ӨРТ КЫРСЫКТАРЫ КӨП КАТТАЛУУДА

Нарында аба ырайынын төмөндөшү менен көпчүлүк жарандар турак үйлөрдө электр жылыткычтарын колдоно башташты. Кээде өрт коопсуздугу сакталбай, өрттүн келип чыгышына себеп болууда. Нарын шаарындагы РТС чөлкөмүнүн Самансур көчөсүндөгү №42-үйдүн тургуну нан бышыргычты үй жылытуу максатында электр булагына туташтырып коюп кароосуз калтыргандыктан, өрт келип чыккан. Натыйжада үйдүн ээси материалдык чыгымга учураган.
Ушундай кырсык Нарын шаарындагы Мырзабеков көчөсүнүн №12-үйүндө да катталган. Электр зымынын кыска чыңалуусунан өрт чыгып, 47 100 сомдук материалдык чыгымга алып келген. 16-октябрь күнү Нарын районуна караштуу Чет-Нура айылынын С.Өмүралиев көчөсүндөгү №12-үйдүн короосунда жыйылып турган 7 машина чөп өрттөнүп кеткен.
Нарын облустук Өрткө каршы мамлекеттик кызмат бөлүмү жашоочуларга кыш ичи мына ушундай өрт кырсыктарынан сак болууну жана коопсуздук эрежелерин сактай жүрүүнү эскертет.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 521, 26-Октябрь-1-Ноябрь, 2012-ж