Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Эмгек сиңирген артисти Бек Борбиев: «АЛ АКТРИСА ТАБИТИМДЕГИ КЫЗ ЭМЕС»

№506 13-июль-19-июль, 2012-ж.


www.super.kg сайтыбызга байма-бай кирип, күйөрмандарынын суроолоруна ар дайым жооп берип келаткан жылдыздарыбыздын бири – Бек Борбиев. Бек мырзаны алгач түз байланышка чакырганыбызда «бир саатка эле убактым болот го» деп макулдугун берген, кийин эки саатын бөлүүнү чечти. Бирок жыйынтыгында биздин студияда туптуура үч саат байланышта болуп, күйөрмандарынын суроолоруна жооп берип, каалоо-тилектерин, сын-пикирлерин угуп кайтты.

Айзада, Бишкек шаары:
– Бек байке, бир ирет сиздин концертиңизге атайын Ак-Талаадан келсем, концерттен кийин сахнаны балдарга курчатып кайтартып, киргизбей койдуңуз. Сиз менен сүрөткө түшкүбүз келген. Эл менен эле болбойсузбу?
– Атайын алыстан менин концертиме келгениңизге, албетте, рахмат. Концертке миң киши келсе, баары менен сүрөткө түшө албайм да. Сиз алыстан келгениңизди ошол сахнанын артына киргизбей жаткан балдарга түшүндүрүп айтсаңыз, киргизишет болчу.

– Сизди өкүл ата койсо болобу?
– Эми өкүл ата болчу адам менен өкүл бала болчу адам бири-бирин жакшы тааныш керек да. Ал үчүн экөөбүз таанышалы, анан көрө жатарбыз.

Нурбек, Орусиянын Москва шаары:
– «Гүлүм, ай», «Азиза» деген эски чыгармаларыңызды, анан 2001-жылы уулуңуз экөөңүздөр чогуу ырдаган ырыңызды кайдан тапсак болот?
– Гүлүм, ай» деген ыр менде бар. www.super.kg сайтына жүктөп коёлу, ошол жерден табасыз. Негизи, жаш кезде радионун фондунда сакталат деп ойлоп, өзүм алып калбаган бир катар ырларымды жоготуп алдым. Радиодо болсо лента керек болгондо өчүрүп салышчу экен. Ал эми уулум экөөбүз ырдаган ыр менде жок. Өткөндө балам өзү да издеп жаткан, таппады.

Толкунбек, Ош шаары:
– Намаз окуйсузбу? Сакал коюп, сүннөт кийим кийгенге кудуретиңиз жетеби?
– Ниетим бар, окуй элекмин. Намаз окуп калсам, сүннөт кийимди да кийип каларбыз. Неге болбосун?

Кубанычбек, Бишкек шаары:
– Үйдө иш кылганда кимдин ырларын кыңылдап каласыз?
–Ха-ха, албетте, өзүмдүн ырларымды ырдайм да.

– Ырларыңызда өзүңүздүн тагдырыңызды чагылдырасызбы?
– Бир ыр толугу менен менин тагдырым десем да, менин тагдырым эмес десем да калпычы болуп калам. Ар бир ырыма өз жашоомдон көз ирмемдер, жүрөгүмдүн үзүмдөрү кошулат.

Нурлан, Бишкек шаары:
– Былтыр бир телеберүүгө келип, жаш баланын «гимнди ырдап бериңизчи» деген өтүнүчүн кагып, ырдабай койдуңуз. Бул эмнеңиз? Ошону көрүп алып сизди илгерки бай-манаптарга окшоштурдум. Сиз ырчысыз да, көчөдөн бирөө токтотуп, «ырдап берип койчу» десе да ырдабайсыз, бирок акчага бир депутаттын тоюнда ырдайсыз. Сиз деген тарыхта калчу адамсыз, антпей, жөнөкөй эле болсоңуз кантет?
– Албетте, минтип көп күйөрмандарым ойлошу мүмкүн. Гимн деген мамлекеттик белги, символ болгондуктан, анын ырдай турган убакыт-сааты бар. Көчөдөн бирөө токтотуп алып ырда десе ырдабайм. Ички дүйнөм, көкүрөгүм ага жол бербейт. Ал эми тойго азыр тааныштарымдыкына гана барам, ал депутатпы же жөнөкөй адамбы, айырмасы жок. Ал эми жүрүм-турумум жеке мага тиешелүү, «менин басканым бирөөгө жакпай калыптыр» деп жасап баспайм. Менин жүрүм-турумум тарыхта калбай эле койсун, ырларым калса жетиштүү. Мени сахнадан гана кабыл алышыңыздар керек, жеке жашоом – ал меники гана. Кызтекелерге окшоп же жарым кыз болуп ийилип жүргүм келбейт. Токтогулдун суусун ичип чоңойгон баламын.

Рахат, Өзгөн шаары:
– Бек байке, сүйүү деген эмне экенин ушул күнгө чейин далай эле айтсаңыз керек. Азыркы тапта токтолуп калган мырза катары сүйүү дегенди кандай түшүнөсүз?
– Сүйүүнү кыркка чыкканча кантип түшүнбөйүн? Сүйүү деген – махабат. Махабат 40 жашка чейинки, 40 жаштан кийинки деп бөлүнбөйт деле экен, көрсө. Ал эми ата-энеге, мекенге, эл-жерге болгон сүйүү жаш өткөн сайын бутактап өнүп-өсө берет экен.

Айжан, Бишкек шаары:
– Эң алгачкы жолу көгүлтүр экранга чыкканыңыз эсиңиздеби?
– 1987-жылы «Жай керемети» деген телеберүүдө «Гүлбакча» деген ырды ырдап чыккам. Өкүнүчтүүсү, мени аскерге алып кетишип, өзүм көрбөй калгам.

Жайнагүл, Бишкек шаары:
– Азыркы кызматыңыз менен чыгармачылыгыңыз бири-бирине жолтоо болбойбу? Дегеним, акыркы убакта жаңы чыгармаларыңызды укпай калдык.
– Мен өзүм күйөрмандарымды башынан жаман көндүрүп алгам, бир-эки ай сайын эле жаңы ыр жаза берип. Элге окшоп жарым жылда бир ыр чыгарсам, «неге ыр жазбай калдың?» деп издеп башташат. Кызматым чыгармачылыгыма жолтоо деле болгон жок. Жакында эле эки жаңы ыр жаздым.

«СУПЕР-ИНФОдон» СУРООЛОР

– Бек байке, ырчылык жаатында атаандашыңыз барбы?
– Чынын айтканда, студент кезде Чубак Сатаев дүркүрөп турган кез эле, ошол кишиге атаандашып чыккам. Аны туурап альбом жаратып дегендей. А кийин мен ырдап чыккан соң менин артымдан Майрамбек, Сыймык, Айбектер ырдап чыгышты. Билбейм, алар мени атаандаш көрүшпөсө, менде андай сезим деле жок го дейм.

– Бир кезде «Арман» деп атап, жалаң жигиттерден турган топ түздүңүз эле, сахнадан көрбөй калдык.
– Ии, ооба. Менин «Арманга» чолоом тийбей калды. Чачырап кетиштиби же бир-экөө ырдап жүрөбү, чынын айтсам, билбейт экенмин. Алар жаш балдар болгондуктан, жетелеш керек эле.

– Жетелемей демекчи, кызмат абалыңыздан пайдаланып көрдүңүз беле? Жакындарыңызды жумушка орноштуруп дегендей...
– Бажы тармагында иштеп турганда кичинекей эле кызматта иштесем да, абдан көп тааныштарым «жумушка киргизбейсиңби» деп келишчү. Чынын айтканда, аракет кылып деле көрүп, мен да тааныштарыма телефон чалып жүрдүм. Бирок бирөөнү да ишке орноштура алган жокмун. Ал эми бул кызматымда негедир эч ким деле кайрылган жок. Кайрылса да кадр жагын мен карабайм дечи. Ошентсе да кайрылганда деле «Бек баары бир жок дейт» деп калышты окшойт (күлүп).

– Кепти жеке жашооңузга бурсак. Таята болуу сезими кандай экен?
– Жаш кезибизден бери эле «бактылуу бололу» деп каалоо-тилек айтып келет эмеспизби. Бактылуу өмүр болбойт, бактылуу көз ирмемдер болот. Ошондой эң бактылуу көз ирмемдеримдин бири – неберелүү болуп, таята болгонум. Аны сөз менен жеткирүү мүмкүн эмес. Учурда кызым, күйөө балам, неберем Францияда жашап жатышат. Күйөө балам иштейт, кызым баласы менен үйүндө. Жакында эле барып көрүп келдим. Жакшы турушат. Скайп аркылуу күндө сүйлөшүп турабыз.

– Таята болуп калганыңызга карабай телефон чалып же үйүңүзгө издеп барып тынчыңызды алган күйөрмандарыңыз дагы деле болсо керек...
– Андайлар жөн эле бар десем калп айткан болом, андайлар көп. Фарида бардык нерсеге көндү, түшүндү, бирок ушул телефон чалуулар менен жанагыдай СМСтерге таптакыр көнбөй койду. Ошол себептен телефон номеримди тез-тезден алмаштырам же көпкө алмаштырбай калсам, үйгө келатканда ошол номеримди өчүрүп салам.

– Сиздин «чыныгы эркек жашоосунда жок дегенде 5 чоң сүйүүгө кабылат» дегениңиз бар. Сиз ушул жашка келип андай чоң сүйүүнүн канчасын жолуктурдуңуз?
– 5 эле дептирминби, ээ? Эми ошол кезде менде ошондой окуялар болуп жаткан чыгар да (күлүп). Албетте, тамаша. Мен оюмда адам 100 жашка чыкса, ошону 5ке бөлүп туруп айтсам керек да, 20 жашка чейин бир сүйүү, андан кийин бир сүйүү деп. Адам адамдык касиетин жоготпой жашаш үчүн жүрөгүндө сүйүү болуш керек. Мен эми эмне деп айтышым керек, бирөө эле деп айтам да (күлүп).


Түз байланыш учурунда Кыргызстандан тышкары дүйнөнүн ар тарабынан интернет аркылуу www.super.kg сайтында Бек мырзага суроолор жаап жатты.

B.GULNARA:
– Сиз бул жашоодо эмнени уттуңуз да, эмнени уттурдуңуз? Арманыңыз барбы?
– 27 жашымда жаштык жөнүндө жазган ырым бар: "Жыгылдым, сүзүлдүм, жыдыдым, көп күйдүм, чыйралдым сенден, жаштык, ай./ Ойнодум, көп күлдүм, ойлонбой көп жүрдүм, арман жок сенде, жаштык, ай" деген. Ырымда айтылгандай, жашоодо арманым жок. Жакшысын жакшыдай, жаманын жамандай көрдүм. Жашоодон утканым – азыркы жашоом, үй-бүлөм, досторум, бир туугандарым, ден соолугум. Ал эми ырчы болуп уттурганым эркиндигим болду. Элге окшоп базарга, дүкөнгө, жок дегенде мончого да эркин бара албайсың. Бара берсем деле болот дечи, бирок эл сени карай берсе, кайдагы эркиндик? Дагы 10 жашымда ырдап чыгып албаганым жакшы болуптур. 20 жашка чейин эркин жүрдүм.

аsemkiz:
– Сиздин ырларыңыз эмнеге «Кыргызстан Обондорунда» жаңырбайт?
–Мен эле эмес, көп ырчылар ырларыбызды алдырган элек. Себеби бар. Жарнама бөлүмүнө телефон чалсам, ал жактын адиси алып, "Бек Борбиев? Кто он? Я не знаю такого мелодиста, и вообще Заслуженного артиста" деп телефонду коюп койгон. Ал орус экен. Ошентсе да ушундан кийин ырларымды ал радиодон алып салууну туура көрдүм да, иштешпей калдым.

MaksatXXI:
– Сулуу кыздарды көргөндө сиздин деле көзүңүз токтоп калабы?
–Астапыралла. Чыгармачыл адам катары, албетте, сулуу кыздарга таазим этебиз. Бирок көзүм токтоп калбайт.

Мика:
– Нуриса, Мая, Назми, Асел Турдалиева, Сырга Жапар кызы... «Агама» бийчилер тобу менен эле токтоп калдыңыз го, дагы кайсы кыздын жылдызын жандырайын, багын ачайын деген оюңуз бар? Же карылык келдиби, мурункудай кыздарды сахнага жетелеп, белинен имере тартып, дуэт ырдабайсызбы эми?
–Бирөөгө продюсер болуп, ырчылыкка тартканга убактым тар, жетишпейм. Бирок быйыл бир долбоорду ишке ашырсак деп турабыз. Бир ырчы кызды алып чыгабыз го. Ошондо дуэттер да болот.

– «Эл артисттигин» качан беришет экен сизге? 2 ыры бар, анысы да өздөрүнүкү эмес ырчылар бул наамды алышты го...
–«Эмгек сиңирген артист» деген наамды да араң алып, али сүйүнүп бүтө албай жүрөм. 7 жолу бул наамга документ топтоп жатып, 7-жолкусунда араң алдым. Ак үйдөн кабар күтүүдөн көңүлүм ушунчалык калды. «Эл артисти» жөнүндө али ойлоно элекмин. Эми мен бул наамды алуу үчүн документ топтобойм деп чечтим, өздөрү берсе беришсин.

Mondur:
– Акыркы жолу качан көзүңүзгө жаш алдыңыз?
Жакында атам каза болгондо ыйладым. Бирок көз жашымды эч кимге көрсөткөн жокмун. Ата ордуна ата болуп калып жаткандан кийин былжырап ыйлап турсам уят болот го. Негизи, ыйлабайм.

passionarXXI:
– Бильярд боюнча шоу чөйрөдө чемпион экениңизди билем. Убакыт таппайсызбы, сиз менен бир күч сынашкым келет.
Кийинки убактарда бильярд ойногонго убактым жок. Болбосо мелдешүүдөн качпайм, Кыргызстанда Каныбек Сагынбаевден башка эч кимден коркпойм дебейминби бул жаатта. Албетте, тамаша.

alooke:
– Сизди төө куш багат деп уккам. Корооңузда канча төө кушуңуз бар?
Муну токтогулдуктар эле билчү эле. Ооба, айылдагы үйдө багам. Биздин үй-бүлөнүн чакан бизнеси десем да болот. 5-6 жылдан бери багып келатабыз. Бизде ага кызыккандар өтө аз. 6-7 төө куш бар.

Luntik:
– "Мен сүйгөн карагат" фильмин тарткан режиссёр Руслан Машрапов менен келишпестиктер болуп, таарынышып кеткениңиз чынбы? Аталган фильмдин продюсери катары айтсаңыз, тасма чыгымын актадыбы? Анан да сизди «Мен сүйгөн карагат» тасмасындагы Назира Бердигулова менен «служебный роман» болгон дешет го?..
Кино тартылып жаткан убакта «3 айда, ашып кетсе 4 айда бүтө турган иш сенин айыңдан 7 айга созулду» деп иштин узакка созулганын Русландан көрүп, катуу айткан учурларым болгон. Чынын айтканда, кинодон пайда тапкан жокпуз. «Тасма тартып, баланча миллион сом киреше таптым» дегендер мен үчүн жомок. Назира абдан сулуу, тырышчаак, эмгекчил кыз, бирок «служебный роман» болгудай менин табитимде эмес деп жооп берем. Ал деле бул сөзгө терикпесе керек, өзүнө деле тамашалап айткам.

Perika:
– Сырттан караганда эч кимди теңине албаган адамдай көрүнөсүз. Үйүңүздө да балдарыңыз менен жубайыңызды урушуп койчу жайыңыз бар болсо керек. Жубайыңызды неге гезитке чыгарбайсыз? Аны да көргүбүз келет.
Бала деген баладай болуш керек, кой дегенди түшүнүп, тартипке баш ийип дегендей. Катуу кармаш керек десе эле концлагерь кылып да жибербеш керек. Ал эми жубайымды неге гезитке чыгармак элем? Ал белгилүү адам эмес да. Ал менин жеке жашоом. Сахнадагы Бек Борбиев менин жеке жашоомо кийлигишпесин.

ХАНЗАДА:
– Бек байке, "кыялымда бир гана аялзаты жашайт, ал – назик, таза..." дедиңиз эле. Таптыңызбы?
Андай кызга кездешүү болбойт экен. Ал адамдын кыялында, оюнда гана жашап кете турган образ.

MaRmeLaDka:
– Эркек киши сөзсүз сөгүнүп сүйлөшү керекпи? Дегеним, сизди аябай сөгүнүп сүйлөйт деп уккам.
– Ооба, мен сөгүнүп сүйлөйм. Керектүү жерде. Башта айтып кеткендей, ак сөөктөрдүн арасында өскөн эмесмин. Тоолук бала болгон соң, чөйрөм ошол болгон соң жакындарымдын арасында, дос, классташтарымдын арасында тизгинди ээн-эркин коё берем. Бирок күндөлүк турмушумда өзүмдү көзөмөлдөп турууга аракеттенем, ошентсе да эмоцияга алдырып жиберген учурда сөгүнүп жибермейим бар. Анын үстүнө биз, токтогулдуктар, сөгүнгөндү учурашканда эле баштайт эмеспизби.

Suiuktuu:
– «Бүгүн, жаным, башкача бол...» деген ырыңызды кантип жаздыңыз эле? Дегеле уяттуу ырларыңыз да бар.
Ха-ха, каяктагы эле суроолорду таап чыгып жатасыңар? Эми бул ыр боюнча да айта берсе сөз көп. «Ушундай да ыр жазасыңбы?» дегендер да бар, «эң мыкты ырың ушул экен» да дешет, дагы бири «бул уят го...» дейт. Буга окшогон ырларым көп эле. Негизи, ырчылардын арасында да мага окшогон бир «неудобный» ырчы болуш керек да. Менин да жашоого акым бар. Мени менен кошо «Башкача бол» деген сыяктуу ырларымдын дагы жашоого акысы бар.

Madanbekeshbaev:
– Сиздин ырларыңыздын көпчүлүгү кыздарга арналып жазылган («Жамийла», «Ханзада», «Эркинай»). Ошонун себеби эмнеде же сиз таанышкан эле кызга арнап ыр жаза бересизби?
«Кыздарга жазбаганда, анан эмне эркектерге жазмак белем?» деп тамашалап калам. Эркек болгондон кийин кызга жазасың да. Ар бир ырдын жолу, тарыхы бар. Жолуккан эле кызга ыр жаза бербейм.

Жаку:
– Казак композитору Алтынбек Корозбаев «Музарт» тобу менен концерке келип, "Бек иним баатыр экен. Болбосо "Уулуң мага окшогон, мен да ага окшоном./ Кара, аяр көзүнө,/ Карай албай томсором./ Ээрчитип эми жүрөсүң,/ Уулуңду сен мага окшогон" деп келин баладан коркпой ыр жазып салды" деген эле. Чын эле Фарида жеңе ушул ырдан соң, дегеле Борбиевдин шедеврлерине эмне дейт болду экен? Же сиздин "бул деген чыгарма да" деген сөзүңүзгө муюп отуруп калабы?

Алтынбек мырза өзү деле баатыр экен, аялынан коркпой эле казакчага которуп алып, азыр ушул ырды ырдап жүрөт. Эми Фарида деле «бул деген чыгарма да» дегенге муюп отуруп калбайт. Ал сөзгө аял кишини оңой менен көндүрө албайт экенсиң. Баарын териштирип, чындыкка жетип, сурайт. Кээде таарынган учурлары да болот.
Чолпон Сүйүнбаева
star@super.kg


Бек Борбиев: "Ал актриса менин табитимдеги кыз эмес", 1-бөлүк

Бек Борбиев: "Ал актриса менин табитимдеги кыз эмес", 2-бөлүк

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(59)
17.07.2012. 10:02 
Тайпасы:
Жаран
Комментарийлердин саны:
202
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
+1
Болгонун болгондой сүйлөгөн, бир сөздүү адам, өзү айткандай сайпана эмес.
17.07.2012. 11:13 
Тайпасы:
Кыймылы жок
Комментарийлердин саны:
0
Катталган:
11-04-2012
Соӊку аракети:
16-01-2013 18:07
Жынысы:
Белгисиз
0
Men Bekti baari bir cyiom.keede jyrokko kycaluk tolgondo yrlarun ugam
18.07.2012. 05:41 
Тайпасы:
Түйүлдүк
Комментарийлердин саны:
238
Катталган:
01-06-2011
Соӊку аракети:
08-12-2014 11:52
Жынысы:
Белгисиз
Калаасы:
Boston, Massachusetts State, USA
+1
Bek baike, maga sizdin yrlarynyz ayabay jagat. Ayzada degen yrynyzdy jakshy korom. Sahnadan ketpey ele juro beriniz, jakshy yrlardy jazyp.
18.07.2012. 07:17 
Тайпасы:
Жаран
Комментарийлердин саны:
159
Катталган:
27-06-2012
Соӊку аракети:
08-10-2018 17:43
Жынысы:
Белгисиз
Калаасы:
Белгисиз
+1
bek baikenin yrlaryn ugup,yrdap,biyilep 4onoidum desem janylywpaimyn,azyrda ugup jawap kele jatamyn.negedir uwul yr4ynyn yrlaryn kan4a uksam da e4 tajabaim
kaisyl ubaktagy yry bolbosun,suiup ugamyn. Ununuz e4 ka4an o4posun,bulbuldai bolup sairap juro berin. Talantynyzga taazim!
18.07.2012. 11:24 
Тайпасы:
Жаран
Комментарийлердин саны:
24
Катталган:
18-07-2012
Соӊку аракети:
28-03-2018 16:50
Жынысы:
Белгисиз
-1
baaryna tak joop bergengo birok Nazira Berdigulovany-"tabitimdegi kyz emes" degeni jakpady bawka4a joop berse bolmok aktiritzanyn aftaritetin tokkusu kelgendei bolup kalyptyr.
18.07.2012. 12:35 
Тайпасы:
Кыймылы жок
Комментарийлердин саны:
0
Катталган:
16-06-2012
Соӊку аракети:
17-12-2012 04:45
Жынысы:
Белгисиз
+1
ой кудай ооой бойун которобу которбойбу озунун ишида эмне бир жеринерге кирип жатабы айтып жатпайбы сахнадан сыйлап берзенер болду деп. ;аmalia; озун кимсин табитине жакпаса жакпайтта сага деле биро жакпаса жакпайт дейсинби же эмне кочодогу бонбушт конулу калат деп жагат дейбересинби а?
18.07.2012. 16:22 
Тайпасы:
Кыймылы жок
Комментарийлердин саны:
18
Катталган:
25-04-2012
Соӊку аракети:
01-01-2013 13:59
Жынысы:
Белгисиз
-1
Перестала уважать, бакыйган ырчы былжыраган жоопторду бериптир, женил ойлуу экендигин корсотуп. Аялына боорум ооруйт, торт баланы тороп берип унчукпай жашап жатканын, кээ бир аял мындай кабельдин жогу жакшы демек. Аброюна жараша суйлосо болмок, без пяти минут абышка, карыганда кутурупсун, кудай уруптур сени.
Super TV
18.07.2012. 19:18 
Тайпасы:
Кыймылы жок
Комментарийлердин саны:
8
Катталган:
18-03-2011
Соӊку аракети:
04-10-2016 18:16
Жынысы:
Белгисиз
+3
Бек чыныгы ЭРКЕК! тубаса ТАЛАНАТ! эн мыкты адам. элдин барына бирдей жага албайсын албетте. анча мынчалардын айтканын кулактын сыртынан кетируу керек. Бек ПАТРИОТ.
АЗАМАТСЫН.
18.07.2012. 21:58 
Тайпасы:
Жаран
Комментарийлердин саны:
34
Катталган:
16-05-2012
Соӊку аракети:
13-11-2018 02:05
Жынысы:
Белгисиз
Калаасы:
osh obl.karasuu rai.jarooz ayili
+1
мага уулу баласы жакты
19.07.2012. 10:04 
Тайпасы:
Кыймылы жок
Комментарийлердин саны:
74
Катталган:
24-05-2011
Соӊку аракети:
10-10-2013 14:23
Жынысы:
Белгисиз
0
Nurbekov bul degen aly jetishinche ozun aktap al kyzdy bir soz mn tepselegeni ozunun denggeelinin tomon ekenin korsotuptur interviusunan kandai ekenin tunushunso bolot al kyz molodets bulga tengelbei i voobshe on nikto esli na to poshlo
19.07.2012. 11:21 
Тайпасы:
Жаран
Комментарийлердин саны:
14
Катталган:
29-09-2011
Соӊку аракети:
16-04-2018 09:39
Жынысы:
Белгисиз
Калаасы:
Каракол
+1
Супер-Инфо Б.Борбиевдин "Гулумайын "жуктоп койгулачы. Сураныч!!!
19.07.2012. 14:07 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
15-11-2018 17:54
Жынысы:
Белгисиз
Калаасы:
SUPER.KG
0
Askartoo, ал ырды таап, жуктөп коебуз деп сөз бергенбиз. Аткарганга аракет кылып жатабыз.
19.07.2012. 14:05 
Тайпасы:
Кыймылы жок
Комментарийлердин саны:
167
Катталган:
22-05-2007
Соӊку аракети:
14-09-2015 15:00
Жынысы:
Белгисиз
Калаасы:
Москва
0
Асель Турдалиева менен ырдаган вариантын.
20.07.2012. 08:40 
Тайпасы:
Кыймылы жок
Комментарийлердин саны:
7
Катталган:
03-03-2012
Соӊку аракети:
11-07-2016 20:39
Жынысы:
Белгисиз
-1
Ар бир берген жообунда бой котормо экендигин байкоого болот
20.07.2012. 10:00 
Тайпасы:
Кыймылы жок
Комментарийлердин саны:
83
Катталган:
02-01-2012
Соӊку аракети:
24-08-2015 09:44
Жынысы:
Белгисиз
+1
Bek baykeni ayabay siylaym, irlari soonun
20.07.2012. 12:30 
Тайпасы:
Жаран
Комментарийлердин саны:
84
Катталган:
22-05-2012
Соӊку аракети:
15-11-2018 16:30
Жынысы:
Белгисиз
Калаасы:
Бишкек
+1
Бек Борбиевдин ырларын ырдап журуп чонойдук. Эски ырларын уккан сайын балалыгын эске тушот.Таланттуу ырчы байке даагы оркундоп осо берсин!!!
Super TV
20.07.2012. 18:05 
Тайпасы:
Жаран
Комментарийлердин саны:
778
Катталган:
12-01-2009
Соӊку аракети:
31-01-2018 00:05
Жынысы:
Белгисиз
Калаасы:
Бишкек
0
Мени көптөн бери ойлонтуп жүргөн бир суроого так, ачык жооп алдым. Рахмат, Бек байке жана "суперчилер", жакшы маек болуптур...
21.07.2012. 00:45 
Тайпасы:
Жаран
Комментарийлердин саны:
100
Катталган:
07-07-2012
Соӊку аракети:
25-10-2018 23:03
Жынысы:
Белгисиз
Калаасы:
Бишкек
-1
Мага эмнегедир Бек байкебиз аябай бой которуп, озун элден башкача болуп суйлогондой сезилди. Силергечи???
Super TV
21.07.2012. 04:02 
Тайпасы:
Кыймылы жок
Комментарийлердин саны:
9
Катталган:
01-09-2011
Соӊку аракети:
08-06-2014 19:11
Жынысы:
Белгисиз
Калаасы:
Бишкек
0
Бектин ырын, жаны ырдап чыккандан баштап эле билем, чыныгы талантту, кыргыз эл артистигине татыктуу ырчы. Мага озгочо, аккардион менен ырдаган ырлары жагат, ал ырлар мен учун шедевр. Мен билгенден Бектин ырларын казактарды айтпай эле койоун, орустар дагы берилип угушат. Бектин Кыргызстан дегенде жанымды аябайм дегени озгочо жакты, чыныгы патриот инсандын созу.
21.07.2012. 12:49 
Тайпасы:
Кыймылы жок
Комментарийлердин саны:
0
Катталган:
15-06-2011
Соӊку аракети:
26-07-2013 14:37
Жынысы:
Белгисиз
+1
Ырлары абдан жагат. Бирок Б. Борбиев озу адамгерчилик сапаты абдан тайкы деп эсептейм. Жумушума байланыштуу бир нече жолу сахнадан тышкары баарлашып калгам. Абдан керсейген, тегерегиндекилерди киши катары эсептебеген инсан. Элдин алдындакы инсан болгондон кийин жонокойроок эле болсо жакшы болор эле. Анын устуно текеберчилик чон куноо.
21.07.2012. 18:06 
Тайпасы:
Кыймылы жок
Комментарийлердин саны:
128
Катталган:
18-03-2009
Соӊку аракети:
01-05-2014 23:01
Жынысы:
Белгисиз
Калаасы:
Бишкек
0
Кыргызстан Ободндору тууралуу абдан туура айтты
22.07.2012. 12:32 
Тайпасы:
Кыймылы жок
Комментарийлердин саны:
380
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
-1
көп кырдуу талант ээси да Бек байкебиз, ар кандай оң тескери сын айтыла берет, мезгил, жашоо өзү тандайт.
Төлөнтурович деп менин атымды орусчалыштатып кетиптирго.
Super TV
23.07.2012. 04:15 
Тайпасы:
Кыймылы жок
Комментарийлердин саны:
16
Катталган:
02-09-2011
Соӊку аракети:
15-06-2016 04:24
Жынысы:
Белгисиз
0
Uvajayu ego!!! Molodeeeeccc!!!
Super TV
20.10.2012. 02:26 
Тайпасы:
Кыймылы жок
Комментарийлердин саны:
11
Катталган:
13-08-2012
Соӊку аракети:
27-12-2012 09:40
Жынысы:
Белгисиз
Калаасы:
Москва
-1
Бек Борбиев аябай гордый турбайбы.
Super TV
17.03.2013. 13:12 
Тайпасы:
Кыймылы жок
Комментарийлердин саны:
0
Катталган:
29-01-2012
Соӊку аракети:
03-12-2015 08:18
Жынысы:
Белгисиз
0
Нурлан Додуробочуу
Super TV
11.04.2013. 00:34 
Тайпасы:
Кыймылы жок
Комментарийлердин саны:
17
Катталган:
16-03-2013
Соӊку аракети:
30-09-2013 22:33
Жынысы:
Белгисиз
0
бек талантту ырчы, спортсмен, эркек
Super TV
11.04.2013. 01:17 
Тайпасы:
Жылдыз
Комментарийлердин саны:
6
Катталган:
02-04-2013
Соӊку аракети:
27-08-2018 18:17
Жынысы:
Белгисиз
0
акем менен сыймыктанам кооооооооооооооооооооп жашаныз
Super TV
02.01.2014. 01:08 
Тайпасы:
Жаран
Комментарийлердин саны:
281
Катталган:
19-10-2013
Соӊку аракети:
12-09-2018 09:38
Жынысы:
Белгисиз
0
Nazira Berdigulova boiuncha ayabai kors joop berip koiuptur ekoobu teng birdei belgiluu adamdar Naziranyn da Bektei ele kuiormandary bar Naziranyn bedeline shek keltirem dep oiloboibu GRUBIAN PROTIVNYI
Super TV
08.03.2014. 18:48 
Тайпасы:
Жаран
Комментарийлердин саны:
1388
Катталган:
19-02-2013
Соӊку аракети:
15-11-2018 21:28
Жынысы:
Белгисиз
Калаасы:
Мекеним Кыргызстан
+1
Эн жакшы маяк болуптур ачык жооп берипсиз ишинизге ийгилик
Super TV
08.03.2014. 19:08 
Тайпасы:
Жаран
Комментарийлердин саны:
1388
Катталган:
19-02-2013
Соӊку аракети:
15-11-2018 21:28
Жынысы:
Белгисиз
Калаасы:
Мекеним Кыргызстан
0
Сиздей патриот инсандарыбыз кобойо берсин ырларыныз абдан жагат
Super TV
21.02.2015. 15:13 
Тайпасы:
Кыймылы жок
Комментарийлердин саны:
8
Катталган:
08-01-2015
Соӊку аракети:
19-04-2016 18:34
Жынысы:
Белгисиз
0
Былтыр Бек жаш кызга уйдонду го,аны оштун эли кобу билет.Кадимкидей астына тушуп сойко салып нике кыйып алып келди,чакан тойчик куруп. Эми жашап жатат болду бекен анысы менен.
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: