Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЫРЧЫ-ПРОДЮСЕР ЧЫРЫ же араздашууга ким күнөөлүү?

№512 24-август-30-август, 2012-ж


Учурдагы ырчылардын көпчүлүгүн сахнага алып чыккан продюсерлер экени талашсыз. Кээ бирлер азыркыга чейин ийгиликтүү иштешип келатса, айрымдарынын ырдаганынан да чыры көп болду. Эмесе, өткөнгө бир кайрылып коюуну туура көрдүк.

МИРБЕК ПРОДЮСЕРИНЕН АКЧА КЫЗГАНГАНБЫ?
Мирбек Иманбеков «Таластык кыз» деп ырдап чыкканда таластык эмес, Чүй, Нарын, Оштун кыздары да акылынан кете жаздаган. Оо, анда Мирбектин гүлдөп турган учуру эле. Концерттен соң кол тамга сураган кыздар андан, көз жашын көлдөтө артынан чуркаганы мындан көп болчу.
Чынында, Мирбекти Мирбек кылган продюсери Асыл Апасова болду. Башында эне-баладай ынтымакташып жүргөн Мирбек менен Асыл айымдын ортосун көп өтпөй кара мышык аралаган. Дегеним, келишим убактысына жетпей ырчы жылдыз оорусуна чалдыкканбы же талантына алган акчасын бөлүшкөндү каалаган жокпу, айтор, продюсери менен чырдашып эле жатып калышкан. Сыягы, Мирбек жаңы чыгып жатканда мынчалык баш айланткан ийгиликке жетем деп ойлобосо керек. Ага болгон суроо-талап көбөйгөн сайын продюсерине да талаптарды көп коюп, акыры тандем ажырашуу менен аяктады. Анан, албетте, экөө иштешип турган убакта Мирбектин үй-бүлөлүү, бир кыздын атасы экенин ырчынын күйөрмандары таптакыр билген эмес.

ЭКИ ЖОЛУ ООЗУ КҮЙГӨН ЭСЕНГУЛОВА
Султан ырдаганда бирде жүрөк эзилип, бирде "айт-уйт!" деп бийлеп калчубуз. Бул баланы сахнага жетелеп чыккан Динара Эсенгулова болгон. Экөөнүн тандеминин ийгилигин мындан билиңиз, жыл айланбай 2-3 күндөп концерт койсо да эшиги жык толо көрөрмандар батпай калчу. Анан эле бир күнү Султан продюсерине нааразычылыгын айтып, капа болду да калды. Кыскасы, экөө бир урушуп, кайра жарашып, болбоду окшойт, кайра "ажырашты".
Айдин Шер деген кашы чийилген жигитти унутуп калбасаңар керек. Ал да бир убакта ырчы болуп күйөрман күтүп калган. Продюсери ага жеке концерт өткөрүп берем деп балээге калды көрүнөт. Концерт өткөндөн кийин тамашанын баары башталды. Бир сөз менен айтканда, чырдын түбү барып баягы бүтпөс маселе – акчага такалды. Айдин ортого апасын да аралаштырып, экөө катуу кетип соттошконго чейин барышты. Азыр эми "сүткө оозу күйгөн айранды үйлөп ичет" деген сөздү Динара айым карманып, эч ким менен иштешпей калды. Ооба, Бегимай Эсенгулова менен Зари аттуу кыздары турмушка чыгып, ырчылык эмес, үй-бүлө деген сахнада жүрүшөт.

ДАЙЫР КАНАТТЫ ТОГОТПОЙ КОЙГОНБУ?
Радиодо ди-джей болуп иштегенинен пайдаланам дедиби же чын эле продюсерлик шыгын байкап көрөйүн дегенби, айтор, Канат Кадыржан Нурлан Насип, Дайыр Исмадияров менен иштешип, аздыр-көптүр атын элге таанытып койду. Жакшы эле иштешип келаткан жеринен шайлоо учурундагы ырдап тапкан акчасын бөлүшө албай Дайыр менен Канат эки жолго түшүшкөн. "Мен Канатсыз деле иштеп кете алам" деп продюсеринен Дайыр баш тартты. Нааразы болгон эки тарап азыркыга чейин өздөрүнүн бир кездеги пиар жүрүштөрүн бири-бирине шылтап бүтө алышпайт.

ГҮЛЖИГИТ ЧЫН ЭЛЕ ПРОДЮСЕРИН САБАГАНБЫ?
Азыр «Ошко сапар» деген ыры менен популярдуу болуп жаткан Гүлжигит Сатибеков мурун жалаң эле муңдуу ырларды ырдачу. Кийинчерээк ал да башкалардан кем калбайын дедиби, Диля деген айым менен иштеше баштаган. Продюсери жакшы эле колдоп келатып, бир кезде "мени Гүлжигит сабап салды" деп арызданып чыкты. Ырчы да жөн калбай "мен продюсериме кол көтөргүдөй Кудаяр хан белем?" деп жооп кайтарган. Экөө ошентип элге мамилелерин жарыя кылып ажырашып, кайра бири-бирине сый мамиледе болуп чыга келишти. Боштондукка чыккандан кийин мурунку муңга баткан Гүлжигит жок, тамашалуу ырларды аткара баштады. Сыягы, жүрөгүн өйүгөн маселелер да продюсери менен кеткен көрүнөт.

ТЕМИР КАНАТТЫН ШАГЫН СЫНДЫРГАНДА...
«Оо, туулган же-ер» деп секире бийлеп Темир бир дүң болду эле, чиркин! Ал Канат Култаевдин продюсерлигинен чыккан алгачкы таланттуу жигит эле. Ырчы күйөрман кыздары кол тамга сураса берип, көңүлүнө жакпай калса басып кетип жүрдү. Бир маалда эле шоу-бизнесте күбүр-шыбырлар пайда болуп, Темир «атасын» каралай баштады. Акыры соттошкону аз калып, Темир менен Канат таарынышып, ырчы Ошко кетип тынды. Кийин гана үйлөнгөн соң жүрөгү ордуна түштү белем, "мен көрө албастардын сөзүнө алдандым. Билбейм, артка кылчайып ошол кезди такыр эстегим келбейт" деп Канат акесинен кечирим сурап, азыр кайра мамыр-жумур иштешип жаткан чагы.

ДАНА МЕНЕН АРТЫК АКЧА БӨЛҮШӨ АЛБАЙ...
«Кат жазды бала атага..» деп Сапар менен Артык муңдуу ырды созгондо баарыбыздын муунубуз бошой түшчү эле. Артык, Сапар дуэти популярдуу болуп турган кезде бир жолу жеке концертин берип үлгүрүп, атын жакшы эле чыгарып алышты. Ал кезде да аларга баш-көз болуп ары-бери сүйрөп жүргөн Дана аттуу айым бар болчу. Чынында, экөө дуэт катары ошол ырдан кийин оозго алынарлык ыр жаратышкан жок. Көп өтпөй ортодон чыр чыгып, чырдын негизги каармандары Артык менен Дана болду. Чырдын баары продюсери Артыкка берген пайыздын аздыгынан чыккан эле. Булар да бир дүң дей түшүп, аягында дуэт ыдырап, ар ким өз жолу менен кеткен. Бирок Дана айым Артыкка караганда Сапарга азыраак таарынган окшойт, дале ырчыга саламы түз.

БЕКЕР ЫРДАГАНДАН ТАЖАП ПРОДЮСЕРДЕН КЕТКЕН КАЙЫРГҮЛ
Назгүл Насыева деген эжекебизди баары билет. Ал Аида Кулуева, Эрмек Маматов жана Кайыргүлгө продюсерлик кылып жүрдү. Убакыт өтүп, Эрмек менен Аида продюсерсиз деле оокаты өтө берерине көздөрү жетти көрүнөт, таарынышып басып кете беришти. Азыр Эрмек үйлөнүп, уулдуу болуп, сахнадан алыс күн өткөрүүдө. Аида болсо өз арабасын өзү тартууда.
Ал эми Кайыргүлдүн ырчылыкка дымагы күч көрүнөт, элге жакшы ыр, клип тартуулады. Бирок ал да алыска кете алган жок. «Мени түрмөлөргө алпарып бекер ырдатчу» деп продюсер эжесине нааразылана ал да кийинчерээк сахнадан куйругун түйдү.

Санап көрсөк, продюсер менен иштешкендердин дээрлик көпчүлүгү араздашып тыныптыр. Ырчылар өз сөзүндө "мага кыйратып деле акча бөлчү эмес" деп нааразыланышса, продюсерлер"көөп кетти, ишенимди, короткон мээнетти, каражатты актабады" дешет.

Гүлжамал Бөрүкулова
star@super.kg


«Супердин» сурак бурчу

ШОУ-БИЗНЕСТЕ ПРОДЮСЕРСИЗ ИЙГИЛИКТҮҮ ЫРЧЫ БОЛУУГА МҮМКҮНБҮ?

Сыймык Бейшекеев,
КРнын Эмгек сиңирген артисти:
– Аткарган ырлары элдин жүрөгүнөн орун албаса, бир эмес он продюсери болсо да чыгармалары элге сиңбейт. Таланты болсо, продюсери жок деле ийгиликтүү ырчы болууга мүмкүн. Ал эми продюсер ырчыны жалкоо кылып салат.

Гүлнур Сатылганова,
КРнын Эл артисти:
– Продюсер сөзсүз керек. Продюсерсиз ырчылардын атагы чыкпай, ийгилик жарата албай жатышпайбы. Ансыз оор эле болот го. Мен ушул убакка чейин жалгыз ырдап келем. Ошондон улам продюсерим болсо деп ойлоп коём.

Эрлан Андашев,
ырчы:
– Эгер ырчы эмгекчил, тырышчаак болсо, эч кимдин жардамысыз эле ырдап, ийгиликке жетише алат. Бирөөнүн күчүнө ишенбей, өзүнө көбүрөөк ишениши керек. Балким, продюсерлер ырчылардын кыла турган ишине кысым кылышы мүмкүн.

Динара Акулова,
КРнын Эмгек сиңирген артисти:
– Мисалы, биз эч кимдин жардамы жок эле ушуга чейин ырдап келатабыз.Эми продюсери бар деле, жок деле иштесе болот. Продюсери барлар чыгармачылыгына убактысы көбүрөөк болушу мүмкүн. Ар ким өзүнүн ыңгайына караса керек.

Алекс,
ырчы:
– Продюсерсиз деле ийгиликтүү ырчы болгонго неге болбосун? Болот. Ар бир ырчы аракет кылып көп эмгектенсе, өзүнө деле жакшы да. Таланттуу адамдар буга чейин деле ырдап келишкен. Менин оюмча, продюсердин кереги жок.

Гүлзинат Суранчиева,
ырчы:
– Продюсери кыйын ырчылар деле бар. Ошол эле учурда жалгыз эле ийгиликке жетип жүргөндөр деле жок эмес. Андыктан продюсерсиз ийгилик жаратат же жарата албайт деп айта албайм. Бир тараптуу кылып айтуу кыйын.

Омар,
ырчы:
– Бул тармакты түшүнбөгөн киши ар кандай айтышы мүмкүн. Заманга жараша азыр продюсердин болгону жакшы. Эгер продюсер жок болсо, ийгиликтүү ырчы болууга мүмкүн эмес. Бир топ кыйын болуп калат.

Алмагүл Турдалиева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
27.08.2012. 10:28 
Тайпасы:
Жаран
Комментарийлердин саны:
4
Катталган:
17-04-2012
Соӊку аракети:
09-11-2018 07:32
Жынысы:
Белгисиз
0
Омар туура айтты продюсер керек эмес дегендер акчасын кызганат ал эми Сыймык Динара алар чон ырчылар аларга уже продюсер кереги жок!
27.08.2012. 10:32 
Тайпасы:
Жаран
Комментарийлердин саны:
4
Катталган:
17-04-2012
Соӊку аракети:
09-11-2018 07:32
Жынысы:
Белгисиз
+1
озу эн умный акылдуу Мирбек Атабеков анын хит болгон ырлары аябай коп даже азыркы убакта да жакшы жаны ырлары бар себеби ал дайыма продюсери менен иштеп келген дружный ошон учун !
28.08.2012. 16:52 
Тайпасы:
Жаран
Комментарийлердин саны:
18
Катталган:
16-01-2012
Соӊку аракети:
14-11-2018 12:03
Жынысы:
Белгисиз
Калаасы:
Кыргызстан
0
melkom, adamdin nieti taza bolso peili ken bolso al produ'sersiz da propu,ser menen da ishteship kete alat. Mirbek Atabekov da oshondoi jigit
27.08.2012. 12:19 
Тайпасы:
Кыймылы жок
Комментарийлердин саны:
18
Катталган:
01-02-2011
Соӊку аракети:
28-10-2013 15:20
Жынысы:
Белгисиз
0
daaaa produysser sozsuz kerek bolboso irchi baykush irdybi jeee??? degi ushunu jazgan adam azzamat eken jakshi temani tandaptir
27.08.2012. 12:35 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 12:47
Жынысы:
Белгисиз
Калаасы:
SUPER.KG
0
kizil, сизге оозеки эскертүү!
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерге жазылып жөнөтүлүшү керек.
28.08.2012. 10:23 
Тайпасы:
Жаран
Комментарийлердин саны:
74
Катталган:
18-07-2012
Соӊку аракети:
07-08-2018 15:53
Жынысы:
Белгисиз
Калаасы:
German, stutgard
0
en negizgisi talant boluw kekek, talantu adamdar e4 ka4an o4poyt, antkeni el ir4ini ir4i kilat, produser emes, misali Gulnur , Dinara ejeler el aldinan tuwpoi ele irdap keliwet, antkeni bular talantuu adamdar, azir emne kobu ele ak4anin ku4u mn irdap keliwet. Anan bat ele sve4aday bolup o4up kalat.
28.08.2012. 15:38 
Тайпасы:
Жаран
Комментарийлердин саны:
155
Катталган:
01-07-2009
Соӊку аракети:
27-07-2018 14:39
Жынысы:
Белгисиз
0
Сыймык байкенин айткан сөзүнө толугу менен кошулам. Айрымдар дагы деле жүрбөйбү, эт менен челдин ортосунда, ырчы аты бар, бирок сапаты жок.
29.08.2012. 12:31 
Тайпасы:
Жаран
Комментарийлердин саны:
126
Катталган:
09-11-2011
Соӊку аракети:
02-12-2016 11:06
Жынысы:
Белгисиз
0
азыркы жашоодо кыйын продюсери жок болсо себеби продюсери жок которулуп кетсен сен жон эле башкалар кысып бара турган жерине жеткирип коет....
12.10.2012. 06:59 
Тайпасы:
Кыймылы жок
Комментарийлердин саны:
1
Катталган:
13-07-2012
Соӊку аракети:
10-07-2016 23:53
Жынысы:
Белгисиз
0
оой чырларын жарыя кылбай урушса болмок
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: