ЖАШЫРУУН ИШТЕП ЖАТКАН КАЗИНОЛОР ЧЕТИНЕН ТАБЫЛУУДА

Ички иштер министрлигинин Кылмыш иликтөө башкы башкармалыгы Чүй облусундагы Москва районунун Беловодск айылында мыйзамсыз түрдө жашыруун иштеп жаткан эки оюн залын тапты. Аталган башкармалык тарабынан жүргүзүлгөн операция учурунда эки оюнканада 4-5тен адам ойноп жаткан. Оюнчулардан сырткары казинодо залдын күзөт кызматкерлери жана администраторлору болгон. Иштеп жаткан оюн автоматтары, чимирик столдору жана кассадагы акчалар оперативдүү тергөө тобу тарабынан далил буюм катары алынды. Администратор жана имараттын ээсинин айтымында, Беловодск айылынын борборунда жайгашкан бул оюн залдарына буга чейин бир нече жолу милиция кызматкерлери келген. Бирок белгисиз себептер менен эч кандай чара көрүлгөн эмес. Жашыруун иштеп келген бул кумар оюндары ойнолуучу жайлардын жана имараттын ээлерине Башкы прокуратура тарабынан кылмыш иши козголуп, Ички иштер министрлигинин Тергөө башкармалыгы иликтөө амалдарын жүргүзө баштады.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Elegans

2012-09-08 01:19:22

кандай эле белгисиз себептен боло берет? Белгилуу эле болуп турат. Чонтокторуно кымпыйта салышты да, сокур болуп эчтеке болбогондой баса бериштида. Биздин мылыйса кызматкерлери кандай иштээрин билбейсинерби?

Комментарий калтыруу үчүн өз ысымыңыз менен кириңиз же каттоодон өтүңүз.

№ 513, 31-август-6-сентябрь, 2012-ж