Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

"МУЗ ДООРУ" БИШКЕКТЕ!

№338 24-30-апрель, 2009-ж.


Бах чиркин, муз үстүндө чимириле бийлеген адамдарды карап отуруу кандай сонун! Мурун сыналгыдан көрүп суктансак, эми 10-майда “живой” көрүүгө мүмкүнчүлүк бар. Шаарыбызга «Муз доорунун» катышуучулары өз өнөрлөрүн көргөзүүгө келишет. Ал эми бүгүнкү саныбызда Бишкекке келе турган жылдыздар Роман Костомаров, Татьяна Навка тууралуу кыскача маалымат. Ал эми жылдыздар өлкөбүзгө келген соң биздин гезиттен алардын эксклюзивдүү интервьюсун окуй аласыздар.

Жылдыздар кайрымдуулук максатында Бишкекке келишет

Жаркыраган май айынын онунда Бишкек шаарына “Муз доорунун” катышуучулары келишет. Маалыматка караганда мыкты номерлерин даярдап жаткан муз үстүндөгү бийчилер да бул күндү чыдамсыздык менен күтүп жатышат. Бул тууралуу Орусия жылдыздарынын келүүсүн камсыз кылган уюштуруучулардын бири, “Балдар жүрөгү” коомдук фондунун жетекчиси Олег Казаков билдирди.

– Саламатсызбы, Олег мырза! Орусиянын муз үстүндө бийлеген жылдыздарын Кыргызстанга алып келүү идеясы кандайча пайда болду?
– Балдар биздин келечегибиз болгондуктан, алардын кең келечеги мени терең ойлонтот. Мүмкүнчүлүгү аз, майып, ата-энеси таштап кеткен же жетим балдарга майрам тартуулап оюн жана спорт аянтчасын куруп бергим келет. Ага, албетте, каражат керек дегендей... Ойлонуп жүрүп “Муз доорунун” катышуучуларын Бишкекке алып келсем, түшкөн каражатка көздөгөн максатымды аткарар белем деп ойлондум. Бул оюм тууралуу жогорудагы айтылган долбоордун машыктыруучусу Илья Авербухка сунуштасам, ал “балдар үчүн эч качан каршы болбойбуз” деп макулдугун берди.
– Долбоордун катышуучулары көп эмеспи. Бишкекке кайсы жылдыздар келишет?
– Муз үстүндөгү бийчи жылдыздардан – Т.Навка, Р.Костомаров, И.Слуцкая, А.Ягудин, Т.Тотьмянина, М.Маринин, М.Петрова, А.Тихонов, М.Дробязко, П.Ванагас, ал эми шоу-бизнес жылдыздарынан - М.Башаров, В.Ланская, К.Алферова, В.Калганов, Д.Миллер келишет.
Шоу кайсы жерде болот жана билет баасы канча турат?
– Жылдыздар өз өнөрүн Бишкек шаарындагы “Городской катокто” көрсөтүшөт. Ал жерде 500 орун гана бар. Бүгүнкү күндө дагы отургучтардан коёлу деп жатабыз. Ал эми 1 билеттин баасы 10 миң сом турат.
– Мүмкүнчүлүгү чектелген балдар дагы бул шоуну көрө алабы?
– Албетте, көрүшөт. Бүгүнкү күндө бул маселе такталып жатат. Ал эми жылдыздар ошол балдар менен шоу аяктаган соң фотосессия жасашып, мастер-класс өтүшөт.
– Балдар сиздин бул демилгеңизди угуп, бактылуу болуп жатышса керек...
– Канчалык деңгээлде өздөрүн бактылуу сезип жаткандарын билбейм. Бирок аларды чыдамсыздык менен күтүп жаткандарын байкадым. Кызыгы, алар өздөрүнүн кичинекей белектерин да даярдап жатышат.
– Ойлогон максатыңыз ишке ашсын.

Татьяна Навка
Туулган жылы – 1975 -жыл, 13-апрель
Туулган жери – Украина,
Днепропетровск шаары
Муз тебүүдөгү шериктери – 1993-1998-жылга чейинки шериктери Николай Морозов жана Самвел
Гезалян. 1998-жылдан баштап Роман Костомаров менен муз үстүндө бийлеп келет.
Үйбүлөлүү – Александра аттуу кыздын энеси, жолдошу Орусиянын Эмгек сиңерген спортчусу жана машыктыруучусу Александр Жулин.

Навка спортто жана жеке жашоодо

Татьяна Навка 5 жашынан бери муз үстүндө бийлеп келет. Навканын бүгүнкү ийгилигине машыктыруучу Наталья Дубованын салымы чоң.
Жолдошу Александр Жулин менен 17 жашында Москвага жаңы келгенде таанышкан. Бирок ал кезде Жулин муз үстүндөгү бийчи Мая Усова менен жашап жаткан. Дубованын окуучулары Мая менен Саша ал кездеги эң популярдуу муз үстүндөгү бийчилер эле. Көп өтпөй Дубова Навканы да ийгиликке жана популярдуулукка жеткирет. Ошондо машыктыруучу өзүнүн мыктылардын мыктысы деп саналган окуучулары Жулин, Усова жана Навканы АКШны көздөй алып жөнөйт. Чындыгында эле окуучулары машыктыруучусу күткөндөй ийгиликтерге жетишет. Көптөгөн сынактарды жеңишип, алтын-күмүш медалдарга оролушат. Жумушу ийгиликтүү болгону менен таттуу түгөй болуп саналган Мая менен Сашанын ортосундагы мамиле муздай баштайт. Мүмкүн, буга себепкер Таня болгондур... Бул тууралуу так маалымат жок.
Кийинчерээк Александр менен Татьянанын ортосунда ыйык сезим пайда болуп бири-бирин жактырып калышат. Экөө 7 жыл жарандык никеде жашашып, 2000-жылы расмий түрдө баш кошушат. Ошол эле жылы жылдыздар Александра аттуу кыздуу болушат.

xxx

АКШнын Нью-Жерси штатында күнүмдүк турмушун тынч өткөрүп жаткан Жулиндин үйбүлөсүн кесиптеши Илья Авербух бузат. Тагыраак айтканда, Навкага “Жылдыздар муз үстүндө” теледолбооруна катышууга сунуш кылат. Татьяна сунушка макулдугун берип, үйбүлөсү менен Москвага учуп келет.
Теледолбоордо жүргөндө Татьянанын артынан көптөгөн ушактар коштолду. Мисалы, алардын бири муз үстүндөгү шериги Марат Башаров менен жакын мамилесинин бар экендиги. Бирок бул ушактарга Навканын жолдошу Жулин ишенгиси келбейт. «Жылдыздардын артынан ар кандай ушактар коштолуп келген жана келе берет» деп коёт.

Роман Костомаров
Туулган жылы – 1977-жыл, 8-февраль
Туулган жери - Орусия, Москва шаары
Муз тебүүдөгү шериктери –Татьяна Навкага чейин Екатерина Давыдова, Анна Семенович
Билими – Москва мамлекеттик академиясынын дене тарбия бөлүмүн бүтүргөн. Спорттун муз үстүндө бий боюнча Эмгек сиңирген чебери. 13 алтын, 6 күмүш, 4 коло медалдарынын ээси

Костомаров спортто жана жеке жашоодо

Роман Костомаров “москвич” экендигиненби же жолдуу болгондугунанбы, айтор, муз үстүндө ийгиликке кыйынчылыксыз эле жеткен. Кыйынчылыксыз, дегенибиз, эч кандай бут тосууларга жолукпай эле спортко келген. Себеби Романдын айтуусунда бул чөйрөдө иштеген ар кандай кара мүртөз адамдар бар. Бирок алар Романга тийише алган жок. 9 жашынан муз бийин сүйүп, келечек жашоосун ушул чөйрөгө байлоону чечкен Роман тилегине бүгүнкү күндө жеттим деп айта алат.
Машыктыруучу Наталья Линичуктун сунушу боюнча олимпиадалык циклга келишим түзүп, АКШга кетет. Ошол жерден Костомаров Навка менен шерик болуп, чогуу бийлеп баштайт. Роман Татьяна менен 1 жыл чогуу иштеген соң ортодо машыктыруучусу Линичук муз үстүндөгү бийчиси Анна Семенович менен шерик кылып коёт. 1999-2000-жылдары Роман менен Анна Орусиянын чемпионатында күмүш медалдын ээси болушат. Бирок 1 жыл ичинде шериктердин ортосунда бири-бирин түшүнбөстүктөр болуп, ортодогу келишпестиктерден улам тарап кетишет. Роман кайра эле Татьянага барып, экөө чогуу иштеше башташат. Бул ирет экөөнүн машыктыруучусу Александр Жулин болот.
2004-жылдан бери Роман Орусиянын муз бийчиси Юлия Лаутова менен жашап келет. Бүгүнкү күндө чыгармачыл адамдар бири-бирин терең түшүнүшүп, бактылуу кол кармашып келүүдө.

XXX

Роман муз үстүндөгү шериги Татьяна менен көп урушат. “Танюша экөөбүз бири-бирибизди катуу тилдеп салган күндөр да болгон. Мисалы, ал дайыма машыгууга 10-30 мүнөт кечигип келет. Буга мен жиним келип кыйкырам. Бирок шеригим дайыма кырдаалдан өзүн алып чыгууну билет. Ошондуктанбы, айтор, экөөбүз бири-бирибизди сыйлап, түшүнүп иштеше алабыз. Жумуштагы мамилебиз биздин достугубузга эч кандай таасирин тийгизбейт. Биз жакшы достордонбуз”, - дейт Костомаров.
Канчалаган жылдан бери муз үстүндө түгөй болуп келишкен Костомаров менен Навканын ортосунда эч кандай сезимдер же жылуу мамилелер болгон эмес. Себеби Танянын сүйгөн күйөөсү Саша, Романдын Юлиясы бардык жактан жөлөк-таяк болуп келе жатышат.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: