Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАИчи АЙЫМДАР АКЧАГА АЛДАНЫШПАЙТ

№336 10-16-апрель, 2009-ж.


Ар бир кесип ардактуу. Айрыкча эркектерге ылайыктуу кесипти айымдардын өздөштүрүүсү мактоого татыктуу. Борбор калаабыздын негизги көчөлөрүндө жол эрежелерин көзөмөлдөөгө айымдар да туруп калганын байкасаңыз керек. Кээ бир айдоочулардын “кыздарга кармалсаң өлдүң, пара да алышпайт экен” дегенин угуп калабыз. Мына ушундан улам МАИчи айымдар тууралуу изилдеп көрүүнү туура таптык.

Ооруканага шашканына карабай токтотуп...

Алгач сапарыбызды Совет–Москва көчөлөрүнүн кесилишиндеги (57-аймактагы) Дамира аттуу МАИ кызматкери менен эртең менен саат 7де таанышуудан баштадык. Дамирадан кесибине байланыштуу “позывной”, башкача айтканда, чакыруу аттары болорун билдик. Биздин каарманыбыздын кыскачы аты «902» экен. Дамирадан саат 6.30да МАИ кызматкерлери үчүн тизилүү (построение) болуп, көчөлөргө бөлүштүрүү болгонун уктук. Иш учурунда эки көзү жолдо болгон Дамира биздин суроолорубузга ошол калыбында жооп бере баштады.

– Дамира, баары эмнеден башталды? Эмне себептен бул кесипти тандап калдың?
– Бир чети балалык кыялым ишке ашты десем жаңылбайм. Муну айтканымдын себеби алгач мен башка окуу жайды бүткөм. Ал эми ИИМ Академиясына кийин тапшырдым. Буюрса, жакында диплом алам. Бул кесипке иштегениме бир жылдан ашып калды. 2008-жылы августта сынак жарыялаганын угуп барып, анан көп кыздардын ичинен тандалып өтүп кеткем.
– Үйбүлөңүз жактан кандай көз караштар болду?
– Эми аялзатынын эркектердин жумушун аркалаганына көптөр каршы болушат да. Башында мага деле бир топ каршылыктар болду. Кыргыздарда аш-той деген нерселер көп болот эмеспи. Андай жерлерде мендей келиндер кызмат өтөшөт. Мен бул жумушка киргени аш-тойлорду токтоттум. Менин ордума кызым же уулум барат. Анан, албетте, мындай учурларда пикир келишпестиктер болбой койбойт.

Аңгемебиздин ушул жерине келгенде бир айдоочу тартипти бузуп калды. Таякчасын бийик көтөрүп, жол жээгине токтогон машинанын ээсинин документтерин текшерүүгө өттү. Тиги киши “эже, мен ооруканага шашып бараттым эле” деп актанганына кыска гана “мен дагы өз милдетимди аткарып жатам” деп жооп берип, айыбын жазды да жолго салды.

– Дамира, тиги айдоочу абдан кыйылып суранды го...
– Бир күндө көз­дө­рүн жылтыратып миң­ден ашыгы суранат. Бул жерде биз абалга да карайбыз. Мисалы, кээ бирөөлөргө эскертүү берилет. Кээ бирлери эч документин көрсөтпөй эле акчасын сунуп калышат. Бирок биз акчага алданбайбыз. Барып квитанция менен айыбын төлөп, айдоочулук күбөлүгүн алуудан эринишет. Парага берген акчасынан квитанцияга төлөнчү акча аз да.
Айым МАИ кызмат­кер­лерин калаабыздын негизги көчө­лөрүнө коюп жатышынын эң биринчи максаты – коррупция менен күрөшүү.
– МАИ кызматкери болуш үчүн өзгөчө талаптар коюлса керек...
– 170 сантиметрден өйдө бой, шамдагайлык, жол эрежелерин мыкты билгендик, машина айдаганды билүү керек. Мындан тышкары, негизги талаптардын бири – адамдар менен тил табышып сүйлөшө алуу жана ар кандай кырдаалдарга даяр болуу. Мисалы, кээде өзүңдөн жаш же атаңдай болгон адамдар эле коркутуп- үркүтүп, сөгүп кетишет. Аялзаты табиятынан назик келет эмеспизби, көз жашыбыз тез эле даяр болуп калса да, жумуш маалында мындай назиктикти унутууга аракет кылабыз. Ошентсе да үйдө аял катары назик болууга аракеттенебиз.
– Жолдошуңуз кызганчаак эмеспи?
– Кызганыч болбой койбойт. Кээде андан кеч барып калам үйгө. Бирок жолдошум мени түшүнө билет. Негизи, азыр борбор калаа боюнча МАИчи айым кызматкерлеринен 20 болсок, экөөбүз эле үйбүлөлүүбүз. Бойдок кыздарга жеңилирээк болуш керек деп ойлойм. Буларды айтып үлгүргөн Дамира “туура эмес жерден бурулду” деп таягын бийик көтөрүп, жолдун чекесин багыттай шилтеп калды.

Айып үчүн гүлдесте

– “Разворот” дегениңиз кандай?
– Эки сызык (двойная линия) турган жерден бурулду. Көбүнчө ушундай тартип бузуу менен кармалышат. Азыр көпчүлүк адамдар жол эрежелерин билбей туруп эле машина айдай беришет. Айдоочулук укукту сатып алышат да.
– “Бир күн бир күнгө окшошпойт” дегендей, кээде “сюрприздер” болуп кетеби?
– Бир жолу машина токтоп, айдоочу чоң гүлдесте көтөрүп келип сунуп калды. Көрсө, бир жолу бул адамды токтотуп, айып салыптырмын. Мына ушундай жагымдуу окуялар деле болот.

ххх

Ушундай тапшырма болгонбу, айтор, Дамира ар бир өткөн таксилерди токтотуп патенттерин текшерип жатты. Ушул учурда бир таксини токтотуп, ага барып документин текшергиче жол чырактын кызыл жарыгынан Мерседес үлгүсүндөгү машина Дамиранын ышкырып, таягын шилтегенине карабай өтүп кетти. “Көп узабайсың” деген Дамира кийинки посттогулар менен дароо рация аркылуу байланышып, машинанын номурун, үлгүсүн айтканга жетишти. Биз бул жерде жол эрежесин бузган машинанын кайсы маалда номеринен өйдө байкап калганына таң кала түштүк. Түшкө чейин, негизинен, 20-25 таксисттердин патенти текшерилсе, 6 айдоочу туура эмес токтоп калганы үчүн эскертүү алып, 5-6 айдоочуга ар кандай жол эрежелерин бузганы үчүн айып жазылды. 2 айдоочунун машинасынын терезелериндеги караңгылаткычы сыйрылып, айып төлөштү.
Ушинтип билинбей түштөнүү убактысы да келип калды. Саат 11.00дөн 12.00гө чейин убакыт берилет экен.
Тамактанып болуп кайрадан ишке киришкен каарманыбыз жагымсыз окуяга кабылды. Эл ташып бараткан маршруттук таксиден озуп өтүп, чымын-куюн болуп келе жаткан машина бир заматта «кайырмакка» түштү. Жолдун четине токтогон машинага басып барып саламдашып, айдоочунун документтерин сураган Дамирага айдоочу машинасынан түшпөй, “колуңдан келгенин кылып ал” дегендей түр көрсөттү. Айым экинчи ирет кайрылганда акча сунуштай баштады. Буга таптакыр каршы болгон соң каарманыбызга “мен тиги чоңдун баласымын” деген акыркы шылтоосун айтты. Бирок Дамираны миң түркүн шылтоо менен алдай албасын билген айдоочу акыры айдоочулук күбөлүгүн алдырып, айып төлөөгө мажбур болду. Биз каарманыбыз Дамирага ичибизден ыраазы болуп, “жерибизде ушинтип коррупция азайса кана” деп ойлонгон бойдон жолубузга түштүк.

МАИ кызматкерлеринин колдонгон буюмдары

  • Төш белги
  • Ышкырык Таякча
  • Тапанча
  • Рация
  • Протокол баракчалары
  • Жол эрежелери тууралуу китепче

Милдеттенмелеринен

  • Спорт менен дос болуу;
  • Машиналардын үлгүлөрүн мыкты билүү;
  • Тапанча менен атууну мыкты өздөштүрүү. Мисалы, токтобой качкан айдоочунун унаасынын дөңгөлөгүнө жазбай атып токтотууну;
  • Жумасына бир жолу атайын белгиленген машыгууга катышуу.
  • Төрт айда бир аттестациядан өтүп туруу.

МАИчи айымдардын өзгөчөлүктөрүнөн

  • Жумушка каалагандай кийине алышпайт.
  • Кышында таманы өтө эле калың бут кийимдерди кийишет.
  • Косметиканы аз колдонушат.
  • Сулуулук салондоруна баттан барууга убактылары жок.
  • Сүрдүү келишет.
  • Аба ырайынын ысык-суугуна чыдамкай келишет.

Бахияна Сатылганова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: