Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кылычбек Султанов, Социалдык өнүктүрүү министри:«КОРРУПЦИЯНЫ ЖОЮУГА АРАКЕТ ЖАСАЙМ»

№518 5-11-Октябрь, 2012-ж


Рубриканы баштаардын алдында мурунку жетекчибиз, азыркы Социалдык өнүктүрүү министри Кылычбек мырзага бир-эки суроо менен кайрылдык.

– Кылычбек Камчыевич, министр­лик кызматка келгенден бери арыктап кет­кениңиз көзгө дароо урунат экен. Жумуш оорбу?
(Күлүп) «Ата Мекен» сунуштаган министрлер жумушту биринчи орунга койгондуктан, ушинтип арыктап кетет окшойбуз. Буга ойдун-иштин көптүгү, убакыттын тардыгы себеп болсо керек. “Супер-Инфо” гезити жаңы чыга баштаган күндөрдү эске салды. Ошол кезде да чоң жоопкерчиликти моюнга жүктөп, ары түйшүктүү, ары узак сапарга аттанган элем.

– Министр катары эмнени биринчи колго алып, чечүүгө кириштиңиз?
– “Асаба”, кийинки “Агымдын” ээси маркум Мелис Эшимканов кыргыз тилдүү басылмалардын арасында өзгөчө нукту баштагандай эле, “Супер-Инфо” кыргызча басма сөз тармагында жаңы нук, жаңы багыттын кожоюну боло алды. 2000-жылдардын башында өз алдымча гезит ачып, алгачкы кадамдарымды таштап баштаганда «техникалык билими менен кантип гезитти жетектегени жатат?» деген суроолор болгон. Бирок 10 жылдан кийинки жыйынтык – эл сүйүп окуган “Супер-Инфонун” бүгүнкү ийгилиги, гезиттердин алдыңкы сабына чыга алгандыгы. Андыктан мүмкүнчүлүк берилсе, бул министр­ликте да алгылыктуу иштин жыйынтыгын көрсөткүм келет. Карапайым калк түрдүү бюрократиялык көрүнүштөрдөн арылып, өзүнө тиешелүү мамлекеттин жардамын алуусун жеңилдетүүнүн үстүнөн иштейм. Ар кандай жасалма бут тосууларды, коррупцияны жоюуга аракет жасайм. Буга байланыштуу биринчи кадам “Адистин кеңеши” рубрикасы аркылуу башталганы турат.

КАТ ЖАЗЫП, ЖООП АЛЫҢЫЗ
“Адистин кеңеши” рубрикасы аркылуу Социалдык өнүктүрүү министрлигине тиешелүү маселелер менен кайрылсаңыздар, жооп алып берерибизди жаздык эле. Андан бери Бишкектен баштап алыскы айылдын тургундарына чейин чалгандар арбын болду. Ар бир берилген суроого Социалдык камсыздоо департаментинин социалдык колдоо бөлүмүнүн башкы адиси НАЗГҮЛ ЧОЛУМОВА дыкаттык менен жооп берди.

"ЖӨЛӨКПУЛ КАЧАН КӨТӨРҮЛӨТ?"
Базаркул Исалиев,Кочкор району:
– 44 жаштагы кайнежем 1-топ­тогу майып. Айына 2400 сом жө­лөкпул алат. Жакын арада бул ка­те­го­рия­дагы адамдарга берилчү акча жогорулайбы?
– Социалдык өнүктүрүү министрлиги бала кезинен ден соолугунун мүмкүнчүлүгү чектелген, 18 жаштан жогору болгон жарандардын социалдык жөлөкпулунун өлчөмүн көбөйтүү боюнча токтом долбоорун иштеп чыккан. Ал долбоор учурда өкмөттүн кароосунда. Эгерде кабыл алынса, анда мындай жарандардын социалдык жөлөкпулдарынын өлчөмдөрү көтөрүлөт.

"КАРЫЛАР ПЕНСИЯСЫ МЕНЕН НЕБЕРЕЛЕРИН БАККАН ЗАМАН..."
Карымшак Мамытов,Кочкор району, Ак-Кыя айылы:
– Биздин айылдын жаштары дээрлик жумушсуз, үй-бүлө күтүшсө да, үстүндө үй-жайы жок. Көбү ата-энесинин эки бөлмөлүү тамына кирип, чогуу туруп, алардын пенсиясы менен күн өткөрүшөт. Карылардын өмүр бою тапкан эмгегин неберелери менен бөлүшүп жаткандыгы кейитет. Аларга жөлөкпул чыгарталы дешсе, чоң ата-чоң энесинин үйүнө шылташып, жөлөкпул берүүдөн баш тартышат. Мындайда кандай кылса болот?
– Үй-бүлөнүн жыйынды кирешесине үй-бүлөнүн бардык мүчөлөрүнүн кирешеси кирет. Балдары бар аз камсыз болгон үй-бүлөлөргө берилүүчү жөлөкпул үй- бүлөдө жашаган ар бир жан башына кепилденген эң төмөнкү киреше өлчөмүнөн, 370 сомдон ашпаган учурда дайындалат. Жөнөкөйлөтүп айтканда, бир үйдө сиз айткандай, жумушу жок аялы-күйөөсү бир баласы менен жашап, бирок чоң атасы менен чоң энеси биригип орточо 5000 сом алсын дейли. Аны беш кишиге бөлө келгенде, 1000 сомдон тиет. Демек 370 сомдон жогору, бул учурда жөлөк пул берилбейт.

"МАЙЫПМЫН, БАЛАМА СҮЙҮНЧҮ ПУЛ БЕРИЛЕБИ?"
Жолдошбек Жеңишов,
Нарын шаары:
– Мен 3-топтогу майыпмын. Социалдык жардам катары айына 1500 сом алам. 4 ай болуп калды, балалуу бол­гом. Аялым да иштебейт. Сүйүнчү пул­га барсак, “силерге берилбейт” деп коюшту. Алардын жообу мыйзамга ылайыкпы?
– Үй-бүлөнүн жыйынды кирешесине үй-бүлөнүн бардык мүчөлөрүнүн кирешелери кирет. Ал эми балдары бар, аз камсыз болгон үй-бүлөлөргө жөлөкпул дайындоодо майыптык боюнча социалдык жөлөкпул үй-бүлөнүн жыйынды кирешеси катары эсептелбейт.
Башкача айтканда, эгерде сизге 1500 сом Социалдык өнүктүрүү башкармалыгы тарабынан төлөнүп келсе, бул жөлөкпулдун өлчөмү кирешеге кирбейт. Мындай шартта үй-бүлөнүн кирешеси ар бир киши башына 370 сомдон төмөн болсо, азыркы учурда 1110 сом бир ирет жөлөкпул ала алат. Жөлөкпул бала туулган күндөн тартып 6 ай ичинде берилиши керек. Ал убакыттан ашып кетсе, жөлөкпул берилбейт.

"КАТТООМ ЖОК БОЛСО КАНТЕМ?"
Анара Бектурсунова,Москва району,
Беловодск айылы:
– Менин 8 балам бар. Өзүм Токто­гулдан көчүп келип, Садовое айылында таякелеримдин каттоосунда турам. Балдарыма жөлөкпул чыгартайын деп Беловодск айыл өкмөтүнө, Москва районуна кайрылдым. Бирок каттоом жоктугун айтышып, “берилбейт” деп жооп беришти. Эмне кылсам болот, жардам бере аласыздарбы?
– Алардын “берилбейт” деп кесе айтуусу туура эмес. Анткени жөлөкпул жашаган (катталган) жери жана иш жүзүндө жашаган (убактылуу катталган) жери боюнча берилет. Эгерде сиз Токтогул районунда катталып, бирок учурда Беловодск айылында жашасаңыз, убактылуу каттоого турушуңуз керек. Анын колдонуу мөөнөтү аяктаганга чейин жөлөкпулду азыр жашап жаткан жериңизден алууга болот. Ал үчүн райондук жана шаардык Калкты социалдык жактан коргоо башкармалыктарынан туруктуу катталган жериңиз боюнча ай сайын берилүүчү жө­лөкпулду албай тургандыгыңыз жө­нүндө кат менен документтерди тап­шырууңуз талап кылынат.

"БААТЫР ЭНЕНИН ОРДЕНИН КҮТҮП ЖАТАМ"
Жекшекан Төралиева,Кочкор району, Теңдик айылы:
– Өзүм 7 баланын энесимин, анан каза болуп калган бир аялдын 4 баласын багып алгам. Ушул жылдын март айында Баатыр эне болуу үчүн документтерди тапшыргам. Бирок жообу жок. Жардам бериңиздерчи?!
– Баатыр эне ордени менен сыйлоо жөнүндөгү расмий өтүнүч айылдык, райондук, шаардык, облустук, Бишкек жана Ош шаардык Кеңештери тарабынан сунушталат. Алар менен макулдашкандан кийин сыйлоо жөнүндөгү өтүнүчтү облустук мамлекеттик администрацияларга, ал эми Бишкек жана Ош шаардык Кеңештери жергиликтүү өз алдынча башкарууга – мэрияларга жиберет. Андыктан бул маселе боюнча жогоруда көрсөтүлгөн мекемелерге кайрылууну сунуштайм. «Баатыр эне» наамын берүү биздин милдетке кирбейт.

ЖОЛДОШУМ КАЗА БОЛУП КАЛДЫ, БАЛДАРЫМА КАНТИП ЖӨЛӨК ПУЛ ЧЫГАРАМ?
Элнура Козубекова,Кара-Балта шаары:
– 4 баланын энесимин, эң улуусу 12 жашта. Жолдошум каза болуп калгандыктан, балдарымды жалгыз тарбиялайм. Жакында эле 2 жашар кичүү кызым майыптардын тобуна кошулду. Өзүм батирде турам, баары эле кыйналып жашаганыбызды билишет. Бирок жөлөкпул чыгарта албай жүрөм. Кимге кайрылсам болот?
– Биринчиден, жолдошуңуздун пенсияга укугу (эмгек стажы) жок болгон болсо, ар бир балаңызга багуучусунан ажырагандыгы боюнча ай сайын социалдык жөлөкпул чектелет. Эгерде пенсияга укугу (эмгек стажы) бар болгон болсо, Социалдык фонд тарабынан ай сайын багуучусунан ажырагандыгы боюнча пенсия төлөнөт. Социалдык фонд – биздин министрликке карабаган өзүнчө мамлекеттик мекеме.
Багуучусунан ажыраган учурда кайтыш болгон күнүнөн баштап 12 айдын ичинде зарыл документтерди топтоп, туруктуу каттоодо турган жерге караштуу Социалдык өнүктүрүү башкармалыгына кайрылса, баккан адамы каза болгон күндөн тартып балдарына жөлөкпул дайындалат.
Эгерде бардык документтер кайтыш болгондон кийин 12 айдан ашкан мөөнөттө тапшырылса, кайрылган айдын биринчи күнүнөн тартып жөлөкпул дайындалат.
Бул социалдык жөлөкпул балдар 16 жаш куракка толгонго чейин, жалпы билим берүүчү мекемелердин окуучуларына – алар окууну аяктаганга чейин жана окутуу­нун күндүзгү формасындагы башталгыч кесиптик окуу жайлардын окуучуларына, орто жана жогорку кесиптик окуу жайлардын студенттерине – алар окууну аяктаганга чейин, бирок алар 23 жаш куракка толгонго чейин чектелет. Контракттык негизде окугандар үчүн жөлөкпул берилбейт.
Экинчиден, кичүү кызыңызга меди­ци­налык-социалдык эксперттик комиссиянын корутундусу керек. Ал берилгенден ки­йин Социалдык өнүктүрүү башкармалыгына кайрылыңыз. Кызыңызга да 3000 сом өлчөмүндө социалдык жөлөкпул чектелет.

"УНААҢАР БАР ЭКЕН ДЕП, ЖӨЛӨК ПУЛДУ КЫРКЫП САЛЫШТЫ..."
Жылдыз Алиева,Ат-Башы району, Баш-Кайыңды айылы:
– Февраль айында социалдык кыз­маткерлер күйөөм Ауди машина­сын сатып алганы үчүн буга чейин үч балама алып жаткан жөлөкпулду кыркып салышты. Бул туурабы? Ат-Башыда картошка­дан башка эч нерсе өспөйт, жолдор да жаман, кү­йөөмдүн тапканы унаанын тетигинен артпайт.
– Жөлөкпулду алууда үй-бүлөнүн муктаждык даражасы аныкталып, анда үй- бүлөгө тиешелүү узакка колдонулуучу товарлар эске алынат. Эгерде сиздердин узакка колдонулуучу бир жана андан көп товарларыңыз болсо, анда аз камсыз болгон үй-бүлө катарына кошулбайсыз жана жөлөкпул алууга укугуңуз жок.
Узакка колдонулуучу товарларга тө­мөн­кү­лөр кирет:

  • жеңил автоунаа;
  • айыл чарба техникасы (трактор, комбайн);
  • жүк ташуучу автоунаа.

Урматтуу окурмандар, сиздер өз суроолоруңуздар боюнча (0312) 32-33-22 телефон номери аркылуу кайрылып же politika@super.kg дарегине кат жөнөтсөңүздөр болот.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(19)
08.10.2012. 12:48 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
21-09-2017 13:32
Жынысы:
Белгисиз
0
Абдан жакшы башталыш! Албан ийгиликтер коштосун!
08.10.2012. 19:20 
Тайпасы:
Тартип бузгандар
Комментарийлердин саны:
68
Катталган:
01-04-2010
Соӊку аракети:
12-10-2017 09:32
Жынысы:
Белгисиз
Калаасы:
Санкт-Петербург
0
эххх жанын кейийт ар бир уй булоо мучосуно 400 сом коп деп аткан кыргызстанда ким жашайт анан ким элдин келечегине ким кам корот
08.10.2012. 19:22 
Тайпасы:
Тартип бузгандар
Комментарийлердин саны:
68
Катталган:
01-04-2010
Соӊку аракети:
12-10-2017 09:32
Жынысы:
Белгисиз
Калаасы:
Санкт-Петербург
0
Кылычбек Султанов жолок пулга супер инфонун 2-3ай откон эски сандарын бербесинчи айтып койун
09.10.2012. 10:26 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
16-11-2018 22:12
Жынысы:
Белгисиз
Калаасы:
SUPER.KG
0
анарбек, сизге азырынча эскертүү!
Сайтта такталбаган маалыматтарды жазууга, бирөөнүн дарегине айтылган негизсиз күнөөлөөлөргө, кимдир бирөөнү жамандаган, анын абийирине, кадыр-баркына терс таасирин тийгизген (шек келтирген) билдирүүлөрдү калтырууга тыюу салынат!
08.10.2012. 22:12 
Тайпасы:
Аким
Комментарийлердин саны:
5
Катталган:
12-03-2009
Соӊку аракети:
08-10-2012 22:19
Жынысы:
Белгисиз
0
Ким кайсыл жерде жөлөкпул ордуна гезит бергенин так жаза кетсеңиз. Маалыматыңыз жалаа же жалган болсо, мыйзам чегинде жана сайттын эрежелери боюнча да жоопко тартылышыңыз мүмкүн экенин унутпаңыз.
08.10.2012. 22:51 
Тайпасы:
Тартип бузгандар
Комментарийлердин саны:
68
Катталган:
01-04-2010
Соӊку аракети:
12-10-2017 09:32
Жынысы:
Белгисиз
Калаасы:
Санкт-Петербург
+1
озгондун болшевик айылында алчубуз,Сизди бердирет деген оюм жок болгону ошондой кылган ортомчулар барда
08.10.2012. 22:52 
Тайпасы:
Тартип бузгандар
Комментарийлердин саны:
68
Катталган:
01-04-2010
Соӊку аракети:
12-10-2017 09:32
Жынысы:
Белгисиз
Калаасы:
Санкт-Петербург
+1
конул бурганыныз учун чооон рахмат дайым эл менен ушундай байланышта болушунузду каалайбыз
09.10.2012. 06:38 
Тайпасы:
Кыймылы жок
Комментарийлердин саны:
14
Катталган:
28-09-2012
Соӊку аракети:
09-11-2012 15:57
Жынысы:
Белгисиз
+1
Жолук пул жолдуулардын гана чонтогуно тушот,карапайым елге жок пул тушот.Кыргызстан корупциянын атасы!
09.10.2012. 15:27 
Тайпасы:
Жаран
Комментарийлердин саны:
29
Катталган:
03-04-2012
Соӊку аракети:
16-11-2018 16:25
Жынысы:
Белгисиз
0
Кылычбек байкеге мен чон ишенич артам, бул ведомствону жакшы жонго салат деп, ишинизге ийгилик каалайм!!!
10.10.2012. 15:58 
Тайпасы:
Жаран
Комментарийлердин саны:
77
Катталган:
17-04-2012
Соӊку аракети:
14-11-2018 08:02
Жынысы:
Белгисиз
Калаасы:
Jalalabat.
0
Кылычбек акебиздин аты айтып тургандай кылычда баарын оз нугуна салат болуш керек. Ийгилик сизге.
11.10.2012. 02:26 
Тайпасы:
Жаран
Комментарийлердин саны:
40
Катталган:
25-09-2012
Соӊку аракети:
04-05-2018 10:29
Жынысы:
Белгисиз
Калаасы:
Бишкек
0
Байкеге албан-албан ийгиликтерди каалайм!!"маалыматты билген дуйнону башкарат"-дегендей))))
12.10.2012. 17:50 
Тайпасы:
Жаран
Комментарийлердин саны:
9
Катталган:
08-10-2012
Соӊку аракети:
17-07-2018 15:14
Жынысы:
Белгисиз
0
Кылычбек байке ишинизге ийгилик!ишиниз дайым актай болсун!
13.10.2012. 08:29 
Тайпасы:
Жаран
Комментарийлердин саны:
115
Катталган:
26-10-2011
Соӊку аракети:
23-09-2018 18:00
Жынысы:
Белгисиз
0
КОРРУПЦИЯНЫ жоём дегендердин копчулугун эл билет эмне курук гана убадалар. Чарчап буттук го куто берип
13.10.2012. 11:05 
Тайпасы:
Тартип бузгандар
Комментарийлердин саны:
226
Катталган:
12-10-2012
Соӊку аракети:
17-11-2016 13:04
Жынысы:
Белгисиз
0
Azamatsyz Kylych baike!
13.10.2012. 14:29 
Тайпасы:
Жаран
Комментарийлердин саны:
43
Катталган:
17-07-2012
Соӊку аракети:
21-11-2017 22:15
Жынысы:
Белгисиз
0
кылыч байке ойлогон ойунуз ишке ашсын кыргыз элиме сиздей жигит керек болуп турат.
14.10.2012. 21:41 
Тайпасы:
Жаран
Комментарийлердин саны:
31
Катталган:
19-05-2009
Соӊку аракети:
17-11-2018 10:59
Жынысы:
Белгисиз
Калаасы:
Биша
0
Кылыч байке ишинизге ийгилик.......Бир суроо туулду да менде, эгер Кылычбек байке туура эмес иш кылса Супер инфо ошону гезитее жазып чыгаралабы жее карга карганын козун чукубайт болобу? :))
19.10.2012. 20:39 
Тайпасы:
Кыймылы жок
Комментарийлердин саны:
2
Катталган:
30-07-2010
Соӊку аракети:
02-01-2015 10:03
Жынысы:
Белгисиз
0
ишти чечкиндуу баштаганын абдан жакшы, ушул калыптан жазбай иштесен мыкты адис болосун. албетте, саясаттын шайтан оюнунан алыс болуш керек антпесен баштагы министрлерден айырман жок жеп-ичкендерден болосун. Эмесе ишине ийгилик , ден соолук каалайм
19.10.2012. 20:43 
Тайпасы:
Кыймылы жок
Комментарийлердин саны:
2
Катталган:
30-07-2010
Соӊку аракети:
02-01-2015 10:03
Жынысы:
Белгисиз
0
элмира
Кыргыз элинин чыныгы жигити деген наам буюрсун! инин илгерилей берсин, Кылыч мырза
08.11.2012. 23:13 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
0
Единовременный 1110 сом элеби мынча аз ал эмнесине жетет?1 коляска да алалбайсынго.Ошон учун кыргыздар Россиянын жараны болгула бул жакта бала торолсо суйунчу акча 12000р толонот.анан ай сайын 3000 р толойт 1-балага.Ал эми 2-бала торолсо 6000р ай сайын аласынар.Андан сырткары материнский капитал берет 387650р. Зато балдарга ошол окмоттун акчасы жетет.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: