Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖКнын депутаты Дамира Ниязалиева: «ИШКЕРДИКТИ 100 ДОЛЛАРДАН БАШТАГАМ»

№338 24-30-апрель, 2009-ж.


ЖКда саналуу гана айымдар бар. Алардын ичинен эркектерден кем калышпай талкууларга аралашканы, чынын айтуу керек, аз гана. Ошолордун бири, СДПК фракциясынын мүчөсү, ийгиликтүү ишкер айым Дамира Ниязалиева.

“Депутат болуу ойдо деле жок болчу”

– Дамира эже, парламенттин азыркы курамында депутаттыкка бизнестен келгендер көп. Алардын катарына сизди да кошуп жүрүшөт. Депутаттыкка кантип келип калдыңыз эле?
– Жеке ишкердик менен алек болуп жүрүп, депутат болуу оюмда деле жок болчу. Мен айылга жердештериме барып калган сайын “сен бизге колуңдан келген жардамыңды берип жүрөсүң. Ушул Жумгалдан деле бир кызыбыз депутат болуп, көйгөйлөрдү көтөрсө болот эле” деп айтып калышчу. Анын үстүнө өзүмдүн күчүмдү да бир сынап көрөйүн дедим. Негизи, кыргыз айымдары ишмер жана чыдамкай келишет эмеспи. Мен да элимдин ишеничин актап, иштеп кете аларыма ишендим.
– Ушундай өзүнө ишеними күчтүү айымдын балалыгы кайда өттү экен?
– Өзүм Ош шаарында төрөлгөм. Бирок Жумгал районунун таза абасында бир үйдүн эрке кызы болуп чоңойдум. Менин бардык жетишкен ийгиликтериме апам Бүбүайдын эмгеги, салымы зор. Апам өзүмө ишенүүнү, алдыга максат коюуну үйрөттү.
– Эми кайрадан Жумгалга сапар алып, мектептеги окуучу кезиңизди эстей кетсек...
– Мектепте алдыңкы окуучулардан болчумун. 10-классты бүткүчө бир да жолу “2” алып көргөн эмесмин. Мектеп бизден 18 чакырым алыстыкта болгондуктан, мектеп окуучуларын бир эски автобус ташычу. Эскилигинен уламбы, көп бузулчу. Апам мени аяп “барбай эле кой” дегенине болбой көгөрүп, эл ташуучу автобусту күтүп, экинчи-үчүнчү сабакка болсо да барчумун. Ал эми тараганда үйгө жөө келчүмүн. Кичине кезимде абдан оюнкараак элем. Үйдө сабак окуганды жана ойногонду гана билчүмүн. Азыр эстесем үй оокаттарына кийлигишчү эмес экенмин. Ошол кезде “Топташ”, “Лапта”, “Кызыл жоолук” деген оюндарды көп ойночубуз.

“Эки саат гана уктачумун”

– Совет мезгилинде балдарда учкуч, кыздарда врач болууну каалагандар көп болчу эле. Сизде да мындай кыялдар болду беле?
– Ооба, мен да кичине кезимде врач болом деп кыялдана берчүмүн. Ошондуктан Медициналык институтка тапшырганы баргам. Ал жерден мен СССРдин карамагындагы чоң шаарларга окууга мүмкүнчүлүк бар экенин билип, көп ойлонбой эле Москва шаарын тандап алдым. Ал убакта Москва көпчүлүк жаштардын кыялында гана жашачу. Экзаменде Кудай жалгап үч сабактан “4”, бир сабактан “5” алып өтүп кеттим. Бирок ата-энем “өзүң кыз болсоң, анан алыс барып окуган коркунучтуу”дешип, бул чечимиме каршы болуп туруп алышты. Ошентип, Москва шаарынын ордуна Алматыдагы Медициналык институтта окуп калдым. Башында абдан кыйналдым. Жатаканада жашачубуз. Менин чоң турмушка өз алдынча болгон сапарым ушул студенттик күндөн башталды.
– Жалаң эле даңгыр жол болбогон чыгар...
– Ошондой десем да, жаңылышпайм. Окуу башталганда эле органикалык эмес химиядан текшерүү ишин жазып, эки группалашыбыз эле “3” алып, калганыбыз бүт “2” алып калдык. Мурда окуудан мындай абалга кабылып көрбөгөндүктөнбү, айтор, өзүмдү жаман сезип жүрдүм. Бирок ошол күндөн баштап турмуштун рулун өз колума алдым. Күндүз окуп, анан сабак бүтөрү менен жумушка чуркачумун. Бир ооруканага мээрман айым болуп орношуп алгам. Мен ооруканадан жумуштарды бүтүрүп коюп, сабак даярдаганга үлгүрчүмүн. Анан саат 4төн 6га чейин уктап алчумун. Кайра жатаканага келип, кийинип алып сабакка жөнөчүмүн. Кээ бир оорулуулар шоколад, таттуу тамактарын катып коюп беришчү. Мени “студент кызыбыз” деп эркелетишчү. Ал адатым биротоло сакталып калды көрүнөт. Азыр деле аз эле уктайм. Анткени депутаттык ишмердикти алып барыш үчүн ар тармакты өздөштүрүп билишиң керек. Ошол себептен кайрадан уйкунун ордуна студент кездегидей окууга туура келип жатат. Сайттарды, гезиттерди калтырбай карап, мыйзамдарды көп окуйм. Себеби ар бир мыйзам чын эле элге ийгилик, жеңилдик алып келе ала турганын тастыктап билүүм керек да.

Канчалаган казактардын ичинен кыргыз жигитин тандадым”

– Дамира эже, канчалык ийгиликке жетиш­песин, аялзаты үчүн эң эле жагымуу да, баалуу да нерсе үйбүлө, баланын жыты эмеспи. Кепти ушул багытка бургум келип турат. Жолдошуңуз менен тааныш­ка­ныңыз эсиңизде барбы?
– Чынын айтканда, сүйөм, күйөм дегендер көп эле болгон. Азыр деле классташтар чогула калганда бир топ классташтарым “тиги бала, бул бала сени абдан сүйчү” дешип, көмүскөдө калган сырларын айтып калышат. Алматыда окуп жүргөндө бир топ казак балдар сүйүүлөрүн арнашты. Бирок көңүлүңө туура келбесе, алардын санынан деле пайда жок экен. Окууну бүткөндөн кийин Токмок шаарындагы Медициналык орто окуу жайына мугалим болуп орношуп иштеп жүргөм. Ал жерден Өмүрбек деген жигит менен таанышып калдым. Нике кайып кылып, ага турмушка чыктым.
– Өмүрбек байке канча баланын бактылуу атасы?
– 2 уул, 1 кызыбыз бар. Көкүрөк күчүгүбүз Эсентур 1-классты аяктап жатат.
– Жолдошуңуз кайда иштейт?
– Азырынча үйдө. Ден соолугуна байланыштуу дарылануу курсунан өтүп жатат.

“Ишкердикке 100 доллар менен пайдубал кургам”

– Сизди ийгиликтүү ишкер айым дешет. Бизнесте аялзаты менен эркек айырмаланышы мүмкүнбү?
– Негизи, аялзатын экинчи орунга коюп койгондор жакпайт. Эркек менен аялдын ишкердүүлүктө эч кандай айырмасы жок. Алар кылган ишти биз деле жасай алабыз. Тескерисинче, аялдар эркектерге караганда чечкиндүү жана чыдамкай келишет. Анткени алар жеке сырттагы гана жумушту аткарбастан, үй-тиричилигине жана балдарга тарбия берүүгө да жетишет. Бул сөзүмө мырзалар каршы чыгышпаса керек деп ойлойм.
Бирок «мен бул ишти 100 доллардан баштагам» десем башкаларга күлкүлүү угулар. Союз жоюлгандан кийин көпчүлүк коммерцияга өтө баштабадыбы. Бир таанышым “100 доллар тапсаң, жакшы иш баштайбыз” деп калды. Мен ушул акчаны карыздап жүрүп, араң таптым. Ошентип, биз пионерлердин галстуктарын, тыбыт жоолуктарды, пальтолорду жана башка союздан чыккан товарларды алып барып, кытай товарына айырбаштап келе баштадык. Кийинчерээк Түркия, Индия, Араб Эмираттары, Италия, Франция жана башка мамлекеттерге каттай баштадым. Мындай соода-сатык менен 1996-жылга чейин алек болдум. Өзүмдүн кесибим фармацевт болгондуктан, дары-дармектер менен иштеп көрүүнү ойлондум. Алгачкылардан болуп өлкөбүздө дарыканаларды ачып, калкты эң керектүү дары-дармектер менен камсыз кылып иштей баштадык. Учурда 40тан ашык өлкөлөрдөн: Орусия, Венгрия, Словения, Кытай, Бельгия, Индия жана башка өлкөлөрдүн белгилүү заводдорунан дары-дармектерди алып келебиз. Фирмада 80ге жакын адам эмгектенет.
– Кризис деген балээ сиздин бизнесиңизге таасирин тийгизген жокпу?
– Бүт дүйнө жарандары сезип жаткан кризис бизге кантип таасирин тийгизбей койсун?! Бизде деле сооданын деңгээли төмөндөй түштү. Бирок кризистен чыдамкайлык, аракетчилдик, эмгекчилдик менен чыкса болот.
Маегиңизге чоң рахмат. Ишиңизге ийгилик.

Бахиана Сатылганова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: