Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кыргыз Республикасынын Эл артисти Шахра Талипова: «СҮЙСӨМ ДА АЧЫККА ЧЫГАРБАДЫМ...»

№511 17-август-23-август, 2012-ж


“Барам сага”, “Махабат”, “Түшүмдө” деген ырларды созолонткон Кыргыз Республикасынын Эл артисти Шахра Талипова "жалгыз бой болгонум менен, аялзаты катары өзүмдү бактылуу сезем" дейт. Сыртынан сүрдүү көрүнгөн эжекебиз жашоодо өтө шайыр экен.

“ТИЛЕГИМ ИШКЕ АШТЫ”
– Бала кезден эле ырдаганды жакшы көрчүмүн. 3-класстан тартып мектеп, райондогу ийримдерге катышчумун. Ал кезде индия кинолору популярдуу эмес беле, келсе тим эле сүйүнүп калар элем. Арык чапкан балдарга кыйшалаңдап, талдын башына чыгып, тоголонуп жыгылып жүрүп эле ырчы болуп кеттим окшойт (күлүп). Анан да ал кезде азыркыдай ар бир үйдө телевизор деген нерсе жок болчу. Бурулча Какишева, Эстебес Турсуналиев деген чоң артисттер концерт коюп келишчү. Кыр-кырдан "артисттер келди" деп кыйкырып, элди чакырышар эле. Өзгөчө ошондо ырчы аялдарды көрүп, мен да элдик ырчы болсом экен деп суктанчумун. "Жаштын тилегин берет" дешет, тилегим ишке ашып, окууну бүтөрүм менен Токтогул райондук элдик театры ачылып калды. Ошол жакта иштеп, аны менен катар кароо-сынактарга катышып жүрдүм. Кийин 1994-жылы Жалал-Абад облусуна филармонияга жумушка кирип, азыркы кезге чейин ошол жерде иштеп келе жатам.

“ЫРЧЫЛЫК КАНЫБЫЗДА БАР”
– Учурда төрт баламды эрезеге жеткирип, жайгаштырдым. Улуу балам Марат көп ырчыларга аранжировка жасап жүрөт. Ал эми Гүлзат (Батырканова) болсо элдин кызы болуп, чыгармачылык менен кетти. Мурат деген уулум энергетик, кичүүм Кыял аскер кызматкери болсо да, ар кандай концерттерге катышып, ырдап калат. Балдарымдын кесиби башка болгону менен, баарынын канында ырчылык бар. Үй-бүлөбүз менен чогулуп калсак эле жарышып келиндерди өзүнчө, күйөө бала, неберелеримди өзүнчө топ кылып, байге коюп ырдатып калабыз. Эрте турмуш куруп, эрте бала-чакалуу болгондуктан, аларды да эрте үй-жай кылып берип, жайгаштырып салгам. Келин-күйөө балдар менен сый мамиледемин. Чакырса, сагынганда барып калам. Алар менен акыйнек айтышпайм, мындайча айтканда. Өзүнчө казан-аяктары кагышса кагышып жаткандыр, мен алардыкына кийлигишпейм.

“АТАМДЫН ИНИСИ КИНДИГИМДИ КЕСКЕН”
– Мага чейин апам жалаң уул төрөп, бири да токтобоптур. Боюнда болгон сайын кыз болсо экен деп тилешчү экен. Жети мазар, жети булакка барып сыйынып жүрүп мен боюнда болуптурмун. Мени төрөөр маалы келгенде төөканага асма таш чыракты алпарып, астын тазалап, саман жайып аябай даярданыптыр. Аны атамдын бир тууган иниси байкап калып, кайтарып жүрсө керек, апам төрөгөндөн кийин чуркап барып, сүйүнгөнүнөн шашып киндигимди кесе салыптыр. Эркек киши андай нерселерди жакшы билбейт да, кыска кесип койгон дешет. Ошентип, атамдын иниси "киндик энем" болуп, “Миң бир түн” деген жомоктогу акылдуу Шахрезада деген кыздын атынан акылдуу кыз болсун деп Шахра деп кыскартып коюшуптур.

“КЕДЕЙГЕ ТИЙСЕМ ЭКЕН ДЕП ТИЛЕЧҮМҮН”
– Жаштыгым Токтогулдун Үч-Терек айылында өттү. Илгерки үйлөр шыбак менен шыбалчу эле. Анда төөкана, уйкана, койкана деп бөлүнчү. 4-классымда чөп чабуу убагында мени атам атка мингизип, эки жагыма эки чаначты артып "чөп, жүгөрүнү ордуртуп кел" деп талаага жөнөтчү. Мен чоң кишидей болуп барып баарын чаптырып, жыйдырып келер элем. Азыр ойлосом апамдар мени ошондо аябай оокатка бышырышкан экен.
Таңкы саат 5те апам ойготор эле, "тур, садага болоюн, алтын кызым, күн чыкканы качан. Элдин баары ойгонуп, уйларын саап коюшту" деп. Мага кичинекей отургуч жасап берген эле, ойгонорум менен тыпыйып отуруп алып уй саачумун. Колумдун тарамыштары ооруп калар эле. Кээде отурган жеримден үргүлөп, тажап кеткенде чала-була саап салчумун. Уктап кетип сүттү жерге саап жиберген күндөрүм да болгон. Иши кылып мен анда эптеп ишти бүтүрүп, ойношум керек эле да.
Сүт тартуу менин милдетим болчу. Бир жолу сүт тартып отуруп көзүм илинип кеткен экен, үстүндөгү чарасына башым тийип кетип, сүт жерге төгүлүп калды. Эми апам урат деп бээни минип тоонун башына чыгып, бээ менен сүйлөшүп шолоктоп ыйлап жатам. Ошондо "Кудай таалам, мен кийин колунда эч нерсеси жок кедейге тийсем экен" деп тилеген элем. Ошентип ыйлап отуруп бээнин жибин колума байлаган бойдон уктап калыпмын. Атамдар мени кечке издеп, араң табышкан экен ошондо.
Үй-бүлөдө жалгыз иним бар эле. Аны кичинесинде жалгыз таштап кетишкен экен, эпкин тийип, ооруп жүрүп, акыры өтүп кетти. Үй-бүлөсү артында калды.

“АЯЛЗАТЫ КАТАРЫ ӨЗҮМДҮ БАКТЫЛУУ СЕЗЕМ”
– Учурда өзүмдү аялзаты катары бактылуумун деп эсептейм. Маданият кызматкерине керек болгон сыйлуу наамдарды алдым. Эң жогоркусу болгон Кыргыз Республикасынын Эл артисти аталдым. Апа деп сыйлаган балдарым, таене дей турган неберелерим бар, филармонияда жакшы сыйлаган кесиптештерим бар.
Жалгыз турам, жашаган үйүм кызматым үчүн белекке берилген. Балдарымдын атасы менен жаш кезибизден эле чогуу жашабай калганбыз. Турмушта өйдө-ылдыйлар болот экен да, кеткенден кийин ал жаман эле деп сөздү көбөйткүм келбейт. 17 жашымда бири-бирибизди таанычубуз, мен ырдаганда ал аккордеон тартып берип турчу. Ошентип эле ала качып кетти. Жакшы күндөр да болду, туз насип эмес экен, кийин эки ажырым жолго түштүк. Ал өзүнчө үй-бүлө күтүп кетти. Мен балдарым менен калдым. Мурун көрүшкөндө таанымаксан болуп тескери карап басып кетчүбүз. Азыр эл катары учурашып коём. Өкүнүп жүргөн чыгар деп коём азыр. Анткени ата катары уул-келиндеринин кызматын көрүш керек эле. Эмнеси болсо да ал ичиндедир. Чынында, эгер турмушта болсом, мынчалык деңгээлге жетип, мынчалык сый көрмөк эмесмин. Айылда, күйөөмдүн үйүнөн эле чыкпай жүрмөкмүн да. Буга көзүм жетет. Азыр болсо кайсы жерге барбайын, аябай сыйлашат.
Ырчылардын аркасында ар кандай сөздөр боло берет экен, "тигиге тийип алыптыр, ойнош болуп алыптыр" дегендей. Андай ушак кептерге көңүл да бурбайм. Таанылбай тургандан көрө, чөп илешпесин деп коём. Экинчи жолу турмушка чыккан жокмун. Сүйсөм сүйүп, жактыруу сезимдерине кабылсам кабылгандырмын, бирок ачыкка чыгарган жокмун. Канткенде да балдарым бар, азыркыдай деңгээлимди сактап калайын деп өзүмдү кармадым...

Гүлжамал Бөрүкулова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(9)
20.08.2012. 11:11 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Эженин ырлары эн уккулуктуу,мазмундуу жандуйном менен берилип угам. Ийгилик сизге!!!
21.08.2012. 00:19 
Тайпасы:
Жаран
Комментарийлердин саны:
99
Катталган:
06-03-2012
Соӊку аракети:
22-09-2018 05:05
Жынысы:
Белгисиз
Калаасы:
Эски шаар
0
Келин-куйообалдарым менен акыйнек айтышпайм,казан-аягы кагышса кийлигишпейм дегени жакшы экен.Чыгармачылык ийгилик сизге.
21.08.2012. 15:23 
Тайпасы:
Тартип бузгандар
Комментарийлердин саны:
824
Катталган:
03-05-2012
Соӊку аракети:
12-06-2018 12:41
Жынысы:
Белгисиз
Калаасы:
жолдошумдун хан сарайы...
0
Шахра эжеке сизге чыгармачылык ийгилик каалайм! Бар болунуз!
22.08.2012. 12:03 
Тайпасы:
Жаран
Комментарийлердин саны:
171
Катталган:
23-05-2012
Соӊку аракети:
07-12-2016 21:38
Жынысы:
Белгисиз
Калаасы:
Бейиштин тору...
0
Жайдары эжекебиз ар дайым сыйда эле болунуз
23.08.2012. 04:00 
Тайпасы:
Жаран
Комментарийлердин саны:
1
Катталган:
16-05-2012
Соӊку аракети:
21-09-2018 21:45
Жынысы:
Белгисиз
Калаасы:
Бишкек
0
bar bolunuz eje
24.08.2012. 22:00 
Тайпасы:
Кыймылы жок
Комментарийлердин саны:
18
Катталган:
13-08-2012
Соӊку аракети:
27-12-2012 09:40
Жынысы:
Белгисиз
Калаасы:
Москва
0
Эже азаматсыз!бар болунуз
29.08.2012. 02:03 
Тайпасы:
Жаран
Комментарийлердин саны:
109
Катталган:
22-05-2012
Соӊку аракети:
21-09-2018 20:22
Жынысы:
Белгисиз
0
бар болунуз эжеке.
30.08.2012. 14:13 
Тайпасы:
Жаран
Комментарийлердин саны:
1751
Катталган:
06-02-2012
Соӊку аракети:
22-09-2018 08:43
Жынысы:
Белгисиз
0
кедейге тийсем деген тилегиниз жакты!ишинизге чон-чон ийгилик бар болунуз бай болунуз!!!!
15.02.2015. 17:29 
Тайпасы:
Жаран
Комментарийлердин саны:
Катталган:
04-02-2013
Соӊку аракети:
09-09-2018 16:10
Жынысы:
Белгисиз
0
Аябай жакшы ырдайт эже мага жагат ботончо кыздын сыры деген ыры ото жакктты !Угудан эч тажабай атам!Шахра эже аябай сурду корунот экен!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: