БЕГАЛИЕВ КҮРӨШТӨН БИЛЬЯРДГА ООДУБУ?

Элибиздин сыймыгына жаралган азаматтарыбыздын бири, бильярд сүйүүчү балбан Канатбек Бегалиев кыргыз спорттук турмушунда дагы бир жаңылык жаратты. Даңазалуу балбан 16-июнда Бишкекте “Фаворит” деп аталган жеке бильярддык клубунун бет ачарын өткөрдү. Бейформал шартта өткөн салтанатта Канаттын жакындары, машыктыруучулары, достору жана анын “чыгармачылыгын” сыйлаган мекендештерибиз болушту. “Жамгыр менен жер көгөрөт, бата менен эл көгөрөт” дегендей, жаан жаап өткөн соң спорттук клуб ак жолтой болсун деп бата тиленди. Лента кесилип, алгачкы жумалак ташты бильярд боюнча Дүйнөнүн 3 жолку чемпиону Каныбек Сагындыков атып берди. Чакан концерттик программа орун алып, эт тартылды.
Маалым болгондой, аталган клубду Канат мырза бир тууган агалары менен биргеликте ачыптыр. Клуб кожоюндарга каражат булагы гана болбостон, өлкөгө да пайдасын тийгизмекчи. Канат мырза айткандай, бильярдчылардын машыгуусу үчүн шарт түзүлүп берилет. Анан да: “Буга чейин бильярд спортунда Каныбек Сагындыков, Каныбек Сагынбаевдерди угуп жүрсөңөр, эми Канатбек Бегалиев деген жаңы ысымды да угуп баштайсыңар”,- деп кошумчалады ал.

Максат Кудайбердиев
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (4)
aibek-89
2012-06-25 23:39:56
азамат.
0
sevinch
2012-06-26 02:36:39
azamat Kanat Begaliev!
0
nurlanrabaev
2012-06-29 23:49:34
Азаматсын Канат!!! Клубуна барып соссуз ойноп турам.
0
sabr
2012-07-26 05:19:08
красавчик кана молись трудись эми намаз кана ач досум
0
№ 503, 22-июнь-28-июнь, 2012-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА