Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАРЫХКА БАЙ, СЫРГА БЕКЕМ КЫТАЙ

№522 2-Ноябрь-8-Ноябрь, 2012-ж


(Башталышы өткөн сандарда)

ПЕКИН...
Ушул жылдын жай айында ШКУ программасы өткөргөн иш-чарага катышуу үчүн Жаштар, эмгек жана жумушка орноштуруу министрлиги менен биргеликте Кыргызстандын жаштарынын атынан Кытай жергесине барган элек.
Сапар баянымды эмнеден баштаарымды ойлонуп отуруп, эң эсимде калган окуядан баштайын дедим. Расмий жолугушуу аяктап калганда кытайлар «Тыюу салынган шаарга алып барабыз» деп калышты. Аталышынан улам мен ойлоптурмун, эч кимдин буту баспаган шаарга алып барат деп. Автобустан түшөрүбүз менен эл жык-жыйма толгон аянтчага келгенибизди байкадым. Автобус демекчи, Пекинде 2 кабаттуу автобустар көп. Калктын санына байланыштуу жолдун эки жээгинде атайын велосипедчендер, жөөлөр жана арабачандар үчүн жол салынган. Тыгында көп турганча 2 кишилик арабаны адам сүйрөп алып кыдыңдай жүгүрүп тез эле жеткирип коёт. Андыктан араба менен жүрүү ыңгайлуу.
Аталган шаарда эл жык-жыйма.Жергиликтүү эли да көп экен. 5-6 жаштагы балдарын ээрчитип тарыхый жерлерди көрсөтүп, аки-чүкүсүнөн бери айтып берип жүргөн ата-энелерди көрүп таң калдым. Биз да балдарыбызды ушинтип элинин тарыхына, маданиятына кызыкдар кылып тарбияласак кана... Тыюу салынган шаар – 24 император жашаган резиденция Франциядагы Версаль сарайынан кем калышпаган сөөлөттө курулган. Карапайым калк бул капкалуу шаарга жоломок тургай алыс өтчү дешет. Эгерде кокус кирип калса баштары алынгандыктан, шаар ушундай аталып калганын эшиттик.
Дүйнөдөгү табышмактуу сарайлардын бири 15 жыл бою курулуп, 9999 бөлмөдөн турат. Ээрчитип бара жаткан гид сарай архитектордун түшүнө кирип, император Чжу Динин буйругу менен салынганын айтып берди. 1925-жылы акыркы император Пу Йи өз эрки менен сарайдан чыгып кетип, ичине жөнөкөй элдин кирүүсүнө уруксат берилип, тарыхый жайга айланган. Кооз, кенен, табышмактуу... Сарайды ичимден ушундай сыпаттадым. Акыркы кооз бакчага келгенибизде гид бул жерде императорлордун аялдары, күңдөрү сейилдеген бак экенин айтты.
Кесибибизге жакын деп кийинки күнү 1-2 журналист Пекиндеги «Жаштар» аттуу гезитке жөнөдүк. «Күн сайын чыккан гезиттин нускасы 100 миң, жумалык нускабыз сыр» дешти кесиптештерим.
Андан соң атактуу Улуу Кытай сепилине багыт алдык. Кырка тоолорго улай салынган сепилдин баш-аягына чыга ала тургандай эмеспиз. Мурунку убакта сепилдин терезелеринде замбиректер орнотулуп, терезе сымал тешикчелерден жаа менен атып жоонун үшүн алып турушчу экен.
Арабыздагылар «Манас атабыз ушул сепилге чейин кытайларды кууп келип, жеңген экен» деп кеп кылып калышты. «Ооба, биздин калк көчмөн элдерден коргонуу үчүн сепил курган» деди гид биздин эмне тууралуу сүйлөшүп жатканыбызды байкагандай. Учу-кыйыры көрүнбөгөн сепилди айланып чыгуу мүмкүн эмес эле, артка кайттык.
Шаар кыдырып жүрүп «Жибек базары» аталган базарга туш келдик. Тобо, башка жерден же орусча, же англисче пикир алыша албаган жаныбыз базарга барып дээрлик баары орусча сүйлөй алышарына күбө болдук. Ошентип, Пекинге болгон сапарыбыз карып, Үрүмчү шаарына жол алдык.

ҮРҮМЧҮ...
Үрүмчү шаарына келгенде «өх» дей түштүк. Пекинде кыйналган жаныбыз бизге жакын манты, оромо, палоону тамшана жеп калдык. Үрүмчү – жаңыдан өнүгүп келе жаткан шаар. Жел менен иштеген электр станциялары бизге өзгөчө көрүнүп жатты. Кытайлар «башка элге сырыңды айтпа» деген эреже менен жашашат эмеспи. Ийгиликтүү иштеп жаткан заводдоруна же бир өзгөчө жерлерине келгенде суроо берсек, «бул сыр, айтылбайт» деп кутулуп жатышты. Кээде ушинтип сырды да жашыра билиш керек окшойт...
Эртеси биздин делегацияны кытайлык казактар конокко чакырып, тоо бооруна жөнөдүк. Кытайлык кыргыздар жашаган жайларды көрүп, таанышып келүүгө жердин алыстыгынан улам мүмкүнчүлүк болбоду. Ошентсе да биздин оюндарга окшош болгон казактардын кыз куумай, ат чабыш оюндарына күбө болдук. Майрам соңунда биздин Ильяз Абдыразаковдун казакчага которулган «Жаным айы» кулагыбызды сүйүнттү.

ТУРПАН...
Турпан шаары – Кытайдагы эң ысык өрөөндөн орун алган. Жергиликтүү эл коон, дарбыз, жүзүм жана башка жашылча, жемиштерди өстүрүү менен жан багат. Баарынан да жүзүмзары укмуш. Турпандагы үйлөр бизди таң калтырды. Ысыкта үйдө жатып уктоо мүмкүн эмес болгондуктан, үйдүн төбөсүнө керебеттерин чыгарып коюп, ошол жакта укташат.
Кетер күн да кирип келди. Омардын «Кыргызстаным» аттуу ырын шаңдуу аткарып, арабыздагы таланттуу айымдар «Нарындан жазган салам кат» менен атактуу «Эсимдени» созгондо зал термелип эле калды. Ошентип, «Кытайда жакшы, бирок Кыргызстанда андан да жакшы» деп мекенибизге кайттык.

Бишкек–Үрүмчү–Пекин–Бишкек
Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
07.11.2012. 23:54 
Тайпасы:
Кыймылы жок
Комментарийлердин саны:
46
Катталган:
09-04-2011
Соӊку аракети:
05-12-2013 00:56
Жынысы:
Белгисиз
Калаасы:
Ош шаары
+1
ой я тоже хочу.
12.11.2012. 08:57 
Тайпасы:
Кыймылы жок
Комментарийлердин саны:
78
Катталган:
10-11-2012
Соӊку аракети:
20-06-2014 10:39
Жынысы:
Белгисиз
Калаасы:
Ош
+1
Кытай-конушубуз эле го,каалагандардын баарына,ошол жерлерди коруп келуусуно шарт он келип,ишке ашышына тилектешмин.
23.01.2013. 02:58 
Тайпасы:
Жаран
Комментарийлердин саны:
100
Катталган:
03-06-2010
Соӊку аракети:
08-09-2018 12:20
Жынысы:
Белгисиз
Калаасы:
Бишкек
0
Ошол чеп Кыргыздардан сакта деп курулган! Бул маалыматты тарых далилдеп койгон!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: