Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АПАМ ЖАПКАН НАНДЫ САГЫНДЫМ...

№339 1-7-май, 2009-ж.


Жылуу төшөктө апасынын кучагындагы наристе... Апанын кудуреттүү кучагына эмне тең келет?.. Баланын биринчи көзүн ачканда көргөн адамы да, тили чыкканда айткан сөзү да «апа» эмеспи. Анда апалар жөнүндө баллада назарыңыздарда.

Ырыскелди Осмонкулов:

«Менин апакем...»

Алтын апакемдин аты Сүйүнбала. Ар дайым апакем деп эстейм. Дилимде анын ар бир кыймылы, ар бир жылуу көз карашы сакталуу. Бардык эле энелердей апам да теңдешкис мээримдүү жан эле. Эми ал кезде апалар, аталар үйдө көп болчу эмес. Кара жанын карч уруп эле иштей беришчү. Ошол замандагы адамдардын эмгекчилдигине таң калам. Таң азандан туруп алып апам кызылчага кетет. Анан келип кайра тарсылдатып үй оокатын кылып, тамагын жасап, күйөөсүн тосуп алып, балдарынын окуусун текшерип, айтор, бардык жумушка жетишер эле.
Үйбүлөдө 10 биртууганбыз. 3 эркек, 7 кыз. Мен апамдын эң кичүүсү, анан аябай эрке баласы болчумун. Апам кызылчага кеткенде мен эжелеримдин багуусунда калчумун. Алар бардыгын оюмдагыдай кылса да, кечке апам качан келет деп сагынып кетер элем. Анан жумуштан келе жатканда алдынан тосуп чуркап чыкчумун. Кийин кетменди кармаганга жарап калганда, мен дагы кызылчага апама жардам бергенге барчумун. Апам байкуш мени уктасын деп ойлойбу, айтор, ойготпой кетип калчу. Ойгонорум менен апам жок экенин көргөнүмдө ордумдан ыргып туруп, артынан жөнөп кетчүмүн. Кызыгы, апама жардам берип атам деген ойдон улам өзүмдү аябай чоң жигиттей сезип кетер элем. Апамдын жанында жатканды аябай жакшы көрчүмүн. 1-2-класска чейин коюнунда жатып жүрдүм.

Апакемдин мүнөзү...

Апамдын мүнөзү ачык-айрым, анан аябай шаңдуу эле. Той-тамашанын көркү болчу. Кээде мени конокко ээрчитип алчу. Ошондо апамдын ырдаганына сыймыктанып калар элем. “Элдин апалары ырдабайт. Менин апам ырдайт” деген балалык мактаныч бар эле. Көрсө, менин таятамдын улуту казак болгон тура. Казак эли адатта аябай шайыр, анан ырчы келишет эмеспи. Менин ырдап калганым дагы тайларым жактан болсо керек деп ойлоп калам.

Колунан көөрү төгүлгөн уз...

Апам кийиз, шырдак, төшөк, жер төшөктөрдү түрдөп жасачу. Азыр да ошолорду боёкко салып, аларга кандай оюуларды бастырып жатканы көз алдымда. Үйбүлө мүчөлөрү баарыбыз кийиз тепкилеп берчүбүз. Анан тим эле калың барпайган төшөктөрдү жасачу. Оронуп жатсаң тим эле ырахат аласың. Өкүнгөнүм апамдын ошол буюмдарынан азыраагы эле сакталып калды.

Апамдын каламасы...

Апамдын каламасы өмүр бою эсимде калат. Оттун табына кактап жасап берчү эле. Катыратып жесең ушундай сонун!
Азыр классташтарым менен жолугуп калсам алар да апамдын тамактарын эстеп калышат. Жоро-жолдош менен келип калсам бат эле тамагын даяр кыла салчу. Анан калса апам жөнөкөй тамактарды деле укмуштуудай даамдуу кылып жасачу.Картошканы да кыпкызыл кылып кууруп, палоону сонун кылып басып берер эле. Азыркылардын тили менен айтканда апам “супер кожейке” болчу.

Түшүмдө...

Апам каза болгонуна көп болду. Бирок эмнегедир түшүмө көп кирбейт. Угушума караганда арбактар түшкө кирбесе, демек, тукумуна ыраазы болгону экен. Баса, бир жолу түшүмө кирген. Кызыгы, таптаза, аппак көйнөк кийип алыптыр. Тим эле жапжаш, анан сулуу кези экен.

Атамдын үйүндө балам жашайт

Кыргыздарда үй кичүү эркек балага калат деп айтышат эмеспи. Азыр менин апам менен атам жашаган үйдө уулум Адил жашайт. Оңдоп, ремонттоп туруп киргизип койгом. Атай, Каныкей деген неберелерим бар. Ар ишемби, жекшемби сайын барып турабыз. Кетип баратып мордон чыккан түтүндү карап улуу адамдар “түтүн булатар тукумуң болсун” деп бекер айтышпаган тура деп ойлонуп кетем.


Шайыр Касымалиева:

“Апам назик жан”

Ар бир адамга эле өзүнүн апасы өзгөчө көрүнсө керек. Апам Гүлнара да менин көзүмө адамдан башкача мээримдүү сезилет. Ата-энем мен 11-12 жашымда эле ажырашып кетишкен. Атам Зарлык Касымалиев дагы таланттуу актёр. Апам дагы өз заманында аты чыккан актриса эле. Иним экөөбүздү апам жалгыз багып чоңойтту. “Эки баламды канаттууга кактырбайм, тумшуктууга чокутпайм” деп экинчи жолу турмушка чыккан жок.
Апамдын дагы бир курмандыгы биз үчүн актрисалыкты таштаганы болду. Колун караган эки бала болсо актриса болуу оңой эмес да. Эсимде апам бир учурда үч же төрт жумушта иштер эле. Ошондо да бизге кабагын бүркөп же катуу үн чыгарган жан эмес. Деги эле апамдын бир адам менен катуу урушканын көргөн эмесмин. Апама өзүм окшогонум менен мүнөзүбүз окшобосо керек деп ойлойм. Апам өтө назик, бирөөнүн көңүлүн калтырбаган жан. Таң калганым ушунчалык назик жандын темирдей бекем эрк менен эркектикиндей кайратка ээ экендиги. Ушундай менин алтын апам...

Үчөөбүз жыргап жылгаяк тээп...

Театрда иш аябай кеч бүтөт эмеспи. Апам жумушка кеткенде иним экөөбүз үйлөрдү жыйнап, кирлерди жууп, тамагыбызды жасап коюп кечинде апамды тоскону театрга барар элек. Анан үчөөбүз тим эле жыргап сүйлөшүп же болбосо жылгаяк тээп үйгө келчүбүз. Апам да бизге кошулуп алып жаш баладай ойноп кетчү. Негизи эле биз аябай эркин өстүк. Кичине чоңоюп калганда ар кандай кечелерге суранам. Апам мени аябай тиктеп туруп “ойлонуп көрчү, сага ошол нерсе аябай керекпи?” дечү. Туура келбеген нерсени кылып койгонубузду бакырайып карап койгону менен билдирчү.

Күндөлүгүм...

Кичинемден күндөлүк жазган адатым бар. Ошол кездеги күндөлүк­төрүмдү окуп, кийин аябай таңкалдым. Ошол тилектеримдин көпчүлүгү аткарылыптыр. Анан да күндөлүгүмө “Кудай, менин апам дүйнөдөгү эң жакшы апа. Ал бактылуу болушу керек. Апамды бактылуу кыла турган күйөө берип койчу” деп жазган экем. Аткарылбаган бир гана тилегим апамдын турмушка чыкпагандыгы. Менимче, өзүндө андай каалоо болбоду көрүнөт.

Аяныч...

Апамды иним экөөбүз аябай аячу элек. Колубузга тийген акчаларыбызды чогултуп туруп апамдын маянасына кошуп, базарга кийим алганы кетчүбүз. Анан иним Бакыт экөөбүз сүйлөшүп алып апам көрсөткөн кийимдерди калп эле жактырбамыш этип, апама жарашкан кийимдерди көргөзө берчүбүз. Апам болсо “өңү жаккан жок. Мага жарашпайт” дей берчү. Көрсө, апам өзү эмес, бизди кийинсин дечү экен.

Белектер...

Актриса болом десем апам каршы болду. Апамдын көңүлүн кыялбай мединститутка тапшырмай болдум. Ал кезде иштеп, анан стажы менен окууга киришчү. Мен лаборант болуп иштеп жүрүп биринчи жолу айлык алдым. Эсимде 75 рубль болчу. Апама берсем ушунчалык сүйүнгөн. Апама берген биринчи белегим ушул эле.
... Апам экөөбүз тең азыр театрда иштейбиз. Ойлонуп көрсөм Москвага окууга кеткен төрт жыл эле апамдан бөлөк жашаган экем.
... Апама азыр деле эркелейм. Ооруп калсам чуркап барып эт алып келип, шорпо жасап кирет. Мен ого бетер тайрактап “апа, муну жейм, тигини жейм” деп калам.
... Апам менин сынчым. Ар дайым сахнада ойноп жатканда карап турат. Кийин “бул жерин мындай ойнодуң. Тигинде бир кыймылды унутуп калдың” деп эскертет. Ойноп жатканда апамдын көз карашын далым менен сезип турам.

Нуржамал Жийдебаева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: