«Коррупцияга каршы аёосуз күрөшүү керек» деп президент, премьер жана парламент да төш каккылап келишет. Бирок кайсы бир министр же депутатка кылмыш иши козголору менен өзүнүн эле кесиптештери жабалактап коргоого өтүшөт. Кезекте – Нариман Түлеев. «Өкмөттү отставкага кетиребиз деп чыкканым үчүн кармап кетишти» деген депутаттын айынан «адегенде Жогорку Кеңеш таркап кетиши ыктымал» дешүүдө.
АБАКТЫН АЙЛАСЫН ТҮЛЕЕВ КАНТИП ТАБАТ? Нариман Түлеевди алаканына салып мактагандар да, бетине түкүрүүгө даяр жактырбагандары да бирдей болсо керек. Акаевдин бийлигинде мамлекеттик «Темир» ишканасын жетектеп, жердештери «Нарындын темир-тезегин Нариман деген жигит Кытайга ташып түгөткөн» деп калышат. 2005-жылдын башында «Кыргыз темир жолу» ишканасынын жетекчиси болуп дайындалган, ортодогу Март революциясы убактылуу кызматынан четтеткени эле болбосо, жыл айланбай Түлеев кайра эле ордуна келген. Бакиевдин тушунда Нариман мырзанын ити чөп жеп, 2008-жылы Бишкек шаарынын башчылыгына келип, керек болсо депутаттыкка аттанган «Ата Журт» партиясы шайлоо алдындагы үгүт иштеринде «Ата Журт» Нариман Түлеевди Бишкекке алып келет» деп жар салып, борбор шаардын туш тарабына көрнөк-жарнактар илинген. Бул кишини жамы журт «миллионер, Бакиевдин «уулу» жана Бишкек шаарын гүлдөткөн мэр» катары билишет. Баса, 7-апрелден кийин Нариман мырза «мен саясатчы эмесмин, болгону бир чарбачыл кишимин» деп чыкканы да бар. Бул билдирүү менен катар ага карата кылмыш иштери козголгону маалымдалып, атүгүл «Манас» аэропортунда Түлеев кармалганда «Жогорку Кеңештин шайлоосуна аттандым, депутаттыкка талапкерлигимди койдум» деп кутулган болчу. Кийин мандат менен кошо кол тийбестикке да ээ болуп, анын да амалын тапкан. Кыскасы, эгерде Нариман Түлеевдин өмүр таржымалына абай сала турган болсок, ал бийликке ким келгендигине, кырдаалдын кооптуулугуна карабастан, суудан кургак чыгууну өздөштүргөн адамдай көрүнөт.
ДЕПУТАТТАР БИРИ-БИРИН САТПАЙТ «Республикачы» депутат Исхак Пирматов, андан кийин Энергетика жана өнөр жай министри Аскарбек Шадиевди Жогорку Кеңеш «актап алганын» унута элекпиз. Мындан уламбы, өзүн адвокат сезип алышкан эл өкүлдөрү Нариман Түлеевди суракка алып кетишкенде Баш прокуратурага басып киришип, оор кылмышка шектүү деп кармалган кесиптешин курчап-кучактап алып чыгып кетишкен. Мунун кесепетинен «ооркылмышка шектүү болгон депутатты кесиптештери коргой беришсе, анда парламент таркасын» деп чыккандар да болду. Баш прокурор Аида Салянова куткарууга чуркап келген депутаттарга тиешелүү чаралар көрүлөрүн айткан соң опурулган эл өкүлдөрү дым эле отуруп калышты. «Тез жардамга» келгендерди атап өтсөк ашыкчалык кылбас. Алар: Камчыбек Ташиев, Феликс Кулов, Алтынбек Сулайманов, Садыр Жапаров, Ахматбек Келдибеков, Талант Мамытов, Эльмира Иманалиева, Анарбек Калматов, Нургазы Айдаров, Дастан Жумабеков, Жыргалбек Саматов, Каныбек Иманалиев. Ал эми «Ата Мекендин» лидери Өмүрбек Текебаев: «Нариман Түлеевдин кармалуусу Кыргызстанда ар бир жаранды анын статусуна карабастан жоопкерчиликке тартууга мүмкүн экендигин көрсөтөт. Мен 20 жылдан бери парламентте иштеп келип, "депутаттарды кол тийбестигинен ажыратуу керек" дегенди дайыма угуп келем. Эгер эл өкүлдөрүнүн кылмыш жасаганы аныкталса, аны козу жетелегендей жетелеп барып камап салыш керек»,- деди. Ошол эле учурда Өмүрбек мырзанын айтымында, бул кезге дейре өлкө ичинде депутаттар өзүнүн кесиптешин сатып кеткен бир да окуя катталган эмес.
ПРОКУРАТУРАНЫН КАДЫР-БАРКЫ ООР СЫНООДО 25-июнь күнү Бишкектин Биринчи Май райондук соту Нариман Түлеевди эки айга, тагыраагы, 21-августка чейин УКМКнын тергөө абагына камоо чечимин чыгарды. Ошол эле тапта депутаттын адвокаты «анын рак оорусу бар, тез арада чет өлкөгө чыгып, дарылануу курсунан өтүп келиши керек» деген билдирүүнү тараткан. Нариман мырза өзү Бишкектин мэри болуп турган чакта шаардын бюджетине 1 миллион 412 миң 600 доллар зыян келтиргендиги үчүн шектелүүдө. Бул каражат Кытайдан келген автобустарды атайын жогорулатылган баада сатып алуу жана аларды ташууда негизсиз келишим түзүүдөн келип чыккан. Кылмыш кодексинде болсо, коррупция боюнча 8ден 15 жылга чейин эркинен ажыратуу каралган. Баш прокуратура белин бекем бууп, өтө чоң ишти баштады. Ал – президент Алмазбек Атамбаев жар салган коррупцияга каршы күрөш деп аталат. Албетте, торго майда балыктардын бири кармалып отурган жери жок, андыктан бул ызы-чуу коштолгон окуянын жыйынтыгынан укук коргоо органдарынын кадыр-баркы же жок болот, же болуп көрбөгөндөй асмандын жетинчи кабатына чейин көтөрүлөт. Жыйынтык ордуна бир гана сөз ылайыктуудай: «Корксоң баштаба, баштагандан кийин коркпо!»
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
Baratali0706
2012-07-02 22:09:42
Мен Ташиевди колдойт болчум, бирок Тулеевди алып чыкандан кийин анан сот боло элек эле аны актаган жарашпайт,озу бир маалда айткан биз корупция менен курошобуз деп,курошсун дальше.
0
Nazbiike
2012-07-02 23:26:53
Эми баш прокурорду кудай сактасын ! МАИ кызмткерлери бош келбегиле!!!!!!!!!!
0
KR-777
2012-07-03 16:35:40
Саялнова айым молодец, мындай ууру, элинин ырыскысн жеген адамдардын баардыгы турмодо олтуруш керек. Нариман кармаганда жугуруп барып чыгарып кеткен депутаттар булар да ага окшогон уурулар. Митинг убагында жаагы ооруганча, бийлик коррупцияны оркундотуп, биз аны менен курошуп жатабыз деген Ташиев озу биринчиден болуп ууру коллегасын сууруп чыкты, анан уялбай каралагандыгы боюнча комиссия да тузуп жиберди. Мына элим деп калп суйлогон адамдын анык жузу эми билинди.
0
Lion-x
2012-07-03 16:42:06
Наримандын артынан коргоп чыгып жаткан элдерге даба жок, акчасына сатылып, эртенки куну мамлекетибиз менен келечектеги муун менен эмне болору менен иши жок. Бул коррупционердин жанына кошулатырган адамдардын саны коп, ЖК эле алсак алардын 80%, Министрлерди алсак 100%, МАИ 100%, МВД 100%, Губернатор, акимдер 80% и т.д.
0
FERA
2012-07-04 08:59:43
Атамбаев Бабановтордун быкыкысын чукусан Тулеевдикинен 100 эсе коп чыгат Бабановтун Кыргызстанга деген бензинди Тажикстанга жонотуп жатканын ким айтып ким чукуйп чыгат болду экен
0
FERA
2012-07-04 09:02:09
Тулеев мер болуп иштегенде Бишкек коркуно келе баштады эле эми кана Омуркулов эмнени кыйратып атат айткылачы
0
japarova
2012-07-04 11:51:38
))) FERA.билесинби тюлеев чынында чын туз жургон адам болсо, шаарды мындан эки эсе кулдотуп бурдотмок, а сен билбесен керек шаарды кулдотуп бурдотуш учу эле канча акча берилерин..а Тюлеевке окшогон адамдар ошо акчанын жарымынан азына жасап койуп, кыйратып салдым деп мактанат!!! куносу жок адам достойно журот, а бул адам иши козголгондон бери клоунада кылып буттуго Кыргызстаныбызды..ошондо да озун ойлоп журотда,ага Кыргызстан эмне!депутаттын саны коп,пайдабатасы жок.ушуларга кеткен бекер акча!
0
japarova
2012-07-04 11:56:38
FERA быякта Тюлеев жонундо журуп жатат соз,адашпасанчы!Бабанав жонундо башка жерде билдирме,кезитти жакшылап карасан бар..ошол жерге жазсанчы сураныч!
0
komskit
2012-07-04 15:47:11
Сөзсүз түрдө мыйзам чегинде жоопко тартуу керек. Бирок мен Түлеевди башкы коррупционер деп айталбайм, жогоркуда айтылгандай бул киши "бул киши берсен жеп коёт, кыл дегенди кылып коёт". Бул адам Келдибеков, Кулов, азыркы мэр Омуркуловдордун катарындагы "жегич".
0
Begim8678
2012-07-05 07:27:25
'Кыныр иш кырк жылда билинет' дегендей, кимдин ким экенин коро жатарбыз. Коррупционерлер омуру жыргашпайт. Убактылуу нерсени эмес, тYболYгYн ойлошсо болмок. Бугун болбосо, эртен оз жазаларын аларына ишенемин.
0
Ruster0525
2012-07-05 13:39:45
Ал жерде болуп корбогондон кийн бул киши жонундо соз кылунун эч кажети жок...2005жылы Борбор калаабыз кандай эле?ушул турган Тажикистан борборунан уяласын!аз да болсо да Тюлеевге дан жана дунк шаарыбызды козго илинеерлик кылганына..!
0
jhanibek
2012-07-05 16:34:27
супер инфо мен тулеевди мактап.коммент жаздым эле очуруп коюпсунар,силерге да ишенич калбаптыр
0
MiranA
2012-07-05 17:20:30
jhanibek, эч нерсе өчүрүлбөй эле турат. Түлеевди мактап бир гана бул жакта http://www.super.kg/media/?type=video&id=68007 жазыптырсыз. Ал комментарий турат го?!
Дайыны жок эле гезитти каралаганыңыз үчүн 3 күнгө мончо! Эреже окуйбуз!
0
FERA
2012-07-05 22:13:13
japarova кечиресиз мен сизден жакшы билем соз ким жонундо болуп жатканын мен салыштырып атам аларга сен озун баардыгын оз козун менен коргондой айтыпсында Тулеевдин шаарды ондоп тузогон иштерин айтып атам мен биринчиден так что не кыжылай коп былдырактап мага асылбай Бабанов байкелерин окшойт чычалаганына краганда
0
islamkg
2012-07-06 08:35:51
Те кто из Бишкека , те кто родился в Бишкеке все поддерживают Тюлеева ,из 100/1 человек можеть быть против! Я гарантирую это и есть политика наших высокопоставленных ченовников,перед выбором мера Бишкека.Это было лично мое мнение,я думаю многие бишкекчане согласны со мной,спасибо!
0
tiletork
2012-07-06 11:15:42
Наримандын иши боюнча дагы чаң баскан дело жатат дейт, аны билүү керек, Чоң аккула кармалды, прокуратура аягына чейин турса экен,
0
Комментарий калтыруу үчүн өз ысымыңыз менен кириңиз же каттоодон өтүңүз.
