Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТЕМИР ТОР АРТЫНДАГЫ СУЛУУЛАР

№333 20-26-март, 2009-ж.


Адамзатынын бирден-бир байлыгы – эркиндик. Ал эми тагдырдын ар кандай сыноолорунан улам эркиндиктен ажырап, абакта күн кечиргендер да бар. Бүгүн ушул жаатында кеп козгомокчубуз. Болгондо да гүлдөн назик болгон абактагы аялзаты туурасында. Буга белгилүү продюсер Назгүл Насиеванын №2 аялдар колониясында сулуулардын сынагын өткөрүүсү түрткү болду.

Аялдардын колониясы туурасында кыскача

  • Учурда №2 аялдар колониясында 230 аял жаза мөөнөтүн өтөөдө. Эң кичүүсү 14 жашта болсо, улуусу Уламхан апа 76 жашта.
  • Бул жерде тигүү цехи бар. Цехте ти­гүүгө шыгы барлардын баары иштей берсе болот.
  • Колонияда аялдар 5 отряд болуп бөлү­нүшкөн. Негизинен, 1-2-отрядды көбүнчө ишке жарамдуу аялдар, 5-отрядды өспүрүм кыздар түзөт. Ал эми 3-4-отрядда аралаш отурушат.

Талкаланган тагдырлар

Сулуулардын сынагы башталганча толкундануу менен күтүп отурган айымдарга суроо узатып калдык.

Нуржан Малабаева, 31 жашта: «Жаштыгымдын көбү абакта өттү»

– Кандай кылмыштан улам бул жерге түшүп кал­ды­ңыз?
– Менин бул абакка экинчи жолу отурушум. Өзүмдүн билимим жогорку, философия илимдеринин кандидатымын. Ош Мамлекеттик университетинде иштечүмүн. Ошол кезде диплом сата коём деп камалгам. Чыккандан кийин жакшынакай жумушта иштеп жүрүп, чогуу иштешкен адам менен урушуп кетип, компьютерин эле ыргытып жибергем. Анан ал арыз жазып, кайра бул жерге отуруп калдым. Бул жерден чыккандан кийин чындык ким тарабында экенин аныктатып, бейкүнөө кесилгенимди далилдейм.
– Үйбүлөңүз барбы?
– Улуу кызым каза болуп калган. Экинчи кызым туугандардын колунда. Абдан сагынып, куса болуп жүрөм.
– Бардыгы болуп абакка канча жылга байландыңыз?
– Жаркын жаштыгымдын көбү эле абакта өтүп кетти окшойт.

Токтобүбү Шекеева, 45 жашта: «4 балам жетимсиреп калды»

Токтобүбү эже баңги зат менен кармалып, кесилгенин баяндады.
– Мен өзүм Алайдан болом. Дилярам деген курбу кызым мени ак жеримден карматып, сызга отургузуп жатпайбы. Бир күнү биздикине конокко келип, “кафеге барып эс алып келели” деп калды. Үйдө отурган жаным “барса барайын” деп ушул кордукка кабылдым. Көрсө, ал баңги затын сатуу менен оокат кылчу тура. Анан күнөөнүн баарын мага оодарып коюп чыга берди. Кийин ал дайынсыз жоголуп кетти. Мен болсом 12 жыл эркимден ажырап, анын 4 жылын отуруп койдум.
– Мынчалык көп жыл алганыңызга караганда баңги затынын өлчөмү көп болгон го?
– 10 килограмм экен. Азыр мен балдарымды эстесем жүрөгүм сыздайт. 4 балам жетимсиреп калышты. Же атабыз болсо бир жөн эле. Ал да каза болуп калган. Ата-эне мээримин көрбөй өсүп жаткан балдарымдын келечегин ойлосом заманам куурулат. Азыр балдарым ар кайсы туугандарымкында.

Сүйүн Иманбаева, 38 жашта: «Эркекти сабап камакка түштүм»

Эркек мүнөз бул эжеке бардык эркектерди жек көрөрүн айтып, кепти баштады.
– Мүнөзүңүз башынан эле ушундайбы же бул жерге келгенде өзгөрдүбү?
– Негизи, башынан эле ушундай болчу. Мына ошол себептен да ушул жерде отурбаймынбы. Башынан эле эркектердин ишин кылып, эркекче жүргөндү жактырчумун.
– Эмне болуп?..
– Мираж деген баланы сабап таштагам. Мүнөзүм ачык болсо эле мени бузулган неме деп ойлогон окшойт. Жалжаңдап тийишкенинен улам күзгүдөн өзүн караганда мени эстегендей кылып койгом.
– Үйбүлөңүз тууралуу...
– Бир кызым бар. Бирок атасы жок. Негизи, эркектерди ушунчалык жек көрөм.
– Ал эми эркиндикке чыккандан кийин сизди бир жигит жактырып калсачы?..
– Мага эркектин эмне кереги бар? Өзүм эле эркектеймин.

Барчын Турсунбаева, 28 жашта: «Апама салам айтам»

Барчын эже “үйдө соксоюп жалгыз калган энемди эстесем өзүмдү жек көрүп кетем” дейт.
– Күлгүндөй жаш чагым ушул түрмөдө өтмөй болду. Үйдө жалгыз кызмын. Ал эми эркек биртуугандарымдын баары Орусияга иштегени кетишкен. Апам мен үчүн базарга да чыга албай калганын жазат. Бир нерсе болсо эле “киши өлтүргүчтүн энеси” деп айтышат экен.
– Эмне болуп бул ишке кабылып отурасыз?
– Экинчи жолдошум ичип алса эле башка-көзгө койгулап сабай берчү. Бир күнү ошондой жаңжалда темир менен башка чаап жибергем. Мен аны өлтүрөйүн деп деле ойлогон эмесмин. Ооруканага алып баргандан кийин мени суракка алып кетишти. Бирок азыркыга чейин өлгөнүнө деле ишенбейм. Ноокат районунун Арал айылындагы апама салам айта кетейинчи. Алтыным апа, мени күтө берип көз майың түгөндү го. «Киши өлтүргүч» кызың сени аман көрсө арманы жок.

Айгүл, 25 жашта: «Ак жеримден отурам»

Бул кыз эл алдына чыгып, ак маралдай ийилип элге бий тартуулап жүрүп, он гүлүнүн бир гүлү ачыла электе абактын абасы менен дем алып калган кези.
– Сен “Камбаркан”, кийин «Назик» бийчилер то­бунда бийлеп жүр­чү­мүн” деп калдың. Сахнада жүрүп, анан кандайча кылмышка илешип калдың?
– Мен айылга паспортумду алганга барган болчумун. Кайра кайтып келе жатканда баштыгымдан баңги затын таап жатышпайбы. Мен таксиде жалгыз болчумун. Анан бизди милиция кызматкерлери кармаса эле пакетимде баңги зат пайда болуп калып жатпайбы. Ал баңги заты меники эмесин далилдей албай, соттолуп кеттим. “Ак ийилет, бирок сынбайт” дегенге ишенем. Эркиндикти жана бийлегенди сагындым.

Абактагы айымдардын периси

Ар кимдин тагдырын угуп, сан ойго баткан бизди шаңдуу чыккан музыка ойготкондой болду. Ошентип, биз күткөн сулуулар сынагы башталды. Назгүл Насиева жыйнаган жылдыздар курамы: Бактыгүл Бадыева, Айжан Газиева, Назми, Бакыт Букаев алгач кыска программадагы концерт коюшуп, көрүүчүлөрдүн колдоосуна ээ болушту. Андан соң сынактын катышуучулары бирден чыгып, 1-турдун тапшырмасы боюнча өздөрүн тааныштырышты. Эх, чиркин, сахнага тал чыбыктай буралган, ак куу моюн кыздардын чыгып жатканын көрүп, өз көзүбүзгө ишене албай “кантип ушул айымдар кылмыш дүйнөсүнө аралашты экен?” деп ишене бербейсиң. Колониядагы беш отряддан бирден кыз тандалып алыныптыр. Сынакка катышуучулар Раушан, Рая, Динара, Гуля, Алмаштын биринен өтүп бири мыкты даярдангандары чач жасалгаларынан эле байкалып турду. 2-турда кыздар өздөрү тиккен кийимдерин көрсөтүштү. Ушул жерден кыздардын чыныгы уз экенине күбө болдук. Ал эми 3-турда өз өнөрлөрүн көрсөтүү сынагында, чынын айтканда, кол чаба албай тура алган жокпуз. Сынактын аягында бардык катышуучулардын ар бирине ар кандай наам берилип, сыйлуу белектер тапшырылды. Ал эми көптөн күткөн “Гран-прини” Гуля аттуу кыз жеңип алды. Гулянын айтымына караганда, ал үч күн уйкуга кайыл болуп, 41 даана гезиттен турган көйнөк тиккенинин акыбети кайтты. 16 жыл абак жашоосун сүргөнгө моюн сунган кыз: «Бул жеңиш жашоомдо жанган шам чырак болду»,- дейт.
Эх, чиркин, келиндер үчүн буркуратып ашканада тамак-ашын бышырып, балдардын кирин жууп, кечинде сүйгөн жарын моюнунан кучактап тосуп алуу бактысына не жетсин. Ал эми кыздар үчүн жигиттерге каш серпип, кездешүүгө шашуу бактысы кандай сонун! Ал эми бул жерде отургандар мына ушундай бакыттан убактылуу четтегендер.

Бахияна Сатылганова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: