Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭРКЕКТИН КЕСИБИН АРКАЛАГАН АЙЫМДАР

№334 27-март-2-апрель, 2009-ж.


Баарыбызга белгилүү болгондой, эне болуп, үйбүлө очогун сактоо – табиятынан назик жаралган аялзатынын негизги милдети. Ошого карабай эркектерге тиешелүү кызматтарды аркалап, алардан кем калышпаган айымдар да кездешет. Буга мисал катары дал ошондой айымдар тууралуу кеп кылалы.

«Кээ бир айдоочулар сөгүп кетишет...»

Мээрим Турдакунова 25 жашта. Баш калаада МАИ кызматкери болуп эмгектенет. Учурда милициянын старшинасы. Аскер кызматкери болуу Мээримдин окуучу кезинде эле көздөгөн максаты эле. Орто билимди алган соң Нарын мамлекеттик университетинин жол кыймылын уюштуруу факультетин бүтүргөн. Бишкек шаарына келип милиция мектебинин төрт айлык курсун аяктагандан кийин шаардык МАИ кызматына кыздар тандалып жаткандыгы тууралуу угуп калат. “Тандоого толтура кыз келди. Мен өтө бактылуу экенмин деп айта алам. Себеби арасынан тандалган он кыздын тизмесине мен да илинип калдым”,- дейт Мээрим.
Ар бир иш күнүн чыдамсыздык менен күткөн милициянын старшинасы өз кесибин өзгөчө жакшы көрөрүн баса белгиледи. Иш күн таңкы саат 6да башталып, кечки саат 19да аяктайт. Мээрим күн сайын ар түрдүү окуялар менен коштолгон жумушу өтө кызыктуу экенин ушунчалык жылуу сезим менен айтты. “Шаарыбызда жол эрежелерин бузгандар көп. Кыштын кычыраган суугуна, жайдын мээни кайнаткан ысыгына карабай айдоочуларга жол эрежесин сактоого багыт берүүгө аракеттенем. Албетте, айдоочулардын ар биринин мүнөзү ар башка. Бири өз күнөөсүн моюнуна алса, экинчиси ар кайсыны айтып мээни чагып, 2 саат жалдырап жанымда турат. Бирок көпчүлүгү сылык келишет. Ал эми кээ бир уятсыз жарандарыбыз жол эрежесин бузган күндө да машинасынын сигналын басып, МАИ кызматкерлерине болгон негативдүү мамилесин көрсөтүшөт. Терезесин ачып алып жаман сөздөр менен сөгүп кеткендер да болот. Андайлардын деңгээлине түшпөөгө аракет кылам. Ал эми кээ бир айдоочулар эрежени бузгандан кийин кайра комплимент айтып тийишишет. Андайларды тез эле өз ордуна коюп коём”,- дейт каарманыбыз.
Мээрим учурда турмуш кура элек. «Үйбү­лөлүү болгондо бул ишиңизди уланта аласызбы?» - деп сураганда: “Аны убакыт көрсөтсө керек. Бирок болочоктогу жолдошум мени гана эмес, ишимди да сүйүүсүн каалайм”,- деп жооп берди.

«Тажик жигиттерди бир жума шаар аралаткам»

Татьяна 33 жашта. Бишкек шаарындагы такси кызматынын биринде айдоочу болуп иштейт. Бул кесипти аркалаганына аз гана убакыт болду.
Буга чейин 10 жыл бою тигүүчү болуп иштеп, бир орунда отуруп иштей берүүдөн тажап кеткенин айтты. “Артта калган өмүрүмө көз чаптырып, күлгүн чагымдын жана убакыттын өтүп кеткенин эми гана байкадым. Жашоомду өзгөртүү максатында жа­ңы ишке орношууну туура көрдүм. Буга чейин айдоочулук күбөлүгүм бар эле. Гезиттерден такси кызматкери керек экенин окуп, барсам «аракет кылып көр» деп айтышты. Кесиптештерим эркектер болгондуктан, мага колунан келген жардамдарын беришет. Азыр ишиме көнүп калдым”,- дейт Татьяна. Каарманыбыз ар күнү ойго келбеген окуяларга туш болот. “Мен дайыма эле кардарлар менен сылык сүйлөшүүгө аракет жасайм. Бир күнү эки мырзаны айткан жерине алып жөнөдүм. Алар Тажикстандан конокко келишкен экен. Менин айым экенимди көрүп таң калышты. Ал тургай жеткенде: “Сиздей сулуу айымдын коштоосунда жетип келгенибизге кубанычтабыз”,- деп тийишип да коюшту. Мен болсом «убактым аз» деп жөнөп кеттим. Кийинки күнү кимдир бирөөлөр иштеген жериме телефон чалышып, шаар ичине жеткирүү үчүн менин кызматымды сурашкандыгын айтышты. Барсам, баягы эки тажик жигиттин бирөөсү колуна гүл кармап күтүп туруптур. Анан мага сүйүүсүн билдирип кирсе болобу?! Эмне кыларымды билбей жөн гана тамаша сөздөр менен жооп берип кутулуп кеттим. Ошентип, бир жума бою ал тажиктер мени шаар ичин көрсөтүү үчүн чакырып жүрүштү. Эс алуусу аяктадыбы, айтор, акыры алар кеткенде жаным жай алды”.
Бүгүнкү күндө Татьяна 3 жаштан ашкан Екатерина аттуу кызы менен жашайт. Түнкү кезекке туруу коркунучтуу болгондуктан, иш убактысы күндүзгүгө гана түзүлгөн. Кечинде кызынын жанында болуп, аны кучактап жытын искегенде “жашоодо менден башка бактылуу адам жок” дейт.

«Акча үчүн эмес, ырахат алыш үчүн иштейм»

Нуризат Жумалиева 27 жашта. Бишкектеги белгилүү мейманканалардын биринде коопсуздук кызматында иштегенине 7 жылдын жүзү болду. Нуризат үйбүлөсүндө 3 эркек баланын арасында чоңойгон. “Ошол себептен эркектикиндей мүнөз күтүп калсам керек”, - дейт ал. Мектепте окуп жүргөн кезден тартып жеңил атлетиканы терең өздөштүрүп, дзю-до менен машыккан. “Жанымдагы балдар мени эч качан кыз катары эсептешчү эмес. Дайыма эле ар кандай “разборкаларга” катышып мушташып эле жүрчүмүн”, - дейт биздин каарман.
Мейманкана ишин уюштуруу курсун бүтүргөн соң жумушка орношуу үчүн шаардагы мейманканалардын бирине барат. Тилекке каршы, ал жерде бош орун жок болуп чыгат. Бирок ошол эле жерге коопсуздук кызматына кадр керектигин угат. Өз күчүнө ишенген Нуризат кабыл алуучуларга эркектерден кем эмес жөндөмү бар экенин далилдеп, жумушка орношот.
Эркектер менен аралашып иштеген Нуризат жумушун оор деп эсептебейт. Анын негизги милдети – мейманканада иштеген кызматкерлердин сумкаларын кирип-чыгып жаткан учурларында текшерип, тартипти көзөмөлдөө. “Кызматкерлер ар кандай болушат. Бирөөсү сүлгүнү, экинчиси кашык же чыны сыяктууларды деле уурдап алышы мүмкүн. Кээде айрымдарынын уурулук ишин кармап алсам ыйлакташып, “чоңдорго жеткирбе” деп жалдырай башташат. Андыктан мындай жолго барбоо үчүн аларды дайыма текшерип турабыз. Мен ишимди аябай жакшы көрөм жана сыймыктанам. Колуман келишинче чынчыл болууга, ишимди так аткарууга умтулам”, - дейт өзүнүн иши тууралуу Нуризат.
Нуризат жумушта эркекче кийинип, мырзалар менен бирге иштеген кызматкер болсо, үйбүлөдө сүйүктүү жар, мээримдүү эне. “Жолдошум банк кызматкери. Тапканы, кудайга шүгүр, баарына эле жетет. «Ишиңди ташта, үйдө эле отур» дейт. Мен ишимди өзгөчө сүйөм. Ал жерде акча табуу үчүн эмес, ишимден ырахат алыш үчүн эмгектенем”. Ушинтип айткан каарманыбыз учурда декреттик эс алууга кетүүгө камынып жүрөт. Болочок экинчи наристесин күтүп жаткан эне: “Аман-эсен көз жарып алсам, көпкө эс албастан, тезирээк эле жумушума чыгам”,- деп кошумчалайт. Ал эми анын жолдошу сүйгөн жарынын каалоосун четке какпай, ага дайыма түшүнүү менен мамиле кылат. Кандай болгон күндө да Нуризат ишин да, үйбүлөсүн да чогуу алып кете алган күчтүү, сүрдүү, ошол эле учурда назик, жайдары, шайыр, акылдуу айым. Анын бул сапаттарын 6 жылдан бери үйбүлөлүк очокту өчүрбөй жандырып келе жатканы далилдеп турса керек.

Бактыгүл Сокушова
e-mail: koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
04.11.2009. 11:32 
Тайпасы:
Жаран
Комментарийлердин саны:
18
Катталган:
19-03-2008
Соӊку аракети:
19-10-2017 11:47
Жынысы:
Белгисиз
Калаасы:
бишкек
0
jakshy nakai ele turgan jerdi mai ler baryp tygynga (propkaga)ailantat ...bul chyndyk.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: