Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Cалима Балтаева: «ТӨРӨТТӨН КИЙИН ЭС ТУТУМУМ НАЧАРЛАП КЕТКЕН»

№512 24-август-30-август, 2012-ж


«Дил кайрык», «Сага» деген ырларды Айбек Карымов менен кубулжута созгон Салима Балтаеванын үнүнө ашык болгондор четтен чыгат. Тамашакөй, шайыр мүнөз Салима Балтаева биз менен сыр чечишти.

"ЫРЧЫ БОЛУШУМА ТАБИЯТТЫН ТААСИРИ ЗОР БОЛДУ"
– Мен 1974-жылы алыскы Алайдын Жошолу деген айылында төрөлгөм. Атам совхоздун бригадири, апам болсо атамдын жардамчысы катары саанчылар жок болгондо уй саап, мал карашып, кошумча кызматчынын ролун аткарчу. Атам кийинчерээк чабан болуп калды. Кой кайтарганы жайлоого чыкканда дайыма жанында мал карашып жүрчүмүн. Бала кезимде жайлоодо көчүп-конуп жашап жүрүп жаратылыш менен тыгыз байланышта чоңойдум. Ырчы болуп калышыма табияттын берген таасири зор болду десем жаңылышпайм. Анткени суунун дабышынан, күндүн бүркөлгөнүнөн, дарактардын термелишинен өзгөчө, кулакка жагымдуу обондорду укчумун. Азыр ойлоп калам, ал деле Жараткандын берген бир касиети болсо керек деп.
Үй-бүлөдө 10 бир тууганбыз, мен жетинчисимин. Ата-энем жакшы ырдашчу. Апам кошокту мыкты айтат. А мен бала бакчага барганда эле ырдачумун. Атүгүл ырдаганым үчүн айрымдар акча берип коюшар эле. Баёо кез да, акча карматып коюшса, "акча берет экен" деп ырчылыкка болгон каалоом ого бетер күч алчу. Эсимде, мектепке жаңы барганда мугалим бизден «ким баш тамганы билет?» деп сураса, "мен жазганды билем" деп фамилиямды «Балтайева» деп жазганым. Бизге тамга тааныганды бала бакчадан эле үйрөтүшкөн болчу.

"СЫЙМЫК, НУРИЗА БОЛУП ОКУУГА ӨТПӨЙ КАЛДЫК"
– Мектепте жакшы окудум. Менден чоңойгондо ким болорумду сурашса, мугалим же ырчы болорумду айтчумун. Анткени кыргыз тили, кыргыз адабияты сабактарын аябай жакшы көрөр элем. Мектепти аяктаганда атам мени тарых факультетине сүйлөшүп коюптур. Мен "ырчы болом" деп үч күн тамак ичпей көк беттенип, көнбөй, ал окууга тапшырбай койгом. Ырчы болом деген каалоом баарын жеңип кетти. Ортобузга эжем аралашып, «мейли барып келсин, балким, өтпөй калат» деп жатып атамды көндүргөн. Искусство институтуна тапшырып, чындап эле акыркы экзаменден өтпөй калдым. Көрсө, экзаменде жазган дил баянымды бирөө алмаштырып, ортосундагы дил баян жазылган бүктөмө эки баракты алып, ордуна башка бош барак салып коюптур. Аны кийин билбедимби.
Андан кийин Улуттук филармониянын алдындагы эки жылдык студияга Сыймык Бейшекеев, Нуриза Абазова менен чогуу тапшырып, үчөөбүз тең өтпөй калдык. Акыркы үмүт менен А.Малдыбаев атындагы Опера-балет театрына барып, ошол жактан опера жаатында билим алып калдым. Андан соң Улуттук консерваторияга тапшыргам. Эсептесем, 2 жыл опера-балетте, 5 жыл консерваторияда, кайра 2 жыл консерваториянын аспирантурасында болуп, 9 жыл окупмун. Кудайга шүгүр, азыр өтө белгилүү болбосом да, эл таанып-билип калган ырчымын. Филармонияда эмгектенип жатканыма 8 жылдын жүзү болду. Кутман Жолдошев экөөбүздү филармониянын ошондогу жетекчиси Керим Турапов чакырткан.

"АТАМ ӨЗҮМ КҮЙӨӨ САТЫП БЕРЕМ ДЕЧҮ"
– Окуу, карьера деп жүрүп 29 жашымда турмушка чыктым. Кичинемде билем, бала бакчада «кимге тиесиң?» деп сурап калышса, айылда Жыргал деген бала бар эле, ошол мени алам деп койсо керек, «Жылгалга, Жылгалга тием» дей берчү экенмин. Ошондо атам «сен менин кичүү кызым болсоң, анан сени бирөөгө берип коймок белем? Жыргалды не кыласың, керек болсо өзүм сага күйөө сатып берем» деп тамашалап калчу. Бойго жетип калганда тууган-досторум "атам мага күйөө сатып берет деп күтүп жатасыңбы, тийбейсиңби эртерээк?.." деп какшыктап калышкан.
Жолдошум Мамат менен түтүн булатканыбызга 10 жыл болду. Мамат чыгармачылыгымды дайыма колдоп келет. Кесиби боюнча юрист. Ортобузда Сайкал, Сумая жана Сабина деген кыздарыбыз бар. Улуусу 8де, ортончусу 4тө, кичүүсү 2де. Үч кызымды тең операция жолу менен төрөгөм. Толгоом катуу болуп, дарыгерлер наркоз бере беришип, азыр эс тутумум начарлап кеткен.

"КУУДУЛДУК ДА ӨНӨРҮМ БАР"
– Жогоруда айткандай, табияттын таасиринен уламбы, айтор, анда-санда обон да чыгара коём. Айрыкча таң атканда белгисиз кайрыктар кулагыма келет. Бирок ал обондорду жарыкка алып чыккандан тартынам. Куудулдугум ойгонуп, көбүнчө бир окуяны айтып берип бүткөндө «эми ушуга окшош анекдот айтып берейинби?» дейт экем, ал мага сезилбейт деле. Анан эле тааныштарым мен сүйлөп бүткөндөн кийин «ии, эми ушуга окшош анекдот айтып берчи...» деп калышат. Күмөндөр байке менен бир топ иштешип калгам, куудулдук ал кишиден жуккан окшойт.

"АКЧАНЫН АЙЫНАН АЙБЕК МЕНЕН ТҮШҮНБӨСТҮКТӨР БОЛГОН"
– Мен бир топ эле ырчылар менен дуэт ырдап чыктым. Алгач Айбек Карымов менен «Дил кайрык» деген ырды ырдап чыкканда таанылбадымбы. Бирок ар жакта гастролдоп жүрө берип бир чети чарчасам, экинчиден, жашырганда эмне, Айбек экөөбүздүн ортобузда акча маселесинен кичине түшүнбөстүктөр болгону чын. Ошондон кийин өзүмчө ырдап чыксамбы деген ой келди.
Андан кийин Кутман Жолдошев, Орозгүл Токторбаева, Майрамбек Осмонов, Чырмаш Төрөбеков менен дуэт ырдадым. Чынында, дуэттерден бактым бар. Ал эми той-кечелерде «Көктөм эле», «Биздин айыл» деген ырларды көп сурашат.
Учурдагы «Достор» тобундагы кыздар менен жашоодо да жакындан катышкан достордонбуз. Топ түзүү идеясы шеринеде отурганда келген. Быйыл топтун түзүлгөнүнө 5 жыл болуп калды. Эсимде, биз «Достор» деген ырыбызды ырдап жатсак, "бул кайсы топ?" деп сурап калышты. Ошондо баарыбыз үкүсү бар тебетей кийип чыгып ырдаган элек. "Оо, булар «Үкү» тобу го?.." деп тамашалап жатышып титрге «Үкү» тобу деп берип салышыптыр. Кийин «Достор» деп өзгөрткөнбүз.

Лунара Бекиева
star@super.kg



Салима Балтаева: "Сыймык, Нуриза болуп окууга өтпөй калганбыз"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
27.08.2012. 11:55 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Чыгармачылыгынызга ийгилик.
28.08.2012. 01:33 
Тайпасы:
Кыймылы жок
Комментарийлердин саны:
38
Катталган:
27-06-2012
Соӊку аракети:
08-04-2013 12:38
Жынысы:
Белгисиз
0
чыгармачылык анан да уй-булолук бакыт каалайм,кыздарыныздын узурун ,жакшылыгын корунуз!
29.08.2012. 03:32 
Тайпасы:
Жаран
Комментарийлердин саны:
164
Катталган:
04-06-2009
Соӊку аракети:
13-05-2018 12:25
Жынысы:
Белгисиз
0
САлима эже ишинизге ийгилик!
30.08.2012. 00:43 
Тайпасы:
Жаран
Комментарийлердин саны:
317
Катталган:
21-11-2010
Соӊку аракети:
11-11-2018 22:41
Жынысы:
Белгисиз
Калаасы:
пгт Шамалды-Сай
0
Мамат дегени Мураталиев Мамат эмеспи?
30.08.2012. 15:42 
Тайпасы:
Кыймылы жок
Комментарийлердин саны:
6
Катталган:
08-08-2012
Соӊку аракети:
13-09-2012 21:52
Жынысы:
Белгисиз
0
ишинизге ийгилик!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: