Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КӨП НИКЕЛҮҮЛҮККӨ КӨЗ КАРАШЫҢЫЗ КАНДАЙ?

№338 24-30-апрель, 2009-ж.


“Өзбек байыса там салат, кыргыз байыса катын алат” деген макал сизге тааныш эле болсо керек. Учурда кыргыз жигиттери чын эле байып, анан 2-3 аялдуу болуп жатышабы? Же башка себептери барбы? Дегеле бул жагдай биздин элге туура келеби?

– Динден ажыратылган мамлекет болгонубуз менен, биз – мусулманбыз. Исламга баш иебиз. Шарият боюнча көп аял алууга уруксат берилгени туурабы, Өзбек ажы?
– Шарият боюнча, эгер аял оорукчан болуп калса, бала төрөй албаса, акылы жагынан эркекке деңгээли туура келбесе, анда төрт аял алууга чейин жол берилген. Мисалы, Манас Карабөрк менен Акылайды алганда акылы жагынан Манаска кеңешчи боло алышкан эмес. Ошондуктан Каныкейге үйлөнгөн.
Бүбүсара Рыскулова:– Тарыхты билебиз. Сиз бүгүнкү күн менен сүйлөсөңүз.
Өзбек ажы: – Мисалы, мен жаш кезимде сүйүп үйлөндүм. Анан 3-4 балалуу болгондон кийин көз карашыбыз бири-бирибизге дал келбей калды. Анан аны төрт баласы менен көчөгө чыгарып коймок белем. Андан көрө экинчи аял алып алганым сооп эмеспи.
Бүбүсара Рыскулова: – Биринчиден, биздин мамлекет динден бөлүнгөн.Мамлекеттик мыйзамдар менен жашашыбыз керек. «Шариятта 2-3 аял алууга жол берилген» дегенибиз менен, динге аябай берилген Араб өлкөлөрүндөгү эркектердин бардык жагын алып караганда 2-3 аял алууга 0,5 пайызынын гана мүмкүнчүлүгү бар экен. “Интеллектуалдык деңгээли төмөн болуп калса, 2 аял алыш керек” деп жатпайсызбы. Динге берилген жигиттер аялды алгандан кийин аны сырткы чөйрө менен кабардар кылбай, “бала менен гана отурасың” деп үйгө «камап» коюшат. Анан үйдө отурган аялда кайдагы маалымат, кайдагы өсүш болмок эле? Сүйүү төрт-беш жылдан кийин кааласак да, каалабасак да басаңдайт. Бизде аял менен эркектин укугу бирдей. А эмнеге эркектер сүйүүсү басаңдагандан кийин аялын басынтып, жаш кыз алышы керек?!
Өзбек ажы: – Токтосоңуз, эгер аял көп жылдан бери төрөбөй жатса, бирөөнүн баласын багып алгандан же башка бирөөнүн уругун салып бойго бүтүргөндөн көрө өз канынан жаралган баланы бакканы жакшы эмеспи. Ачык айтсам кечирип койгула, тема өзү ошондой экен. Мага келип: “Аялым төрөбөй жатат, башканын уругун салса күнөө болбойбу?”- деп сурашат. Шариятта мындай ишке барышка эмес, жадакалса башка бирөөнүн баласын багышка жол берилбейт.
Бүбүсара Рыскулова: – Аялдардын таламын талашкан коомдун жетекчиси катары айтсам, аялы төрөбөй коюп, анан 2-3 аял алгандар чанда кезигет. Жигиттер 2-3 аялды башка себептер менен алып жатышат.
– Мухаммед пайгамбарыбыз (САВ) жар­дам берүү максатында жетим-жесир, кедей-кембагал кыздарга үйлөнчү турбайбы. Сиз эки аялыңызды көңүлүңүзгө жаккан үчүн алгансызбы же жардам берүү максатындабы?
Өзбек ажы: – Көп аял алуунун келип чыгуу себептери бар. Мисалы, илгери согуштар көп болгон. Ошондо курман болгон эркектердин аялдары жесир калган. Аялга да, эркекке да жашоодо жалгыз өтүү кыйын. Мен өзүмө токтоло турган болсом, экөөнү тең көңүлүмө жаккан үчүн алгам.
Бүбүсара Рыскулова: – Сөзүңүзгө аралжы, азыр 2, 3, 4 аял алып жаткан адамдарды караңыз, алар балдары бар, кыйналган жесир аялдарды алыштыбы?! Баары жаш кыздарга үйлөнүшөт.
Айжан Газиева: – Мен сизге суроо бергим келип жатат, Өзбек ажы, аялдарыңыз сизден канча жаш кичүү?
Өзбек ажы: – Бирөө 12 жаш, бирөө 18 жаш кичүү.
Айжан Газиева: – Биринчи аялыңыз сиз бутуңузга тура электе кубанычыңызды да, кайгыңызды да тең бөлүшүп, сизге жаштыгын арнаган. Анан жашоо деңгээлиңиз оңолгондон кийин андан жашыраак аял алып алганыңыз туура эмес да. “Мен сулуу эмес экенмин, менин акылым аз экен” деп ойлонуп жатып анын психологиясына доо кетиши мүмкүн, туурабы? Сиз ушул жагын ойлондуңузбу?
Өзбек ажы: – Эркек «аялымдын психологиясы бузулат» деп экинчи аял албай, ойнош күтүп кетсе жакшыбы? Силердин башыңарды батыш ээлеп алган. Силер үчүн ойнош күтүү нормально, ал эми бирөө 2 же 3 аял алса, баса каласыңар.
Нурдөөлөт Копоев: – Дин жолунда жүргөн адам эмес, мисалы, мен деле 2-3 аял алууну колдойм. Биздин айрым кыздар чет өлкөлүктөргө турмушка чыгып жатышат. Алардын жашоосу чын эле бир топ кыйын. Кытайга, Кореяга барып азап тарткыча, өзүбүздүн эле кыргыз жигитинин 2-3-аялы болуп жүрө беришсин.
– Жакшы. Бүбүсара эже “сүйүү деген төрт-беш жылдан кийин өчөт” десе, Замир, сен башыңды ийкеп, макул болуп отурдуң. Сенин деле үйлөнгөнүңө төрт-беш жыл болуп калды. Экинчи аял алуу оюңда барбы?
Замир Арыкбаев: – Башымды ийкеп эженин айткандарын кубаттаган жокмун. Жөн эле угуп отургам. Аялым менен жашаганыма беш жыл болду, бирок “сүйүүм өчтү” деп айта албайм. Жакшы жашап жатам, эки жаштагы кызым бар. Экинчи аял алууну пландаган деле жокмун.
– Айжан, айтсаң, сен бир адамды сүйүп калдың. Бирок анын үйбүлөсү бар. “Үйлөнөлү” десе макулсуңбу?
Айжан Газиева: – Мен турмушка чыга турган адам ажырашкан же үйлөнө элек болуш керек. Эч качан 2-3-аял болуп турмушка чыкпайм. Анткени «бүгүн тигил аялына кетти, мага качан келет?» деп күтүп отура албайм.
Өзбек ажы: – Сен ушул боюнча эле сулуу, жаш болбойсуң да. Жашың өтүп кетсе 2-3-болуп эле турмушка чыгасың же ойнош күтөсүң.
Айжан Газиева: – Мен качан “ойнош күтөм” деп айттым? Күтпөйм. Мага ажырашкан эркек болсо туура келмек. Анткени мен өзүм ажырашкам.
– Замир, айтсаң, биздин элге 2, 3 аял алууну мыйзамдаштырсак кандай болот?
– Мындай нерсе кыргыз элинде калыптана элек. Дин жолунда жүргөндөр шарияттын мыйзамдарын окуп, өздөрүн ошол нерсеге даяр кылышкан. Бирок жалпы эл ага даяр эмес.
– Нурдөөлөт, сиз көп никелүү болууну колдойт экенсиз. Ушул нерсени мыйзамдаштыруу керек деп ойлойсузбу?
– Мен чынында аны турмушта болуп жаткан көрүнүштөрдөн улам айтып жатам. Мыйзамдаштыруу керек деп ойлойм. Анткени жашырынып ойнош күтүп жашап, балдарын элден корунуп баккандан көрө экөө тең ачыкка чыкса, аялдын да, эркектин да укугу корголот эле.
Айжан Газиева: – Кечирип коюңуз, Өзбек ажы, сизге суроо берсем. Баары бир эки аялыңыздын бирин жакшы көрөсүз. Аны жашырганыңыз менен, эки аялыңыз тең сезет. Экөөнө бирдей мамиле кыла аласызбы?
Өзбек ажы: – Балдарыңдын ичинен деле бирин жакшы көрүп жатпайсыңбы, бирок ал ичибизде гана болот. Ошонун сыңары, аялдарымдын бирин жакшы көрсөм да, мен аны билгизбей, экөөнө тең бирдей мамиле кылам.
– Өзбек ажы, “эки аялым, балдарым менен чогуу жашайм” деп жатасыз. Төшөк маселеси кандай чечилет?
Өзбек ажы: – Бир короодо жашайбыз. Бирок эки аялымдын үйү эки башка. Шарият боюнча бүгүн биринчи аялымдыкында болсом, эртеси экинчисиникинде болушум керек. Кээде кайын журтум же туугандарым келип калат дегендей, мындай тартип дайыма сактала бербейт.
– Бүбүсара эже, сизге акыркы сөз...
– Кандай болгон күндө да мен биздин эркектердин 2-3 аял алышына таптакыр каршымын.
Замир Арыкбаев: – Ар ким шартына ылайык болсо дейм. Колунан келгендер ала беришсин.
Нурдөөлөт Копоев: – Ушул маселени мыйзамдаштырып эле койсо, балким, кыздар арасында бойдон алдыруу азаймак.
Өзбек ажы, акыркы суроо, үчүнчү аял алуу оюңузда барбы? Болсо, аны жубайларыңызга кеңешип туруп аласызбы?
Өзбек ажы: – Ал нерсе оюмда бар. Алсам, жубайларыма кеңешпей туруп эле алам.
Окурман, бүгүнкү талкуу, балким, сиздин да жан дүйнөңүздү козгоп койду. Кандай болгон күндө да туура чечим кабыл алып, туура кадам таштоого аракет кылыңыз.

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: