БИР СУТКА ИЧИНДЕ 15 КЫЛМЫШ ИШИНИН БЕТИ АЧЫЛДЫ

Облуста 14-15-июнь күнү ички иштер башкармалыгы бир сутка ичинде мурда катталган 15 кылмыштын бетин ачты. Бул тууралуу Ысык-Көл облусунун ички иштер башкармалыгынын маалымат катчысы Сталбек Усубакунов маалымдайт. Белгилей кетсек, катталган 15 кылмыштын 3ү каракчылык, бирөө мүлктү тоноо болгон. 10 кылмыш ишинен 2 мал уурдоо фактысы катталган. Ошондой эле 2 зордуктоо фактысынын бети ачылып, 1 тоноо фактысы жана административдик укук бузуулар боюнча облустук ички иштер башкармалыгына 12 киши алынып келинген. Бул тууралуу облустук ички иштер башкармалыгынын башчысы Мырзабек Исмаилов аткарылган иштер менен таанышып, көзөмөлдү жогорулатууну талап кылды.
Эске салсак, июнь айынын башында көп убакыттан бери мал уурдоо менен алектенген кылмыштуу топ колго түшкөн. Кызыгы, аталган топтун лидери мурда милиция кызматкери болуп иштеген адам болуп чыккан. Бул топтун 18 аныкталган уурулук боюнча иши катталган. Учурда тергөө иштери улантылууда.

Айзат Анарбекова
karakol@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Emil.

2012-07-02 20:30:01

Силер кочодогу бомуждарды же мурда камалгандарды алып келип бир кундо 100кылмыштын бетин дагы ачып койобересинер. Силерге ишенем алга орган кызматкерлери!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 504, 29-июнь-5-июль, 2012-ж.