Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАКТИЯР ТОКТОРОВ: «Жашоомдо ондон ашык сүйүүгө кабылдым»

№334 27-март-2-апрель, 2009-ж.


Бактияр Токторовдун күйөрмандарын табуу кыйынга турган жок. Анткени ырчы редакцияга жакын досуна айланган күйөрманы Самудин байкени ээрчитип келди. Биз болсок Бактияр Токторовдун 27 жаштагы күйөрманы Кымбатты чакырып, сүйүктүү ырчысы менен баарлашууга мүмкүнчүлүк түзүп бердик.

Кымбат:
– Бактияр байке, мени сиздин жеке жашооңуз кызыктырат. Жубайыңыз, балдарыңыз тууралуу айтып кетиңизчи?
Б.Т:
– Бир жубайым, эки кызым бар (күлүп). Улуу кызым 3-класста окуйт, аты Мираида, кичүү кызымдын аты Аделина, 2-класста окуйт. Улуу кызымдын атын балдызым койгон, андан кийинки кызымды келинчегим өзү койгон. Эми уулдуу болсок, атын өзүм коём.
Кымбат:
– Жалпысынан канча ырыңыз бар? Билишимче, өзүңүз обон жаратасыз...
Б.Т:
– Баш-аягы 200дүн тегерегин­де. Бирок элге популярдуу болгон “Кечки туман” деген ырымдын автору – келинчегим.
Кымбат:
– Учурдагы жана мурдагы күйөр­мандардын айырмасы барбы?
Б.Т:
– Айырмасы асман менен жердей. Биздин убакта күйөр­ман­да­ры­быз бизди тунук сезими, таза жүрөгү менен сүйүшчү. Ырларыбызды укканда, көздөрүнө жаш алышчу. Менин оюмча, азыркылар ырчынын ырына эмес, сырткы келбетине күйөрман болушат. Мурда күйөрмандарыбыз гүл гана беришчү. Азыркыдай жумшак оюнчук берүү деген жок эле. Алар биз менен сүрөткө түшкөндү эле чоң нерседей көрүшчү.
Кымбат:
– Мен Түп айылындагы мектепте окугам. Биздин класстагы балдар сизди туурап кийингенди, сизге окшоп басканды жактырышчу. Ал эми кыздар “качан шаарга барып, “Биздин” концертине киребиз?” дешчү. Ошол биздин окуучулук кезде чыккан сүйүү, окуу жөнүндө бир ырыңыз бар эле...
Б.Т:
Эгер сенин окугуң келбесе,
Окусаң да башыңа кирбесе,
Анда сен берилгенсиң сүйүүгө,
Сүйүү ушундай жаман нерсе...
Кымбат:
– Дал ушул ыр. Бул ырды биз классташтар болуп чогуу ырдачубуз. Анан да көпчүлүк ырларыңыздын аталышы кыздардын атынан. Мазмуну болсо жетпей калган сүйүү тууралуу...
Б.Т:
– Туура баамдаптырсың. Негизи, чыгармачыл адам, айрыкча, эркек кишинин илхамы сүйүүгө туш болгондо келет. Мен калп айтпасам, жашоомдо ондон ашык сүйүүгө кабылдым го. Кымбат, эмнегедир менин күйөрманым экениңе ишене албай турам?.. Менин эмнем жагат? Негизи, ушул суроону күйөрмандарыма берүүнү жакшы көрөм.
Кымбат:
– Билбейм, башкаларга эмнеңиз менен жагасыз?.. Бирок мага сиздин ырдаганыңыз, үнүңүз, сахнада өзүңүздү алып жүргөнүңүз жагат.
Б.Т:
– О-оо, мени уялтып кой­дуң.(Кымбат менен Бактияр байкенин кызыктуу маегин карап отурган Самудин байкени сөзгө тарттык).
– Самудин байке, Бактияр байкенин бир кездеги күйөрманы бол­соңуз, азыр жакын досу экенсиз...
– “Биз” тобунун ырларын ушунчалык жакшы көрчү элем. Анан да булар койгон концерттерге эл көп келип, дайыма аншлаг менен өтчү. Ошол 1994-95-жылдары мен кассадан “Биз” тобунун концерттик билеттерин сатып алып, кайра үстүнө акча кошуп сатып пайда тапчу элем. Кийин Бактияр менен сүйлөшүп калдым. Бактиярдын кичи пейил, жөнөкөйлүгүн байкап аябай кубангам. Анан да экөөбүз жашыбыз тең үчүнбү, айтор, тез эле тил табышып кеткенбиз. Тагдырдын буйругу экен, азыр жакын достордонбуз.

Кызыктуу окуялар

Учурда ырчы жылдыздарыбыздын арасындагы улуу муундун өкүлү аталган Бактиярдын башынан өткөн кызыктуу окуяларын өз оозунан уктук.

«Мен сиздин демөөрчүңүзмүн»

Мындан 1 жыл мурун Лейлектен шаарды карай машинам менен келе жаткан элем. Жол боюнда жаш баласы менен турган жаш келинди салып алгам. Көрсө, ал айым менин күйөрмандарымдын бири экен. Ал мени тааныган менен батынып сүйлөй албай отурган тура. Бир кезде: “Бактияр байке, мен сиздин демөөрчүңүзмүн. Ырларыңыздын баарын жакшы көрөм”, - дейт улам-улам эле. А мен түшүнбөй: “Демөөрчүңмүн дегени эмнеси? Же мага бир тыйын берип жардам кылбаса”, - деп коём өзүмчө. Көрсө, ал кыз “демөөрчү” деген сөздү “фанат” деп түшүнүп алыптыр да. Кийин сурап-билип алып, каткырганымды айтпагыла.

«Жүрүп бараткан машинанын алдынан чыга калышып...»

1994-жылы Ысык-Көлгө “Биз” тобу менен гастролго барган элек. Концерт аяктаган соң жатаканага баралы деп машинага отурдук. Аңгыча эле бир топ жаш кыздар жаңыдан жүрө баштаган машинабыздын алдынан чыга калышты. Анан алар чурулдашып мага: “Мен сени сүйөм, сенсиз жашай албайм!”- дегендери аз келгенсип ыйлап-боздоп киришти. Кыздарды жылуу-жумшак сөздөр менен эптеп соороткон соң, жатаканабызга кеткенбиз.

«Ош» базарында кассеталарыбызды сатканбыз»

Негизи эле 90-жылдардын башында кыргыз эстрадасында дискотекага ылайыктуу бийлей турган ырлар жок эле. Жалаң фольклор ырчылары болчу. 1993-жылы “Биз” тобун түзүп, шаңдуу ырларды ырдай баштадык. Ийгилик коштоп алгачкы кассетабызды да жаздырып чыгардык. Бирок бизде “эми булар сатылабы? Элге жагабы же жакпайбы?” деген суроолор пайда болду. Анан чоң магнитофонду “Ош” базарына алпардык да, ага кассетабызды салып, музыканы койдук. Ошентип, кассеталарыбызды өзүбүз саттык. Кудай жалгап, жакшы сатылып кетти. Кийин кассеталарыбызды бир гана Бишкекте гана эмес, Талас, Ысык-Көл, Ош, Жалал-Абадга да барып сатып келчү болгонбуз.

«Ыйлагандарын көрүп күлкүм келген»

Кайсы жылы, кайсы жактагы концертте экени азыр эсимде жок. Негизинен, топто жалаң жигиттер болгондуктан, концертибизге көбүнчө кыздар келишчү. Мен “Алия” деген кайгылуу ырымды образга кирип, көздөрүмдү жумуп алып ырдап жаткам. Ыр армандуу сүйүү жөнүндө эле. Бир маалда көзүмдү ачып карасам, биринчи катарда отурган кыздар ыйлап алышыптыр. Аларды көрүп күлкүм келип кеткендиктен, артты карай калып эч кимге байкатпай каткырып алдым. Анан баягы кайгылуу, ойлуу жүзүм менен ырдоону кайра уланткан болчумун.

Сүйүү каты

“Мурда ырчыларга кыздар кез-кезде гана кат беришпесе, жазышчу деле эмес. Анткени уялышчу. Ал эми бул кат мага болжол менен мындан 10-12 жыл мурун келген. Ошондон бери эскилиги жетсе да, жоготпой сактап келем”,- деп катты бизге окуп берди:

«Саламатсызбы, Бактияр байке, иштериңиз, ден соолугуңуз кандай? Сиз мени тааныбасаңыз да, мен сизди ичимден тымызын жактырып жүргөн бир кызмын. Билем, сиз мендей кызды теңиңизге да албайсыз. Бирок мен сиздин ырларыңызды жакшы гана көрбөстөн, жүрөгүм менен сүйөм. Бул катты сизге жазуудан мурун, аябай көпкө ойлонгон элем. Билем, кандай кыздар биринчи кат жазып, өзүлөрү тийишерин. Мен андай кыздардын бири эмесмин. Болгону, менин катымды окуп, бул жашоодо сизди сүйгөн бир жан бар экенин унутпаңыз...

Сизди сүйгөн бир кыз».

Жагымдуу SMS билдирүүлөр

“Кызык, азыркы күндөгү күйөр­ман­дарымдын өжөр­лү­гү­нө таң калам. Канча телефон номурумду алмаштырбайын, таап алышат. Мындай күйөр­ман­дарым бар экендигине аябай кубанычтамын. Болбосо, мен качанкы Бактиярмындейт ырчы күлүп. Анда эмесе ырчыга келген айрым SMS билдирүүлөр.

Бактияр байке, Нооруз май­рамыңыз менен!

05502078ХХ

Бактияр байке, мен сизди азыркы күнгө чейин сүйүп келем...

07733132ХХ

Бактияр байке, эмнеге сахнага аз чыгып калдыңыз?

Кундуз, Бакыт

Ишиңизге ийгилик! Дагы көп жаңы ырларды жарата бериңиз.

07734779ХХ

Бактыгүл Абдыкадырова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: