Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сейитказы Андабеков, KРнын Эл артисти: «ТӨӨ МИНИП ГАСТРОЛДОГОН КҮНДӨР КАЙДА КАЛДЫ?»

№515 14-20-сентябрь, 2012-ж


КОШ ЖЫЛДЫЗДАР
Ар бир адамдын өмүр таржымалы өзүнчө бир кызык китеп. 1948-1980-жылдардын аралыгы Сейитказы Андабеков менен Койсун Карасартованын ооматы келген мезгил болду десек жарашчудай. Эки артисттин бул алтын доорунда ырдаса үнү шаңшып, бийлесе кыймылы учкун чачып, миңдеген көрөрмандардын жүрөгүн уялап келишти. Сейитказы менен Койсун сахнага чыкканда жаш-кары дебей умсунуу, тамшануу менен тиктеп, жубайлардын өнөрүнө суктанышчу. Ал эми ошол талант ээлери кайда? Эсиңиздеби?
“Сексен жашка чыкпадым,
Бүгүн туура кырктамын.
Тайрактаган төө дебе,
Так текедей буттарым.
Эскирдик деп турбайлы,
Эми кайра жыргайлы,
Койкоңдогон кош колум,
Келин бойдон турбайбы”,
- деп тамашалуу ырды аткарышкан кош жылдыздар дээрлик бүт өмүрүн театрга арнашкан.
Тамашалуу ырларды аткарып, кыргыз элине эле эмес, Москва, Ташкент, Алматы, Тбилиси шаарларында өнөрлөрүн көргөзүп келишчү. Сейитказы агай 10 жашында театр дүйнөсүнө аралаша баштаган. Ал башкалардан ышкыбоздугу, ачыктыгы менен айрымаланчу. Башталгыч мектепти аяктап калганда кадимкидей бой тартып калган баланын өнөрүн байкаган айылдыктар "Сейитказы, багыңды байлабай, театрга эле кир" дешсе, күнүмдүк көр оокаттын кызыкчылыгын көздөп, тапшырбай кетип калат.
Буйрукка айла жок экен. Баягы Сейитказы алгач элге таанылып, окууга жиберели десе качып кетип, Нарын театрына арадан 8 жыл өткөндө, кырчылдап кыл чайнашкан согуштун жалынын кечип келген соң кайра туш болот. 1946-жылы так өзүнө түспөлдөш айылдык жигит Акмат тракторчунун образы менен Сейитказынын профессионал театр өнөрүндөгү тушоосу кесилет. Ошол театр чөйрөсүнөн Койсун Карасартова менен жалпы журтка ажырагыс өнөрпоз жубайлар катары таанылып баштайт.
Кош жылдыздар баш кошкондон кийин чыгармачылык турмушунда олуттуу өзгөрүүлөр болгон. Жылдан жылга репертуары байыган өнөрпоздор өздөрү аткарган элдик тамашалуу ыр-бийлер, дуэттер аркылуу жүздөгөн, миңдеген көрүүчүлөрдүн терең урматтоосуна татышкан. Сахнанын кош жылдыздары кыргыз элинин чыгармачылыгы менен чектелбей, казак, өзбек, уйгур элдеринин тамашалуу ырларын бөтөнчө бир эргүү менен аткарышкандыктан, алар ооздон оозго алынып келет. Ага казактын «Кыздар, ай», уйгурдун «Кыпылдама» аттуу ырлары мисал боло алат.

ЭЛГЕ АРНАЛГАН АРМАНСЫЗ ӨМҮР
Аттиң!.. Кантсе да суудай куюлган өмүр жашы, кечээ эле такаларынан учкун чачыратып, шаңкылдаган үнү, чимириле бийлеген бийлери менен көргөн жанды толкундатуучу, кыргыздын кыйырына таанымал өнөрпоз айым Койсун Карасартованы шум ажал 87 жашында 2008-жылы арабыздан алып кетти. Өз өлкөсүнө өтөлгөлүү эмгек сиңирген инсаныбызды эскере жүрүүгө милдеттүүбүз.
Кайталангыс талант ээси, Кыргыз Республикасынын Эл артисти Койсун Карасартова Ат-Башы районундагы Кошой айылында туулуп-өскөн. Көркөм өнөргө жакын ал эмгек жолун 14 жашында баштап, Нарында жаңыдан уюшулган колхоз-совхоз театрына келип кирген. Жаш артист эң алгач Молдогазы Токобаевдин «Кайгылуу Какей» спектаклинде Какейдин образын жараткан. Өзүнүн чыгармачылык турмушунда элүүдөн ашуун ар кандай ырларды, жүзгө жакын драмалык образдарды түздү. Өмүрүнүн көпчүлүгүн театрга арнап, 58 жылдык чыгармачылык тажрыйбасында жүзгө жакын ар кандай каармандын жаркын образын жараткан.
КРнын Эл артисти, Манас орденинин ээси Сейитказы Андабеков учурда Нарын шаарында кичүү уулунун колунда. Жарым кылым жанашып, ээрчишкен жубайлардын биринин жылдыз сымал учуп кетиши жумурай журтту кайгыга салбай койбойт. Ал эми Сейитказы агайдын ичиндеги муң-зарын айтпаса да белгилүү.

КЫЛЫМДАП КАЛЧУ ИЗДЕР, БААЛАНБАГАН АСЫЛДЫК…
Заманыбыздын залкар адамы Теңир-Тоо жергесинде жашап жатканына кубанып, агайдын үйүнө учурашуу үчүн барып калдым. Өзү жашаган анча чоң эмес көчөнүн аталышы агайдын ысымынан С.Андабеков көчөсү деп илинип турат. Буга чейин ал тараптан көп өткөн болсом да, маани бербегенимди эми сездим. Албетте, агайды көрүп бир чети кубансам, бир чети карылыкка моюн сунган алсыз абалын көрүп капаландым. Агай менен жылуу учурашып, саламаттыгын сурап, бир топко баарлаштык. Убагында алган сыйлык менен медалдары өзүнчө бир музейдин текчеси болчудай. Кезинде төө минип Нарындан Казарманга чейин гастролдоп, бүт өмүрүн чыгармачылыкка арнаган Сейитказы Андабеков “биз кылган эмгек кайда?” деп өткөн убакытты айтса, “андай эмгекти азыркы театр адамдары жасаса бааланып, баркталып, бир топ наам алмак болуш керек” деп ойлоп кетесиң. Анткени кечээ эле келген айрымдар Койсун Карасартова жана Сейитказы Андабеков алган наамды алып койгондору да жок эмес.
Улуттун учун улаган маданияттын мыкты кызматкери катары залкар инсандын абалын сурап, көңүлүн көтөрүп коюуга жогору жактан эч ким деле келбейт экен. Болгону, согуштун ардагери катары облус жетекчилиги тараптан сыйлоо болуп, бир жылда бир күн гана кубаныч тартуулаганга жетишет экенбиз кыргыз эли. Дал ушул кыргыздын кош жылдыздары кылымдап из калтырчу инсандар экенин унутпасак...

Алмагүл Турдалиева
naryn@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
20.09.2012. 09:50 
Тайпасы:
Кыймылы жок
Комментарийлердин саны:
5
Катталган:
19-09-2012
Соӊку аракети:
12-10-2012 12:26
Жынысы:
Белгисиз
0
Эх десен???
09.10.2012. 11:48 
Тайпасы:
Кыймылы жок
Комментарийлердин саны:
14
Катталган:
08-10-2012
Соӊку аракети:
29-11-2012 11:43
Жынысы:
Белгисиз
0
змне деген залкар адамдар
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: