Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УЛАН МОЛДОДОСОВ

№200 1-7-сентябрь, 2006-ж.


– Улан, спорттун бул түрүнө кандайча кызыгып калдың эле?
– Менин атам Өмүржан Молдодосов – белгилүү спорт чебери, машыктыруучу. Ал окуучу кезинде китепканадан кокусунан штанга көтөрүүнүн техникасы тууралуу китеп таап алыптыр. Анан ошол китепти окуп, өзүнчө эле машыгып, спорттун бул түрүн өздөштүрө баштаптыр. Атамды көрүп жүрүп эки иниси да машыгышып, талыкпаган аракеттин артында үчөө тең спорт чебери болуп чыгышкан. Анан биз жөн турабызбы?! Мен, эки иним да спортко, анын ичинде штангага кызыгып чоңойдук.
Ата-энем жана бир туугандарым шаарда турчу, мен чоң атамдын колунда Токтогулда чоңойдум. Эсимде, мен 5-6-класстарда окуп жүргөнүмдө айылга Эсен Майназаров деген машыктыруучу барып калды. Алда качан керектен чыккан бир имаратты сурап алып, өзү шыпырып-тазалап, спортко шыгы бар балдарды ошол жерде оор атлетика боюнча машыктыра баштаган. Алардын арасында мен да бар болчумун. Тандап-тандап отуруп өзгөчө таланты байкалган 5-6 баланы Бишкекке жөнөттү. Анда мен 8-класста окучумун. Ошентип, бул жакка Крупская атындагы спорт мектебине келип окуп калдык.

– Мелдешке алгачкы жолу канча жашыңда катыштың эле?
– 14 жашта болчумун. Бир күнү үйгө почта аркылуу конверт келди. Ачсак, мени СССР боюнча өспүрүм­дөр арасындагы мелдешке чакырган атайын чакыруу кагазы экен. Ошондо Беларусияга барганбыз. Даярдыксыз барганмынбы, негедир орун алган эмесмин, ошентсе да ошол биринчи жолку сапарым мага ушунчалык чоң кубанычты тартуулаган.

– Сенин ар бир ийгилигиңе атаңдын чоң салымы болсо керек?
– Кичине кезимде атамдын мага атайын көңүл бурганга убактысы да жок болчу. Анткени, ал чоң балдарды машыктырчу. Жумушка кетип баратканда көбүнчө мен дагы машинасына чыгып алчумун да, чоң балдардын машыккандарын көрүп өзүм эле кызыгып кеттим. Атам мага азыр деле моралдык гана колдоо көрсөтөт. Кандай мелдешке барбайын, атам мени менен чогуу барат.

– Орун албай калсаң жемелеген учурлары болобу?
– Жемелебейт, бирок, таарынып калат. 2003-жылы Италияга Дүйнөлүк универсиадага жөнөп калдык. Атам: "Балам, аракет кыл, биринчиликке мүмкүн­чүлүк бар" деди. Бирок, атамдын тилегин таш каап ал жактан 3-орунга илинип калдым. Ошондо атам эч нерсе деген эмес, бирок, үч күн мага сүйлөбөй койгон. Поездде бири-бирибизди тиктешип эле келгенибиз болбосо, сүйлөшкөн эмеспиз.

– Жеңиш менен келгениңде апаң кандай тосуп алат?
– Бизге көнү­мүш болуп калган. Кимибиз келсек да апам: "Келдиңби? Тамагыңды ич" деп коёт, болду. Ийгиликке жетишсек сүйүн­үп, жетишпей кал­сак күйүнүү деген нерсе биздин үйбүлөдө жок. Төбөң көккө жетип сүйүнгөнүң менен эки айдан кийин эле кайра мелдеш. Андан орун албай калсаң эмне болот?

– Мурда көтөрүп эле жүргөн штангаңды аренага чыкканда көтөрө албай калган учурларың болгонбу?
– Албетте. Андай учурлар көп болот. Бул ошол учурдагы абалыңдан көз каранды. Жакшы уктабай калсаң же туура эмес тамактанып алсаң эле күндө көтөрүп жүргөн штангаңды көтөрө албай каласың.

– Талаптагыдай тамактаныш үчүн кандай азыктарды колдонуу керек?
– Күчтүү тамактарды жеш керек. Мисалы, казы-карта, чучук. Менин шкафымдан бал, жер жаңгак, шоколад, кофе сыяктуу азыктар үзүлбөйт. Биз акчабыздын дээрлик баарын эле тамак-ашка коротобуз.

– Эң көп гонарар алганың качан болгон?
– Исламдык оюндардын жеңүүчүсү болуп келгенимде мамлекет тарабынан былтыркы жылы беш миң долларга ээ болгом.

– Дүйнөнүн канча өлкөсүнө баргансың?
– Дээрлик бардык эле жеринде болдум. Жада калса Мекеге чейин бардым. Анда ташка сыйынып, ажы болуп келүү­гө үлгүрдүм.

– Силердин машыгуу тартибиңер кандай?
– Таза аба, эч ким жок тоонун койнунда ижарага алган атайын коттеджибиз бар. Биз он чакты бала ошол жакта жашап, ошол жакта машыгабыз. Ал жакка кеткенибиздин себеби, шаарда ызы-чуу, эл көп. Бизге жада калса кыздарга көз артып, аларды көп караганга болбойт. Анткени, кыздарды көп карасаң, энергияң кетет.

– Анда сүйүү жагын кантесиңер?
– Спортсменге албетте, сүйүүгө тыюу салынган эмес. Ал ар бир адамдын жүрөгү­нө байланыштуу. Мисалы, менин деле сүйгөнүм бар.

– Ал сенин кесибиңе кандай карайт?
– Ал баарын түшүнөт. Экөөбүз бир жумада же эки жумада бир жолугуп турабыз.

– Качан үйлөнөйүн деген оюң бар?
– Мен спорттон кеткенимде үйлө­нөм го. Спорттон болсо эки жылдан кийин кетем деген оюм бар.

– Спорттон кеткенден кийин эмне жумуш кыласың?
– Менин инженерлик деле кесибим бар. Бирок, спорт­тон такыр эле башка чөй­рө­­гө кетип калгым келбейт. Андыктан, спорттон кеткенден кийин жок эле дегенде атамдай болуп машыктыруучу болсом деген тилегим бар.

– Токтогулдуктардын ырдай албаганы жок дешет. Сен да ырдайсыңбы?
– Туура, токтогулдуктар таланттуу келишет. Бир жолу шаардан бир концерт барып калса, көрүүчүлөрдөн бирөө чыга калып келген ырчыга: "Кач, сен ырдай албайт экенсиң, бери кел, сен ырда" деп өздөрүнөн бирөөнү ырдатып койгонун лакап кылып айтып жүрүшөт. Ырчылардын деле көбү менен таанышмын. Сыймык байкелерибиз болуп кетет, Бек байкенин болсо бир тууган карындашына менин бир тууган иним Кутман үйлөнгөн. Ушулардын баарына карабай, менин эмнегедир ырга шыгым жок экен. Бирок, концерттерге барып турам. Акыркы жолу апам менен Динара Акулованын концертине баргам. Азыркы ырчылардан болсо Мирбек Атабековдун бир ыры жагат.

ЖАРАТКАН ИЙГИЛИКТЕРИ:

1997-жыл. Кытай. Азия чемпионаты, коло медаль.
2002-жыл. Тайланд. Азия кубогунун жеңүүчүсү.
2003-жыл. Кытай. Азия чемпионаты, коло медаль.
2003-жыл. Италия. Дүйнөлүк универсиаданын коло медалы.
2004-жыл. Америка. Студенттер арасындагы дүйнөлүк чемпионаттын жеңүүчүсү.
2004-жыл. Олимпиада оюндарынын катышуучусу. 10-орун.
2005-жыл. Сауд Аравиясы. Исламдык оюндардын жеңүүчүсү.
2005-жыл. Дубай. Азия чемпиону.
2006-жыл. Ташкент. Азия кубогунун жеңүүчүсү.

КӨРСӨТКҮЧҮ:

Жулкуп көтөргөнү – 160 килограмм
Түртүп көтөргөнү – 200 килограмм

Маектешкен Азиза Сатимбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: