Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАЛ ААРЫ БАГУУ – ЭҢ ЖӨНӨКӨЙ БИЗНЕС

№511 17-23-август, 2012-ж


Балчылык – көп эмгекти талап кылбаган жумуш. Себеби бал аарылардын эмгекчилдиги ээсинин жумушун колдон алгандан сырткары бал өндүрүп, пайда да алып келет. Бал – ар дайым баалуу азык,анткени дарылык касиети күч. Ошондой эле базардагы баасы да кымбат. Андыктан акча табуунун булагын издегендерге мына ушул балчылык ишин сунуштайбыз.

БАЛ АЛУУ ҮЧҮН АЛГАЧКЫ КАДАМ
Бал алуу үчүн адегенде аарылардын түрүн тандап алуу керек. Кыргызстандын аймагында белгилүү болгон бал аарыларынын негизги эки түрү бар. Алар – Украинадан келген Карпатка жана экинчиси Германиядан алынган Карника бал аарылары. Ошондой эле Орто орус, анан өзүбүздүн жергиликтүү бал аарылары да балчылыкта багылып келет.
Эми аарыларды багууга шарт түзүү зарыл. Бул үчүн бал челектер керектелет. Анан кадимки мал сатып алгандай эле эне аарыларды сатып алуу зарыл. Мындан сырткары аарылардын тиричилигин көзөмөлдөөгө жана бал алууда колдонулуучу шаймандар талап кылынат. Эмесе, балчылыкка керектүү шаймандар, буюмдар жана алардын орточо бааларын тизмектеп көрөлү.

БАЛ ЧЕЛЕК ЖАНА ЭНЕ ААРЫ
Бал челектер көлөмүнө жараша 5000 сомдон жогору (колдонулгандары 2000-3000 сом) турат. Мындан сырткары бал челектин ичиндеги бал чогулуучу бөлүктөрдү өзүнчө сатып алсаңыз да болот. Вощинанын (аары жумуртка тууп жана бал чогултуучу бөлүк) 1 килограммы 480 сом болсо (ичинде 5 даана), вощина бекилүүчү рамкалар 23-25 сомдон.
Бал аарылардын бир үй-бүлөсү, тактап айтканда, бир уядагы аарылардын тобу (бир ургаачы энеси жумушчу аарылары менен) балчылардан 3000 сомго сатып аласыз. Мындан сырткары Бишкектеги Кыргыз балчылар союзунда чет элден алынып келинген Карпатка тукумундагы бир эне аары – 1800-2000 сом, Карника – 5000 сом жана жергиликтүү эне аарылар 1000 сом турат.
Ошондо бир бал челек жана бир үй-бүлө аарыга орто эсеп менен 8000 сом керектелет. Балчылыкты баштагандар бир үй-бүлө аары менен эле баштаса жетиштүү. Кийинчерээк аарылардын ичинен эне аарыларды таап бөлүп алып, аарылардын үй-бүлөсүн көбөйтүп алса болот.

БАЛ ЖЫЙНООЧУ ШАЙМАНДАР
Бал айдагычтын (медогон) колдонулганы 5000 сомдон жогору турат. Ал эми жаңысы 20 000 сомдон өйдө. Бал чыпкалагыч – 250-500 сом.Ошондо бал жыйноого шайманды сатып алууга 5500 сом жетиштүү.
Бал бизнесин бир үй-бүлө аарыдан баштасаңыз, жалпысынан орто эсеп менен 17 000 сомдун тегериндеги каражат керектелет. Ал эми келечекте аарынын үй-бүлөсүн көбөйтүүдө бал челектерди гана сатып аласыз.

ЧЫГАШАНЫ БАЛ ААРЫЛАР АКТАЙ АЛЫШАБЫ?
Жогоруда бир үй-бүлө аарыны сатып алып, аны багууга кеткен каражаттын орточо баасын эсептедик. Эми ошол бир үй-бүлө аары бир жылда канча пайда алып келет? Аны да эсептеп көрөлү.
Бир үй-бүлө аарыда бир эне аары, кышкысын 20 миңдей, ал эми күн жылып, бал чогултуу башталганда 60 миңден 100 миңге чейинки жумушчу аары болот. Кыргызстанда чөп-чарлар, бак-дарактар гүлдөгөн маалга карап бал эки жолу жыйналат. Ал эми аймак которуп көчүп-конгон балчылар үч жолу жыйнаганга жетишет. Бирок акыркы жыйымды аарылардын кышкы азыгына калтырган оң. Эгер акыркысын да жыйып алам десеңиз, анда октябрдын аягына чейин аарыларды кумшекерден даярдалган шире менен багуу зарыл. Бир жолку бал жыйноодо бир үй-бүлө аарыдан жумушчу аарылардын санына жараша орточо 10 килограмм, эң жакшы болгондо 15 килограммга чейин таза бал алынат. Жалпылап алганда бир сезондо 20-25 килограмм бал алууга болот. Ал эми 1 килограмм балдын дүң баасы 130-150 сом болсо, чекене баасы – 210-250 сом.
Ошондо орточо бааларды алып эсептесек, бир үй-бүлө аары бир жылда балды дүң баада 140 сомдон сатса, 2800 сом, чекене баада 230 сомдон сатса, 4600 сом пайда алып келет. Эсептелген пайданын 200-300 сому гана аарылардын ден соолугунун коопсуздугу үчүн, дарыларды сатып алып, профилактикалык ишке жумшоого кетет. Калганы капчыгыңызды кампайтууга жарайт.
Ошондой эле биринчи алынып келген эне аары тууп, жаңы аарылар чоңойгондо алардын ичинен дагы 3-4 эне аары пайда болуп, өзүнчө топ түзүп, бөлүнө баштайт. Мына ошол учурда эне аарыларды өз-өзүнчө топтору менен бөлүп алып, үй-бүлө түзүүгө мүмкүн. Эгер бал челектериңизди көбөйтөм десеңиз, анда биринчи үй-бүлөдөн 3-4 эне аарынын ар бирин өзүнчө үй-бүлө кылып бал челектерге бөлүңүз. Ал эми жаңы топтон дагы бал алам десеңиз, биринчи үй-бүлөдөн эки гана топ бөлүп алуу керек. Жаңы бөлүнгөн топ экинчи жыйымда 2 килограммга чейин бал бере алат. Кийинки жылы кадимки нормадагы бал чогултууга жарап калат. Кышында бал челектерди калың чүпүрөк менен ороп, челектерди бирөө түртүп ордунан козгобогондой тынч жерге коюу керек. Эскертүү! Кышында бал челектердин оозун ачпаңыз. Жазында күн жылыгандан тарта гана ачуу керек. 2-3 жылдын ичинде бал челектердин санын көбөйтүү менен кетирген чыгымды толук актап, кошумча киреше табууга мүмкүнчүлүк түзүлөт.

Балчылык кесипти аркалайм дегендер үчүн маалыматтары менен бөлүшкөн Кыргыз балчылар союзунун адиси Дильбар Муратовага жана 32 жылдык тажрыйбасы бар Эмил Абдракуновго ыраазычылык билдиребиз.

Кубаныч Сыдыков
kenesh@super.kg



Бал аары багуу - эң жөнөкөй бизнес

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
20.08.2012. 13:10 
Тайпасы:
Кыймылы жок
Комментарийлердин саны:
1
Катталган:
12-09-2011
Соӊку аракети:
06-09-2016 20:31
Жынысы:
Белгисиз
Калаасы:
Ак тобе
0
Ассаламалейкум Урматту Супер инфо газетасынын кызматкерлери,ушу аары шаймандарын жана аарынын энесин сатып алганга, дукондордун адресин да бересиздерби суранам?
21.08.2012. 12:24 
Тайпасы:
Кыймылы жок
Комментарийлердин саны:
1
Катталган:
12-09-2011
Соӊку аракети:
06-09-2016 20:31
Жынысы:
Белгисиз
Калаасы:
Ак тобе
0
рахмат!!!
Super TV
23.08.2012. 15:59 
Тайпасы:
Жаран
Комментарийлердин саны:
18
Катталган:
07-01-2009
Соӊку аракети:
21-12-2017 09:42
Жынысы:
Белгисиз
0
кызыкттуу материал болуптур, озгочо кабарчынын тигинтип ак болуп кийинип алганы жагымдуу корунду.
Super TV
24.08.2012. 16:58 
Тайпасы:
Кыймылы жок
Комментарийлердин саны:
78
Катталган:
31-12-2011
Соӊку аракети:
02-03-2014 18:14
Жынысы:
Белгисиз
Калаасы:
Ош
0
балды кандай жол менен дун баада сатканды айтканда жакшы болмок мендагы коп жылдан бери бал челек кармайм ушундай кенештерди берип турсанар жакшы болмок
27.07.2015. 18:08 
Тайпасы:
Жаран
Комментарийлердин саны:
498
Катталган:
10-08-2012
Соӊку аракети:
06-10-2018 20:26
Жынысы:
Белгисиз
Калаасы:
Бишкек
0
Кийимдерин каяктан сатып алсак болот? Бишкекте адреси болсо берип койуңуздарчы суоаныч.
05.10.2016. 15:23 
Тайпасы:
Жаран
Комментарийлердин саны:
8
Катталган:
23-07-2014
Соӊку аракети:
17-10-2018 08:56
Жынысы:
Белгисиз
0
Мага бал челек керек барбы саткылык
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: