Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЧЕК АРАЧЫ 5 АДАМДЫ АТЫП ӨЛТҮРДҮ

№512 24-август-30-август, 2012-ж


Орозо айт майрамынын эртеси, аптанын алгачкы күнү “чек ара кызматкери башка кесиптештерин атып кетти” деген суук кабар менен башталды. Ысык-Көл облусундагы чек ара тозотунда кызмат өтөп жүргөн Кулбарак уулу Балбай аттуу катардагы жоокер 4 чек арачыны жана алардын биринин аялын атып өлтүрүп, качып кеткен.

КЫЗМАТЫ АЯКТААРГА БИР АЙ ГАНА КАЛГАН
20-август күнү болжол менен түшкү 12 жарымдарда Ысык-Көл облусунун Ак-Суу РИИБине Сары-Жаз жайлоосундагы малчылардан маалымат түшкөн. Алар Караколдон 150 чакырымдай алыс жайгашкан “Эчкили-Таш” чек ара тозотунда кызмат өтөп жаткан катардагы жоокер АК-74 автоматы менен келишимдик негизде кызмат өтөп жаткан 4 жоокерди жана алардын биринин аялын атып өлтүрүп, качып кеткенин айтышкан. Ал эми үч чек арачыга малчылар жардам берип, бекитип калышкан. Анан уюлдук байланыш бар жерге жетип, милицияга кабар беришкен. Кызматташтарын атты деп шектелген чек арачы куралын алып, тозоттун командирине тийиштүү ВАЗ-2121 үлгүсүндөгү автоунаа менен качып кеткен. Беш адамды атып, качып кеткен жоокерди издөөгө байланыштуу Ысык-Көл облустук ИИБинин өздүк курамы түп көтөрүлө күчөтүлгөн режимге өтүп, бардык райондордо тосмо бекеттер коюлуп, коопсуздук чаралары күчөтүлгөн.
Бул факт боюнча чек ара кызматынын башкы штабы шашылыш чогулуш өткөрүп, абалды талкуулап, окуя болгон жерге чек ара аскерлигинин башкы штабынын төрагасынын орун басары, генерал-майор Рыскелди Мусаев баш болгон офицерлер тобу жөнөтүлгөн. Жоокер айдай качкан автоунаа ошол эле күнү кечке жуук чек ара тозотунан алыс эмес жерден табылган. Ал эми 21-август күнү качкан жоокерди издегени чыккан топ Кулбарак уулу Балбайды Ай-Таш капчыгайы тараптан табышкан. Чек ара аскерлери менен аймактык ИИБдин жана УКМКнын кызматкерлери биргеликте аны кармоо учурунда ал куралдуу каршылык көрсөткөн. Кылмышка шектүү чек арачыны тирүү кармоо мүмкүн болгон эмес, атышуу учурунда каза болгон.
Кулбарак уулу Балбай Жети-Өгүз районуна караштуу Ичке-Булуң айылында 1993-жылы туулуп, 2011-жылдын күзүндө аскерге чакырылган жана күздө кызматы аяктамак. Кызматы аяктаарга бир ай гана убактысы калган аскер эмне үчүн кызматташтарын атып салганы азыр табышмак...

4 БЕРЕНЕ МЕНЕН КЫЛМЫШ ИШИ КОЗГОЛДУ
Аты белгисиз калуусун каалаган милиция кызматкеринин билдиришинче, бул кандуу окуя 19-августта кечки 11лерде эле башталган. Кулбарак уулу Балбай заставага жооптуу болуп турган Бакыт Кадыров менен уруша кетип, аны келинчеги менен кошо атып салган. Анан эртең менен эки жоокердин аялын курал-жарак кампасына камап койгон да, дагы 3 чек арачыны атып салган. “Молодой” дагы 3 чек арачыны кубалап жиберип, өзү качып кеткен. Ал эми аскер прокуратурасы тергөө бүткүчө эч нерсе айтпай турганын, тергөө аяктагандан кийин гана маалымат берерин айтышууда. Кылмыш эмнеден келип чыкканы тууралуу азырынча так маалымат айтылбай жатат. Тергөөнүн жыйынтыгында бул кыргындын айланасындагы башка жагдайлардын да бети ачылып калышы мүмкүн. Учурда бул окуя боюнча Балыкчы гарнизондук аскер прокуратурасы Кылмыш жана жаза кодексинин 97-беренеси (киши өлтүрүү), 172-беренеси (автоунааны же башка автотранспорт каражатын укукка жат түрдө ээлеп алуу), 245-беренеси (ок атуучу куралдарды, ок-дарыларды уурдоо) жана 360-беренеси (дезертирлик) боюнча кылмыш ишин козгоп, иликтөө иштери жүрүп жатат. Кылмыштын эмнеден улам келип чыкканын, кандай жагдайда болгонун иликтөөдө. Тирүү калган 3 чек арачы күбө катары сурак берүүдө. Мындан сырткары жооптуу делинген адамдар да сурак бериши күтүлүүдө.
Бул окуяда каза болгон 5 кишинин сөөгү Каракол шаарына жеткирилген. Алардын сөөктөрү керектүү экспертизалардан өткөрүлүп, 22-августта кичи мекенинде жерге берилди. УКМКнын Чек ара аскерлигинин жетекчилиги жана офицердик кеңешме тарабынан каза болгон адамдардын үй-бүлөсүнө жардам берүү боюнча чечим чыгарылды.

Каза болгондордун тизмеси:
1. Прапорщик Мирлан Маликов – «Эчкили-Таш» чек ара тозотунун башчысы, 1975-жылы туулган.
2. Сержант Бакыт Кадыров, 1987-жылы туулган.
3. Ага сержант Саадатбек Токтосунов, 1988-жылы туулган.
4. Сержант Ырысбек Калманбетов, 1982-жылы туулган.
5. Нуриза Шерикбаева – сержант Б.Кадыровдун келинчеги, 1985-жылы туулган.

КАЗАКСТАНДАГЫ ОКУЯ КАЙТАЛАНДЫБЫ?
Бул каргашалуу окуя жакында эле коңшу Казакстан өлкөсүнүн Кытай менен чектешкен жериндеги “Арканкерген” чек ара тозотундагы окуяга окшошуп кетет. 28-майда 14 чек арачы жана токой корукчусу өлтүрүлгөн эле. Окуя болгон учурда чек ара тозотунда 15 кызматкер болгон. Өлтүрүлүп, анан өрттөлгөн 14 чек арачынын денеси табылган, 15-чек арачы 19 жаштагы Владислав Челах аттуу катардагы жоокер 4-июнда кармалып, 15 кишини өлтүргөнүн жана чек ара тозотун өрттөп жибергенин мойнуна алган. Бирок июль айынын аяк чендеринде “психологиялык басымдын астында көрсөтмө бергенмин” деп алгачкы көрсөтмөлөрүнөн баш тарткан. Анын үстүнөн киши өлтүрүүдөн сырткары дезертирлик жана уурулук сыяктуу 10 кылмыш иши козголуп, тергөө иштери жүрүп жатат.

ЭҢ ЖОГОРКУ ЭШЕЛОНДО КАРАЛУУДА
Бул окуя боюнча 21-августта премьер-министр Өмүрбек Бабанов күч органдарынын жетекчилери менен бирдикте кеңешме өткөрдү. “Эчкили-Таш” чек ара тозотунда болуп өткөн окуя боюнча УКМКга жана Чек ара кызматына дыкат иликтөөнү тапшырып, бардык укук коргоо жана күч органдарына "дедовщина" илдетин жоюу милдетин тапшырды. Мындан сырткары бардык каза болгон адамдардын үй-бүлөлөрүнө көңүл айтып, премьер-министрдин резервдик фондунан ар бирине 100 миң сомдон бөлүп берүүнү тапшырды.
Өлкө президенти Алмазбек Атамбаев да каза болгондордун үй-бүлөлөрүнө көңүл айтып, Коргоо кеңешинин катчылыгына, Башкы прокуратурага жана УКМКга бул каргашалуу окуянын келип чыккан себебин кылдат иликтөөнү тапшырды. Президент “УКМКнын алдындагы Чек ара кызматынын жетекчилиги аскер кызматкерлеринин өздүк курамынын ичиндеги шартты жакшыртууга аракет кылбаганы көрүнүп турат” деп болгон окуядан олуттуу тыянак чыгарып, мындай окуя кайра кайталанбашы үчүн бардык чаралар көрүлүшүн тапшырды.

Нурбек Абдыкадыров
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
27.08.2012. 11:37 
Тайпасы:
Жаран
Комментарийлердин саны:
24
Катталган:
18-07-2012
Соӊку аракети:
28-03-2018 16:50
Жынысы:
Белгисиз
0
jaiy jailuu bolushsun! bul kabardy novostiden korgonumdo superdin jany sany 4ygywyn abdan katuu kuttum ele.
mumkun 4ondor al balany tajatkandyr owonu u4un e4 nerse kozgo korunboi atyp salsa kerek kantse da bir gana kudai bilet kandai bolgonun
27.08.2012. 18:03 
Тайпасы:
Кыймылы жок
Комментарийлердин саны:
2
Катталган:
06-06-2012
Соӊку аракети:
04-09-2012 21:09
Жынысы:
Белгисиз
0
Жаткан жерлери жайлуу болсун ага сержант Токтосунов Саадатбек менин группалашым болчу угуп алып аябай капаландым
28.08.2012. 12:07 
Тайпасы:
Жаран
Комментарийлердин саны:
583
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
1993-жылы туулган бала экен, 19 гана жашта. Ушундай жашта мынчалык оор кылмышка жоокерди эмне түрттү? Кызматын өтөп бүтөөрүнө 1 ай гана убакыт калган экен. Мен тиги кылмышкердин колунан каза тапкандарга да, аларды өлтүрүп, кийин өзү өлгөн балага да боорум ачыды. Дедовщинага олуттуу көңүл бөлүп, таасирин азайтпаса мындай окуялар дагы деле улана берет.
28.08.2012. 15:06 
Тайпасы:
Жаран
Комментарийлердин саны:
64
Катталган:
22-05-2012
Соӊку аракети:
12-11-2018 13:20
Жынысы:
Белгисиз
0
жаткан жайлары жайлуу болсун
28.08.2012. 22:51 
Тайпасы:
Кыймылы жок
Комментарийлердин саны:
92
Катталган:
17-02-2012
Соӊку аракети:
26-08-2014 14:13
Жынысы:
Белгисиз
0
Дедовщина эле себеп болсо керек. Эмнеси болсо да Аллах куноолорун кечирсин.
06.09.2012. 21:23 
Тайпасы:
Тартип бузгандар
Комментарийлердин саны:
16
Катталган:
27-12-2011
Соӊку аракети:
16-02-2015 14:47
Жынысы:
Белгисиз
Калаасы:
Ton
0
Emil., tuura ayttasin buga dedovwina ele kunoolu azyrky armi9 armi9 dele emes 4ynyn aitsa baldar bawy ooruk4al bolup keluudo bawkalarga sabak bolot dedavwina ozunun 4egi menen boluw kerek da


29.08.2012. 18:09 
Тайпасы:
Жаран
Комментарийлердин саны:
110
Катталган:
04-02-2011
Соӊку аракети:
13-01-2018 00:18
Жынысы:
Белгисиз
Калаасы:
Ростов-на-Дону
0
100 мин сом аз го,1 миллиондон бербейби жок дегенде
...
31.08.2012. 17:28 
Тайпасы:
Кыймылы жок
Комментарийлердин саны:
29
Катталган:
11-06-2012
Соӊку аракети:
22-10-2012 16:52
Жынысы:
Белгисиз
0
Мунун баары дедовшинанын айынан болгону корунуп турат, озу чек ара кызматчылары башкача кызмат отошот, мындайча айтканда "жирно" жашашат, ким служба кылган болсо жакшы билет, кайсы аскер болугу кантип жашаарын, эмне болгон кундо да жакшы иш болбоптур, конул айткандан башка аргабыз жок эми.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: