ЖУРНАЛИСТТЕР МИНИСТРЛЕРДИ АЛЫП ТҮШҮШТҮ

Футбол

Басма сөз кеңселеринде же маалымат жыйындарында жолуккан журналисттер менен өкмөт мүчөлөрүн футболдук майдан кездештирди. 16-июнда Бишкектеги Дөлөн Өмүрзаков атындагы стадиондо КРнын Өкмөтүнүн курама командасы менен журналисттердин курама командасы футбол боюнча жолдоштук оюн өткөрдү. Беттештер 30 мүнөттөн 2 тайм болду. Журналисттерге каршы майданда өкмөт башчы Өмүрбек Бабанов, биринчи вице-премьер министр Жоомарт Оторбаев, Маданият жана туризм министри Ибрагим Жунусов, УКМКнын төрагасы Шамиль Атаханов жана башка аткаминерлер болушту.
Оюн баштан аяк тең ата күчтө жүрүп, 2:2 эсебинде тең чыгуу менен аяктады. Сүйлөшүүлөр менен уюшулган оюндардан кийинки пенальтилер сериясында журналисттер 6:4 эсебинде утуп алышты. Беттештен кийин демөөрчүлөр: “Билайн”, “Кока-Кола” жана “Демир Интернэшнл Банк” оюнчуларга өз сыйлыктарын тапшырышса, “жеңүүчүлөрдүн” урматына атайын ыр-бий менен коштолгон салтанат болду. “Элди сергек жашоого жана спорт менен достошууга чакыруу аракетин көрүүдөбүз. Мындай жолдоштук оюндар салтка айланса”,- деген тилегин билдирди өкмөтчүлөрдүн чабуулчусу, өкмөт башчы Өмүрбек Бабанов. Ооба, элди пикет үчүн эмес, футбол көрүү үчүн да чогултса болот экен.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

elvira.n.89

2012-06-25 23:01:03

Азаматсыңар! "Оңолот" деген ушул болсо керек!

sambo

2012-06-26 11:51:13

Бабанов гол киргизиптирби?

Francesko_91

2012-06-26 17:25:29

аткаминерлердин дарбазачысы тешик окшойт пеналтиден журналисттерге уткузушса
_

antivir

2012-06-27 09:15:05

во!

Asul

2012-06-28 14:27:06

Журналисттер маалымат чогултуп жугуруп журуп тренировкадан отуп калышкан да, ал эми саясатчыларыбыздын жегени май-куйрук, казы-карта болсо, майларын которо албай жугуро албай калышкан да.

roy

2012-06-29 13:50:33

Ойноп жыргагыла эртен качып кетсенер калат бунун баары

-1

Zverchik

2012-06-30 11:04:06

Ойногула атка минерлер! А элдер кыйналып жашай берсин!

-1

RossiKG

2012-07-01 20:46:05

Бабанов и Умный и Красивый.... Супперский Муж наверное ))

Комментарий калтыруу үчүн өз ысымыңыз менен кириңиз же каттоодон өтүңүз.

№ 503, 22-июнь-28-июнь, 2012-ж.