Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨМҮР КУНУ 700 СОМБУ?

№339 1-7-май, 2009-ж.


Адам өмүрү кыйылды. Болгондо да кечээ эле өзү менен бир дасторкондо даам сызып, бир үйдө жашап жүргөн адамдын өмүрүн кыйды. Буга бир гана караңгы түн күбө болду. Түн жамына качкан караан баары бир жазадан качып кутула албады.

Шаарды эңсөө

Биз сөз кылар кандуу окуя 12-март күнү түн ортосунда болуп өткөн Жумабек уулу Кубат кылмыш иши боюнча кармалып отурат.
Айылдагы жаштардын көпчүлүгү шаардагы жашоону тим эле жомоктогудай элестетишет эмеспи. Анын сыңарындай, Кубат да шаарга барууну максат кылып жүрдү. Негизи эле жашынан шок Кубаттын жүрүм-турумуна карап, жакындары аны эрте эле үйлөндүргөнгө ашыгышкан болчу. «Балким, аял алса токтолуп кетеби» деп ойлошкон. Бирок жаштар алардын үмүтүн актап жашап кете алышпады. Уруш-талашы курчугандан курчуй берди. Жашоосун кантип жөндөп кетишерин билбеген алар бири-бирин күнөөлөө менен алек болушту. Жаш колукту акыры мамилелеринин аягына чекит коюп, Бишкекти көздөй жөнөп берди.
Албетте, артынан баруу керек. Анын үстүнө, кыялданып жүргөн шаарга барып, жаңы турмуш-жашоону ойлогон Кубат көп кечеңдетпей аялынын артынан жөнөдү. Бирок шаарда адамдын канына забын болуп, темир торго түшүп каларын эч ким билбеген эле.

Турук алуу

Ошентип, Бишкек шаарына келген Кубат алгач аябай кыйналды. Кыргыздар мындай учурда туугандарынан жардам издешет эмеспи. Кубат да алысыраак тууганы Акылбекти жолуктуруп калды. Ал-жай сурашкан соң Кубат жашаганга жери жок болуп кыйналып жүргөнүн айтты. Акылбек “Дордой” базарында иштээрин жана базарга жакын жерде батирде турарын билдирди. Көктөн тилегени жерден табылган Кубат чогуу жашоого макул болуп, экөө бир бөлмөдө туруп калышты. Акылбек алгачкы күндөрү «Кубат жумуш таап алса, кийин ижарага акча төлөшөт» деп үмүт кылып жүргөн. Күндөр өтүп, Кубат жумуш таап, бирок үйгө эч нерсе алып келбегени үчүн Акылбек ачык эле жаман көрө баштады. “Замандын түрү бул. Сен мага жүгүңдү артып алдың го, досум”,- деп астыртан айтып да көрдү. Бирок Кубат укса да укмаксанга салып койду.

Караңгы түндөгү кырсык

Ошол каргашалуу күнү Бекболоттун өзүнөн-өзү кабагы бүркөлүп жүргөнүн айтышты байкагандар. Шаарга келерин келип, бирок ордун таба албаган Бекболот эми уурулук менен жан багууну чечти. Биринчи эле курмандыкка Акылбек илинди.
Үйдө эч ким жоктугунан пайдаланган Кубат ошол күнү бир нерсени уурдап барып сатып жиберүүнү ойлоду. Ал акчага андан ары айылына – Майлы-Сууга кетерин пландап койгондуктан, Акылбектен корккон жок. Бирок эмнени сатуу керек? Ушул учурда телевизор көзүнө уруна калды. Ошол замат табылгасын көтөрүп Кубат үйдөн чыгып кетти.
Телевизорго кардар тез эле табылды. Өз баасынан арзан кылып “Дордойдо” соода кылып отурган аялга телевизорду 700 сомго сатты да, жөнөп кетти. Кулиев көчөсүндө машина күтүп туруп калган Кубат артынан Акылбектин келип каларын күткөн эмес эле. Үйүнө бир нерсени унутуп кайра келген Акылбек телевизордун жок экенин көргөн. Эшик сынбагандыктан, дароо Кубаттын колунан келгенин билди. Ошол замат таанышы Абдумажит аттуу баланы ээрчитип чыгып, такси менен Кулиев көчөсүнө келген. Болжолдогондой эле Кубат кетүүгө камынып мында турган экен. Күтүлбөгөн жерден Акылбекти көргөндө эмне кыларын билбей калды.
– Даамдын кусуру урсун! Канчадан бери ак нанымды жеп, үйүмдө жашап жүрүп...- деди ачуусуна уугуп кеткен Акылбек.
– Мен эмес... мен эмес...
Канчалык танган менен болбосун сезген Кубат акыры мойнуна алды. Телевизорду кимге сатканын айтып, кечирим сурады ал. Кеч кирип кеткенине байланыштуу телевизорду эртеси алмай болушту. Элдешкендерин жуумак болгон экөө дүкөнгө кирип арак алышты. Көпкө сүйлөшүп отурушуп, ортодон кайра чыр чыгып кетти. Ичиндеги арактын күчү менен, анын үстүнө, ызаланган Кубат Акылбекти болушунча, алынын жетишинче уруп кирди. Бир кезде колуна муштумдай таш урунду. Мына сага! Колундагы таш менен уруп калды. Ушуну менен ызасын, жинин чыгарчудай болуп ура берди. Ура берди... Алдында жаткан адамдын деми угулбай калганча урду.
Эси оогондо өлүктү нары жактагы аңга ыргытып жиберип, башын мыкчып отуруп калды. “Качуу керек!”- деди оюнда. Ошол замат өлүктүн чөнтөктөрүн тинтип жиберди. Акылбектин чөнтөгүндө бир аз тыйын бар экен. Аны алган Кубат бет келди чуркап жөнөдү. Максаты – бул кырсык баскан жерден эртерээк кетүү.

ххх

«Кылмышка шектүү Жумабек уулу Кубат 1991-жылы Жалал-Абад облусунун Майлы-Суу шаарчасында туулган. Үйбүлөлүү, мурда соттолгон эмес» деген билдирүү келип түшкөндөн кийин Свердлов райондук ИИБинин кызматкерлери тез эле кылмышкердин изине түшүштү. Өлүмгө күнөөлүү Кубат экенине эч кимдин шеги жок болучу. Ал Ош–Бишкек жолунда кетип бара жаткан жеринен кармалды. Шаарга багыт алган кыска сапар темир торго түшүү менен аяктаарын учурунда билди бекен?..

(Тергөө жүрүп жатканына байланыштуу каармандардын аты-жөнү өзгөртүлдү)

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: