МЕККЕДЕ ЗЫЯРАТЧЫ КАЗА ТАПТЫ...

Бишкекте 7 жашар кызды зордуктап кармалган 36 жаштагы Акбаржан Масимов 20 жылга эркинен ажыратылды.
17-октябрда 21 миң сом пара алып жаткан жеринен Кыргыз улуттук университетинин окутуучусу кармалды.
Президент Алмазбек Атамбаевдин жарлыгы менен 40 адам Кыргызстандын жарандыгын алышты. Алардын көбү түрдүү өлкөлөрдө жашаган этникалык кыргыздар.
Кызматынан кыянаттык менен пайдаланган деген шек менен 13-октябрда мурдагы Мамлекеттик мүлк министри Турсун Турдумамбетов жана анын орун басары Алмасбек Иманалиев кармалып, Мүлк министри 2 айга камакка алынды.
Былтыркы жылга караганда 2012-жылы ЖОЖдорго абитуриенттер 30 пайызга аз тапшырышты. Бул жалпы республикалык тесттин сөзсүз түрдө киргизилгендигине байланыштуу.
18-октябрда “Ата Мекен” фракциясынын депутаты Райкан Төлөгөновдун жардамчысы Нурлан Асанов кармалды. Ага 171-берене (мамлекеттин карамагындагы мүлктү өздөштүрүү жана жок кылуу) боюнча кылмыш иши козголду.
Ош шаарында 17-октябрь күнү Кыргыз Эл сүрөтчүсү Гапар Айтиевдин 100 жылдык мааракеси белгиленип, көргөзмөгө 44 сүрөт коюлду.
Курман айт быйыл 26-октябрда белгиленет. Бул туурасында Кыргызстан мусулмандар дин башкармалыгынан билдиришти.
Өзбекстандын күч органдары тарабынан издөөдө жүргөн «Түркистан Ислам кыймылынын» активдүү мүчөсү КРнын УКМКсы тарабынан колго түшүрүлдү.
Орусия Кыргызстанга кийинки жылы салыксыз 1 миллион 150 миң тонна күйүүчү май берет.
Меккеде зыяратта жүргөн Баткен облусунун тургуну каза болуп, туугандарынын уруксаты менен Мединада жерге берилди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

balia

2012-10-22 17:56:16

Ай кандай бактылуу адам меккеде каза болду аллам зыяратыны кабыл кылган болсун бейишке кирсин ылайым!

Rostov-on-Don

2012-10-23 20:47:03

21 миң сом пара алып жаткан жеринен Кыргыз улуттук университетинин окутуучусунун аты жону жок бекен?

sultan.kg

2012-10-24 23:24:39

balia эмнеге ал бактылуу адам? Адам меккеде өлсө эле бактылуу болобу?

Комментарий калтыруу үчүн өз ысымыңыз менен кириңиз же каттоодон өтүңүз.

№ 520, 19-25-Октябрь, 2012-ж