ТООЛУУ АЙМАКТАН КАДРЛАР ЖАА БОЮ КАЧАБЫ?

8-август күнү мэриянын имаратында “Кылым шамы” адам укугун коргоо борбору коомдук уктуруу өткөрдү. Ага катышкан милиция кызматкерлери, райондук администрация, аксакалдар соту, аялдар жана жаштар уюмдарынын өкүлдөрү сунуш-пикирлерин жана арыз-дарттарын айтышты. Уктурууда ички иштер кызматкерлеринин элдин коопсуздугун жана укугун коргоодогу маселелер талкууга алынып, милиция менен шаар тургундарынын байланышын бекемдөө жагы көтөрүлдү.
Милиция кызматкерлери Нарын шаарында акыркы учурда мектеп окуучулары, өспүрүмдөр тарабынан көбүрөөк кылмыш катталып жаткандыгына байланыштуу коңгуроо какты. Ошондой эле катышуучулар тоолуу аймакка юридикалык жогорку билим алган бүтүрүүчүлөрдүн келгилери жоктугун айтышты. Мүмкүн болсо, бюджеттик окууну аяктагандарды милдеттүү түрдө жиберүү зарылдыгын баса белгилешти. “Жатакана менен айлыгы боюнча да жакшы шарт түзүп берүү керек. Нарынга жаш, билимдүү кадрлар келбей, качып жатышат”,- дешет катышуучулар.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

sabirdinovich

2012-08-17 00:31:24

Нарынга келгенден эмнеге коркушат.Азыр Кудайга шүгүр,дээрлик тынч!Эч кандай бычактап же зордуктап кетиптир, же клей жытташып,маньяк чыгыптыр дегендер жок.Мына мен окууну аяктап жаткан 2004-2005 жылдары шаар ичи криминал болуп кеткен.Мугалимдер бизди тентек дешчү эле. Бизден кийин алар тим эле "Силер алтын экенсиңер,- дешкен".Азыр болсо көптөгөн балдар-кыздар намаз окуп, ыйман жолуна түшүүдө. Мындай жол менен бара берсек иншаллах о

Комментарий калтыруу үчүн өз ысымыңыз менен кириңиз же каттоодон өтүңүз.

№ 510, 10-16-август, 2012-ж