаатына кызыгып кетип, ырчылыгыңды экинчи планга калтырып койбойсуңбу?
– Чындыгында киного катышууга кызыгып калдым. Бирок, чыгармачылыгым экинчи планда калбайт. Баш­ка кинолорго да чакыруулар түшсө чын дилимден бармакмын.

Даярдаган Азиза Сатимбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: