Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЯЛ МЕНЕН АРГЫМАККА ИШЕНИП БОЛБОЙТ...

№513 31-август-6-сентябрь, 2012-ж


Учурда Бишкектеги «Аккула» ат майданында көк бөрү боюнча КРнын Президентинин Кубогу үчүн кызуу күрөш жүрүп, баш байгеге 10 команда ат салышып жатат. Бүгүнкү маектешибиз – мелдеште чемпиондукка башкы талапкерлердин бири, сокулуктук «Бөрүлү» командасынын мүчөсү Улан Насакеев. Көк бөрү оюнун улакчынын көзү менен карап көрдүк.

КААРМАН ТУУРАЛУУ
Аты-жөнү – Улан Насакеев
Туулган жылы – 1987-жыл, 14-ноябрь
Туулган жери – Сокулук району, Бөрүлү айылы
Бою – 183 сантиметр Салмагы – 93 килограмм
Жетишкендиктери – КРнын Президентинин Кубогунун 5 жолку, Кыргызстандын чемпиондугунун 5 жолку чемпиону
Учурда Бишкекте жашайт, бойдок. «Бөрүлү» командасынын өкүлү
Аргымагынын аты – Акжол, 6 асый

– Салам, Улан. Жарым финалда «Кожомкул» командасын жеңдиңер, куттуктайбыз!
– Рахмат. Жарым финалдан ийгиликтүү өттүк. Финалда, буюрса, «Суусамыр» командасы менен ойнойбуз. Алар жарым финалда «Талас» командасын утушту. КРнын Президентинин Кубогу бирден-бир чоң мелдеш болгондуктан, командалардын даярдыгы мыкты. Биз 2006-жылдан тарта чемпион болуп келип, былтыр наамыбызды тарттырып жибергенбиз. Быйыл аны кайтарып алуу үчүн жан үрөөдөбүз. Эми 31-августта бул ат майданда орун алуучу финалды күтөбүз. Атаандаш оңой команда эмес. Демек, кубок кимге буюрса, майдандан күлүп чыгат.

– Жакшы. Эми өзүңө келсек, көк бөрү ойногонуңа канча болду?
– Биринчи жолу майданга 16 жашымда чыккам. Эрте баштагансың деп көп айтышат. Олбурлуу дене-боюма, толуп турган күчүмө карап эрте аралашкам. Негизи, эрте жетилип, ат үстүндө мыкты ойной алсаң, эрте чыга бергениң оң. Эрежеде болсо 19 жашта баштоо керек.

– КРнын курама командасына кирдиң беле?
– Ооба. 2006-жылы улуттук курама команда түзүлүп, Казакстанга барып ойноп келгенбиз. Азыр бизде жалаң гана клубдар арасында өтүп, 2006-жылдан бери улуттук курама команда түзүлө элек, андай түшүнүк деле жоголуп кетти. «Ат жалында кыргыз гана алдырбайт» дегендей, жакшы болмок, эл аралык мелдештерде намысты коргосок.

– Билишибизче, бизде кесипкөй улакчылар жок. Сен дагы буга хобби катары карайсыңбы?
– Ооба. Көк бөрүгө хобби, сүйүктүү спортум катары карайм. Мелдешке бир ай калганда гана аттарды, өзүбүздү даярдап баштайбыз. Андан тышкаркы жашоо эл катары эле өтөт. Жумушка бармай, келмей...

– Азоо аттан жыгылган же кагылышууларда жаракат алган учурлар болсо керек...
– Ат спорту ошондой кооптуулугу менен кызык эмеспи. Ат ооз бербей ала качкан учурлар, оор кагылышуулар, ат тосмодон секирип кеткен, тай казанга кирип кеткен учурлар болот. Бул майып болуп калууга, ал эле эмес, өлүмгө алып келиши да мүмкүн. Кудай сактасын, биз андай абалга туш боло элекпиз жана туш болгондорду көрө элекпиз. Майданда азоо аттан эмес, жоош аттан да баарын күтсө болот. Ошон үчүн айтат да, аял менен атка ишенип болбойт деп. Бирок мен муну өмүрдү тобокелге салуу эмес, адреналин алуу деп эсептейм.

– Сөзүңө аралжы, жылкы тукуму кантип ушундай кайра тартпас мүнөз күтөт?
– Негизи, аттар бышты жашынан оюнга түшө баштайт да. Демек, ээсинде да «анын колу түшөт, катуу сүзүлсө же башка аттар бутун басып салса, жалтак болуп калат» деген ойлор болбойт. Ат майданда өзүн эркин сезип, өзүнүн кыялын көргөзүшү керек. Алардын деле каны кызып калганда биздей эле бардык кадамга барчу сезими ойгоно түшөт.

– Көп спортто ой жүгүртүү менен жогорку чеберчилик алдыңкы ролдо. Көк бөрүдөчү?
– Туура. Футболдо мыкты оюн футболчудан көз каранды. Ал эми көк бөрүдө ат мыкты болуп, киши чабал болсо же киши тың болуп, ат чабал болсо, түйшүк башталат. Бул оюнда аттын ойноок, топту жара урган сапаты, жогорку ылдамдыгы керек. Эң негизгиси, мыкты ат жерден улак эңерде корпус коюп, улакты эңер замат тай казанды көздөй зуу коёт. Улак оюнунда ушулар эң негизгилери.

– Аттарды ушуга көндүрөт турбайсыңарбы... Атайын машыгуу жайы барбы? Машыктыруу, даярдоо тартиби кандай?
– Ооба. Улактын аттары күнүмдүк кызматтарда пайдаланылбайт, жөн эле минилбейт. Оюнга түшчү аттар катардагы эле күлүктөр эмес. Аргымактар сапатына, көлөмүнө карап тандалат. Мелдеш жакындаганда ичкен-жегени, канча басканы, канча убакыт ачка калганы тыкыр көзөмөлгө алынат. Биздин «штаб-квартирабыз» Сокулукта. Ошол жерде аттарды багабыз, таптайбыз. Мелдеш жакындаган сайын аттардын терин алып, суутуп, маал-маалы менен таң ашырып турабыз. Машыктыруучу болсо көбүнчө тактикалык жактан даярдайт.

– Силердин «Бөрүлү» командасы тууралуу айтып берсең...
– Команда көк бөрүнүн кайра жаралуу жылы болгон 1996-жылы түптөлгөн. Демилгени Касымбек Кубатов аттуу жеке ишкер агабыз көтөрүп чыгып, өзү төрөлгөн айылдын атын берген. Кожоюндун атасы көк бөрүчү болгондуктан, өзү оюнга катуу кызыгат. Анын жетегинде «Бөрүлү» көптөгөн жеңиштерди, миллиондогон байгелерди багындырды. Күлүктөр ошол айылда багылат. Азыр командада Мирлан Сражидинов, Радмир Саманчиев сыяктуу мыкты оюнчуларыбыз менен мактана алабыз. Команданын формасы, ат жабдыктары, керек болсо ат менен да жогору жак камсыздайт. Кичинемден эле көк бөрүгө кызыгып жүрүп, 16 жашымда ушул команданын катарына кошулгам.

– Жеке жашоо, үй-бүлөң жөнүндө эки ооз кеп...
– Үй-бүлөдө 5 бир туугандын кичүүсүмүн. 4 эжем бар. Азырынча үйлөнүү тууралуу ой жок.

БУЛ ДА КӨК БӨРҮ ТУУРАЛУУ

  • Көк бөрү оюну өткөн кылымдын 50-жылдарында Бүткүл союздук ат спортунун программасына киргизилген.
  • Совет доорунда бул спорт түрү боюнча 3 спорттук разряд берилчү. 2001-жылдан тарта «КРнын Спорт чебери», «Эл аралык даражадагы спорт чебери» наамдары бериле баштаган.
  • Бул оюндун «алман» же «жайма» делген түрлөрү бар. Ал оюндарга каалаган атчан катыша алат. Оюн бүткөндө тартылган улакты (же серкени) кайсы бир байдын үйүнө таштап, андан сыйлык алуу салты колдонулат.
  • Буга чейин мелдештерди КРнын Көк бөрү федерациясы уюштуруп келсе, быйылдан тарта аны Улуттук оюндарды өнүктүрүү борбору колго алды.
  • 1998-жылы Көк бөрү ассоциациясы тарабынан иштелип чыккан заманбап эреже боюнча, майданда төрттөн оюнчу болуусу керек жана бир оюн 15 мүнөттүк үч бөлүктөн турат.

Максат Кудайбердиев
sport@super.kg



Улан Насакеев: "Көк бөрү менин сүйүктүү спортум"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
Super TV
01.09.2012. 14:18 
Тайпасы:
Жаран
Комментарийлердин саны:
27
Катталган:
23-12-2011
Соӊку аракети:
18-04-2018 14:41
Жынысы:
Белгисиз
0
эмнеге толук корсотпой жатат сураныч толугуу менен киргизип койгулачы super.kg.
Super TV
04.09.2012. 01:30 
Тайпасы:
Жаран
Комментарийлердин саны:
13
Катталган:
19-09-2011
Соӊку аракети:
16-11-2018 11:22
Жынысы:
Белгисиз
Калаасы:
москва
0
Шер сураныч толук аты жонуну жазып койчу . Сен Шамалды сайдан эмесинби?
04.09.2012. 01:47 
Тайпасы:
Жаран
Комментарийлердин саны:
213
Катталган:
04-06-2009
Соӊку аракети:
13-05-2018 12:25
Жынысы:
Белгисиз
0
ТЕмасы эле укмуш го,бироо жарымы катуу конулун калтырган бейм!
04.09.2012. 13:29 
Тайпасы:
Жаран
Комментарийлердин саны:
380
Катталган:
28-05-2012
Соӊку аракети:
16-11-2018 20:00
Жынысы:
Белгисиз
Калаасы:
нарын
0
ошон учун айтат да аял м.н атка ишенип болбойт деп.бир нерсени эле суйлобочу антип эч ким айтпайт,ал сенин чыгарган созун.
Super TV
04.09.2012. 14:26 
Тайпасы:
Жаран
Комментарийлердин саны:
27
Катталган:
23-12-2011
Соӊку аракети:
18-04-2018 14:41
Жынысы:
Белгисиз
0
juraeva.Жок мен Таластан болом, кок бору менин суйукту спортум.
05.09.2012. 23:15 
Тайпасы:
Жаран
Комментарийлердин саны:
62
Катталган:
15-07-2011
Соӊку аракети:
16-11-2018 08:54
Жынысы:
Белгисиз
Калаасы:
Екатеринбург
0
Аргымака ишенип болбойт деп, Каяктагы созду чыгарып алгансын иним? Аксакалдардан сурачы ошондой соз барбы экен?
Super TV
06.09.2012. 22:42 
Тайпасы:
Жаран
Комментарийлердин саны:
13
Катталган:
19-09-2011
Соӊку аракети:
16-11-2018 11:22
Жынысы:
Белгисиз
Калаасы:
москва
0
мм Чон рахмат.
08.09.2012. 11:07 
Тайпасы:
Кыймылы жок
Комментарийлердин саны:
21
Катталган:
17-09-2011
Соӊку аракети:
12-09-2012 11:22
Жынысы:
Белгисиз
Калаасы:
Жалалабад
0
жоок бул оюн омурду тобокелге салуу.Омурду тобокелге салуу болсо кудай берген омурдуу баалоого жатпайт.Азыр андай жаман окуяларга туш болбогону менен бир куну болот андай окуя.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: